ಖುಷಿ ಸುದ್ದಿ! ಇನ್ಮುಂದೆ ವಾಟ್ಸಾಪ್​ UPI ಸರಳ; ಆನ್​ಬೋರ್ಡಿಂಗ್​ ಲಿಮಿಟ್​ ತೆರವು

ಹೊಸ ವರ್ಷದಂದು ವಾಟ್ಸಾಪ್ ಬಳಕೆದಾರಿಗೆ ಸಿಹಿ ಸಿಕ್ಕಿದೆ. ಹೌದು, ವಾಟ್ಸ್‌ಆ್ಯಪ್‌ ತಂತ್ರಾಂಶದ ಎಲ್ಲಾ ಬಳಕೆದಾರಿಗೂ ಅದರಲ್ಲಿರುವ 'ಯುಪಿಐ' ಪಾವತಿ ಸೌಲಭ್ಯವನ್ನು ಬಳಸಿಕೊಳ್ಳಬಹುದು. ಎಂದು 'ಭಾರತದ ರಾಷ್ಟ್ರೀಯ ಪಾವತಿ ಪ್ರಾಧಿಕಾರ'(ಎನ್‌ಸಿಪಿಐ) ) ವಾಟ್ಸಾಪ್​ ಪೇಯಲ್ಲಿ ಆನ್‌ಬೋರ್ಡಿಂಗ್ ಮಿತಿ ತೆರವುಗೊಳಿಸಿದೆ.ಇದರಿಂದ ಭಾರತದ ಡಿಜಿಟಲ್ ಪೇ ವಲಯದಲ್ಲಿ ದೊಡ್ಡ ಬದಲಾವಣೆಯಾಗಿದೆ.

ವಾಟ್ಸ್‌ಆ್ಯಪ್‌ನಲ್ಲಿ ಇದುವರಿಗೂ ಕೇವಲ 10 ಕೋಟಿ ಬಳಕೆದಾರರಿಗೆ 'ವಾಟ್ಸ್‌ಆ್ಯಪ್‌ ಪೇಮೆಂಟ್‌' ಬಳಕೆಗೆ ಅನುಮತಿಸಲಾಗಿತ್ತು."ಗರಿಷ್ಠ ಮಿತಿಯನ್ನು ತೆರವುಗೊಳಿಸಿರುವ ಹಿನ್ನೆಲೆಯಲ್ಲಿ ವಾಟ್ಸ್‌ ಆ್ಯಪ್‌ ತನ್ನ ಪಾವತಿ ಸೇವೆಯನ್ನು ಎಲ್ಲಾ ಬಳಕೆದಾರರು ಸುಲಭವಾಗಿ ಬಳಕೆ ಮಾಡಿಕೊಳ್ಳಬಹುದು. ಆದರೆ, ಅನ್ವಯವಾಗುವ ಹಾಲಿ 'ಯುಪಿಐ' ನಿಯಮಾವಳಿಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು," ಎಂದು ಎನ್‌ಪಿಸಿಐ ತನ್ನ ಅಧಿಸೂಚನೆಯಲ್ಲಿ ಮಾಹಿತಿ ತಿಳಿಸಿದೆ.

ಆರಂಭದಲ್ಲಿ ಎನ್‌ಪಿಸಿಐ ವಾಟ್ಸಾಪ್ ಪೇ ಆನ್‌ಬೋರ್ಡಿಂಗ್ ಮಿತಿಯನ್ನು ನಿಷೇಧಿಸಿತ್ತು.ಇದರಿಂದಾಗಿ ಯುಪಿಐ ಸಿಸ್ಟಮ್‌ನ ಭದ್ರತೆಯು ಹಾಗಿನೇ ಉಳಿಯುತ್ತದೆ ಮತ್ತು ನಗದು ರಹಿತ ಪಾವತಿಗಳಲ್ಲಿ ಯಾವುದೇ ಸಮಸ್ಯೆಯನ್ನು ನಿವಾರಿಸುತ್ತದೆ. ಕ್ರಮೇಣ ವಾಟ್ಸಾಪ್​ ತನ್ನ ಸೇವೆಗಳನ್ನು ಸುಧಾರಿಸಿತು ಮತ್ತು ಈಗ NPCI ಈ ಮಿತಿಯನ್ನು ತೆಗೆದುಹಾಕಿದೆ. ಇದರೊಂದಿಗೆ, WhatsApp Pay ಇದೀಗ ತನ್ನ ಎಲ್ಲಾ ಬಳಕೆದಾರರಿಗೆ ಸೇವೆಗಳನ್ನು ಒದಗಿಸುವ ಅವಕಾಶವನ್ನು ಪಡೆದುಕೊಂಡಿದೆ.

ವಾಟ್ಸಾಪ್​ ಪೇ ಇನ್ನುಂದೆ ಶುರು

ವಾಟ್ಸಾಪ್​ ಪೇ ಆರಂಭದಲ್ಲಿ ಸೀಮಿತ ಬಳಕೆದಾರರನ್ನು ತಲುಪಲು ಅನುಮತಿಸಲಾಗಿದೆ. ವ್ಯವಸ್ಥೆಯ ಭದ್ರತೆ ಮತ್ತು ತಾಂತ್ರಿಕ ಸಾಮರ್ಥ್ಯವನ್ನು ಸರಿಯಾಗಿ ಪರೀಕ್ಷಿಸಲು ಈ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ. ನಂತರ, NPCI ಹಂತ ಹಂತವಾಗಿ WhatsApp ಬಳಕೆದಾರರ ಮಿತಿಯನ್ನು ಹೆಚ್ಚಿಸಿತು. ಈಗ WhatsApp ನ ಪ್ರತಿಯೊಬ್ಬ ಬಳಕೆದಾರರು WhatsApp Pay UPI ನ ಸಂಪೂರ್ಣ ಸೌಲಭ್ಯವನ್ನು ಪಡೆಯಹುದು.

UPI ಬಳಕೆ ಅತಿ ಹೆಚ್ಚು

ವಾಟ್ಸಾಪ್​ನ ಇಂಟರ್ಫೇಸ್ ಈಗಾಗಲೇ ಬಳಕೆದಾರರಿಗೆ ಸುಲಭ ಸಾಧನವಾಗಿದೆ. ಜನರು ಈಗ ಯಾವುದೇ ತೊಂದರೆಯಿಲ್ಲದೆ ಹಣವನ್ನು ಕಳುಹಿಸಬಹುದು ಮತ್ತು ಸ್ವೀಕರ ಮಾಡಬಹುದು. ವಾಟ್ಸಾಪ್​ನ ಎಲ್ಲಾ ಬಳಕೆದಾರರು ಸುಲಭವಾಗಿ UPI ಪಾವತಿಗಳನ್ನು ಮಾಡಲು ಸಾಧ್ಯವಾಗುತ್ತದೆ. ಇದು ಡಿಜಿಟಲ್ ಪಾವತಿಗಳನ್ನು ಇನ್ನಷ್ಟು ಸುಲಭಗೊಳಿಸುತ್ತದೆ. ಏಕೆಂದರೆ ಇದು UPI ಬಳಕೆಯನ್ನು ಹೆಚ್ಚಿಸುತ್ತದೆ ಮತ್ತು ಭಾರತದಲ್ಲಿ ಡಿಜಿಟಲ್ ವಹಿವಾಟುಗಳ ಸಂಖ್ಯೆಯನ್ನು ಮತ್ತಷ್ಟು ವೇಗವಾಗಿ ಹೆಚ್ಚಾಗುತ್ತದೆ.

ನಗದುರಹಿತ ವ್ಯವಸ್ಥೆ:

ಗೂಗಲ್ ಪೇ, ಫೋನ್ ಪೇ ನಂತಹ ದೊಡ್ಡ ಕಂಪನಿಗಳಿಗೆ ವಾಟ್ಸಾಪ್​ ಪೇ ಇದೀಗ ಪೈಪೋಟಿ ನೀಡುತ್ತದೆ.ಇದರಿಂದ ಭಾರತದ ನಗದು ರಹಿತ ಆರ್ಥಿಕತೆಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ವಾಟ್ಸಾಪ್ ಮೂಲಕ ಪಾವತಿ ಮಾಡುವುದುಇನ್ನಷ್ಟು ಸುಲಭವಾಗುತ್ತದೆ. ಇದು ಭಾರತದಲ್ಲಿ ಆನ್‌ಲೈನ್ ಪಾವತಿಗಳ ಬಳಕೆಯನ್ನು ಹೆಚ್ಚಿಸುತ್ತದೆ. ಜನರಲ್ಲಿ ನಗದು ರಹಿತ ವಹಿವಾಟು ಸಹ ಹೆಚ್ಚಾಗುತ್ತದೆ.

UPI 15,547 ಕೋಟಿ ವಹಿವಾಟು

UPI ಈ ವರ್ಷದ ಜನವರಿಯಿಂದ ನವೆಂಬರ್‌ವರೆಗೆ 223 ಲಕ್ಷ ಕೋಟಿ ಮೌಲ್ಯದ 15,547 ಕೋಟಿ ವಹಿವಾಟುಗಳನ್ನು ಸಾಧಿಸಿದೆ. ಭಾರತದಲ್ಲಿ ಹಣಕಾಸು ವಹಿವಾಟುಗಳ ಮೇಲೆ ಅದರ ಪರಿಣಾಮವನ್ನು ತೋರಿಸುತ್ತದೆ.

ರಿಟೇಲ್​ ಪೇಮೆಂಟ್​​ ವ್ಯವಸ್ಥೆ

ಯುಪಿಐ ತಂತ್ರಜ್ಞಾನದ ಬಳಕೆಯ ಮೂಲಕ ರಿಟೇಲ್​ ಪೇಮೆಂಟ್​​ ವ್ಯವಸ್ಥೆಗಳಿಗೆ ಆವಿಷ್ಕಾರಗಳನ್ನು ತರುವತ್ತ ಗಮನಹರಿಸಿದೆ ಮತ್ತು ಭಾರತವನ್ನು ಡಿಜಿಟಲ್ ಆರ್ಥಿಕತೆಯಾಗಿ ಪರಿವರ್ತಿಸಲು ಪಟ್ಟುಬಿಡದೆ ಕೆಲಸ ಮಾಡುತ್ತಿದೆ ಎಂದು NPCI ಹೇಳಿದೆ.

2020 ರಲ್ಲಿ WhatsApp Pay ಅನ್ನು ಪ್ರಾರಂಭಿಸಿದಾಗ, NPCI ಮೆಸೇಜಿಂಗ್ ಅಪ್ಲಿಕೇಶನ್‌ನಲ್ಲಿ ಒಂದು ಮಿಲಿಯನ್ ಬಳಕೆದಾರರ ಮಿತಿಯನ್ನು ನೀಡಲಾಗಿತು. ಆದರೆ ಹಣ ವರ್ಗಾವಣೆ ವ್ಯವಸ್ಥೆಯ ಮೇಲೆ ಯಾವುದೇ ಹೆಚ್ಚುವರಿ ಒತ್ತಡ ಉಂಟುಮಾಡದಂತೆ ಜನಪ್ರಿಯ ಸೇವೆಯನ್ನು ನಿಧಾನವಾಗಿ ಹೆಚ್ಚಿಸುವುದು ಉದ್ದೇಶದೊಂದಿಗೆ ಈ ಮಿತಿಯನ್ನು ಹೇರಲಾಗಿತ್ತು. 2022 ರಲ್ಲಿ ಈ ಮಿತಿಯನ್ನು 100 ಮಿಲಿಯನ್‌ಗೆ ವಿಸ್ತರಿಸಲಾಯಿತು. ಈಗ WhatsApp Pay ಮೇಲಿನ ಮಿತಿಯನ್ನು ಸಂಪೂರ್ಣವಾಗಿ ತೆಗೆದುಹಾಕಲಾಗಿದೆ. ಮೊದಲು ಈ ಸೌಲಭ್ಯವು ಸೀಮಿತವಾಗಿತ್ತು, ಆದರೆ ಈಗ ಪ್ರತಿ ವಾಟ್ಸಾಪ್​ ಬಳಕೆದಾರರು ಸುಲಭವಾಗಿ UPI ಪಾವತಿಗಳನ್ನು ಮಾಡಬಹುದು.