ಅದಾನಿಗೆ ಸೇರಿದ 6 ಕಂಪೆನಿಗಳಿಗೆ ಸೆಬಿಯಿಂದ ಶೋಕಾಸ್‌ ನೋಟಿಸ್‌! ಉದ್ಯಮಿಗೆ ಮತ್ತೆ ಸಂಕಷ್ಟ

ನವದೆಹಲಿ, ಮೇ 3: ಸೆಕ್ಯುರಿಟೀಸ್ ಅಂಡ್ ಎಕ್ಸ್ಚೇಂಜ್ ಬೋರ್ಡ್ ಆಫ್ ಇಂಡಿಯಾ (ಸೆಬಿ) ಆರು ಅದಾನಿ ಗ್ರೂಪ್ (Gautam Adani) ಸಂಸ್ಥೆಗಳಿಗೆ ನೋಟಿಸ್ ನೀಡಿದೆ. ಅದಾನಿ ಎಂಟರ್‌ಪ್ರೈಸಸ್, ಅದಾನಿ ಪೋರ್ಟ್ಸ್ ಮತ್ತು ವಿಶೇಷ ಆರ್ಥಿಕ ವಲಯ, ಅದಾನಿ ಪವರ್, ಅದಾನಿ ಎನರ್ಜಿ ಸೊಲ್ಯೂಷನ್ಸ್, ಅದಾನಿ ವಿಲ್ಮಾರ್ ಮತ್ತು ಅದಾನಿ ಟೋಟಲ್ ಗ್ಯಾಸ್‌ಗೆ ನೋಟಿಸ್‌ಗಳನ್ನು ಕಳುಹಿಸಲಾಗಿದೆ.

ಮಾರುಕಟ್ಟೆ ನಿಯಂತ್ರಕ ಸಂಸ್ಥೆ ಸೆಬಿಯು ಅದಾನಿ ಕಂಪನಿಗಳಿಗೆ ವಹಿವಾಟುಗಳ ಉಲ್ಲಂಘನೆ, ನಿಯಮಗಳನ್ನು ಅನುಸರಿಸದಿರುವುದು ಮತ್ತು ಈ ಹಿಂದೆ ಆಡಿಟರ್ ಪ್ರಮಾಣಪತ್ರಗಳ ಸಿಂಧುತ್ವಕ್ಕೆ ಸಂಬಂಧಿಸಿದಂತೆ ನೋಟಿಸ್‌ಗಳನ್ನು ಕಳುಹಿಸಿದೆ. ಮೇ 2 ರಂದು ಅದಾನಿ ಎಂಟರ್‌ಪ್ರೈಸಸ್ 2023-24 ರ ಕೊನೆಯ ತ್ರೈಮಾಸಿಕದಲ್ಲಿ ಎರಡು ನೋಟಿಸ್‌ಗಳನ್ನು ಸ್ವೀಕರಿಸಿರುವುದನ್ನು ದೃಢಪಡಿಸಿತು.

ಅದಾನಿ ಪೋರ್ಟ್ಸ್ ಮತ್ತು ಎಸ್‌ಇಝಡ್‌, "ಕಂಪನಿಯು ಅಗತ್ಯವಾದ ಅನುಮೋದನೆಗಳನ್ನು ಪಡೆದಿಲ್ಲ ಮತ್ತು ಹಣಕಾಸಿನ ಹೇಳಿಕೆಗಳು / ವಾರ್ಷಿಕ ವರದಿಯಲ್ಲಿ ಅಗತ್ಯ ಬಹಿರಂಗ ಮಾಡಿಲ್ಲ. ಮುಕ್ತಾಯಗೊಂಡ ಒಪ್ಪಂದಗಳ ವಿರುದ್ಧ ಭದ್ರತಾ ಠೇವಣಿಗಳನ್ನು ಮರುಪಡೆಯದೆ, ಕಂಪನಿಯ ಪ್ರಮುಖ ವ್ಯವಹಾರ ಉದ್ದೇಶಗಳಿಗಾಗಿ ಹಣವನ್ನು ಬಳಸದೆ ಮತ್ತು ಕಂಪನಿಯ ನೀತಿ ಸಂಹಿತೆಯನ್ನು ಅನುಸರಿಸುವುದಿಲ್ಲ ಎಂಬ ಆರೋಪಗಳಿವೆ.

ಅದಾನಿ ಎಂಟರ್‌ಪ್ರೈಸಸ್ ಮತ್ತು ಅದಾನಿ ಪೋರ್ಟ್ಸ್ ತಮ್ಮ ನಾಲ್ಕನೇ ತ್ರೈಮಾಸಿಕ 2024 ಫಲಿತಾಂಶಗಳನ್ನು ಮೇ 2ರಂದು ಘೋಷಿಸಿತು. ಅದಾನಿ ಗ್ರೂಪ್‌ನ ಪ್ರಮುಖ ಕಂಪನಿ, ಅದಾನಿ ಎಂಟರ್‌ಪ್ರೈಸಸ್ ಲಿಮಿಟೆಡ್, ಹಣಕಾಸು ವರ್ಷದ ಕೊನೆಯ ತ್ರೈಮಾಸಿಕದಲ್ಲಿ 37 ಶೇಕಡಾ ಕುಸಿತವನ್ನು ಕಂಡಿದೆ. ಅದಾನಿ ಎಂಟರ್‌ಪ್ರೈಸಸ್‌ನ ಏಕೀಕೃತ ನಿವ್ವಳ ಲಾಭವು 450.58 ಕೋಟಿ ರೂ.ಗಳಷ್ಟಿದ್ದರೆ, ನಾಲ್ಕನೇ ತ್ರೈಮಾಸಿಕದಲ್ಲಿ ಇಬಿಐಟಿಡಿಎ (ಬಡ್ಡಿ, ತೆರಿಗೆಗಳು, ಸವಕಳಿ ಮತ್ತು ಭೋಗ್ಯಕ್ಕೆ ಮುಂಚಿನ ಗಳಿಕೆ) 8 ರಷ್ಟು ಕುಸಿತ ಅಂದರೆ 3,646 ಕೋಟಿ ನಷ್ಟ ಕಂಡಿದೆ.

ಆದರೆ "ಅದಾನಿ ಎಂಟರ್‌ಪ್ರೈಸಸ್ ಮತ್ತೊಮ್ಮೆ ತನ್ನ ಸ್ಥಾನವನ್ನು ಭಾರತದಲ್ಲಿನ ಪ್ರಮುಖ ವ್ಯಾಪಾರ ಇನ್ಕ್ಯುಬೇಟರ್ ಆಗಿ ಮಾತ್ರವಲ್ಲದೆ ಮೂಲಸೌಕರ್ಯ ಅಭಿವೃದ್ಧಿಯಲ್ಲಿ ಜಾಗತಿಕ ನಾಯಕನಾಗಿಯೂ ಮಾನ್ಯ ಮಾಡಿದೆ" ಎಂದು ಅದಾನಿ ಗ್ರೂಪ್‌ನ ಅಧ್ಯಕ್ಷ ಗೌತಮ್ ಅದಾನಿ ಹೇಳಿದ್ದಾರೆ.

ಅದಾನಿ ಪೋರ್ಟ್ಸ್ ನಿವ್ವಳ ಲಾಭ ಶೇ. 77ರಷ್ಟು ಜಿಗಿದು 2,014.77 ಕೋಟಿ ರೂ.ಗೆ ತಲುಪಿದೆ ಎಂದು ಕಂಪನಿ ತನ್ನ ತ್ರೈಮಾಸಿಕ ಫಲಿತಾಂಶದಲ್ಲಿ ತಿಳಿಸಿದೆ. ಕಂಪನಿಯು 2024 ರ ನಾಲ್ಕನೇ ತ್ರೈಮಾಸಿಕದಲ್ಲಿ 7,199.94 ಕೋಟಿ ರೂ.ಗಳ ಒಟ್ಟು ಆದಾಯವನ್ನು ಗಳಿಸಿದೆ. ಹಿಂದಿನ ವರ್ಷದ ಅವಧಿಯಲ್ಲಿ 6,178.35 ಕೋಟಿ ರೂ. ಆಗಿತ್ತು. ಇದರ ಒಟ್ಟು ವೆಚ್ಚ 4,450.52 ಕೋಟಿ ರೂ. ಆಗಿದೆ.

APSEZ ನಿರ್ದೇಶಕ ಮತ್ತು ಸಿಇಒ ಅಶ್ವನಿ ಗುಪ್ತಾ ಅವರು, "ಎಪಿಎಸ್‌ಇಝ್ ಸರಕು, ಆದಾಯ ಮತ್ತು ಇಬಿಐಟಿಡಿಎ ಮೇಲೆ ಹಣಕಾಸು ವರ್ಷದ ಆರಂಭದಲ್ಲಿ ಒದಗಿಸಿದ ಮಾರ್ಗದರ್ಶನದ ಮೇಲಿನ ಅಂತ್ಯವನ್ನು ಶೇಕಡಾ 6-8 ರಷ್ಟು ಮೀರಿಸಿದೆ.