ಭಾರತ ಸಾಫ್ಟ್ ವೇರ್ ಕ್ಷೇತ್ರದ ಪಿತಾಮಹ ಫಖಿರ್ ಚಂದ್ ಕೊಹ್ಲಿ ನಿಧನ

ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್) ಸಂಸ್ಥಾಪಕ ಹಾಗೂ ಮೊದಲ ಸಿಇಒ ಫಖಿರ್ ಚಂದ್ ಕೊಹ್ಲಿ (96) ನವೆಂಬರ್ 26ರಂದು ನಿಧನರಾಗಿದ್ದಾರೆ. ಕೊಹ್ಲಿ ಅವರನ್ನು ಭಾರತದ ಐ.ಟಿ. (ಮಾಹಿತಿ ಮತ್ತು ತಂತ್ರಜ್ಞಾನ) ಕ್ಷೇತ್ರದ ಪಿತಾಮಹ ಅಂತಲೇ ಕರೆಯಲಾಗುತ್ತದೆ. ಟಾಟಾ- ಐಬಿಎಂ ಭಾಗವಾಗಿ 1991ರಲ್ಲಿ ಐಬಿಎಂ ಅನ್ನು ಭಾರತಕ್ಕೆ ಕರೆತರುವಲ್ಲಿ ಕೊಹ್ಲಿ ಸಕ್ರಿಯವಾಗಿ ಪಾಲ್ಗೊಂಡಿದ್ದರು.

ಅದು ಹಾರ್ಡ್ ವೇರ್ ಉತ್ಪಾದಕ ಮತ್ತು ಸಪೋರ್ಟ್ ಭಾರತದಲ್ಲಿ ಜಂಟಿ ಕಾರ್ಯಾಚರಣೆ ಆರಂಭಿಸುವುದರ ಭಾಗವಾಗಿತ್ತು. ಭಾರತದಲ್ಲಿನ ತಂತ್ರಜ್ಞಾನ ಕ್ರಾಂತಿಗೆ ನಾಂದಿ ಹಾಡಿದ ಎಫ್.ಸಿ. ಕೊಹ್ಲಿ ಅವರನ್ನು ಸಾಫ್ಟ್ ವೇರ್ ಕ್ಷೇತ್ರದ ಪಿತಾಮಹ ಎಂದು ಕರೆಯಲಾಗುತ್ತದೆ. ಟಿಸಿಎಸ್ ಮೊದಲ ಸಿಇಒ ಆಗಿ ಕಾರ್ಯ ನಿರ್ವಹಿಸಿದ ಅವರು, ಭಾರತದಲ್ಲಿ ನೂರು ಬಿಲಿಯನ್ ಅಮೆರಿಕನ್ ಡಾಲರ್ ಮೌಲ್ಯದ ಐಟಿ ಕ್ಷೇತ್ರ ಬೆಳೆಯಲು ಕಾರಣರಾದರು.

ನಿವೃತ್ತಿ ಪಡೆದ ನಂತರ ಕೊಹ್ಲಿ ಅವರು ವಯಸ್ಕರರ ಶಿಕ್ಷಣ ಕಾರ್ಯಕ್ರಮಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡರು. ಕೊಹ್ಲಿ ಅವರು 1951ರಲ್ಲಿ ಟಾಟಾ ಎಲೆಕ್ಟ್ರಿಕ್ ಕಂಪೆನೀಸ್ ಸೇರಿದರು. ಆ ನಂತರ 1970ನೇ ಇಸವಿಯಲ್ಲಿ ಕಂಪೆನಿಯ ನಿರ್ದೇಶಕರಾದರು. ಅದಾದ ಮೇಲೆ ಟಿಸಿಎಸ್ ಗೆ ಮೊದಲ ಸಿಇಒ ಆಗಿ ನೇಮಕ ಆದರು. 1999ನೇ ಇಸವಿಯಲ್ಲಿ ತಮ್ಮ 75ನೇ ವಯಸ್ಸಿನಲ್ಲಿ ನಿವೃತ್ತರಾದರು.