ಐದು ಎಪಿಸೋಡ್ ವೆಬ್ ಸಿರೀಸ್‌ನಲ್ಲಿ ಬರಲಿದೆ RBI ನ 90 ವರ್ಷಗಳ ಇತಿಹಾಸ

ಬೆಂಗಳೂರು, ಜುಲೈ 31: ಸಂಕ್ಷಿಪ್ತವಾಗಿ RBI ಎಂದು ಕರೆಯಲ್ಪಡುವ ಭಾರತೀಯ ರಿಸರ್ವ್ ಬ್ಯಾಂಕ್, ಇದು ಭಾರತದ ಕೇಂದ್ರ ಬ್ಯಾಂಕ್ ಮತ್ತು ಭಾರತೀಯ ಬ್ಯಾಂಕಿಂಗ್ ವ್ಯವಸ್ಥೆಯ ನಿಯಂತ್ರಣಕ್ಕೆ ಜವಾಬ್ದಾರಿಯುತ ನಿಯಂತ್ರಕ ಸಂಸ್ಥೆಯಾಗಿದೆ. 90 ವರ್ಷಗಳ ಇತಿಹಾಸ ಹೊಂದಿರುವ ಆರ್ ಬಿಐ ತನ್ನ ಪ್ರಯಾಣವನ್ನು ತಿಳಿಸುವ ಐದು ಸಂಚಿಕೆಗಳ ವೆಬ್ ಸರಣಿಯನ್ನು ನಿರ್ಮಿಸಲು ಮುಂದಾಗಿದೆ. ಸುಮಾರು 25-30 ನಿಮಿಷಗಳಷ್ಟು ಇರುವ ಪ್ರತಿಯೊಂದು ಸಂಚಿಕೆಯು ಭಾರತೀಯ ರಿಸರ್ವ್ ಬ್ಯಾಂಕ್ ಕಾರ್ಯಗಳು ಮತ್ತು ಕೊಡುಗೆಗಳ ಬಗ್ಗೆ ಆಳವಾದ ತಿಳುವಳಿಕೆಯನ್ನು ನೀಡುವ ಸಂಚಿಕೆಗಳಾಗಿ ಹೊರಹೊಮ್ಮಲಿದೆ.

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಇತಿಹಾಸ:

ಮೊದಲ ವಿಶ್ವಯುದ್ಧದ ನಂತರದ ಆರ್ಥಿಕ ತೊಂದರೆಗಳಿಗೆ ಸ್ಪಂದಿಸಲು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾವನ್ನು 1 ಏಪ್ರಿಲ್ 1935 ರಂದು ಸ್ಥಾಪಿಸಲಾಯಿತು. ಈ ವಿಧಾನಸೂಚಿಗಳನ್ನು ಆರ್‌ಬಿಐ ಕಾಯ್ದೆ 1934 ಎಂದು ಅಂಗೀಕರಿಸಿದ ಕೇಂದ್ರ ವಿಧಾನಸಭೆಯು ಮಂಡಿಸಿದ ಮಾರ್ಗಸೂಚಿಗಳ ಆಧಾರದ ಮೇಲೆ ಭಾರತೀಯ ರಿಸರ್ವ್ ಬ್ಯಾಂಕ್ ಅನ್ನು ಪರಿಕಲ್ಪನೆ ಮಾಡಲಾಯಿತು. ಡಾ.ಬಿ.ಆರ್. ಅಂಬೇಡ್ಕರ್ ಅವರು "ರೂಪಾಯಿ ಸಮಸ್ಯೆ - ಅದರ ಮೂಲ ಮತ್ತು ಅದರ ಪರಿಹಾರ" ಎಂಬ ಶೀರ್ಷಿಕೆಯ ಪುಸ್ತಕದಲ್ಲಿ ಪ್ರಸ್ತುತಪಡಿಸಿದ ಮಾರ್ಗಸೂಚಿಗಳು, ಕಾರ್ಯ ಶೈಲಿ ಮತ್ತು ದೃಷ್ಟಿಕೋನಗಳ ಪ್ರಕಾರ ಆರ್‌ಬಿಐ ಅನ್ನು ನಿರ್ಮಾಣ ಮಾಡಲಾಗಿದೆ. ರಿಸರ್ವ ಬ್ಯಾಂಕಿನ ಕೇಂದ್ರ ಕಛೇರಿಯನ್ನು ಮೊದಲಿಗೆ ಕೊಲ್ಕತ್ತದಲ್ಲಿ ಪ್ರಾರಂಭಿಸಿದರಾದರೂ ನಂತರ 1937ರಲ್ಲಿ ಮುಂಬಯಿಗೆ ಬದಲಾಯಿಸಲಾಯಿತು. 1949ರಿಂದ ಭಾರತ ಸರ್ಕಾರವು ಇದರ ಒಡೆತನವನ್ನು ಹೊಂದಿದೆ.

ಸುದೀರ್ಘವಾದ ಇತಿಹಾಸವನ್ನು ಹೊಂದಿರುವ 90 ವರ್ಷಗಳ ಮೈಲಿಗಲ್ಲನ್ನು ಗುರುತಿಸಲು 5-ಕಂತುಗಳ ವೆಬ್ ಸಿರೀಸ್ ನಲ್ಲಿ ಆರ್ ಬಿಐ ಹುಟ್ಟು, ಬೆಳವಣಿಗೆ ಬಗ್ಗೆ ಸಮಘ್ರ ಮಾಹಿತಿ ನೀಡಬೇಕಾಗಿದೆ.

1935 ರಲ್ಲಿ ಸ್ಥಾಪನೆಯಾದ ಆರ್‌ಬಿಐ ಈ ವರ್ಷ ಏಪ್ರಿಲ್‌ನಲ್ಲಿ 90 ವರ್ಷಗಳನ್ನು ಪೂರೈಸಿದೆ. ಈ 90 ವರ್ಷಗಳ ಪ್ರಯಾಣದ ಸ್ಮರಣಾರ್ಥವಾಗಿ ರಾಷ್ಟ್ರೀಯ ಟಿವಿ ಚಾನೆಲ್‌ಗಳು ಅಥವಾ OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಪ್ರಸಾರ ಮಾಡಬಹುದಾದ, ಸರಿಸುಮಾರು 25-30 ನಿಮಿಷಗಳ ಪ್ರತಿ ಐದು ಸಂಚಿಕೆಗಳ ವೆಬ್ ಸರಣಿಯನ್ನು ರಚಿಸಲು ಬ್ಯಾಂಕ್ ಬಯಸಿದೆ" ಎಂದು ಆರ್‌ಬಿಐನ 90 ವರ್ಷಗಳ ಸ್ಮರಣಾರ್ಥ ವೆಬ್ ಸರಣಿಯ ಉತ್ಪಾದನೆ ಮತ್ತು ವಿತರಣೆಗಾಗಿ ಇ-ಟೆಂಡರ್ ಬಿಡ್‌ಗಳನ್ನು ಆಹ್ವಾನಿಸುವ ದಾಖಲೆಯಲ್ಲಿ ಅದು ಹೇಳಿದೆ.

ಐದು ಸಂಚಿಕೆಗಳ ವೆಬ್ ಸರಣಿಯೂ, ಆರ್ಥಿಕತೆಯಲ್ಲಿ ಕೇಂದ್ರ ಬ್ಯಾಂಕ್‌ನ ಪ್ರಮುಖ ಪಾತ್ರದ ಬಗ್ಗೆ ಸಾರ್ವಜನಿಕ ತಿಳುವಳಿಕೆಯನ್ನು ಹೆಚ್ಚಿಸಲು, ಹೆಚ್ಚಿನ ವ್ಯವಹಾರವನ್ನು ಉತ್ತೇಜಿಸಲು ಮತ್ತು ಅದರ ಕಾರ್ಯಾಚರಣೆಗಳು ಮತ್ತು ನೀತಿಗಳಲ್ಲಿ ನಂಬಿಕೆ ಮತ್ತು ವಿಶ್ವಾಸವನ್ನು ಬೆಳೆಸಲು ಅಮೂಲ್ಯವಾದ ಸಂಪನ್ಮೂಲವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಅದು ಹೇಳಿದೆ. ವೆಬ್ ಸಿರೀಸ್ ಗಾಗಿ, RBI ಆಸಕ್ತ ಪ್ರೊಡಕ್ಷನ್ ಹೌಸ್‌ಗಳು, ಟಿವಿ ಚಾನೆಲ್‌ಗಳು ಮತ್ತು OTT ಪ್ಲಾಟ್‌ಫಾರ್ಮ್‌ಗಳಿಂದ ಪ್ರಸ್ತಾವನೆಗಳನ್ನು ಆಹ್ವಾನಿಸಿದೆ.

"ಈ ವೆಬ್ ಸಿರೀಸ್ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ದೃಷ್ಟಿ ಮತ್ತು ಧ್ಯೇಯವನ್ನು ಎತ್ತಿ ತೋರಿಸಬೇಕು, ಅದರ ಮಹತ್ವದ ಸಾಧನೆಗಳು ಮತ್ತು ಉಪಕ್ರಮಗಳನ್ನು ಉಲ್ಲೇಖಿಸಬೇಕು ಪ್ರಸ್ತುತ ಬೆಳವಣಿಗೆಗಳು ಮತ್ತು ಸಹಯೋಗಗಳ ಒಳನೋಟಗಳನ್ನು ಒದಗಿಸಬೇಕು. ಪ್ರಬಲವಾದ ಕಥೆ ಹೇಳುವಿಕೆ, ತಜ್ಞರ ಸಂದರ್ಶನಗಳು ಮತ್ತು ಉತ್ತಮ-ಗುಣಮಟ್ಟದ ದೃಶ್ಯಗಳ ಮೂಲಕ, ವೆಬ್ ಸೀರೀಸ್ ಪಾರದರ್ಶಕತೆಯನ್ನು ಹೆಚ್ಚಿಸಲು ಮತ್ತು ಸೆಂಟ್ರಲ್ ಬ್ಯಾಂಕ್‌ನ ಕಾರ್ಯಾಚರಣೆಗಳು ಮತ್ತು ನೀತಿಗಳಲ್ಲಿ ನಂಬಿಕೆಯನ್ನು ಬೆಳೆಸಲು ಪ್ರಯತ್ನಿಸಬೇಕು" ಎಂದು ಆರ್‌ಬಿಐ ಪ್ರಕಟಣೆಯಲ್ಲಿ ಹೇಳಿದೆ.