ಟೋಕಿಯೋ ಒಲಿಂಪಿಕ್ ಮುಂದೂಡಿದ್ದರಿಂದ 14,000 ಕೋಟಿಗೂ ಹೆಚ್ಚು ವೆಚ್ಚ

ಕೊರೊನಾ ವೈರಾಣು ಭೀತಿಯ ಕಾರಣಕ್ಕೆ ಈ ವರ್ಷದ ಟೋಕಿಯೋ ಒಲಿಂಪಿಕ್ ಮುಂದೂಡುವುದರಿಂದ 200 ಬಿಲಿಯನ್ ಯೆನ್, ಅಂದರೆ 190 ಕೋಟಿ ಅಮೆರಿಕನ್ ಡಾಲರ್ ವೆಚ್ಚ ಹೆಚ್ಚಾಗಿದೆ ಎಂದು ಆಯೋಜಕರು ಅಂದಾಜು ಮಾಡಿದ್ದಾರೆ. ಈ ಬಗ್ಗೆ ಮಾಧ್ಯಮವೊಂದು ಭಾನುವಾರ ವರದಿ ಮಾಡಿದೆ.

ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಹಾಗೂ ಜಪಾನ್ ಸರ್ಕಾರವು ಒಲಿಂಪಿಕ್ ಕ್ರೀಡೆಯನ್ನು ಒಂದು ವರ್ಷದ ಮಟ್ಟಿಗೆ ನಡೆಸದಿರುವುದಕ್ಕೆ ತೀರ್ಮಾನಿಸಬೇಕಾಯಿತು. ಕ್ರೀಡೆ ಮುಂದೂಡುವುದಕ್ಕೆ ಮುಂಚೆ ಅಂದಾಜು ಮಾಡಿದಂತೆ ವೆಚ್ಚವು 1.35 ಲಕ್ಷ ಕೋಟಿ ಯೆನ್. ಅಮೆರಿಕನ್ ಡಾಲರ್ ಲೆಕ್ಕದಲ್ಲಿ ಅಂದಾಜಿಸಿದಂತೆ 1300 ಕೋಟಿ.

ಹೀಗೆ ಒಲಿಂಪಿಕ್ ಕ್ರೀಡೆಯನ್ನು ಮುಂದೂಡಿರುವುದರಿಂದ ಎಷ್ಟು ನಷ್ಟ ಎಂಬ ಬಗ್ಗೆ ಆಯೋಜಕ ಸಮಿತಿಯು ನಿರ್ಧರಿಸಲಿದೆ. ಈ ಬಗ್ಗೆ ಡಿಸೆಂಬರ್ ನಲ್ಲಿ ಸಮಿತಿ- ಟೋಕಿಯೋ ಮೆಟ್ರೋಪಾಲಿಟನ್ ಸರ್ಕಾರ ಹಾಗೂ ಕೇಂದ್ರ ಸರ್ಕಾರದ ಜತೆ ಚರ್ಚೆ ನಡೆಯಲಿದೆ ಎಂದು ವರದಿ ಆಗಿದೆ.

ಈ ಮುಂದೂಡಿಕೆ ವೆಚ್ಚದಲ್ಲಿ ಸಿಬ್ಬಂದಿಯ ವೇತನ, ಹೊಸ ಪದ್ಧತಿಯಾದ ಟಿಕೆಟ್ ರೀಫಂಡ್ ಸಹ ಸೇರಿದೆ. ಆದರೆ ಕೊರೊನಾ ಹರಡದಂತೆ ತೆಗೆದುಕೊಂಡ ಕ್ರಮಗಳಿಗೆ ಆದ ಖರ್ಚು ಒಳಗೊಂಡಿಲ್ಲ ಎನ್ನಲಾಗಿದೆ.

ಆದರೆ, ಆಯೋಜಕರು ಮೂಲತಃ 300 ಬಿಲಿಯನ್ ಯೆನ್ ಹತ್ತಿರಹತ್ತಿರ ವೆಚ್ಚ ಆಗಬಹುದು ಎಂದು ಅಂದಾಜಿಸಿದ್ದರು. ಆದರೆ ಕೆಲವು ಕಾರ್ಯಕ್ರಮಗಳನ್ನು ಸರಳಗೊಳಿಸಿದ್ದರಿಂದ ಖರ್ಚು ಕಡಿಮೆ ಆಗಿದೆ ಎಂದು ವರದಿಯಾಗಿದೆ.