ಪ್ಯಾನ್ ಕಾರ್ಡ್ ಯಾವಾಗ ಬೇಕಾಗುತ್ತದೆ?

ಪ್ಯಾನ್ ಕಾರ್ಡ್ ಅಥವಾ Permanent Account Number (PAN) ಇರುವ ಕಾರ್ಡ್ ಈಗ ಅನೇಕ ವ್ಯವಹಾರಗಳಲ್ಲಿ ಕಡ್ಡಾಯವಾಗಿ ಬಳಕೆ ಮಾಡಬೇಕಾಗುತ್ತದೆ. ಆದಾಯ ತೆರಿಗೆ ಇಲಾಖೆ ನಿರ್ದೇಶನದ ಪ್ರಕಾರ ಪ್ಯಾನ್ ಸಂಖ್ಯೆ ಇಲ್ಲದೆ ಆದಾಯ ತೆರಿಗೆ ರಿಟರ್ನ್ಸ್ ಮಾಡಲು ಸಾಧ್ಯವಿಲ್ಲ.

ಕೆವೈಸಿ ವಿಧಾನವನ್ನು ಬಲಪಡಿಸಿಕೊಳ್ಳುವ ಉದ್ದೇಶದಿಂದ ಐದು ಲಕ್ಷ. ರೂ.ಗಿಂತ ಮೇಲ್ಪಟ್ಟ ಎಲ್ಲ ಸಾಲ ಪ್ರಸ್ತಾವಗಳಿಗೆ ಎನ್ ಬಿಎಫ್ಸಿ ಪ್ಯಾನ್ ಕಾರ್ಡಿನ ಪ್ರತಿಯನ್ನು ಪಡೆದುಕೊಳ್ಳಬಹುದು. ಪ್ರಸ್ತುತ 5 ಲ.ರೂ.ಗಿಂತ ಮೇಲ್ಪಟ್ಟ ಚಿನ್ನ ಖರೀದಿಗೆ ಮಾತ್ರ ಪ್ಯಾನ್ ಕಡ್ಡಾಯಗೊಳಿಸಲಾಗಿದೆ. ಮುಂದೆ ಹೆಚ್ಚಿನ ಪ್ರಮಾಣದ ಚಿನ್ನ ಖರೀದಿಗೆ ಪ್ಯಾನ್ ಕಾರ್ಡ್ ಕಡ್ಡಾಯಗೊಳಿಸುವ ಸಾಧ್ಯತೆಯೂ ಇದೆ.

ಇನ್ನೂ ತೆರಿಗೆ ವಿನಾಯಿತಿ ಬಯಸುವವರು ಪ್ಯಾನ್ ಕಾರ್ಡ್ ನ ಸಂಪೂರ್ಣ ವಿವರವನ್ನು ನೀಡಬೇಕು. ಇಲ್ಲವಾದರೆ ಆದಾಯದ ಮೂಲದಲ್ಲೇ ಮುರಿದುಕೊಳ್ಳುವ ತೆರಿಗೆಯ ಪ್ರಮಾಣ ಹೆಚ್ಚಾಗುವ ಸಾಧ್ಯತೆಯಿದೆ. ಪ್ಯಾನ್ ಕಾರ್ಡ್ ಯಾವಾಗ ಯಾವಾಗ ಬೇಕಾಗುತ್ತದೆ ಎಂಬುದನ್ನು ಈ ಕೆಳಗೆ ನೀಡಲಾಗಿದೆ. ಈ ಕೆಳಗಿನ ಸಂದರ್ಭಗಳಲ್ಲಿ ಪ್ಯಾನ್ ಕಾರ್ಡ್ ಜೊತೆಗಿಟ್ಟುಕೊಳ್ಳುವುದು ಕಡ್ಡಾಯ

* ಬ್ಯಾಂಕ್ ಖಾತೆ ಆರಂಭಿಸಲು ಪ್ಯಾನ್ ಕಾರ್ಡ್ ಕಡ್ಡಾಯ.
* 50,000 ರು ಗೂ ಮೇಲ್ಪಟ್ಟ ನಗದನ್ನು ಬ್ಯಾಂಕಿನಲ್ಲಿ ಜಮೆ ಮಾಡಲು
* ಷೇರುಪೇಟೆ ವ್ಯವಹಾರ, ಡಿಮ್ಯಾಡ್ ಹಾಗೂ ಟ್ರೇಡಿಂಗ್ ಖಾತೆ ಆರಂಭಿಸುವಾಗ
* 50,000 ರು ಗೂ ಮೇಲ್ಪಟ್ಟ ಡಿಮ್ಯಾಂಡ್ ಡ್ರಾಫ್ಟ್ ಬಳಸುವಾಗ

* ಚೆಕ್ ಡಿಫಾಸಿಟ್ 50,000 ರು ಮೀರಿದಾಗ
* ಭಾರತದಲ್ಲಿ ಎಲ್ಲೇ ಆದರೂ ಸ್ಥಿರಾಸ್ತಿ ಖರೀದಿಸುವಾಗ
* ಕಾರುಗಳ ಖರೀದಿ ಅಥವಾ ಮಾರಾಟ
* 25,000 ರು ಮೀರಿದ ಪ್ರಯಾಣ ದರ, ನಗದು ಪಾವತಿ ಸಂದರ್ಭದಲ್ಲಿ
* ಆದಾಯ ತೆರಿಗೆ ಇಲಾಖೆಗೆ ಟಿಡಿಎಸ್ ರಿಟರ್ನ್ ಮಾಡುವಾಗ
* ಗೃಹ/ವೈಯಕ್ತಿಕ/ ಇತರೆ ಸಾಲವನ್ನು ಪಡೆಯಲು ಬಯಸಿದಾಗ ಪ್ಯಾನ್ ಕಾರ್ಡ್ ಕಡ್ಡಾಯವಾಗಿ ಬೇಕಾಗುತ್ತದೆ.

ಗುಡ್ ರಿಟರ್ನ್ಸ್.ಇನ್