Small Investment: ಸಣ್ಣ ಉಳಿತಾಯ ಹೂಡಿಕೆದಾರರು ಈ ಕೆಲಸವನ್ನು ಮಾರ್ಚ್‌ 31ರೊಳಗೆ ಮಾಡದೇ ಇದ್ದರೆ ದಂಡ ಫಿಕ್ಸ್‌!

ಹೂಡಿಕೆದಾರರಿಗೆ ಸರ್ಕಾರದ ಕಡೆಯಿಂದ ಬಿಗ್ ಶಾಕಿಂಗ್ ನ್ಯೂಸ್‌ ಹೊರಬಂದಿದೆ. ಈ ಸುದ್ದಿ ಸುಸ್ಥಿರ ಹೂಡಿಕೆಗೆ ಪೂರಕವಾಗಿದ್ದು, ನುಳುಚಿಕೊಳ್ಳುವ ಹೂಡಿಕೆ ದಾರರಿಗೆ ಬರೆಯಂತೆ ಪರಿಣಮಿಸಲಿದೆ. ಹಾಗಿದ್ರೆ ಹೂಡಿಕೆದಾರರಿಗೆ ದಂಡ ಬೀಳುವುದು ಹೇಗೆ ಎಂಬ ಮಾಹಿತಿ ಇಲ್ಲಿದೆ.

ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ ಅಂದರೆ PPF, ಸುಕನ್ಯಾ ಸಮೃದ್ಧಿ ಯೋಜನೆ ಮತ್ತು NPS ನ ಹೂಡಿಕೆದಾರರಿಗೆ ನಷ್ಟವಾಗುವಂತಹ ಸುದ್ದಿ. ಹೂಡಿಕೆದಾರರು ಈ ಮೂರು ಯೋಜನೆಗಳಲ್ಲಿ ಯಾವುದಾದರೂ ಒಂದರಲ್ಲಿ ಖಾತೆ ಹೊದಿದ್ದು, ವರ್ಷದಲ್ಲಿ ಈಡಬೇಕಾದ ಮಿನಿಮಮ್ ಠೇವಣಿ ಇಡುವಲ್ಲಿ ವಿಫಲರಾಗಿದ್ದಲ್ಲಿ, ಮೊದಲು ಅಂತಹ ಖಾತೆಗಳಲ್ಲಿ ಮೊದಲು ಹಣವನ್ನು ಹೂಡಿ ಇಲ್ಲದಿದ್ದರೆ ಅವುಗಳು ಫ್ರಿಜ್ ಆಗುತ್ತವೆ. ಮಾರ್ಚ್ 31ರೊಳಗೆ ಕನಿಷ್ಠ ವಾರ್ಷಿಕ ಠೇವಣಿ ಮಾಡುವುದನ್ನು ನೀವು ತಪ್ಪಿಸಿಕೊಳ್ಳಬೇಡಿ. ಒಂದು ವೇಳೆ ಮಿಸ್ ಆದರೆ ನೀವು ದಂಡವನ್ನು ಪಾವತಿಸಬೇಕಾಗಬಹುದು.

ಯಾರಿಗೆ ಬರೆ?

PPF, NPS ಮತ್ತು ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಕನಿಷ್ಠ ಠೇವಣಿ ಮಾಡಲು ಪ್ರತಿ ಹಣಕಾಸು ವರ್ಷದ ಮಾರ್ಚ್ 31 ಕೊನೆಯ ದಿನಾಂಕವಾಗಿದೆ. ಅಂದರೆ 2023-24 ರ ಆರ್ಥಿಕ ವರ್ಷಕ್ಕೆ ಅಂದೇ ಕೊನೆಯ ದಿನ. ಸಾರ್ವಜನಿಕ ಭವಿಷ್ಯ ನಿಧಿ ನಿಯಮಗಳು 2019 ರ ಪ್ರಕಾರ, PPF ಖಾತೆದಾರರು ಪ್ರತಿ ಹಣಕಾಸು ವರ್ಷದಲ್ಲಿ ಖಾತೆಯಲ್ಲಿ ಕನಿಷ್ಠ 500 ರೂ. ಕನಿಷ್ಠ ಮೊತ್ತವನ್ನು ಠೇವಣಿ ಮಾಡದಿದ್ದರೆ, ಪಿಪಿಎಫ್ ಖಾತೆಯನ್ನು ಸ್ಥಗಿತಗೊಳಿಸಲಾಗುತ್ತದೆ.

ಹಣ ತುಂಬದೇ ಇದ್ದಲ್ಲಿ ಏನು ನಷ್ಟ?

ಖಾತೆಯನ್ನು ಮುಚ್ಚಿದ ನಂತರ ಸಾಲ ಮತ್ತು ಭಾಗಶಃ ಹಿಂಪಡೆಯುವ ಸೌಲಭ್ಯ ಲಭ್ಯವಿರುವುದಿಲ್ಲ. ಅಷ್ಟೇ ಅಲ್ಲ, ಅಂತಹ ಖಾತೆಯನ್ನು ಸಂಪೂರ್ಣವಾಗಿ ಮುಚ್ಚದೆ, ನಿಮ್ಮ ಹೆಸರಿನಲ್ಲಿ ಇನ್ನೊಂದು ಖಾತೆಯನ್ನು ತೆರೆಯಲು ನಿಮಗೆ ಸಾಧ್ಯವಿಲ್ಲ. ಮುಚ್ಚಿದ PPF ಖಾತೆಯನ್ನು ಪುನಃ ತೆರೆಯಬಹುದು, ಆದರೆ ಇದಕ್ಕಾಗಿ ನೀವು ಪ್ರತಿ ವರ್ಷ ರೂ 50 ದಂಡವನ್ನು ಪಾವತಿಸಬೇಕಾಗುತ್ತದೆ.

ವ್ಯಕ್ತಿಯು ವಾರ್ಷಿಕ ಕನಿಷ್ಠ ಠೇವಣಿಯಾಗಿ 500 ರೂ. ಕನಿಷ್ಠ ಠೇವಣಿ ಪಾವತಿಸದ ಕಾರಣ ಖಾತೆಯನ್ನು ಮುಚ್ಚಿದ್ದರೆ, ಅದನ್ನು ಪುನಃ ತೆರೆಯಲು ನೀವು ಪ್ರತಿ ವರ್ಷ 550 ರೂಪಾಯಿಗಳನ್ನು ಪಾವತಿಸಬೇಕಾಗುತ್ತದೆ.

ಸುಕನ್ಯಾದಲ್ಲಿ ಕನಿಷ್ಠ ಹೂಡಿಕೆ ಏಷ್ಟು?

ಪ್ರೀತಿಯ ಮಗಳ ವೃತ್ತಿ ಮತ್ತು ಮದುವೆಗೆ ಹಣವನ್ನು ಹೊಂದಿಸಲು ಉತ್ತಮ ಆಯ್ಕೆ ಸುಕನ್ಯಾ ಸಮೃದ್ಧಿ ಯೋಜನೆ. ನೀವು ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಖಾತೆಯನ್ನು ಹೊಂದಿದ್ದರೆ, ನೀವು ಪ್ರತಿ ವರ್ಷ ಕನಿಷ್ಠ 250 ರೂ. ನೀವು ಈ ಹಣವನ್ನು ಠೇವಣಿ ಮಾಡದಿದ್ದರೆ ಖಾತೆಯನ್ನು ಡೀಫಾಲ್ಟ್ ಎಂದು ಪರಿಗಣಿಸಲಾಗುತ್ತದೆ.

ಯೋಜನೆಯಿಂದ ಲಾಭ ಏನು?

2023-24ರ ಹಣಕಾಸು ವರ್ಷದಲ್ಲಿ ನೀವು ಹಳೆಯ ತೆರಿಗೆ ಪದ್ಧತಿಯಲ್ಲಿ ತೆರಿಗೆ ಪಾವತಿಸಲು ಯೋಚಿಸುತ್ತಿದ್ದರೆ, ಪಿಪಿಎಫ್ ಮತ್ತು ಸುಕನ್ಯಾದಂತಹ ಯೋಜನೆಗಳಲ್ಲಿ ಹೂಡಿಕೆ ಮಾಡುವುದರಿಂದ ತೆರಿಗೆ ಉಳಿಸಲು ಅವಕಾಶವಿದೆ. ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 80C ಅಡಿಯಲ್ಲಿ, PPF ಮತ್ತು ಸುಕನ್ಯಾದಲ್ಲಿ ಹೂಡಿಕೆಯ ಮೇಲೆ 1.5 ಲಕ್ಷದವರೆಗೆ ಕಡಿತ ಲಭ್ಯವಿದೆ. 80C ಅಡಿಯಲ್ಲಿ ಕಡಿತದ ಲಾಭವನ್ನು ಪಡೆಯುವ ಮೂಲಕ ತೆರಿಗೆ ಹೊರೆಯನ್ನು ಕಡಿಮೆ ಮಾಡಲು, ಮಾರ್ಚ್ 31, 2024 ರೊಳಗೆ ಹೂಡಿಕೆ ಮಾಡುವುದು ಅವಶ್ಯಕ.

ಹೊಸ ತೆರಿಗೆ ಪದ್ಧತಿಯಲ್ಲಿ ಈ ಬದಲಾವಣೆಗಳು ನಡೆದಿವೆ

ಸರ್ಕಾರ ಹೊಸ ತೆರಿಗೆ ಪದ್ಧತಿಯನ್ನು ಆಕರ್ಷಕಗೊಳಿಸಿದೆ. ಏಪ್ರಿಲ್ 1, 2023 ರಿಂದ ಹೊಸ ತೆರಿಗೆ ಅಡಿಯಲ್ಲಿ ಆದಾಯ ತೆರಿಗೆ ಸ್ಲ್ಯಾಬ್ ಅನ್ನು ಬದಲಾಯಿಸಲಾಗಿದೆ. ಮೂಲ ವಿನಾಯಿತಿ ಮಿತಿಯನ್ನು 2.5 ಲಕ್ಷದಿಂದ 3 ಲಕ್ಷಕ್ಕೆ ಹೆಚ್ಚಿಸಲಾಗಿದೆ. ಇದರ ನಂತರ, ಈಗ ಹೊಸ ಸ್ಲ್ಯಾಬ್ ನಲ್ಲಿ 7 ಲಕ್ಷದವರೆಗಿನ ಆದಾಯದ ಮೇಲೆ ಯಾವುದೇ ತೆರಿಗೆ ಇಲ್ಲ.