ಎಚ್ಚರ..! ನಕಲಿ ಆ್ಯಪ್ ಬಳಸಿ ಗ್ರಾಹಕನಿಂದ ದುಪ್ಪಟ್ಟು ಹಣ ಪೀಕಿದ ಉಬರ್ ಚಾಲಕ!

ಬೆಂಗಳೂರಿಗರೇ ಎಚ್ಚರ..ಎಚ್ಚರ... ನೀವು ವಿಮಾನ ನಿಲ್ದಾಣಕ್ಕೆ ಹೋಗಲು ಕ್ಯಾಬ್ ಬುಕ್ ಮಾಡುತ್ತಿದ್ದೀರಾ..? ಹಾಗಿದ್ರೆ ನೀವು ಈ ಸುದ್ದಿ ಓದಲೇಬೇಕು...

ಹೌದು, ಚಾಲಕನೊಬ್ಬ ನಕಲಿ ಉಬರ್ ಅಪ್ಲಿಕೇಶನ್ ಅನ್ನು ಬಳಸಿಕೊಂಡು ಪ್ರಯಾಣಿಕನಿಗೆ ಪ್ರಯಾಣದ ದರವನ್ನು ದುಪ್ಪಟ್ಟು ಮಾಡಿ ಮೋಸ ಮಾಡಿರುವ ಘಟನೆ ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಡೆದಿದೆ.

ಬೆಂಗಳೂರು ಮೂಲದ ಟೆಕ್ ವೃತ್ತಿಪರ ಮಹೇಶ್ ಸುತಾರ್ ಅವರು ಡಿಸೆಂಬರ್ 16 ರಂದು ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಂತಹ ಘಟನೆ ನಡೆದಿದೆ ಎಂದು ಅವರು ಎಕ್ಸ್‌ನಲ್ಲಿ ಹಂಚಿಕೊಂಡಿದ್ದಾರೆ. ಉಬರ್‌ನ ಇಂಟರ್‌ಫೇಸ್ ಅನ್ನು ಅನುಕರಿಸಲು ಟ್ಯಾಕ್ಸಿ ಚಾಲಕ ಬ್ಲೂಮೀಟರ್ ಎಂಬ ಅಪ್ಲಿಕೇಶನ್ ಅನ್ನು ಹೇಗೆ ಬಳಸಿದರು ಎಂದು ಹೇಳಿಕೊಂಡಿದ್ದಾರೆ.

ಎಕ್ಸ್‌ನಲ್ಲಿ ಏನಿದೆ?

ಬೆಂಗಳೂರು ವಿಮಾನ ನಿಲ್ದಾಣ ಟ್ಯಾಕ್ಸಿಯಿಂದ ಎಂತಹ ಆವಿಷ್ಕಾರದ ಹೊಸ ಹಗರಣ. ಚಾಲಕನು ನಕಲಿ ಉಬರ್ ಅಪ್ಲಿಕೇಶನ್‌ನಿಂದ ಟ್ರಿಪ್ ಅನ್ನು ಪ್ರಾರಂಭಿಸಿ, ಕೊನೆಗೊಳಿಸಿದನು, ಅಂತಿಮವಾಗಿ ಪ್ರಯಾಣದ ಮೊತ್ತ 1000 ರೂ. ಹೆಚ್ಚಾಗಿತ್ತು. ಇದರಿಂದಾಗಿ ಪ್ರಯಾಣಿಕ ಯಾವ ಕಾರಣಕ್ಕಾಗಿ ಹೆಚ್ಚಾಗಿದೆ ಎಂದು ಚಾಲಕನಿಗೆ ಪ್ರಶ್ನಿಸಿದ್ದಾನೆ. ಈ ವೇಳೆ ಚಾಲಕ ಇದಕ್ಕೆ ಜಿಎಸ್ ಟಿ ಕಾರಣ ಎಂದು ಉತ್ತರಿಸಿದ್ದಾನೆ.

ಮುಂದುವರೆದು ಪ್ರಯಾಣಿಕನು ಚಾಲಕನ ಬಳಿ ಬಿಲ್ ಕೇಳಿದ್ದಾನೆ. ಆಗ ಚಾಲಕ ಮುಂದಿನ ತಿಂಗಳು ನಿಮ್ಮ ಇಮೇಲ್‌ಗೆ ಬಿಲ್ ಬರುವುದಾಗಿ ತಿಳಿಸಿದ್ದಾನೆ. ಆದರೆ ಚಾಲಕನು ಪ್ರಯಾಣದ ವೇಳೆ ಎಲ್ಲಿಯೂ ಇಮೇಲ್ ಅಥವಾ ಫೋನ್ ನಂಬರ್ ಅನ್ನು ಕೇಳಲಿಲ್ಲ ಎಂದು ಪ್ರಯಾಣಿಕ ಸಾಮಾಜಿಕ ಜಾಲತಾಣದಲ್ಲಿ ಆರೋಪಿಸಿದ್ದಾನೆ.

Uber ನಂತೆ ಕಾಣುವ Blumeter ಎಂಬ Android ಅಪ್ಲಿಕೇಶನ್ ಅನ್ನು ಬಳಸುತ್ತಾರೆ. ಅವರು ಟ್ರಿಪ್ ಸ್ಟಾರ್ಟ್ ಬಟನ್ ಬಿಲ್ಡ್ ವಿಶ್ವಾಸಾರ್ಹತೆಯನ್ನು ತೋರಿಸುತ್ತಾರೆ ಮತ್ತು ಕ್ಲಿಕ್ ಮಾಡುತ್ತಾರೆ. ತದನಂತರ, ಅವರು ಹೆಚ್ಚಿನ ಮೊತ್ತವನ್ನು ತೋರಿಸುವ ಅದೇ ಅಪ್ಲಿಕೇಶನ್‌ನಲ್ಲಿ ಪ್ರಯಾಣವನ್ನು ಕೊನೆಗೊಳಿಸುತ್ತಾರೆ.

ಹೇಗೆ ಮೋಸ ಹೋಗಬಾರದು ಎಂಬುದರ ಕುರಿತು ಸಲಹೆಗಳು

Uber ಅಥವಾ Ola ನಂತಹ ಪ್ರತಿಷ್ಠಿತ ರೈಡ್-ಹೇಲಿಂಗ್ ಅಪ್ಲಿಕೇಶನ್‌ಗಳ ಮೂಲಕ ಕ್ಯಾಬ್‌ಗಳನ್ನು ಮೊದಲೇ ಬುಕ್ ಮಾಡಿ.

ಪ್ರಯಾಣವನ್ನು ಪ್ರಾರಂಭಿಸುವ ಮೊದಲು ದರದ ಅಂದಾಜನ್ನು ಪರಿಶೀಲಿಸಿ.

ಪ್ರಯಾಣದ ಕೊನೆಯಲ್ಲಿ ಭೌತಿಕ ರಸೀದಿಯನ್ನು ಒತ್ತಾಯಿಸಿ. ಯಾವುದೇ ಅನುಮಾನಾಸ್ಪದ ಚಟುವಟಿಕೆಯನ್ನು ವಿಮಾ ನಿಲ್ದಾಣದ ಅಧಿಕಾರಿಗಳಿಗೆ ವರದಿ ಮಾಡಿ.