viral video: ಡಾಲಿ ಚಾಯ್‌ ವಾಲಾನ ಟೀಗೆ ಮನಸೋತ ಬಿಲ್ ಗೇಟ್ಸ್: 'ಒನ್‌ ಟೀ ಪ್ಲೀಸ್‌'

ಜತ್ತೀನ ಪ್ರಖ್ಯಾತ ಉದ್ಯಮಿಗಳಲ್ಲಿ ಮೈಕ್ರೋಸಾಫ್ಟ್ ಕಂಪನಿ ಸಹ ಒಂದು. ದಿನವೂ ಈ ಕಂಪನಿ ತನ್ನ ಉತ್ಪಾದನೆಗಳಿಂದ ಸುದ್ದಿಯಲ್ಲಿ ಇರುತ್ತದೆ. ಇಂದು ಸಹ ಈ ಕಂಪನಿ ವಿಶಿಷ್ಟ ಕಾರಣದಿಂದ ಸುದ್ದಿಯಲ್ಲಿದೆ. ಅಂದಹಾಗೆ ಈಗ ಸುದ್ದಿಯಲ್ಲಿರು ಬೇರೆನೆ ಕಾರಣವಿದೆ. ಈಗ ಮೈಕ್ರೋಸಾಫ್ಟ್ ಕಂಪನಿ ಸಂಸ್ಥಾಪಕ ಬಿಲ್‌ ಗೇಟ್ಸ್‌ ಕಾರಣದಿಂದ ಸುದ್ದಿಯಲ್ಲಿದೆ.

ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್ ಗೇಟ್ಸ್ ದೊಡ್ಡ ವ್ಯಾಪಾರವನ್ನು ಹೊರತುಪಡಿಸಿ ತನ್ನ ವಿಶಿಷ್ಟ ಶೈಲಿಗೆ ಹೆಸರುವಾಸಿ. ಪ್ರಸ್ತುತ ಬಿಲ್ ಗೇಟ್ಸ್ ಭಾರತದ ಪ್ರವಾಸವನ್ನು ಆರಂಭಿಸಿದ್ದಾರೆ. ಇತ್ತೀಚೆಗೆ, ಬಿಲ್ ಗೇಟ್ಸ್ ನಾಗ್ಪುರದ ಪ್ರಸಿದ್ಧ ಡಾಲಿ ಚಾಯ್‌ ವಾಲಾ ಅವರೊಂದಿಗೆ ಇರುವ ವೀಡಿಯೊ ವೈರಲ್ ಆಗಿದೆ. ಬಿಲ್ ಗೇಟ್ಸ್ ಅವರ ಈ ವಿಶೇಷ ಶೈಲಿಯನ್ನು ಜನರು ತುಂಬಾ ಇಷ್ಟಪಡುತ್ತಿದ್ದಾರೆ.

ವಿಡಿಯೋ ಹಂಚಿಕೊಂಡ ಉದ್ಯಮಿ

ಬಿಲ್ ಗೇಟ್ಸ್ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರು ಮತ್ತು ಅವರು ತಮ್ಮ ಸಾಮಾಜಿಕ ಸೇವಾ ಕಾರ್ಯಗಳಿಗಾಗಿ ಆಗಾಗ್ಗೆ ಸುದ್ದಿಯಲ್ಲಿರುತ್ತಾರೆ. ತನ್ನ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಡಾಲಿ ಚಾಯ್‌ವಾಲಾ ಅವರೊಂದಿಗೆ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಅವರು ಭಾರತವನ್ನು ಹೊಗಳಿದ್ದಾರೆ.

ಬಿಲ್ ಗೇಟ್ಸ್ ಪ್ರಕಾರ, ಭಾರತದಲ್ಲಿ ನೀವು ಎಲ್ಲೆಡೆ ಹೊಸತನವನ್ನು ಕಾಣುತ್ತೀರಿ ಮತ್ತು ಅದು ಒಂದು ಕಪ್ ಚಹಾದಲ್ಲಿಯೂ ಗೋಚರಿಸುತ್ತದೆ. ಈ ವೀಡಿಯೊದಲ್ಲಿ, ಬಿಲ್ ಗೇಟ್ಸ್ ಅವರು ಡಾಲಿ ಚಾಯ್ವಾಲಾ ಮಾಡಿದ ಚಹಾವನ್ನು ಕುಡಿದು ಆನಂದಿಸಿದ್ದಾರೆ.

ಒಂದು ಟೀ ಪ್ಲೀಸ್‌..

ಬಿಲ್ ಗೇಟ್ಸ್ ಇತ್ತೀಚೆಗಷ್ಟೇ ಸೋಷಿಯಲ್ ಮೀಡಿಯಾದಲ್ಲಿ ಫೇಮಸ್ ಆಗಿರುವ ಡಾಲಿ ಚಾಯ್ ವಾಲಾ ಅವರ ಅಂಗಡಿಗೆ ಟೀ ಕುಡಿಯಲು ಭೇಟಿ ನೀಡಿದ್ದರು. 'ಒಂದು ಟೀ ಪ್ಲೀಸ್' ಎಂದು ವಿಶೇಷ ರೀತಿಯಲ್ಲಿ ಹೇಳಿ ಡಾಲಿ ಚಾಯ್‌ವಾಲಾಗೆ ಟೀ ಆರ್ಡರ್ ಮಾಡಿದರು. ಈ ವಿಡಿಯೋದಲ್ಲಿ ಇಬ್ಬರ ಸಂಭಾಷಣೆ ಕಾಣಬಹುದು.

View this post on Instagram

A post shared by Bill Gates (@thisisbillgates)

ಟೀಗಾಗಿ ಆರ್ಡರ್ ಪಡೆದ ನಂತರ, ಡಾಲಿ ತನ್ನದೇ ಆದ ವಿಶೇಷ ಶೈಲಿಯಲ್ಲಿ ಚಹಾವನ್ನು ತಯಾರಿಸಿದರು. ಬಿಲ್ ಗೇಟ್ಸ್ ಕೂಡ ಈ ಚಹಾವನ್ನು ತುಂಬಾ ಇಷ್ಟಪಟ್ಟಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಕೋಟ್ಯಾಧಿಪತಿ ಉದ್ಯಮಿ ಸಾಮಾನ್ಯ ಜನರಂತೆ ಚಹಾ ಸವಿಯುವುದನ್ನು ಜನರು ಇಷ್ಟಪಡುತ್ತಿದ್ದಾರೆ.

ಡಾಲಿ ಯಾರು?

ನಾಗ್ಪುರದ ಸದರ್ ಪ್ರದೇಶದ ವಿಸಿಎ ಸ್ಟೇಡಿಯಂ ಬಳಿ ಡಾಲಿ ಚಾಯ್ವಾಲಾ ಚಹಾ ಅಂಗಡಿಯನ್ನು ಇದೆ. ಡಾಲಿ ಚಾಯ್‌ವಾಲಾ ಸಾಮಾಜಿಕ ಜಾಲತಾಣದ ಸೆಲೆಬ್ರಿಟಿ. ನಾಗಪುರದಲ್ಲಿ, ಈ ಪ್ರಸಿದ್ಧ ಚಹಾ ಮಾರಾಟಗಾರರ ಅಂಗಡಿಯಲ್ಲಿ ಚಹಾ ಕುಡಿಯಲು ಜನರು ದೂರದೂರುಗಳಿಂದ ಬರುತ್ತಾರೆ. ತನ್ನ ಚಹಾದ ಜೊತೆಗೆ, ಡಾಲಿ ತನ್ನ ವಿಶೇಷ ಶೈಲಿಗೆ ಹೆಸರುವಾಸಿ.