Railway Emergency Quota: ವಂದೇ ಭಾರತ್ ಮತ್ತು ಅಮೃತ್ ಭಾರತ್-II ರೈಲುಗಳಲ್ಲಿ ಎಮರ್ಜೆನ್ಸಿ ಕೋಟಾ! ಬುಕಿಂಗ್ ಮಾಡೋದೇಗೆ?

ಭಾರತೀಯ ರೈಲ್ವೆ ಎಲ್ಲಾ ಪ್ರಯಾಣಿಕರಿಗಾಗಿ ಒಳ್ಳೆಯ ಸುದ್ದಿ ಪ್ರಕಟಿಸಿದೆ. ವಂದೇ ಭಾರತ್ ಸ್ಲೀಪರ್ ಮತ್ತು ಅಮೃತ್ ಭಾರತ್-II ರೈಲುಗಳಲ್ಲಿ ತುರ್ತು ಕೋಟಾ ವ್ಯವಸ್ಥೆಯನ್ನು ಪರಿಚಯಿಸಲಾಗಿದೆ. ಈ ಹೊಸ ವ್ಯವಸ್ಥೆಯು ನಿರ್ದಿಷ್ಟ ವರ್ಗದ ಪ್ರಯಾಣಿಕರಿಗೆ ತುರ್ತು ಸೀಟುಗಳನ್ನು ಮುಂಗಡ ಕಾಯ್ದಿರಿಸಲು ಅವಕಾಶ ನೀಡುತ್ತದೆ. ಇದರಿಂದ ಪ್ರಯಾಣಿಕರಿಗೆ ಸುಲಭ ಹಾಗೂ ಆರಾಮದಾಯಕ ಪ್ರಯಾಣ ಸಾಧ್ಯವಾಗುತ್ತದೆ.

ತುರ್ತು ಕೋಟಾ ವ್ಯವಸ್ಥೆ ಏನು?

ತುರ್ತು ಕೋಟಾ ಎಂದರೆ ಬುಕಿಂಗ್ ಸೀಟು ಲಭ್ಯವಿಲ್ಲದ ಸಂದರ್ಭಗಳಲ್ಲಿ ಮೀಸಲಾದ ಕೆಲವು ಸೀಟುಗಳನ್ನು ಅಂತಿಮ ವೇಳೆಯಲ್ಲಿ ಪ್ರಯಾಣಿಕರಿಗೆ ನೀಡುವ ವ್ಯವಸ್ಥೆ. ಇದು ನಿರ್ದಿಷ್ಟ ದಿನಗಳಲ್ಲಿ ಮತ್ತು ಕೋಚ್ ವರ್ಗಗಳಲ್ಲಿ ಲಭ್ಯವಾಗುತ್ತದೆ. ರೈಲುಗಳಿಗೆ ತುರ್ತು ಕೋಟ್ ಲಭ್ಯತೆ ದಿನ, ವಾರಾಂತ್ಯ ಮತ್ತು ಕೋಚ್ ಪ್ರಕಾರ ಬದಲಾಗುತ್ತದೆ.

ವಂದೇ ಭಾರತ್ ಸ್ಲೀಪರ್‌ನಲ್ಲಿ ತುರ್ತು ಸೀಟು ಹಂಚಿಕೆ:

ವಂದೇ ಭಾರತ್ ಸ್ಲೀಪರ್ ರೈಲುಗಳಲ್ಲಿ ತುರ್ತು ಕೋಟಾದಡಿ ಸೀಟು ಹಂಚಿಕೆ ಹೀಗಿದೆ:

• ಪ್ರಥಮ ಎಸಿ (1AC): ಸಾಮಾನ್ಯ ದಿನಗಳಲ್ಲಿ 4 ಸೀಟುಗಳು, ವಾರಾಂತ್ಯದಲ್ಲಿ 8 ಸೀಟುಗಳು
• ದ್ವಿತೀಯ ಎಸಿ (2AC): ಸಾಮಾನ್ಯ ದಿನಗಳಲ್ಲಿ 20 ಸೀಟುಗಳು, ವಾರಾಂತ್ಯದಲ್ಲಿ 30 ಸೀಟುಗಳು
• ತೃತೀಯ ಎಸಿ (3AC): ಸಾಮಾನ್ಯ ದಿನಗಳಲ್ಲಿ 24 ಸೀಟುಗಳು, ವಾರಾಂತ್ಯದಲ್ಲಿ 42 ಸೀಟುಗಳು
• ಪ್ರಯಾಣಿಕರು ಮುಂಗಡ ಬುಕಿಂಗ್ ಸಮಯದೊಳಗೆ ಅಥವಾ ಬುಕಿಂಗ್ ಮುಗಿಯುವ ದಿನಾಂಕದವರೆಗೆ ಈ ಸೀಟುಗಳನ್ನು ಕಾಯ್ದಿರಿಸಬಹುದು.

ಅಮೃತ್ ಭಾರತ್-II ರೈಲಿನ ತುರ್ತು ಕೋಟ್:

ಅಮೃತ್ ಭಾರತ್-II ರೈಲುಗಳು ಸಾಮಾನ್ಯವಾಗಿ 7 ಅಥವಾ ಹೆಚ್ಚು ಸ್ಲೀಪರ್ ಕೋಚ್‌ಗಳೊಂದಿಗೆ ಕಾರ್ಯನಿರ್ವಹಿಸುತ್ತವೆ. ಈ ರೈಲುಗಳಲ್ಲಿ ತುರ್ತು ಕೋಟಾದಡಿ 24 ಸೀಟುಗಳನ್ನು ಮೀಸಲಿಡಲಾಗಿದೆ. ಹೌರಾ-ಆನಂದ್ ವಿಹಾರ್ ಅಮೃತ್ ಭಾರತ್ ಎಕ್ಸ್‌ಪ್ರೆಸ್ ಪ್ರಯಾಣಿಕರಿಗೆ ಈ ವ್ಯವಸ್ಥೆಯಿಂದ ವಿಶೇಷ ಪ್ರಯೋಜನ ದೊರೆಯಲಿದೆ.

ಐದು ವಿಧದ ಮೀಸಲು ಕೋಟಾ:

ಈ ಹೊಸ ವ್ಯವಸ್ಥೆಯೊಂದಿಗೆ, ವಂದೇ ಭಾರತ್ ಸ್ಲೀಪರ್ ಮತ್ತು ಅಮೃತ್ ಭಾರತ್-II ರೈಲುಗಳಲ್ಲಿ ಈಗ ಐದು ವಿಧದ ಮೀಸಲು ಕೋಟಾಗಳು ಲಭ್ಯವಿವೆ:

• ತುರ್ತು ಕೋಟಾ
• ಮಹಿಳೆಯರ ಮೀಸಲು
• ಅಂಗವಿಕಲರ ಮೀಸಲು (PWD)
• ಹಿರಿಯ ನಾಗರಿಕರ ಮೀಸಲು
• ಡ್ಯೂಟಿ ಪಾಸ್ ಮೀಸಲು

ರದ್ದು ಮಾಡುವ ಮೀಸಲು (RAC) ಹೊರತುಪಡಿಸಿ, ಇತರ ಯಾವುದೇ ಮೀಸಲು ಕೋಟ್ ಇಲ್ಲ.

ಪ್ರಯಾಣಿಕರಿಗೆ ಉಪಯೋಗ:

ಭಾರತೀಯ ರೈಲ್ವೆ ತುರ್ತು ಕೋಟಾ ಹಂಚಿಕೆಯನ್ನು ನಿರಂತರವಾಗಿ ಪರಿಶೀಲಿಸಿ, ಅಗತ್ಯವಿದ್ದರೆ ಸೀಟುಗಳನ್ನು ಹೊಂದಾಣಿಕೆ ಮಾಡುತ್ತದೆ. ಈ ವ್ಯವಸ್ಥೆಯಿಂದ:

• ಮುಂಗಡ ಬುಕಿಂಗ್ ಮುಗಿದಿದ್ದರೂ ಕೊನೆಗೆ ಸೀಟು ಲಭ್ಯತೆ
• ವಾರಾಂತ್ಯ ಅಥವಾ ಹಬ್ಬದ ಸಮಯದಲ್ಲಿಯೂ ಪ್ರಯಾಣಕ್ಕೆ ಅವಕಾಶ
• ವಿಶೇಷ ವರ್ಗದ ಪ್ರಯಾಣಿಕರಿಗೆ ಹೆಚ್ಚುವರಿ ಸುಲಭತೆ

ಈ ಹೊಸ ತುರ್ತು ಕೋಟಾ ಪರಿಚಯವು ವಂದೇ ಭಾರತ್ ಮತ್ತು ಅಮೃತ್ ಭಾರತ್-II ರೈಲುಗಳಲ್ಲಿ ಪ್ರಯಾಣವನ್ನು ಹೆಚ್ಚು ಆರಾಮದಾಯಕ ಮತ್ತು ಸುಲಭಗೊಳಿಸುತ್ತದೆ.