Haldiram: ಹಲ್ದಿರಾಮ್‌ಗೆ ಖರೀದಿಗೆ ಟಾಟಾ ಸಜ್ಜು, 83100 ಕೋಟಿ ರೂಪಾಯಿಯ ಡೀಲ್

ಟಾಟಾ ಕನ್ಸ್ಯೂಮರ್ ಪ್ರಾಡಕ್ಟ್ಸ್ ಲಿಮಿಟೆಡ್ (ಟಿಸಿಪಿಎಲ್) ಜನಪ್ರಿಯ ಭಾರತೀಯ ಸ್ನಾಕ್ ತಯಾರಕ ಹಲ್ದಿರಾಮ್‌ನ ಕನಿಷ್ಠ ಶೇಕಡ 51 ರಷ್ಟು ಖರೀದಿಸಲು ಮಾತುಕತೆ ನಡೆಸುತ್ತಿದೆ. ಇದಕ್ಕಾಗಿ ಹಲ್ದಿರಾಮ್ಸ್ 10 ಬಿಲಿಯನ್ ಡಾಲರ್ ಅಥವಾ 83100 ಕೋಟಿ ರೂಪಾಯಿಯನ್ನು ಕೋರಿದೆ ಎಂದು ರಾಯಿಟರ್ಸ್ ವರದಿ ಮಾಡಿದೆ.

ಹಲ್ದಿರಾಮ್ಸ್ ಕೂಡ ಬೈನ್ ಕ್ಯಾಪಿಟಲ್ ಸೇರಿದಂತೆ ಖಾಸಗಿ ಈಕ್ವಿಟಿ ಸಂಸ್ಥೆಗಳೊಂದಿಗೆ ಶೇಕಡ 10 ರಷ್ಟು ಪಾಲನ್ನು ಮಾರಾಟ ಮಾಡುವ ಬಗ್ಗೆ ಚರ್ಚೆ ನಡೆಸುತ್ತಿದೆ ಎಂದು ವರದಿ ತಿಳಿಸಿದೆ. ಯುಕೆ ಚಹಾ ಕಂಪನಿ ಟೆಟ್ಲಿಯನ್ನು ಹೊಂದಿರುವ ಮತ್ತು ಭಾರತದಲ್ಲಿ ಸ್ಟಾರ್‌ಬಕ್ಸ್‌ನೊಂದಿಗೆ ಪಾಲುದಾರಿಕೆಯನ್ನು ಟಾಟಾ ಗ್ರಾಹಕ ಉತ್ಪನ್ನಗಳು ಹೊಂದಿದೆ.

ಹಲ್ದಿರಾಮ್ಸ್‌ನ ವಾರ್ಷಿಕ ಆದಾಯವು ಸುಮಾರು 1.5 ಬಿಲಿಯನ್ ಡಾಲರ್ ಆಗಿದೆ. ಆದರೆ ಹಲ್ದಿರಾಮ್ಸ್ 10 ಬಿಲಿಯನ್ ಡಾಲರ್ ಡೀಲ್‌ಗೆ ಮುಂದಾಗಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿ ರಾಯಿಟರ್ಸ್ ವರದಿ ತಿಳಿಸಿದೆ. ಟಾಟಾ ಶೇಕಡ 51 ಕ್ಕಿಂತ ಕ್ಕಿಂತ ಹೆಚ್ಚು ಖರೀದಿಸಲು ಬಯಸಿದೆ. ಆದರೆ ಹಲ್ದಿರಾಮ್ಸ್‌ ಅತೀ ಅಧಿಕ ಮೊತ್ತವನ್ನು ಕೇಳುತ್ತಿದೆ ಎಂದು ಟಾಟಾ ಹೇಳಿದೆ ಎಂದು ವರದಿ ಉಲ್ಲೇಖಿಸಿದೆ. ರಾಯಿಟರ್ಸ್ ಪ್ರಕಾರ, ಟಾಟಾ ಗ್ರಾಹಕ ಉತ್ಪನ್ನಗಳ ವಕ್ತಾರರು ಮಾರುಕಟ್ಟೆಯ ಊಹಾಪೋಹಗಳ ಬಗ್ಗೆ ಪ್ರತಿಕ್ರಿಯಿಸುವುದಿಲ್ಲ ಎಂದು ಹೇಳಿದರು.

ಕುಟುಂಬವು ನಡೆಸುತ್ತಿರುವ ಹಲ್ದಿರಾಮ್ಸ್‌ 1937 ರಲ್ಲಿ ಸ್ಥಾಪಿಸಲಾದ ಒಂದು ಸಣ್ಣ ಅಂಗಡಿಯಲ್ಲಿದ್ದ ಸ್ನಾಕ್ಸ್‌ ಆಗಿದೆ. ಈ ಸಂಸ್ಥೆಯು ಗರಿಗರಿಯಾದ "ಭುಜಿಯಾ" ತಿಂಡಿಗೆ ಹೆಸರುವಾಸಿಯಾಗಿದೆ. ಮಾಮ್-ಆಂಡ್-ಪಾಪ್ ಅಂಗಡಿಗಳಲ್ಲಿ ಇದು ಆರಂಭಿಕವಾಗಿ 10 ರೂಪಾಯಿಗಳಿಗೆ ಮಾರಾಟವಾಗಿದೆ. ಇದು ಸುಮಾರು 13 ಶೇಕಡ ಪಾಲನ್ನು ಹೊಂದಿದೆ.

ಇರೋಮೊನಿಟರ್ ಇಂಟರ್‌ನ್ಯಾಶನಲ್ ಪ್ರಕಾರ ಭಾರತದ ಖಾರದ ತಿಂಡಿ ಮಾರುಕಟ್ಟೆಯಲ್ಲಿ ಹಲ್ದಿರಾಮ್ಸ್‌ 6.2 ಬಿಲಿಯನ್ ಡಾಲರ್ ಷೇರನ್ನು ಹೊಂದಿದೆ. ಲೇಸ್ ಚಿಪ್ಸ್‌ಗಳಿಗೆ ಹೆಸರುವಾಸಿಯಾದ ಪೆಪ್ಸಿ ಕೂಡಾ ಸುಮಾರು ಶೇಕಡ 13 ರಷ್ಟು ಹೊಂದಿದೆ.

ಸಿಂಗಾಪುರ ಮತ್ತು ಯುನೈಟೆಡ್ ಸ್ಟೇಟ್ಸ್‌ನಂತಹ ಸಾಗರೋತ್ತರ ಮಾರುಕಟ್ಟೆಗಳಲ್ಲಿ ಹಲ್ದಿರಾಮ್ಸ್‌ನ ತಿಂಡಿಗಳನ್ನು ಮಾರಾಟ ಮಾಡಲಾಗುತ್ತದೆ. ಕಂಪನಿಯು ಸ್ಥಳೀಯ ಆಹಾರ, ಸಿಹಿತಿಂಡಿಗಳು ಮತ್ತು ಪಾಶ್ಚಿಮಾತ್ಯ ತಿನಿಸುಗಳನ್ನು ಮಾರಾಟ ಮಾಡುವ ಸುಮಾರು 150 ರೆಸ್ಟೋರೆಂಟ್‌ಗಳನ್ನು ಹೊಂದಿದೆ. ಹಲ್ದಿರಾಮ್ಸ್‌ ಖರೀದಿಸುವುದರಿಂದ ಟಾಟಾದ ಗ್ರಾಹಕ ಉತ್ಪನ್ನಗಳ ವ್ಯಾಪ್ತಿಯನ್ನು ಗಣನೀಯವಾಗಿ ವಿಸ್ತರಿಸಬಹುದು.

"ನೀವು ಹಠಾತ್ತನೆ ಗಾತ್ರದಲ್ಲಿ ದೊಡ್ಡದಾಗಿ ಬೆಳೆಯಲು ಬಯಸಿದರೆ, ಹಲ್ದಿರಾಮ್ಸ್‌ಗಿಂತ ಉತ್ತಮ ಆಯ್ಕೆಯಿಲ್ಲ. ಪ್ಯಾಕ್ ಮಾಡಲಾದ ಆಹಾರ ಮತ್ತು ಆಹಾರ ಸೇವೆಗಳ ಮೇಲೆ ಯಾವುದೇ ಬ್ರ್ಯಾಂಡ್ ಪೈಪೋಟಿಗೆ ಇಲ್ಲ," ಎಂದು ಭಾರತೀಯ ಸಲಹಾ ಸಂಸ್ಥೆ ಟೆಕ್ನೋಪಾಕ್‌ನ ಗ್ರಾಹಕ ಮತ್ತು ರಿಟೇಲ್ ವ್ಯಾಪಾರದ ಮುಖ್ಯಸ್ಥ ಅಂಕುರ್ ಬಿಸೆನ್ ಹೇಳಿದರು.