ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಐಪಿಒ ಡಿಸೆಂಬರ್ 2ರಿಂದ 4ರ ವರೆಗೆ

ಉಜ್ಜೀವನ್ ಫೈನಾನ್ಷಿಯಲ್ ಸರ್ವೀಸಸ್ ನಿಂದ ಅದರ ಅಂಗ ಸಂಸ್ಥೆಯಾದ ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ನ ಐಪಿಒಗೆ (ಇನಿಷಿಯಲ್ ಪಬ್ಲಿಕ್ ಆಫರಿಂಗ್) ನಿರ್ಧರಿಸಲಾಗಿದೆ. ವಿತರಣೆ ಬೆಲೆಯನ್ನು ಪ್ರತಿ ಷೇರಿಗೆ 36ರಿಂದ 37 ರುಪಾಯಿ ನಿಗದಿ ಮಾಡಲಾಗಿದೆ. ಈ ಮೂಲಕ 750 ಕೋಟಿ ರುಪಾಯಿ ಸಂಗ್ರಹಕ್ಕೆ ಮುಂದಾಗಿದೆ.

ಡಿಸೆಂಬರ್ 2ನೇ ತಾರೀಕು ಐಪಿಒ ಆರಂಭವಾಗಲಿದ್ದು, ಡಿಸೆಂಬರ್ 4ನೇ ತಾರೀಕಿಗೆ ಮುಕ್ತಾಯ ಆಗಲಿದೆ. ಹೂಡಿಕೆದಾರರು ಕನಿಷ್ಠ 400 ಷೇರುಗಳಿಗೆ ಬಿಡ್ ಮಾಡಬೇಕು. ಅದರ ಮೇಲೆ 400ರ ಗುಣಕದಂತೆ ಅಂದರೆ ಎಂಟು ನೂರು, ಸಾವಿರದಿನ್ನೂರು ಹೀಗೆ ಷೇರುಗಳಿಗೆ ಅರ್ಜಿ ಹಾಕಬಹುದು.

ಸಣ್ಣ ಪ್ರಮಾಣದ ಈ ಫೈನಾನ್ಸ್ ಬ್ಯಾಂಕ್ SEBIಯಿಂದ ಅಕ್ಟೋಬರ್ ನಲ್ಲೇ IPOಗೆ ಅನುಮತಿ ಸಿಕ್ಕಿತ್ತು. ಐಪಿಒ ಪೂರ್ವ ಸುತ್ತಿನಲ್ಲೇ 250 ಕೋಟಿ ರುಪಾಯಿಯನ್ನು ಸಂಗ್ರಹಿಸಲಾಗಿದೆ. ಈಗಿನ ಪ್ರಸ್ತಾಪಿತ ವಿತರಣೆಯಲ್ಲಿ ಉಜ್ಜೀವನ್ ಫೈನಾನ್ಷಿಯಲ್ ಸರ್ವೀಸಸ್ ನ ಅರ್ಹ ಷೇರುದಾರರಿಗೆ 75 ಕೋಟಿ ಮೌಲ್ಯದ ಷೇರುಗಳನ್ನು ಮೀಸಲಿರಿಸಲಾಗಿದೆ. ಜತೆಗೆ 2 ರುಪಾಯಿ ರಿಯಾಯಿತಿ ಸಿಗಲಿದೆ.