ಟಿಸಿಎಸ್ ನಿರೀಕ್ಷೆಗೆ ಮೀರಿದ ಲಾಭ; 6 ರುಪಾಯಿ ಮಧ್ಯಂತರ ಡಿವಿಡೆಂಡ್ ಘೋಷಣೆ

ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್)ನಿಂದ ಶುಕ್ರವಾರ (ಜನವರಿ 8, 2021) ಪ್ರತಿ ಷೇರಿಗೆ 6 ರುಪಾಯಿ ಮಧ್ಯಂತರ ಲಾಭಾಂಶ ಘೋಷಣೆ ಮಾಡಲಾಗಿದೆ. ಫೆಬ್ರವರಿ 3, 2021ರಂದು ಈ ಡಿವಿಡೆಂಡ್ ಅನ್ನು ಪಾವತಿಸಲಾಗುತ್ತದೆ. ಭಾರತದ ಅತಿ ದೊಡ್ಡ ಐ.ಟಿ. ಸೇವೆಗಳ ರಫ್ತುದಾರ ಕಂಪೆನಿಯಾದ ಟಿಸಿಎಸ್ ಸೆಪ್ಟೆಂಬರ್ ನಿಂದ ಡಿಸೆಂಬರ್ ತ್ರೈಮಾಸಿಕದಲ್ಲಿ ಒಟ್ಟಾರೆ ನಿವ್ವಳ ಲಾಭ 8701 ಕೋಟಿ ರುಪಾಯಿ ಗಳಿಸಿದೆ.

ಈ ತ್ರೈಮಾಸಿಕಕ್ಕೆ ಒಟ್ಟಾರೆ ಲಾಭವು ರು. 42,015 ಕೋಟಿ ಆಗಿದ್ದು, ಕಳೆದ ವರ್ಷದ ಇದೇ ತ್ರೈಮಾಸಿಕಕ್ಕೆ ಹೋಲಿಸಿದಲ್ಲಿ 5.4% ಏರಿಕೆ ಕಂಡಿದೆ. ಎಲ್ಲ ನಿರೀಕ್ಷೆಗಳನ್ನೂ ಮೀರಿ, ಟಿಸಿಎಸ್ ಲಾಭವನ್ನು ದಾಖಲಿಸಿದೆ. ಲಾಭದ ಅಂದಾಜು ರು. 8515 ಕೋಟಿ ಮತ್ತು ಆದಾಯ 41,350 ಕೋಟಿ ರುಪಾಯಿ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದರು.

ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ಷೇರು 2020ರಲ್ಲಿ 32.4% ಏರಿಕೆ ಮತ್ತು 2020ರ ಡಿಸೆಂಬರ್ ತ್ರೈಮಾಸಿಕದ ಕೊನೆಗೆ 15% ಏರಿಕೆ ಕಂಡಿದೆ. ಮೂರನೇ ತ್ರೈಮಾಸಿಕದ ಫಲಿತಾಂಶ ಪ್ರಕಟಿಸುವ ಮುನ್ನ ಟಿಸಿಎಸ್ ನಿಂದ ಈಚೆಗೆ ಷೇರು ಬೈಬ್ಯಾಕ್ ಪೂರ್ಣಗೊಳಿಸಲಾಗಿತ್ತು. 5,33,33,333 ಷೇರನ್ನು ಪ್ರತಿ ಷೇರಿಗೆ 3000 ರುಪಾಯಿಯಂತೆ ಖರೀದಿ ಮಾಡಲಾಯಿತು.