ಕ್ರೆಡಿಟ್ ಕಾರ್ಡ್ ಇದ್ದರೆ ಸಿಗುವ 6 ಲಾಭಗಳು ಯಾವವು?

ಕ್ರೆಡಿಟ್ ಕಾರ್ಡ್ ಹೊಂದುವುದು ಅಂದರೆ ಸಾಲ ಮಾಡುವುದು ಅಥವಾ ಸಾಲಕ್ಕೆ ಸಿಕ್ಕಿ ಹಾಕಿಕೊಳ್ಳುವುದು ಎಂದೇ ಹಲವರು ಯೋಚನೆ ಮಾಡುತ್ತಾರೆ.

ಆದರೆ ಕ್ರೆಡಿಟ್ ಕಾರ್ಡ್ ನ್ನು ವ್ಯವಸ್ಥಿತವಾಗಿ ಬಳಸಿಕೊಂಡರೆ ನಿಮಗೆ ಲಾಭ ಖಂಡಿತ ಸಿಗುತ್ತದೆ. ಸಮಯಕ್ಕೆ ಸರಿಯಾಗಿ ಹಣ ಮರುಪಾವತಿ ಮಾಡಿದರೆ ಯಾವ ಸಮಸ್ಯೆಗಳಿಗೂ ಸಿಕ್ಕಿಹಾಕೊಕೊಳ್ಳುವುದಿಲ್ಲ.

ಕ್ರೆಡಿಟ್ ಕಾರ್ಡ್ ಬಳಕೆ ಮಾಡಿಕೊಂಡು ಶಾಪಿಂಗ್ ಮಾಡುವುದರಿಂದ ಅಪರಿಮಿತ ಡಿಸ್ಕೌಂಟ್ ಪಡೆಯಬಹುದು. ಅಲ್ಲದೆ ಇಎಂಐ ಆಯ್ಕೆಗಳು ನಿಮಗೆ ಸಿಗುತ್ತವೆ. ನೀವು ಕ್ರೆಡಿಟ್ ಕಾರ್ಡ್ ಹೊಂದುವುದರಿಂದ ಯಾವ ಯಾವ ಲಾಭಗಳಿದೆ ಎಂಬುದನ್ನು ನೋಡಿಕೊಂಡು ಬನ್ನಿ..[ಹಣ ಪಾವತಿಗೆ ನಿಮ್ಮ ಆಯ್ಕೆ ಯಾವುದು? ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್]

ನಿಮ್ಮ ಹವ್ಯಾಸಗಳು ಮತ್ತು ಆದಾಯದ ಮಿತಿ ಲೆಕ್ಕಾಚಾರದಲ್ಲಿ ಕ್ರೆಡಿಟ್ ಕಾರ್ಡ್ ಪಡೆದುಕೊಂಡು ಅದನ್ನು ಸರಿಯಾದ ಸ್ಥಳದಲ್ಲಿ ಬಳಕೆ ಮಾಡಿಕೊಂಡರೆ ಮತ್ತು ಕೊಳ್ಳುಬಾಕತನಕ್ಕೆ ಸಿಗದೆ ಬಳಕೆ ಮಾಡಿಕೊಂಡರೆ ಯಾವ ನಷ್ಟವೂ ಇಲ್ಲ.(ಗುಡ್ ರಿಟರ್ನ್ಸ್.ಇನ್)

ಕ್ಯಾಶ್ ಬ್ಯಾಕ್

ಕ್ರೆಡಿಕ್ ಕಾರ್ಡ್ ನೀಡಿರುವ ಹಲವಾರು ಕಂಪನಿಗಳು ನಿಮಗೆ ಕ್ಯಾಶ್ ಬ್ಯಾಕ್ ಆಫರ್ ಗಳನ್ನು ನೀಡುತ್ತಿವೆ, ನಿಮ್ಮ ಕಾರ್ಡ್ ಸೈಪ್ ಆದ ತಕ್ಷಣ ಕ್ಯಾಶ್ ಬ್ಯಾಕ್ ಸಹ ನಿಮ್ಮ ಖಾತೆಯನ್ನು ಸೇರಿಕೊಳ್ಳುತ್ತದೆ.

ರಿವಾರ್ಡ್ ಪಾಯಿಂಟ್ಸ್

ನಿರ್ದಿಷ್ಟ ಮೊತ್ತದ ಖರೀದಿ ಮಾಡಿದಾಗ ಕಂಪನಿಗಳು ರಿವಾರ್ಡ್ ಪಾಯಿಂಟ್ಸ್ ನೀಡುತ್ತವೆ. ಇದನ್ನು ಬಳಸಿಕೊಂಡು ಹೆಚ್ಚಿನ ಲಾಭ ಪಡೆದುಕೊಳ್ಳಬಹುದು.

 

 

ನಗದು ಸಂದಾಯ ಗೊಂದಲ ಇಲ್ಲ

ಕ್ರೆಡಿಟ್ ಕಾರ್ಡ್ ನಿಮ್ಮ ಬಳಿ ಇದ್ದರೆ ಹೆಚ್ಚಿನ ಮೊತ್ತದ ನಗದನ್ನು ಕೊಂಡೊಯ್ಯುವ ಅಗತ್ಯ ಇರುವುದಿಲ್ಲ. ಡೆಬಿಟ್ ಕಾರ್ಡ್ ಸಹ ಇದೆ ಬಗೆಯಲ್ಲಿಯೇ ಕೆಲಸ ಮಾಡುತ್ತದೆ.

ಕ್ರೆಡಿಟ್ ಸ್ಕೋರ್

ಕ್ರೆಡಿಟ್ ಕಾರ್ಡ್ ಬಳಕೆ ನಿಮ್ಮ ಖಾತೆಯ ಹಿಸ್ಟರಿ ಯನ್ನು ಉತ್ತಮ ಮಾಡಬಲ್ಲದು. ನೀವು ಖರೀದಿಸಿದ ಪ್ರತಿಯೊಂದು ವಸ್ತುಗಳ ಬಿಲ್ಲ ಸಹ ದಾಖಲಾಗುವುದರಿಂದ ಅನಗತ್ಯ ತೊಂದರೆಗೂ ಸಿಕ್ಕಿಹಾಕಿಕೊಳ್ಳುವುದಿಲ್ಲ.

 

 

ಲೆಕ್ಕಾಚಾರ

ಕ್ರೆಡಿಟ್ ಕಾರ್ಡ್ ಸ್ಟೇಟ್ ಮೆಂಟ್ ಲೆಕ್ಕ ತೆಗೆದುಕೊಂಡರೆ ನಿಮ್ಮ ಖರ್ಚಿನ ಎಲ್ಲ ದಾಖಲೆಗಳು ಒಂದೇ ಕಡೆಯಲ್ಲಿಯೇ ಸಿಗುತ್ತವೆ.

ಇಎಂಐ

ಬೆಲೆಬಾಳುವ ವಸ್ತು ಖರೀದಿಗೆ ಮುಂದಾದಾಗ ಇಎಂಐ ಅಗತ್ಯ ಬೀಳುತ್ತದೆ. ಇಲ್ಲಿ ನೀವು ಸೊನ್ನೆ ಶೇಕಡಾ ಲೆಕ್ಕದಲ್ಲಿಯೂ ಇಎಂಐ ಕಂತನ್ನು ಪಡೆದುಕೊಳ್ಳಲು ಸಾಧ್ಯವಿದೆ.

 

 

Read in English: 6 Reasons Why You Should Have A Credit Card