ವಿಷು 2025: ತಮಿಳಿನ ಹೊಸ ವರ್ಷ..ಆಚರಣೆ, ಸಂಭ್ರಮ, ಹಿನ್ನೆಲೆ, ಸಂಪ್ರದಾಯದ ಬಗ್ಗೆ ತಿಳಿಯಿರಿ..!

ಇಂದು ವಿಷು ಹಬ್ಬ..ತಮಿಳು ಸಂಪ್ರದಾಯದಲ್ಲಿ ಈ ಹಬ್ಬವನ್ನು ಹೊಸ ವರ್ಷದ ಪ್ರಾರಂಭ ಎಂದು ಗೌರವದಿಂದ ಆಚರಿಸಲಾಗುತ್ತದೆ. ಕರ್ನಾಟಕದಲ್ಲಿ ಯುಗಾದಿ ಹಬ್ಬದ ಸಂಭ್ರಮ ಹೇಗಿರುತ್ತೋ ಅದೇ ರೀತಿ ವಿಷು ಹಬ್ಬದ ಸಂಭ್ರಮವೂ ಇರುತ್ತದೆ. ಅದೇ ರೀತಿ ಈ ಹಬ್ಬವನ್ನು ಕೇರಳದಲ್ಲೂ ಆಚರಿಸುತ್ತಾರೆ. ಇದು ಕೇವಲ ಒಂದು ಹಬ್ಬವಷ್ಟೇ ಅಲ್ಲ, ಹೊಸ ಸಾಧ್ಯತೆಗಳಿಗೆ ಬಾಗಿಲು ತೆರೆದಿಡುವ ಪವಿತ್ರ ಕ್ಷಣ. ಪ್ರಕೃತಿ, ಕುಟುಂಬ, ದೇವತೆ, ಶುದ್ಧತೆ ಈ ಎಲ್ಲಾ ಅಂಶಗಳ ಸಮರ್ಪಕ ಸಂಯೋಜನೆಯೇ ವಿಷು ಹಬ್ಬದ ಅರ್ಥವನ್ನು ಎತ್ತಿಹಿಡಿಯುತ್ತದೆ.

ತಮಿಳು ಸಂಪ್ರದಾಯದ ಈ ಹೊಸ ವರ್ಷವನ್ನು ದಕ್ಷಿಣ ಭಾರತದಲ್ಲಿ ಇಂದು ಸಂಭ್ರಮದಿಂದ ಆಚರಿಸಲಾಗುತ್ತಿದೆ. ಈ ಹಬ್ಬವನ್ನು ವರುಷ ಪಿರಪ್ಪು ಅಥವಾ ಪುತಂಡು ಎಂದು ಕರೆಯಲಾಗುತ್ತದೆ. ಇದು ತಮಿಳು ಚಿತ್ತಿರೈ ತಿಂಗಳ ಮೊದಲ ದಿನವಾಗಿದ್ದು, ತಮಿಳು ಕ್ಯಾಲೆಂಡರ್‌ನ ಹೊಸ ವರ್ಷದ ಆರಂಭವನ್ನು ಸೂಚಿಸುತ್ತದೆ. ಈ ದಿನದಂದು ಜನರು ತಮ್ಮ ಬಂಧುಗಳು ಮತ್ತು ಸ್ನೇಹಿತರಿಗೆ "ಪುಟಾಂಡು ವಳ್ತುಕಲ್" ಅಥವಾ "ಇನಿಯ ಪುಟಾಂಡು ನಳ್ವಳ್ತುಕಲ್!" ಎಂದು ಹೇಳುವ ಮೂಲಕ ಶುಭಾಶಯಗಳನ್ನು ನೀಡುತ್ತಾರೆ. ಇದಕ್ಕೆ ಅರ್ಥ ಹೊಸ ವರ್ಷದ ಶುಭಾಶಯಗಳು ಎಂಬುದಾಗಿದೆ.

ಹಬ್ಬದ ಹಿನ್ನೆಲೆ ಮತ್ತು ಆಚರಣೆ:

ಈ ಹಬ್ಬವನ್ನು ಗ್ರೆಗೋರಿಯನ್ ಕ್ಯಾಲೆಂಡರ್ ಪ್ರಕಾರ ಪ್ರತಿ ವರ್ಷ ಏಪ್ರಿಲ್ 14 ರಂದು ಆಚರಿಸಲಾಗುತ್ತದೆ. ತಮಿಳುನಾಡು ಮತ್ತು ಶ್ರೀಲಂಕಾದಲ್ಲಿ ಇದು ಸಾರ್ವಜನಿಕ ರಜಾದಿನವಾಗಿದೆ. ಈ ತಿಥಿಯಲ್ಲಿ ಅಸ್ಸಾಂ, ಪಶ್ಚಿಮ ಬಂಗಾಳ, ತ್ರಿಪುರ, ಬಿಹಾರ, ಕೇರಳ, ಪಂಜಾಬ್, ಹರಿಯಾಣ, ಒಡಿಶಾ ಮತ್ತು ಹಿಮಾಚಲ ಪ್ರದೇಶದಂತಹ ರಾಜ್ಯಗಳಲ್ಲೂ ಸಾಂಪ್ರದಾಯಿಕ ಹೊಸ ವರ್ಷ ಹಬ್ಬವನ್ನು ಆಚರಿಸುತ್ತಾರೆ. ನೇಪಾಳ, ಬಾಂಗ್ಲಾದೇಶ, ಮ್ಯಾನ್ಮಾರ್, ಲಾವೋಸ್, ಥೈಲ್ಯಾಂಡ್, ಕಾಂಬೋಡಿಯಾ ಮತ್ತು ಶ್ರೀಲಂಕಾದಂತಹ ದೇಶಗಳಲ್ಲಿಯೂ ಈ ದಿನವನ್ನು ಹೊಸ ವರ್ಷದ ಆಚರಣೆಗಾಗಿ ಆರಿಸಿಕೊಳ್ಳಲಾಗುತ್ತದೆ. ಈ ಸಂದರ್ಭದಲ್ಲಿ ಮನೆಯವರು ಬೆಳಗ್ಗೆ ಶುದ್ಧ ಸ್ನಾನ ಮಾಡಿ, ದೇವಾಲಯಗಳಿಗೆ ಹೋಗಿ ಪ್ರಾರ್ಥನೆ ಮಾಡುತ್ತಾರೆ. ಹೊಸ ಬಟ್ಟೆಗಳನ್ನು ಧರಿಸಿ, ಭೋಜನಕ್ಕಾಗಿ ವಿಶೇಷ ಆಹಾರ ತಯಾರಿಸುತ್ತಾರೆ. ಮನೆಯಲ್ಲೂ ವಿವಿಧ ಆಚರಣೆಗಳು ನಡೆಯುತ್ತವೆ.

ಸಾಂಪ್ರದಾಯಿಕ ಆಚರಣೆಗಳು ಮತ್ತು ಪೂಜಾ ವಿಧಿಗಳು:

ಪುತ್ತಂಡು ದಿನದಂದು ದೀಪದ ಹಂಗಿನೊಂದಿಗೆ ಮನೆಗಳನ್ನು ಅಲಂಕರಿಸಲಾಗುತ್ತದೆ. ವಿಶೇಷವಾಗಿ ಬೆಳಗಿನ ವೇಳೆ ಕಣಿ ಪಾರ್ಥಲ್ ಎಂಬ ಆಚರಣೆ ನಡೆಸಲಾಗುತ್ತದೆ. ಇದರಲ್ಲಿ ಹಣ್ಣುಗಳು, ಹೂವುಗಳು, ನಾಣ್ಯಗಳು, ಚಿನ್ನ, ಕನ್ನಡ ಮತ್ತು ಧಾರ್ಮಿಕ ಪುಸ್ತಕಗಳನ್ನು ಒಂದು ಪಾತ್ರೆಯಲ್ಲಿ ಇಟ್ಟು ದೇವರ ಮುಂದೆ ಇಡಲಾಗುತ್ತದೆ. ಈ ದೃಶ್ಯವನ್ನು ಬೆಳಿಗ್ಗೆ ಎದ್ದು ಮೊದಲು ನೋಡುವುದು, ಬದುಕಿನಲ್ಲಿ ಸಂಪತ್ತು, ಜ್ಞಾನ ಮತ್ತು ಶುಭವನ್ನು ತರುವ ನಂಬಿಕೆ ಇದೆ.
ಮಂದಿರಗಳಲ್ಲಿ ವಿಶೇಷ ಪೂಜೆಗಳು, ದೇವರಿಗೆ ಅರ್ಚನೆ, ಪ್ರಸಾದ ವಿತರಣೆಯೊಂದಿಗೆ ಹಬ್ಬದ ಸಡಗರ ಹೆಚ್ಚುತ್ತದೆ. ಶ್ರೀಲಂಕಾದ ತಮಿಳು ಜನತೆ ಈ ಹಬ್ಬವನ್ನು "ಪುತ್ತುವರುದಾ" ಎಂಬ ಹೆಸರಿನಲ್ಲಿ ಆಚರಿಸುತ್ತಾರೆ. ಈ ಸಂದರ್ಭದಲ್ಲಿ ಕುಟುಂಬ ಸಮೇತ ಸಭೆಗಳು ನಡೆಯುತ್ತವೆ.

ಭಾರತದ ಹೊರಗಿದ್ದ ತಮಿಳು ಸಮುದಾಯಗಳ ಆಚರಣೆ:

ಮಲೇಷ್ಯಾ, ಸಿಂಗಾಪುರ್, ಮಾರಿಷಸ್, ರಿಯೂನಿಯನ್, ಯುನೈಟೆಡ್ ಕಿಂಗ್‌ಡಮ್, ಯುಎಸ್‌ಎ, ಕೆನಡಾ, ಆಸ್ಟ್ರೇಲಿಯಾ ಹಾಗೂ ದಕ್ಷಿಣ ಆಫ್ರಿಕಾದಂತಹ ದೇಶಗಳಲ್ಲಿ ನೆಲೆಸಿರುವ ತಮಿಳು ಮೂಲದ ಜನರು ತಮ್ಮ ಕುಟುಂಬದೊಂದಿಗೆ ಈ ಹಬ್ಬವನ್ನು ಸಂಭ್ರಮದಿಂದ ಆಚರಿಸುತ್ತಾರೆ. ಸ್ಥಳೀಯ ತಮಿಳು ಸಂಘಗಳು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಆಯೋಜಿಸುತ್ತವೆ.

ಪುಟಾಂಡು ತಮಿಳು ಜನಾಂಗದ ಸಂಸ್ಕೃತಿಯ ನಂಬಿಕೆ, ಸಂಪ್ರದಾಯ ಹಾಗೂ ಕುಟುಂಬಪರತೆ ಬೆಳೆಸುವ ಹಬ್ಬವಾಗಿದೆ. ಹೊಸ ಆಶೆಗಳು, ಹೊಸ ಉತ್ಸಾಹ, ಧರ್ಮಪಾಲನೆ ಹಾಗೂ ಸಾಮಾಜಿಕ ಸಾಮರಸ್ಯವನ್ನು ಉತ್ತೇಜಿಸುವ ಈ ಹಬ್ಬವು, ಎಲ್ಲರಿಗೂ ಶಾಂತಿ ಮತ್ತು ಸಮೃದ್ಧಿಯ ಬಾಗಿಲು ತೆರೆಸಲಿ ಎಂಬ ಹಾರೈಕೆ ಇದೆ.