ಕಳೆದ ಎರಡು ವರ್ಷಗಳಿಂದ ಏರುತ್ತಿರುವ ಹಣದುಬ್ಬರದಿಂದ ಈ ವರ್ಷ ಕೊಂಚ ರಿಲೀಫ್

ಚಾಕೊಲೇಟ್ ಪ್ರಿಯರಿಗೊಂದು ಸಂತಸದ ಸುದ್ದಿ. ವಿಶ್ವದ ಅತಿದೊಡ್ಡ ಚಾಕೊಲೇಟ್ ಉತ್ಪಾದನಾ ಕಂಪನಿಗಳಲ್ಲಿ ಒಂದಾದ ಡ್ಯಾನೋನ್ ಮತ್ತು ನೆಸ್ಲೆ ಈ ವರ್ಷ ಬೆಲೆಗಳನ್ನು ಹೆಚ್ಚಾಗಿ ಹೆಚ್ಚಿಸುವುದಿಲ್ಲ ಎಂದು ಹೇಳಿವೆ.

ಕಳೆದ ಎರಡು ವರ್ಷಗಳಲ್ಲಿ ನಿರಂತರವಾಗಿ ಏರುತ್ತಿರುವ ಬೆಲೆಗಳಿಂದ ತೊಂದರೆಗೊಳಗಾದ ಜನರು ಅಗ್ಗದ ಆಯ್ಕೆಗಳ ಹಿಂದೆ ಬಿದ್ದಿದ್ದಾರೆ. ಆದರೆ, ಕಾರ್ಮಿಕರ ವೆಚ್ಚ ಮತ್ತು ಲಾಜಿಸ್ಟಿಕ್ಸ್ ವೆಚ್ಚದಲ್ಲಿ ಹೆಚ್ಚಳದಿಂದಾಗಿ ಸ್ವಲ್ಪ ಹೆಚ್ಚಳವಾಗಲಿದೆ ಎಂದು ಕಂಪನಿಗಳು ಹೇಳುತ್ತವೆ. ಆದರೆ ಮೊದಲಿನಷ್ಟು ಬೆಲೆ ಏರಿಕೆಯಾಗದಿರುವುದು ಸಮಾಧಾನದ ಸಂಗತಿ.

ಯೂನಿಲಿವರ್‌ನಂತಹ ಇತರ ಹಲವು ಕಂಪನಿಗಳು ಸಹ ಇದೇ ನಿರ್ಧಾರವನ್ನು ತೆಗೆದುಕೊಂಡಿವೆ. ಕಳೆದ ಎರಡು ವರ್ಷಗಳಲ್ಲಿ ಹೆಚ್ಚಿದ ವೆಚ್ಚದ ಕಾರಣ, ಕಂಪನಿಗಳು ತಮ್ಮ ವೆಚ್ಚವನ್ನು ಪೂರೈಸಲು ಕಷ್ಟಪಡುತ್ತಿವೆ. ಆದ್ದರಿಂದ ಅವರು ಬೆಲೆಯನ್ನು ಹೆಚ್ಚಿಸಬೇಕಾಯಿತು. ಆದರೆ ಈಗ ಪರಿಸ್ಥಿತಿ ಸುಧಾರಿಸುತ್ತಿದೆ ಮತ್ತು ಬೆಲೆಗಳು ಸಹ ನಿಯಂತ್ರಣದಲ್ಲಿ ಉಳಿಯುವ ನಿರೀಕ್ಷೆಯಿದೆ.

ಬೆಲೆ ಏರಿಕೆಯಿಂದಾಗಿ ಜನರು ಮೊಸರು ಮತ್ತು ಕಾಫಿಯಂತಹ ಮೂಲಭೂತ ಅವಶ್ಯಕ ವಸ್ತುಗಳಿಗೂ ಪರ್ಯಾಯ ವಸ್ತುಗಳನ್ನು ಹುಡುಕಾಟ ನಡೆಸಿದ್ದಾರೆ. ಆದರೆ ಡ್ಯಾನೋನ್ ಮತ್ತು ನೆಸ್ಲೆ ಈ ವರ್ಷ ಬೆಲೆಗಳನ್ನು ತೀವ್ರವಾಗಿ ಹೆಚ್ಚಿಸುವುದಿಲ್ಲ ಎಂದು ತಿಳಿಸಿವೆ. ಬ್ರಿಟನ್ನಿನ ಯೂನಿಲಿವರ್ ಕಂಪನಿಯೂ ಬೆಲೆ ಏರಿಕೆಯ ವೇಗ ಕಳೆದ ಬಾರಿಯಷ್ಟ ಆಗದು ಎಂದು ಹೇಳಿದೆ. ಕರೋನಾ ಸಾಂಕ್ರಾಮಿಕ ಮತ್ತು ನಂತರ ಉಕ್ರೇನ್ ಮೇಲೆ ರಷ್ಯಾದ ದಾಳಿಯ ನಂತರ, ಪ್ಯಾಕೇಜ್ ಮಾಡಿದ ಸರಕುಗಳ ಉದ್ಯಮವು ಬೆಲೆಗಳನ್ನು ತೀವ್ರವಾಗಿ ಏರಿಕೆ ಕಂಡು ಬಂದಿತ್ತು.

ಸೂರ್ಯಕಾಂತಿ ಎಣ್ಣೆಯಿಂದ ಹಿಡಿದು ಸರಕು ಸಾಗಣೆಯವರೆಗೆ ಎಲ್ಲವೂ ದುಬಾರಿಯಾಗಿದೆ. ಜಾಗತಿಕ ಪೂರೈಕೆ ಸರಪಳಿಗಳು ಇದರಿಂದ ಪ್ರಭಾವಿತವಾಗಿವೆ. ಇಂತಹ ಪರಿಸ್ಥಿತಿಯಲ್ಲಿ ಜಗತ್ತಿನಾದ್ಯಂತ ಜನರ ಬದುಕು ದುಸ್ತರವಾಗಿದೆ. ಈ ಸ್ವಿಸ್ ಕಂಪನಿಯು ಮ್ಯಾಗಿ, ಕಿಟ್‌ಕ್ಯಾಟ್ ಚಾಕೊಲೇಟ್ ಮತ್ತು ನೆಸ್ಕೇಫ್ ಕಾಫಿಯನ್ನು ಉತ್ಪಾದಿಸುತ್ತದೆ.

ಬೆಲೆ ಏರಿಕೆಯಿಂದ ದೊಡ್ಡ ಕಂಪನಿಗಳ ಸ್ಥಿತಿ ಹದಗೆಟ್ಟಿದೆ. ಯೂನಿಲಿವರ್ ಸಿಇಒ ಹೆನ್ ಶೂಮೇಕರ್ ಇತ್ತೀಚೆಗೆ ಕಂಪನಿಯ ಸ್ಪರ್ಧಾತ್ಮಕತೆ ನಿರಾಶಾದಾಯಕವಾಗಿದೆ ಎಂದು ಹೇಳಿದ್ದಾರೆ.