ಭಾರತದ ಏಳು ಮೌಲ್ಯಯುತ ಕಂಪೆನಿಗಳ 59,259.58 ಕೋಟಿ ರು. ಐದು ದಿನದಲ್ಲಿ ಉಡೀಸ್
ಭಾರತದ ಹತ್ತು ಮೌಲ್ಯಯುತ ಕಂಪೆನಿಗಳ ಪೈಕಿ ಏಳರ ಮಾರುಕಟ್ಟೆ ಮೌಲ್ಯವು 59,259.58 ಕೋಟಿ ರುಪಾಯಿ ಕಳೆದ ವಾರ (ಸೆಪ್ಟೆಂಬರ್ 14ರಿಂದ 18ರ ಮಧ್ಯೆ ಐದು ದಿನದಲ್ಲಿ) ಕೊಚ್ಚಿಹೋಗಿದೆ. ಹಿಂದೂಸ್ತಾನ್ ಯುನಿಲಿವರ್, ಎಚ್ ಡಿಎಫ್ ಸಿ ಬ್ಯಾಂಕ್ ಹಾಗೂ ಕೊಟಕ್ ಮಹೀಂದ್ರಾ ಬ್ಯಾಂಕ್ ಕಂಪೆನಿಗಳು ಅತಿ ದೊಡ್ಡ ನಷ್ಟ ಕಂಡಿವೆ.
ಹಿಂದೂಸ್ತಾನ್ ಯುನಿಲಿವರ್, ಎಚ್ ಡಿಎಫ್ ಸಿ ಬ್ಯಾಂಕ್, ಕೊಟಕ್ ಮಹೀಂದ್ರಾ ಬ್ಯಾಂಕ್, ರಿಲಯನ್ಸ್ ಇಂಡಸ್ಟ್ರೀಸ್, ಎಚ್ ಡಿಎಫ್ ಸಿ, ಐಟಿಸಿ ಹಾಗೂ ಐಸಿಐಸಿಐ ಬ್ಯಾಂಕ್ ನಷ್ಟ ಕಂಡಿವೆ. ಟಿಸಿಎಸ್, ಇನ್ಫೋಸಿಸ್ ಹಾಗೂ ಭಾರ್ತಿ ಏರ್ ಟೆಲ್ ಕಂಪೆನಿಯ ಮಾರುಕಟ್ಟೆ ಮೌಲ್ಯದಲ್ಲಿ ಏರಿಕೆ ಆಗಿದೆ.
ಯಾವ ಕಂಪೆನಿ ಮಾರುಕಟ್ಟೆ ಮೌಲ್ಯ ಎಷ್ಟು ನಷ್ಟವಾಗಿದೆ ಎಂಬ ವಿವರ ಹೀಗಿದೆ:
ಎಚ್ ಯುಎಲ್ 14,320.54 ಕೋಟಿ
ಎಚ್ ಡಿಎಫ್ ಸಿ ಬ್ಯಾಂಕ್ 11,611.6 ಕೋಟಿ
ಕೊಟಕ್ ಮಹೀಂದ್ರಾ ಬ್ಯಾಂಕ್ 10,205.11 ಕೋಟಿ
ರಿಲಯನ್ಸ್ 9,027.32 ಕೋಟಿ
ಎಚ್ ಡಿಎಫ್ ಸಿ 8,144.93 ಕೋಟಿ
ಐಟಿಸಿ 5,783.23 ಕೋಟಿ
ಐಸಿಐಸಿಐ ಬ್ಯಾಂಕ್ 166.85 ಕೋಟಿ
ಇನ್ನು ಟಿಸಿಎಸ್ ಮಾರುಕಟ್ಟೆ ಬಂಡವಾಳ ಮೌಲ್ಯ 28,912.12 ಕೋಟಿ, ಇನ್ಫೋಸಿಸ್ 24,342.45 ಕೋಟಿ ಹಾಗೂ ಭಾರ್ತಿ ಏರ್ ಟೆಲ್ 2,755.05 ಕೋಟಿ ಹೆಚ್ಚಳವಾಗಿದೆ.