ಶಿಯೋಮಿ Mi 11 ಮತ್ತು Mi 11 ಪ್ರೊ ಮೊಬೈಲ್ ಬಿಡುಗಡೆಗೂ ಮುನ್ನ ಫೀಚರ್ಸ್ ಏನಿರಬಹುದು?

ಶಿಯೊಮಿ ಕಂಪನಿಯು Mi 11 ಮತ್ತು Mi 11ಪ್ರೊ ಎರಡು ಹೊಸ ಸ್ಮಾರ್ಟ್‌ಫೋನ್‌ಗಳ ಬಿಡುಗಡೆ ಸಿದ್ಧತೆ ನಡೆಸಿದೆ. ಡಿಸೆಂಬರ್ ಅಂತ್ಯಕ್ಕೆ ಬಿಡುಗಡೆಯಾಗಬಹುದು ಎನ್ನಲಾಗಿರುವ ಈ ಮೊಬೈಲ್‌ಗಳ ಕುರಿತು ಕೆಲವು ಫೀಚರ್ಸ್‌ ಏನಿರಬಹುದು ಎಂದು ಅಂದಾಜಿಸಲಾಗಿದೆ.

ಎರಡು ವಿಶೇಷ ಮೊಬೈಲ್‌ಗಳು ಶೀಘ್ರದಲ್ಲೇ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಬಹುದು ಎಂದು ಸ್ಮಾರ್ಟ್‌ಫೋನ್‌ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಈ ಹೊಸ ಫೋನ್ ಸರಣಿಯ ಕುರಿತು ಕೆಲವು ಮಾಹಿತಿ ಈ ಕೆಳಗಿದೆ ಓದಿ.

108 ಮೆಗಾಪಿಕ್ಸಲ್ ಕ್ಯಾಮೆರಾ ಸೆನ್ಸಾರ್

ಶಿಯೊಮೆ ಕಂಪನಿಯು Mi 11 ಮೊಬೈಲ್ 6 ಇಂಚಿನ QHD+ AMOLED ಡಿಸ್‌ಪ್ಲೇ ಹೊಂದಿದ್ದು, ಇದು 120Hz ರಿಫ್ರೆಶ್ ದರವನ್ನು ಹೊಂದಿರುತ್ತದೆ. ಈ ಫೋನ್‌ನಲ್ಲಿ ಕಂಪನಿಯು ಟ್ರಿಪಲ್ ಕ್ಯಾಮೆರಾ ಸೆಟಪ್ ನೀಡಿದೆ. ಈ ಸೆಟಪ್‌ನ ಮೊದಲ ಕ್ಯಾಮೆರಾ 108 ಮೆಗಾಪಿಕ್ಸೆಲ್‌ಗಳಾಗಿದ್ದರೆ, ಎರಡನೇ ಕ್ಯಾಮೆರಾ 13 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆ್ಯಂಗಲ್ ಲೆನ್ಸ್‌ನೊಂದಿಗೆ ಬರಲಿದೆ.

ಟ್ರಿಪಲ್ ಕ್ಯಾಮೆರಾ ಸೆಟಪ್

Mi 11 ಪ್ರೊ ಕುರಿತು ಮಾತನಾಡುತ್ತಾ, ಕಂಪನಿಯು ಆ ಫೋನ್‌ನಲ್ಲಿ 50 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ನೀಡಬಹುದು. ಅದು ಆ ಫೋನ್‌ನ ಪ್ರಾಥಮಿಕ ಕ್ಯಾಮೆರಾ ಆಗಿರುತ್ತದೆ. ಇದಲ್ಲದೆ ಕಂಪನಿಯು ಈ ಫೋನ್‌ನಲ್ಲಿ 48 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆಂಗಲ್ ಕ್ಯಾಮೆರಾ ಸಹ ನೀಡಲಿದ್ದು, ಮೂರನೇ ಕ್ಯಾಮರಾ 48 ಮೆಗಾಪಿಕ್ಸೆಲ್ ಆಗಿರುತ್ತದೆ.

ಹೆಚ್ಚಿನ RAM ಮತ್ತು ಸ್ಟೋರೇಜ್

ಎಂಐ ಎರಡು ಕ್ಯಾಮೆರಾಗಳು ಉತ್ತಮವಾಗಿರುವ ಸಾಧ್ಯತೆಯನ್ನು ಹೊಂದಿದೆ. ಈ ಎರಡೂ ಫೋನ್‌ಗಳಲ್ಲಿ ಕಂಪನಿಯು 8 ಜಿಬಿ ಎಲ್‌ಪಿಡಿಡಿಆರ್ಎಸ್ RAM ಮತ್ತು 128 ಜಿಬಿ ಸ್ಟೋರೇಜ್ ಸಹ ಒದಗಿಸುತ್ತದೆ.

ಈ ಎರಡು ಫೋನ್‌ಗಳ ಸಂಭಾವ್ಯ ಬೆಲೆ

ಈ ಎರಡೂ ಫೋನ್‌ಗಳಲ್ಲಿ, ಕಂಪನಿಯು ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್‌ಗಳನ್ನು ನೀಡುತ್ತದೆ. ಅದೇ ಸಮಯದಲ್ಲಿ, ಈ ಫೋನ್‌ನಲ್ಲಿ 20 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾವನ್ನು ಸಹ ನೀಡಬಹುದು. ಈ ಫೋನ್‌ನ ಬೆಲೆಯ ಬಗ್ಗೆ ಸದ್ಯಕ್ಕೆ ಯಾವುದೇ ಮಾಹಿತಿ ಇಲ್ಲ ಆದರೆ Mi 11 ಮೊಬೈಲ್ ಅಂದಾಜು ಬೆಲೆ 45,000 ರಿಂದ 50,000 ರೂಪಾಯಿ ಆಗಿರಬಹುದು. Mi 11 ಪ್ರೊ ಬೆಲೆಯು 60,000 ದಿಂದ 62,000 ರೂಪಾಯಿವರೆಗೆ ಇರಬಹುದು ಎಂದು ನಂಬಲಾಗಿದೆ.