Bribe-For Jobs Scandal: ಉದ್ಯೋಗಕ್ಕೆ ಲಂಚ ಪ್ರಕರಣ, ಟಿಸಿಎಸ್‌ನಲ್ಲಿ 16 ಮಂದಿ ವಜಾ

ಉದ್ಯೋಗಕ್ಕಾಗಿ ಲಂಚ ಹಗರಣದ ತನಿಖೆಯೂ ಅಂತಿಮವಾಗಿ ಟೆಕ್ ದೈತ್ಯ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (ಟಿಸಿಎಸ್‌) ನಲ್ಲಿ ಕೊನೆಯ ಹಂತಕ್ಕೆ ತಲುಪಿದೆ. ತನಿಖೆಯನ್ನು ನಡೆಸಿದ ನಂತರ, ಟಿಸಿಎಸ್ 19 ಉದ್ಯೋಗಿಗಳು ಇದರಲ್ಲಿ ಒಳಗೊಂಡಿರುವುದು ಕಂಡುಬಂದಿದೆ. ಆದ್ದರಿಂದಾಗ ಈ ಉದ್ಯೋಗಿಗಳ ವಿರುದ್ಧ ಕಠಿಣ ಕ್ರಮವನ್ನು ಕೈಗೊಂಡಿದೆ. ಇನ್ನು ಆರು ಮಾರಾಟಗಾರರನ್ನು ಅವರೊಂದಿಗೆ ವ್ಯಾಪಾರ ಮಾಡದಂತೆ ಟಿಸಿಎಸ್ ಡಿಬಾರ್ ಮಾಡಿದೆ.

ಅಕ್ಟೋಬರ್ 15 ರಂದು ರೆಗ್ಯುಲೇಟರಿ ಫೈಲಿಂಗ್ ಪ್ರಕಾರ, "ಟಿಸಿಎಸ್ ತನ್ನ ತನಿಖೆಯನ್ನು ಮುಕ್ತಾಯಗೊಳಿಸಿದೆ ಮತ್ತು ಈ ಕೆಳಗಿನ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ ಎಂದು ನಾವು ತಿಳಿಸಲು ಬಯಸುತ್ತೇವೆ," ಎಂದು ಉಲ್ಲೇಖ ಮಾಡಲಾಗಿದೆ.

ಉದ್ಯೋಗಕ್ಕೆ ಲಂಚ ಪಡೆದ ಹಗರಣದಲ್ಲಿ ಉದ್ಯೋಗಿಗಳು ಭಾಗಿಯಾಗಿರುವುದು ಟಿಸಿಎಸ್ ತನಿಖೆಯಲ್ಲಿ ಕಂಡುಬಂದಿದೆ. ಅದರಂತೆ ಟಿಸಿಎಸ್ ಅವರೆಲ್ಲರ ವಿರುದ್ಧ ಕ್ರಮ ಕೈಗೊಂಡಿದೆ. ನೀತಿ ಸಂಹಿತೆ ಉಲ್ಲಂಘನೆಗಾಗಿ ಒಟ್ಟು 19 ಉದ್ಯೋಗಿಗಳ ಪೈಕಿ 16 ಉದ್ಯೋಗಿಗಳನ್ನು ಕಂಪನಿಯಿಂದ ವಜಾಗೊಳಿಸಿದೆ. ಇನ್ನು 3 ಉದ್ಯೋಗಿಗಳನ್ನು ಸಂಪನ್ಮೂಲ ನಿರ್ವಹಣೆ ಕಾರ್ಯದಿಂದ ತೆಗೆದುಹಾಕಲಾಗಿದೆ.

ಅಲ್ಲದೆ, 6 ಮಾರಾಟಗಾರರ ಘಟಕಗಳು, ಅವುಗಳ ಮಾಲೀಕರು ಮತ್ತು ಅಂಗಸಂಸ್ಥೆಗಳನ್ನು ಟಿಸಿಎಸ್‌ನೊಂದಿಗೆ ಯಾವುದೇ ವ್ಯವಹಾರ ಮಾಡದಂತೆ ಡಿಬಾರ್ ಮಾಡಲಾಗಿದೆ ಎಂದು ಟಿಸಿಎಸ್ ಹೇಳಿದೆ. ಲಂಚ-ಉದ್ಯೋಗ ಹಗರಣವು ಟಿಸಿಎಸ್‌ನಲ್ಲಿ ನೇಮಕಾತಿ ಪ್ರಕ್ರಿಯೆಯನ್ನು ನೋಡಿಕೊಳ್ಳುತ್ತಿದ್ದ ಹಿರಿಯ ಸಿಬ್ಬಂದಿಗೆ ಲಂಚವನ್ನು ನೀಡಿ ಉದ್ಯೋಗ ಪಡೆಯುವ ಪ್ರಕ್ರಿಯೆಯಾಗಿದೆ.

ಮಾಧ್ಯಮ ಪ್ರಕಟಣೆಯು ಲೇಖನವನ್ನು ಬಿಡುಗಡೆ ಮಾಡಿದ ನಂತರ ಜೂನ್ 23, 2023 ರಂದು ಹಗರಣವು ಮೊದಲ ಬಾರಿಗೆ ಬೆಳಕಿಗೆ ಬಂದಿದೆ. ಆ ಸಮಯದಲ್ಲಿ, ಟಿಸಿಎಸ್‌ನಲ್ಲಿ ನೇಮಕಾತಿ ಚಟುವಟಿಕೆಗಳನ್ನು ರಿಸೋರ್ಸ್ ಮ್ಯಾನೇಜ್‌ಮೆಂಟ್ ಗ್ರೂಪ್ (ಆರ್‌ಎಂಜಿ) ನಿರ್ವಹಿಸುವುದಿಲ್ಲ ಎಂದು ಟಿಸಿಎಸ್ ಸ್ಟಾಕ್ ಎಕ್ಸ್‌ಚೇಂಜ್‌ಗಳಿಗೆ ತಿಳಿಸಿದೆ.

ವಿವಿಧ ಯೋಜನೆಗಳಿಗೆ ಲಭ್ಯವಿರುವ ಸಂಪನ್ಮೂಲಗಳ ಹಂಚಿಕೆಗೆ ಆರ್‌ಎಂಜಿ ಜವಾಬ್ದಾರವಾಗಿದೆ ಮತ್ತು ಯಾವುದೇ ಕೊರತೆಯ ಸಂದರ್ಭದಲ್ಲಿ, ಗುತ್ತಿಗೆದಾರರ ಮೂಲಕ ಅಂತಹ ಅವಶ್ಯಕತೆಗಳನ್ನು ತುಂಬುತ್ತದೆ ಎಂದು ಹೇಳಿಕೆಯಲ್ಲಿ ಸೇರಿಸಲಾಗಿದೆ. ಗುತ್ತಿಗೆದಾರರಿಂದ ಗುತ್ತಿಗೆ ಸಂಪನ್ಮೂಲಗಳ ನೇಮಕವನ್ನು ಉಲ್ಲೇಖಿಸಲಾಗಿದೆ ಎಂದು ಟಿಸಿಎಸ್ ಹೇಳಿದೆ.

ಟಿಸಿಎಸ್ ಜೂನ್ 23 ರಂದು ದೂರಿನಲ್ಲಿನ ಆರೋಪಗಳನ್ನು ಪರಿಶೀಲಿಸಲು ತನಿಖೆಯನ್ನು ಪ್ರಾರಂಭಿಸಿದೆ ಎಂದು ಹೇಳಿದೆ. ತನಿಖೆ ಆಧಾರದ ಮೇಲೆ: (i) ಇದು ಕಂಪನಿಯು ಯಾವುದೇ ವಂಚನೆಯಲ್ಲಿ ಒಳಗೊಂಡಿಲ್ಲ ಮತ್ತು ಯಾವುದೇ ಹಣಕಾಸಿನ ಪ್ರಭಾವವನ್ನು ಹೊಂದಿಲ್ಲ; (ii) ಇದು ಗುತ್ತಿಗೆದಾರರನ್ನು ಒದಗಿಸುವ ಕೆಲವು ಉದ್ಯೋಗಿಗಳು ಮತ್ತು ಮಾರಾಟಗಾರರಿಂದ ಕಂಪನಿಯ ನೀತಿ ಸಂಹಿತೆಯ ಉಲ್ಲಂಘನೆಯ ಪ್ರಭಾವವಾಗಿದೆ; ಮತ್ತು (iii) ಕಂಪನಿಯ ಯಾವುದೇ ಪ್ರಮುಖ ವ್ಯವಸ್ಥಾಪಕ ವ್ಯಕ್ತಿ ಭಾಗಿಯಾಗಿಲ್ಲ ಎಂದು ಹೇಳಿದೆ.

ಈ ಹಿಂದೆ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (ಟಿಸಿಎಸ್) ತನ್ನ ನೀತಿ ಸಂಹಿತೆಯನ್ನು ಉಲ್ಲಂಘಿಸಿದ್ದಕ್ಕಾಗಿ ನಾಲ್ಕು ಉದ್ಯೋಗಿಗಳನ್ನು ಅಮಾನತುಗೊಳಿಸಿದೆ. ದೇಶದ ಅತಿದೊಡ್ಡ ಐಟಿ ಸೇವೆಗಳ ಕಂಪನಿಯು ಗುತ್ತಿಗೆ ಆಧಾರದ ಮೇಲೆ ಉದ್ಯೋಗಿಗಳನ್ನು ಒದಗಿಸಿದ ಸಂಸ್ಥೆಗಳನ್ನು ಕೂಡಾ ನಿರ್ಬಂಧಿಸಿದೆ. ವರದಿಯಲ್ಲಿ "ನೇಮಕಾತಿ ಪ್ರಕ್ರಿಯೆಯಲ್ಲಿ ಲಂಚ ಪಡೆಯಲಾಗಿದೆ ಎಂಬುವುದು ತಪ್ಪಾಗಿದೆ," ಎಂದು ಸ್ಪಷ್ಟಪಡಿಸಿದೆ.