ಕೊರೊನಾ ಎಫೆಕ್ಟ್: ದೇಶದಲ್ಲಿ ಪ್ರತಿ 2 ಸಂಸ್ಥೆಗಳ ಪೈಕಿ 1 ಸಂಸ್ಥೆಯಿಂದ ವರ್ಚುವಲ್ ನೇಮಕಾತಿ
ವಿಶ್ವದ ನಂಬರ್ ಒನ್ ಉದ್ಯೋಗ ಸೈಟ್ ಆಗಿರುವ ಇಂಡೀಡ್ ಪ್ರಕಾರ ದೇಶಾದ್ಯಂತ ವರ್ಚುವಲ್ ನೇಮಕಾತಿ ಪ್ರಕ್ರಿಯೆಯು ಹೆಚ್ಚು ಪ್ರಚಲಿತದಲ್ಲಿದ್ದು, ಪ್ರತಿ ಎರಡು ಸಂಸ್ಥೆಗಳ ಪೈಲಿ ಒಂದು ಸಂಸ್ಥೆಯಿಂದ ವರ್ಚುವಲ್ ನೇಮಕಾತಿ ನಡೆದಿದೆ ಎಂಬುದು ಅಂಕಿ-ಅಂಶಗಳ ಮೂಲಕ ಬಹಿರಂಗಗೊಂಡಿದೆ.
ಭಾರತಾದ್ಯಂತ 500 ಟಾಪ್ ಉದ್ಯೋಗದಾತರನ್ನು ಒಟ್ಟುಗೂಡಿಸುವಲ್ಲಿ ಇಂಡೀಡ್ ಯಶಸ್ವಿಯಾಗಿದೆ.ತನ್ನ ಇತ್ತೀಚಿನ ಟೆಕ್ ನಾವೀನ್ಯತೆ, ವರ್ಚುವಲ್ ಹೈರಿಂಗ್ ಈವೆಂಟ್ ಗಳನ್ನು (ವಿಎಚ್ಇ) ಆರಂಭಿಸುವ ನಿಟ್ಟಿನಲ್ಲಿ ದೇಶಾದ್ಯಂತ ಹೊಸ ವರ್ಚುವಲ್ ವರ್ಕ್ ನಲ್ಲಿ ನೇಮಕಾತಿ ಮಾಡಿಕೊಳ್ಳಲು ಸರಳ ಮತ್ತು ಪರಿಣಾಮಕಾರಿಯಾದ ಪರಿಹಾರದ ರೂಪದಲ್ಲಿ ನೇಮಕಾತಿದಾರರಿಗೆ ಸಹಾಯ ಮಾಡುವ ಯೋಜನೆಯ ಅಂಗವಾಗಿ ಈ ಒಟ್ಟುಗೂಡಿಸುವ ಕೆಲಸ ಮಾಡಿದೆ.
ಭಾರತದಲ್ಲಿ ವಿಎಚ್ಇ ಆರಂಭವಾದ ಸಮಯದಲ್ಲಿಯೇ ಇಂಡೀಡ್ ದೇಶಾದ್ಯಂತ 12 ನಗರಗಳ 16 ಕ್ಷೇತ್ರಗಳ ಸುಮಾರು 500 ಉದ್ಯೋಗದಾತರನ್ನು ತನ್ನ ವೇದಿಕೆಯಡಿ ತಂದಿದ್ದು, ಇದರ ಮೂಲಕ ಶೇ.47 ರಷ್ಟು ಉದ್ಯೋಗಿಗಳನ್ನು ಕೇವಲ ವರ್ಚುವಲ್ ಆಗಿ ಸಂದರ್ಶನಗಳನ್ನು ನಡೆಸಿ ನೇಮಕಾತಿ ಮಾಡಿಕೊಂಡಿವೆ.
ಸಾಂಕ್ರಾಮಿಕವು ಭಾರತವನ್ನು ಕಾಡುತ್ತಿರುವ ಸಮಯದಲ್ಲಿ ಸುರಕ್ಷತಾ ಕಾಳಜಿಗಳು ಉದ್ಯೋಗದಾತರನ್ನು ವಾಸ್ತವಿಕವಾಗಿ ನೇಮಿಸಿಕೊಳ್ಳಲು ಪ್ರೇರೇಪಿಸಿವೆ. ಹೊಸ ಉದ್ಯೋಗಿಗಳ ನೇಮಕಾತಿಗೆ ಹೆಚ್ಚು ಡಿಜಿಟಲ್ ವಿಧಾನಗಳನ್ನು ಬಳಕೆ ಮಾಡುವತ್ತ ಗಮನಹರಿಸಿವೆ.
ಈ ವರ್ಷ ವರ್ಚುವಲ್ ನೇಮಕಾತಿಯಲ್ಲಿ ಸುರಕ್ಷತೆಗೆ ಹೆಚ್ಚು ಆದ್ಯತೆ ನೀಡಲಾಗಿದೆ ಮತ್ತು ಇದು ನಮ್ಮ ಪ್ರಥಮ ಆದ್ಯತೆಯೂ ಆಗಿದೆ ಎಂದು ಶೇ.64 ರಷ್ಟು ಉದ್ಯೋಗದಾತರು ಹೇಳುತ್ತಾರೆ. ಇಂಡೀಡ್ ನ ವಿಎಚ್ಇ ಒಂದು ಸಂಕೀರ್ಣವಾದ ನೇಮಕಾತಿ ಪರಿಹಾರವಾಗಿದೆ. ಈ ಸಂಕೀರ್ಣವಾದ ಸಾಂಪ್ರದಾಯಿಕ ನೇಮಕ ಪ್ರಕ್ರಿಯೆಗೆ ಸುಲಭ ಮತ್ತು ತಡೆರಹಿತವಾದ ಕ್ರಮವನ್ನು ತರುವ ಗುರಿಯನ್ನು ಹೊಂದಿದೆ. ಈ ಮೂಲಕ ಎಲ್ಲಾ ಜನರಿಗೆ ಈಗ ಸುರಕ್ಷಿತ ಮತ್ತು ಪರಿಣಾಮಕಾರಿಯಾದ ರೀತಿಯಲ್ಲಿ ಅವಕಾಶಗಳನ್ನು ಹುಡುಕಲು ಸಹಾಯ ಮಾಡುತ್ತದೆ.
ವಿಎಚ್ಇ ಜೊತೆಗೆ ಭಾರತದಾದ್ಯಂತ ಉದ್ಯೋಗದಾತರು ಸುಲಭವಾಗಿ ಮತ್ತು ಕಡಿಮೆ ವೆಚ್ಚದಲ್ಲಿ ತಮ್ಮದೇ ಆದ ಕಂಪನಿ ಪ್ರಾಯೋಜಕತ್ವದಲ್ಲಿ ವರ್ಚುವಲ್ ನೇಮಕಾತಿ ಕಾರ್ಯಕ್ರಮಗಳನ್ನು ಸೃಷ್ಟಿಸಬಹುದು ಮತ್ತು ಉತ್ತೇಜಿಸಬಹುದಾಗಿದೆ. ಈ ಮೂಲಕ ಅವರು ಸುರಕ್ಷಿತವಾದ ಅಂತರದಿಂದ ಮುಕ್ತ ಸಂದರ್ಶನಗಳನ್ನು ನಡೆಸಬಹುದು ಹಾಗೂ ತಮ್ಮ ಅಗತ್ಯತೆಗಳಿಗೆ ತಕ್ಕಂತೆ ನೇಮಕಾತಿ ಸಂರಚನೆಯನ್ನು ಮಾಡಿಕೊಳ್ಳಬಹುದು.