ಟಾಟಾ ಮೋಟಾರ್ಸ್ ನಿಂದ ಕಾರು ಸಾಲಕ್ಕೆ ಆಕರ್ಷಕ ಯೋಜನೆಗಳು
ಟಾಟಾ ಮೋಟಾರ್ಸ್ ನಿಂದ ಹೊಸ ಹಣಕಾಸು ಯೋಜನೆ ಪರಿಚಯಿಸಲಾಗುತ್ತಿದೆ. ಟಿಯಾಗೋ, ನೆಕ್ಸಾನ್ ಮತ್ತು ಅಲ್ಟ್ರೋಜ್ ಕಾರುಗಳಿಗೆ ಇದು ಅನ್ವಯ ಆಗಲಿದ್ದು, ಗ್ರಾಹಕರಿಗೆ ಆರು ತಿಂಗಳ ಇಎಂಐ ವಿನಾಯಿತಿ ದೊರೆಯಲಿದೆ. ಜತೆಗೆ ಈ ಯೋಜನೆ ಅಡಿಯಲ್ಲಿ ಶೂನ್ಯ ಡೌನ್ ಪೇಮೆಂಟ್, ಇಎಂಐ ವಿನಾಯಿತಿ (ಬಡ್ಡಿಯನ್ನು ಪ್ರತಿ ತಿಂಗಳು ಹಾಕಲಾಗುತ್ತದೆ), ಐದು ವರ್ಷದ ಅವಧಿಗೆ ಆನ್ ರೋಡ್ ದರದ ಶೇಕಡಾ 100ರಷ್ಟು ಸಾಲ ದೊರೆಯಲಿದೆ.
ಟಾಟಾ ಮೋಟಾರ್ಸ್ ಬಗ್ಗೆ ಶಾಕಿಂಗ್ ವರದಿ ನೀಡಿದ CLSA ಬ್ರೋಕರೇಜ್ ಸಂಸ್ಥೆ
ಅರ್ಹ ವೇತನದಾರರು ಹಾಗೂ ಸ್ವ ಉದ್ಯೋಗಿಗಳಿಗೆ ಕರೂರ್ ವೈಶ್ಯ ಬ್ಯಾಂಕ್ (ಕೆವಿಬಿ) ಬ್ಯಾಂಕ್ ಸಹಯೋಗದಲ್ಲಿ ಈ ಕೊಡುಗೆ ದೊರೆಯಲಿದೆ ಎಂದು ತಿಳಿಸಲಾಗಿದೆ. ಇನ್ನು ಎಂಟು ವರ್ಷದ ತನಕದ ಅವಧಿ ತನಕದ ಸಾಲ ಮತ್ತು ಸ್ಟೆಪ್ ಅಪ್ ಇಎಂಐ ಕೂಡ ಇತರ ಬ್ಯಾಂಕ್ ಗಳ ಸಹಯೋಗದಲ್ಲಿ ನೀಡಲಾಗುತ್ತದೆ ಎಂದು ತಿಳಿಸಲಾಗಿದೆ.
ಕೊರೊನಾದ ಕಾರಣಕ್ಕೆ ಮುಂಬೈ ಮೂಲದ ಟಾಟಾ ಮೋಟಾರ್ಸ್ ದೇಶೀಯ ಮಾರಾಟ 61% ನಷ್ಟು ಇಳಿಕೆಯಾಗಿ, ಏಪ್ರಿಲ್- ಜೂನ್ ತ್ರೈಮಾಸಿಕದಲ್ಲಿ 14,571 ಯೂನಿಟ್ ಮಾತ್ರ ಮಾರಾಟ ಆಗಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 36,945 ಯೂನಿಟ್ ಮಾರಾಟ ಆಗಿತ್ತು.