ವೊಡಾಫೋನ್ ಐಡಿಯಾ ಡಬಲ್ ಡೇಟಾ ಆಫರ್: 249,399,599 ರೀಚಾರ್ಜ್

ವೋಡಾಫೋನ್ ಐಡಿಯಾ ಟೆಲಿಕಾಂ ಕಂಪನಿಯು ತನ್ನ ಗ್ರಾಹಕರಿಗೆ ಡಬಲ್ ಡೇಟಾ ಆಫರ್‌ ನೀಡಿದೆ. ಈ ಮೂಲಕ ಹೆಚ್ಚು ಡೇಟಾ ಬಳಸುವವರಿಗೆ ದುಪ್ಪಟ್ಟು ಮೊಬೈಲ್ ಡೇಟಾ ಆಫರ್ ಸಿಕ್ಕಂತಾಗಿದೆ.

ವೊಡಾಫೋನ್ ತನ್ನ ಪ್ರಿಪೇಯ್ಡ್‌ ಪ್ಲಾನ್‌ಗಳಲ್ಲಿ 1.5 ಜಿಬಿ ಡೇಟಾ ಆಫರ್ ನೀಡುತ್ತಿದೆ. 249, 399 ಹಾಗೂ 599 ರುಪಾಯಿ ಪ್ರಿಪೇಯ್ಡ್‌ ರೀಚಾರ್ಜ್ ಯೋಜನೆಗಳು ನೀಡಿದೆ. ಈ ಯೋಜನೆಗಳಲ್ಲಿ ಈಗಾಗಲೇ 1.5GB ದೈನಂದಿನ ಡೇಟಾ ಲಭ್ಯವಿದೆ.

249 ಯೋಜನೆಯು 28 ದಿನಗಳ ವ್ಯಾಲಿಡಿಟಿ, 399 ಯೋಜನೆಯು 56 ದಿನಗಳ ವ್ಯಾಲಿಡಿಟಿ, 599 ರುಪಾಯಿ ಪ್ರಿಪೇಯ್ಡ್‌ ರೀಚಾರ್ಜ್ 84 ದಿನಗಳವರೆಗೆ ವ್ಯಾಲಿಡಿಟಿ ಹೊಂದಿವೆ.

ಈ ಯೋಜನೆಯೊಂದಿಗೆ 1.5GB ಹೆಚ್ಚುವರಿ ದೈನಂದಿನ ಡೇಟಾವನ್ನು ನೀಡಲಿದೆ. ಟೆಲ್ಕೊ ಪ್ರಸ್ತುತ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ 23 ಟೆಲಿಕಾಂ ವಲಯಗಳಲ್ಲಿ ಹೊಸ ಕೊಡುಗೆ ಲಭ್ಯವಿದೆ.

ವೊಡಾಫೋನ್ ಐಡಿಯಾ ಕಂಪನಿಯು AGR ಬಾಕಿ ಪಾವತಿ ಮತ್ತು ರಿಲಯನ್ಸ್‌ ಜಿಯೋನ ಪ್ರಬಲ ಸ್ಫರ್ಧೆಯಿಂದಾಗಿ ಪ್ರಬಲ ಸವಾಲುಗಳನ್ನು ಎದುರಿಸುತ್ತಿದ್ದರೂ ಡಬಲ್‌ ಡೇಟಾ ಪ್ರಯೋಜನಗಳನ್ನು ಗ್ರಾಹಕರಿಗೆ ನೀಡಿದೆ.

ಡಬಲ್ ಡೇಟಾ ಪ್ರಯೋಜನಗಳ ಕೊಡುಗೆ ಸೀಮಿತ ಅವಧಿಗೆ ಲಭ್ಯವಿರುತ್ತದೆ. ಅಧಿಕೃತ ವೊಡಾಫೋನ್ ಮತ್ತು ಐಡಿಯಾ ವೆಬ್‌ಸೈಟ್‌ಗಳಲ್ಲಿ ಈ ಆಫರ್ ಎಷ್ಟು ಅವಧಿಯವರೆಗೆ ಇರಲಿದೆ ಎಂದು ಇನ್ನೂ ಸ್ಪಷ್ಟಪಡಿಸಲಾಗಿಲ್ಲ.