ಸ್ಕೋಡಾದ ಲಿಮಿಟೆಡ್ ಎಡಿಶನ್ ಕಾರು ಆಕ್ಟೇವಿಯಾ RS 245 ಬಿಡುಗಡೆ

ಸ್ಕೋಡಾ ಆಟೋ ಇಂಡಿಯಾ ಗುರುವಾರ ಲಿಮಿಟೆಡ್ ಎಡಿಶನ್ ಕಾರು ಆಕ್ಟೇವಿಯಾ RS 245 ಬಿಡುಗಡೆ ಮಾಡಿದೆ. ಮಾರ್ಚ್ 1ರಿಂದ ಆನ್‌ಲೈನ್ ಬುಕ್ಕಿಂಗ್ ಮಾಡಬಹುದಾಗಿದೆ.

ಕೇವಲ 200 ಲಿಮಿಟೆಡ್ ಎಡಿಶನ್ ಕಾರನ್ನು ಬಿಟ್ಟಿರುವ ಸ್ಕೋಡಾ ಆಕ್ಟೇವಿಯಾ RS 245 ಬುಕ್ ಮಾಡಲು ನೀವು 1 ಲಕ್ಷ ಪಾವತಿಸಬೇಕಿದೆ. ಸೀಮಿತ 200 ಘಟಕಗಳಲ್ಲಿ ಮಾತ್ರ ಈ ಕಾರನ್ನು ಪ್ರತ್ಯೇಕವಾಗಿ ಮಾರಾಟ ಮಾಡಲಾಗುವುದು ಎಂದು ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ. ಇದರ ಶೋ ರೂಂ ಬೆಲೆ 35.99 ಲಕ್ಷ ರುಪಾಯಿ.

ಹೊಸ ಕಾರು ಬಿಡುಗಡೆಮಾಡಿದ ಕುರಿತು ಪ್ರತಿಕ್ರಿಯಿಸಿದ ಸ್ಕೋಡಾ ಆಟೋ ಇಂಡಿಯಾ ಬ್ರಾಂಡ್ ನಿರ್ದೇಶಕ ಜ್ಯಾಕ್ ಹೋಲಿಸ್ ''ಆಕ್ಟೇವಿಯಾ ಆರ್ಎಸ್ 245 ನೊಂದಿಗೆ, ನಾವು ನಮ್ಮ ಶತಮಾನದಷ್ಟು ಉದ್ದದ ಮೋಟಾರ್ ಸ್ಪೋರ್ಟ್ಸ್ ಪರಂಪರರೆಯನ್ನು ಮುಂದುವರಿಸಿದ್ದು ಭಾರತದ ಅತಿ ವೇಗದ ಸ್ಕೋಡಾ ಕಾರನ್ನು ಪರಿಚಯಿಸಿದ್ದೇವೆ ಎಂದಿದ್ದಾರೆ.

ಇದು ಉನ್ನತ-ಕಾರ್ಯಕ್ಷಮತೆಯ ಎಂಜಿನ್, ಸ್ಪೋರ್ಟ್‌ ಲುಕ್ ಮತ್ತು ಡೈನಾಮಿಕ್ ಡ್ರೈವಿಂಗ್ ಸಾಮರ್ಥ್ಯಗಳ ಜೊತೆಗೆ ಬುದ್ಧಿವಂತ ಸಂಪರ್ಕ ವೈಶಿಷ್ಟ್ಯಗಳನ್ನು ಒದಗಿಸುತ್ತದೆ ಎಂದು ಅವರು ಹೇಳಿದರು.

ಆಕ್ಟೇವಿಯಾ ಆರ್ಎಸ್ 245 ಅನ್ನು 2-ಲೀಟರ್ ಪೆಟ್ರೋಲ್ ಎಂಜಿನ್ ನಿಂದ ನಿಯಂತ್ರಿಸಲಾಗಿದ್ದು, ಇದು ಗಂಟೆಗೆ 0 ಯಿಂದ 100 ಕಿ.ಮೀ ವೇಗ ತಲುಪಲು 6.6 ಸೆಕೆಂಡುಗಳಲ್ಲಿ ತಗಲುತ್ತದೆ. ಅದರ ಉನ್ನತ ವೇಗವನ್ನು ವಿದ್ಯುನ್ಮಾನವಾಗಿ ಗಂಟೆಗೆ 250 ಕಿ.ಮೀ.ಗೆ ಸೀಮಿತಗೊಳಿಸುತ್ತದೆ ಎಂದು ಹೇಳಲಾಗಿದೆ.