ಕಡಿಮೆ ಬಂಡವಾಳದಲ್ಲಿ ಮೊಲ ಸಾಕಾಣಿಕೆ ಆರಂಭಿಸಿ, ವಾರ್ಷಿಕ 8 ಲಕ್ಷ ಆದಾಯ ಗಳಿಸಿ..

ಕಡಿಮೆ ಹೂಡಿಕೆಯೊಂದಿಗೆ ಹೆಚ್ಚು ಆದಾಯ ಗಳಿಸುವುದು ಹೊಸ ಟ್ರೆಂಡ್. ಹೆಚ್ಚು ರಿಸ್ಕ್ ತೆಗೆದುಕೊಳ್ಳದೇ ಸುರಕ್ಷಿತ ಆದಾಯಕ್ಕಾಗಿ ಜನರು ಯೋಜಿಸುತ್ತಿರುತ್ತಾರೆ. ನೀವು ಕಡಿಮೆ ಹೂಡಿಕೆ ಮಾಡಿ ಹೆಚ್ಚು ಲಾಭ ಗಳಿಸುವ ಬಿಸಿನೆಸ್ ಬಗ್ಗೆ ಆಲೋಚಿಸುತ್ತಿದ್ದರೆ ಈ ಐಡಿಯಾ ಬೆಸ್ಟ್. ಕಡಿಮೆ ಬಂಡವಾಳದಲ್ಲಿ ಕೈ ತುಂಬಾ ಹಣ ಗಳಿಸಲು ಬಯಸಿದ್ದರೆ ಮೊಲ ಸಾಕಾಣಿಕೆ (Rabbit Farming) ಆರಂಭಿಸಿ.

4 ಲಕ್ಷ ಬಂಡವಾಳ

ಮೊಲ ಸಾಕಾಣಿಕೆ ವ್ಯವಹಾರವನ್ನು ಯುನಿಟ್ಗಳಾಗಿ ವಿಂಗಡಿಸಲಾಗಿದೆ. ಒಂದು ಯೂನಿಟ್ ನಲ್ಲಿ ಏಳು ಹೆಣ್ಣು ಮತ್ತು ಮೂರು ಗಂಡು ಮೊಲಗಳನ್ನು ಇಟ್ಟುಕೊಳ್ಳಬೇಕು. ಕೃಷಿಗಾಗಿ ಆರಂಭಿಕ ಹಂತದ 10 ಯೂನಿಟ್ಗಳನ್ನು ಇಡಲಾಗಿದೆ ಎಂದು ಭಾವಿಸಿದರೆ, ಇದರ ಬೆಲೆ ಸುಮಾರು 4 ಲಕ್ಷದಿಂದ 4.50 ಲಕ್ಷ ರೂಪಾಯಿಗಳು ಆಗಬಹುದು. ಇದರಲ್ಲಿ ಶೆಡ್ ಗಾಗಿ ಸರಿಸುಮಾರು 1 ರಿಂದ 1.50 ಲಕ್ಷ, ಮೇವು ಮತ್ತು ಪಂಜರಗಳಿಗಾಗಿ 1-1.25 ಲಕ್ಷ, ಹೀಗೆ ಸುಮಾರು ಎರಡು ಲಕ್ಷ ಖರ್ಚು ಬರುತ್ತದೆ.

ವಾರ್ಷಿಕ 8 ಲಕ್ಷದವರೆಗೆ ಗಳಿಕೆ

ಸುಮಾರು 4 ಲಕ್ಷ ರೂಪಾಯಿ ಹೂಡಿಕೆ ಮಾಡಿ ಮೊಲ ಸಾಕಾಣಿಕೆ ಕೃಷಿ ಆರಂಭಿಸಬಹುದು. ಮಾರುಕಟ್ಟೆಯಲ್ಲಿ ಮೊಲದ ಮಾಂಸಕ್ಕೆ ಹೆಚ್ಚಿನ ಬೇಡಿಕೆಯಿದೆ. ಜೊತೆಗೆ ಒಳ್ಳೆಯ ಬೆಲೆಯಿದೆ. ಹಾಗಾಗಿ ಮೊಲ ಸಾಕಣಿಕಾ ಕೃಷಿ ಬಹಳ ಉತ್ತಮ ಆಯ್ಕೆಯಾಗಬಲ್ಲದು. ಈ ಬಿಸಿನೆಸ್ ನಲ್ಲಿ ವಾರ್ಷಿಕ 8 ಲಕ್ಷದವರೆಗೆ ಆದಾಯ ಗಳಿಸಬಹುದು. ಮೊಲದ ಮಾಂಸ ಹಾಗೂ ಕೂದಲಿಗೆ ಹೆಚ್ಚಿನ ಬೇಡಿಕೆಯಿದೆ.

ಸಂತಾನೋತ್ಪತ್ತಿ

ಗಂಡು ಮತ್ತು ಹೆಣ್ಣು ಮೊಲಗಳು ಸುಮಾರು 6 ತಿಂಗಳ ನಂತರ ಸಂತಾನೋತ್ಪತ್ತಿಗೆ ಸಿದ್ಧವಾಗುತ್ತವೆ. ಒಂದು ಹೆಣ್ಣು ಮೊಲವು ಒಮ್ಮೆ 6 ರಿಂದ 7 ಮರಿಗಳಿಗೆ ಜನ್ಮ ನೀಡುತ್ತದೆ. ಹೆಣ್ಣು ಮೊಲದ ಗರ್ಭಧಾರಣೆಯ ಅವಧಿ 30 ದಿನಗಳು ಮತ್ತು ಮುಂದಿನ 45 ದಿನಗಳಲ್ಲಿ ಮೊಲ ಸುಮಾರು 2 ಕೆಜಿ ತೂಕದ ನಂತರ ಮಾರಾಟ ಮಾಡಲು ಸಿದ್ಧವಾಗುತ್ತದೆ. ಹೆಣ್ಣು ಮೊಲವು ಮಕ್ಕಳಿಗೆ ವರ್ಷಕ್ಕೆ ಕನಿಷ್ಠ 7 ಬಾರಿ ನೀಡುತ್ತದೆ.

ಗಳಿಕೆ ಹೇಗೆ?

ಹತ್ತು ಯೂನಿಟ್ ಮೂಲಕ ತಯಾರಾದ ಮೊಲದ ಮರಿಗಳನ್ನು ೪೫ ದಿನಗಳ ನಂತರ ಮಾರಾಟ ಮಾಡಿದರೆ ಸುಮಾರು ೨ ಲಕ್ಷದವರೆಗೆ ಆದಾಯ ಬರುತ್ತದೆ. ಇದಕ್ಕಾಗಿ 6 ತಿಂಗಳು ಕಾಯುವ ಅಗತ್ಯವಿಲ್ಲ. ಮೊಲಗಳನ್ನು ಫಾರ್ಮ್ ಬ್ರೀಡಿಂಗ್, ಮಾಂಸ ಮತ್ತು ಉಣ್ಣೆ ವ್ಯಾಪಾರಕ್ಕಾಗಿ ಮಾರಲಾಗುತ್ತದೆ.
ಆದರೆ ಮರಣ, ಕಾಯಿಲೆ ಇತ್ಯಾದಿಗಳನ್ನು ಗಮನದಲ್ಲಿಟ್ಟುಕೊಂಡು, ಏಳರ ಬದಲಾಗಿ ಸರಾಸರಿ 5 ಗರ್ಭಧಾರಣೆಯ ಅವಧಿಯನ್ನು ಪರಿಗಣಿಸಿ ಒಂದು ವರ್ಷದಲ್ಲಿ 10 ಲಕ್ಷ ರೂಪಾಯಿಗಳ ಮೊಲಗಳನ್ನು ಮಾರಾಟ ಮಾಡಬಹುದು. ಇದರಲ್ಲಿ ಆಹಾರದ ವೆಚ್ಚವು 2 ರಿಂದ 3 ಲಕ್ಷವರೆಗೆ ಇರುವುದರಿಂದ 7 ಲಕ್ಷ ರೂಪಾಯಿಗಳ ನಿವ್ವಳ ಲಾಭವನ್ನು ಗಳಿಸಬಹುದು. ವರ್ಷದ ಆರಂಭದಲ್ಲಿ ಒಟ್ಟು 4.50 ಲಕ್ಷ ರೂಪಾಯಿಗಳ ಹೂಡಿಕೆ ಮಾಡಿದರೂ ಸಹ 3 ಲಕ್ಷ ರೂಪಾಯಿಗಳ ಆದಾಯವಿದೆ.

ಫ್ರಾಂಚೈಸಿಗಳೊಂದಿಗೆ ವ್ಯವಹಾರ

ಹೆಚ್ಚಿನ ಅಪಾಯವನ್ನು ತೆಗೆದುಕೊಳ್ಳುವ ಸಾಮರ್ಥ್ಯವಿಲ್ಲದಿದ್ದರೆ ದೊಡ್ಡ ದೊಡ್ಡ ಫಾರ್ಮ್ ಗಳಿಂದ ಫ್ರಾಂಚೈಸಿಗಳನ್ನು ತೆಗೆದುಕೊಳ್ಳುವ ಅವಕಾಶವಿದೆ. ಈ ಮೂಲಕ ಮೊಲ ಸಂತಾನೋತ್ಪತ್ತಿಯಿಂದ ಹಿಡಿದು ಮಾರ್ಕೆಟಿಂಗ್‌ವರೆಗೆ ಎಲ್ಲಾ ರೀತಿಯ ತರಬೇತಿಯನ್ನು ನೀಡಲಾಗುವುದು.

Read more: Business Ideas