ವಿಪ್ರೋ ಉದ್ಯೋಗಿಗಳಿಗೆ ವೇತನ ಹೆಚ್ಚಳ: ಸೆಪ್ಟೆಂಬರ್ 1ರಿಂದ ಜಾರಿ

ಪ್ರಮುಖ ಐಟಿ ಸಂಸ್ಥೆಗಳಲ್ಲಿ ಒಂದಾದ ವಿಪ್ರೋ ಲಿಮಿಟೆಡ್ ತನ್ನ ಉದ್ಯೋಗಿಗಳಲ್ಲಿ ಸುಮಾರು ಶೇಕಡಾ 80ರಷ್ಟು ಜನರಿಗೆ ವೇತನ ಹೆಚ್ಚಳ ಮಾಡುವುದಾಗಿ ಜೂನ್ 18 ರಂದು ಪ್ರಕಟಿಸಿದ್ದು, ಇದು ಸೆಪ್ಟೆಂಬರ್ 1, 2021 ರಿಂದ ಜಾರಿಗೆ ಬರಲಿದೆ.

"ಸೆಪ್ಟೆಂಬರ್ 1, 2021 ರಿಂದ ಜಾರಿಗೆ ಬರುವ ಬ್ಯಾಂಡ್ ಬಿ 3 (ಸಹಾಯಕ ವ್ಯವಸ್ಥಾಪಕ ಮತ್ತು ಕೆಳಗಿನ) ವರೆಗಿನ ಎಲ್ಲಾ ಅರ್ಹ ಉದ್ಯೋಗಿಗಳಿಗೆ ಮೆರಿಟ್ ವೇತನ ಹೆಚ್ಚಳ (ಎಂಎಸ್ಐ)" ಅನ್ನು ಪ್ರಾರಂಭಿಸುವುದಾಗಿ ಕಂಪನಿ ಹೇಳಿದೆ. ಈ ಬ್ಯಾಂಡ್‌ಗಳು ಕಂಪನಿಯ ಶೇಕಡಾ 80 ರಷ್ಟು ಉದ್ಯೋಗಿಗಳನ್ನ ಒಳಗೊಂಡಿದೆ.

ಈ ಕ್ಯಾಲೆಂಡರ್ ವರ್ಷದಲ್ಲಿ ಉದ್ಯೋಗಿಗಳಿಗೆ ಇದು ಎರಡನೇ ವೇತನ ಹೆಚ್ಚಳವಾಗಿದೆ. ಕಂಪನಿಯು ಈ ಬ್ಯಾಂಡ್‌ಗಳಲ್ಲಿ ಅರ್ಹ ಉದ್ಯೋಗಿಗಳಿಗೆ 2021 ರ ಜನವರಿಯಲ್ಲಿ ಕಂಪನಿಯು ವೇತನ ಹೆಚ್ಚಳ ಮಾಡಿತ್ತು.

ಇನ್ನು ಈ ವೇತನ ಹೆಚ್ಚಳವು ವಿದೇಶದಲ್ಲಿ ಕೆಲಸ ಮಾಡುವ ಉದ್ಯೋಗಿಗಳಿಗೆ ಏಕ ಅಂಕೆಯಲ್ಲಿರುತ್ತದೆ. ಆದರೆ ಕಂಪನಿಯ ಉನ್ನತ ಸಾಧಕರಿಗೆ ಗಣನೀಯವಾಗಿ ಹೆಚ್ಚಿನ ವೇತನ ಏರಿಕೆಯಾಗುತ್ತದೆ ಎಂದು ಕಂಪನಿಯು ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.