For Quick Alerts
ALLOW NOTIFICATIONS  
For Daily Alerts

ಜಗತ್ತಿನಲ್ಲಿ ಅತಿಹೆಚ್ಚು ಬಂಗಾರ ಹೊಂದಿರುವ ಟಾಪ್ 10 ದೇಶಗಳು, ಭಾರತ ಎಷ್ಟನೇ ಸ್ಥಾನದಲ್ಲಿದೆ?

ವರ್ಲ್ಡ್ ಗೋಲ್ಡ್ ಕೌನ್ಸಿಲ್ (WGC) ಪ್ರಕಾರ, ಇತ್ತೀಚಿನ ಅಂಕಿಅಂಶಗಳ ವರದಿಯ ಅನ್ವಯ ಭಾರತವು ಅತೀ ಹೆಚ್ಚು ಬಂಗಾರ ಹೊಂದಿರುವ ಅಗ್ರ ಹತ್ತು ದೇಶಗಳ ಸಾಲಿನಲ್ಲಿ ಸ್ಥಾನ ಪಡೆದಿದೆ.

|

ಜಗತ್ತಿನ ಬಹುತೇಕ ಎಲ್ಲಾ ದೇಶಗಳು ಚಿನ್ನ ಸಂಗ್ರಹಿಸುವಲ್ಲಿ ಪೈಪೋಟಿ ನೀಡುತ್ತಿವೆ. ಜಗತ್ತಿನ ಪ್ರತಿಯೊಬ್ಬರೂ ಅತೀಹೆಚ್ಚು ಇಷ್ಟಪಡುವ ವಸ್ತುಗಳಲ್ಲಿ ಬಂಗಾರಕ್ಕೆ ಅಗ್ರಸ್ಥಾನ ಎಂದರೆ ತಪ್ಪಾಗಲಾರದು! ಜಾಗತಿಕ ಆರ್ಥಿಕತೆ ಕುಸಿಯುತ್ತಿದ್ದರೂ ಉದಯೋನ್ಮುಖ ಮಾರುಕಟ್ಟೆಗಳು ಹಳದಿ ಲೋಹ ಸಂಗ್ರಹಿಸುವತ್ತ ಚಿತ್ತ ಹರಿಸಿವೆ. ಭಾರತವೂ ಕೂಡ ಕಳೆದ ವರ್ಷದಿಂದ ಚಿನ್ನದ ಸಂಗ್ರಹವನ್ನು ನಿಯಮಿತವಾಗಿ ಹೆಚ್ಚಿಸುತ್ತಾ ಸಾಗಿದೆ.
ವರ್ಲ್ಡ್ ಗೋಲ್ಡ್ ಕೌನ್ಸಿಲ್ (WGC) ಪ್ರಕಾರ, ಇತ್ತೀಚಿನ ಅಂಕಿಅಂಶಗಳ ವರದಿಯ ಅನ್ವಯ ಭಾರತವು ಅತೀ ಹೆಚ್ಚು ಬಂಗಾರ ಹೊಂದಿರುವ ಅಗ್ರ ಹತ್ತು ದೇಶಗಳ ಸಾಲಿನಲ್ಲಿ ಸ್ಥಾನ ಪಡೆದಿದೆ. ಒಟ್ಟು ಚಿನ್ನದ ಸಂಗ್ರಹದ ದೃಷ್ಟಿಯಿಂದ ಅಗ್ರ ಹತ್ತು ಸ್ಥಾನಗಳಲ್ಲಿರುವ ರಾಷ್ಟ್ರಗಳ ಪಟ್ಟಿಯನ್ನು ಇಲ್ಲಿ ನೀಡಲಾಗಿದೆ. ಬನ್ನಿ ನೋಡೋಣ..

 

10. ನೆದರ್ಲ್ಯಾಂಡ್ಸ್

10. ನೆದರ್ಲ್ಯಾಂಡ್ಸ್

ಟನ್: 612.5
ಶೇ. ವಿದೇಶಿ ಮೀಸಲು: 61.2%
ಪ್ರಸ್ತುತ ತನ್ನ ಚಿನ್ನವನ್ನು ಸಂಗ್ರಹಿಸಿಡಲು ಡಚ್ ಸೆಂಟ್ರಲ್ ಬ್ಯಾಂಕ್ ಸೂಕ್ತ ಸ್ಥಳವನ್ನು ಕೋರಿದೆ. ಅತಿಹೆಚ್ಚು ಚಿನ್ನದ ರಾಶಿ ಹಾಕಿರುವ ದೇಶಗಳ ಪೈಕಿ ನೆದರ್ಲ್ಯಾಂಡ್ಸ್ ಜಾಗತಿಕವಾಗಿ 10ನೇ ಸ್ಥಾನದಲ್ಲಿದೆ.

9. ಭಾರತ

9. ಭಾರತ

ಟನ್: 618.2
ಶೇ. ವಿದೇಶಿ ಮೀಸಲು: 6.5%
ವಿಶ್ವದಲ್ಲಿ ಹೆಚ್ಚು ಚಿನ್ನ ಹೊಂದಿರುವ ದೊಡ್ಡ ಮಳಿಗೆಗಳಲ್ಲಿ ಬ್ಯಾಂಕ್ ಆಫ್ ಇಂಡಿಯ ಕೂಡ ಒಂದು ಎನ್ನುವುದು ಅಚ್ಚರಿಯೇನಲ್ಲ. 125 ಕೋಟಿ ಜನಸಂಖ್ಯೆ ಹೊಂದಿರುವ ಭಾರತಿಯರು ಚಿನ್ನಾಭರಣಪ್ರಿಯರು. ಭಾರತ ದಕ್ಷಿಣ ಏಷ್ಯಾದ ದೇಶಗಳಲ್ಲಿ ಮೊದಲ ಸಾಲಿನಲ್ಲಿ ನಿಲ್ಲುತ್ತದೆ. ಅಕ್ಟೋಬರ್ ಮತ್ತು ಡಿಸೆಂಬರ್ ಅವಧಿಯ ಹಬ್ಬ ಮತ್ತು ಮದುವೆ ಸಮಾರಂಭಗಳ ಸೀಸನ್ ನಲ್ಲಿ ಚಿನ್ನಾಭರಣಗಳಿಗೆ ಐತಿಹಾಸಿಕ ಬೇಡಿಕೆ ಇದ್ದು, ದೊಡ್ಡ ಮಟ್ಟದ ವ್ಯಾಪಾರ ನಡೆಯುತ್ತದೆ.

8. ಜಪಾನ್
 

8. ಜಪಾನ್

ಟನ್: 765.2
ಶೇ. ವಿದೇಶಿ ಮೀಸಲು: 2.4%
ಜಪಾನ್ ಜಗತ್ತಿನ ನಾಲ್ಕನೇ ದೊಡ್ಡ ಆರ್ಥಿಕತೆ ಹಾಗೂ ಹಳದಿ ಲೋಹ ಹೊಂದಿರುವ 8ನೇ ಅತಿದೊಡ್ಡ ದೇಶ. ಜಪಾನ್ ಸತತವಾಗಿ ಬಂಗಾರದ ದಾಸ್ತಾನು ಹೆಚ್ಚಿಸುತ್ತಾ ಬಂದಿದೆ ಎಂದು ಐಎಂಎಫ್ ಹೇಲಿದೆ. ಜಪಾನಿನ ಸೆಂಟ್ರಲ್ ಬ್ಯಾಂಕ್ ಚಿನ್ನದ ಮಳಿಗೆಯಾಗಿದ್ದು, ವಿಶ್ವದಾದ್ಯಂತ ಚಿನ್ನದ ಬೇಡಿಕೆಯನ್ನು ಹೊಂದಿದೆ.

7. ಸ್ವಿಟ್ಜರ್ಲ್ಯಾಂಡ್

7. ಸ್ವಿಟ್ಜರ್ಲ್ಯಾಂಡ್

ಟನ್: 1040
ಶೇ. ವಿದೇಶಿ ಮೀಸಲು: 6.7%
ಸ್ವಿಟ್ಜರ್ಲ್ಯಾಂಡ್ ಚಿನ್ನದ ನಿಕ್ಷೇಪವನ್ನು ಹೊಂದಿರುವ ವಿಶ್ವದ ಏಳನೇ ದೊಡ್ಡ ದೇಶ. ಇದು ಎರಡನೇ ವಿಶ್ವ ಯುದ್ದದ ಸಂಧರ್ಭದಲ್ಲಿ ಯೂರೋಪಿನಲ್ಲಿ ಚಿನ್ನದ ವ್ಯಾಪಾರ ವಹಿವಾಟು ಮಾಡುವ ದೇಶವಾಯಿತು. ಹಾಂಗ್ ಕಾಂಗ್ ಮತ್ತು ಚೀನಾ ದೇಶಗಳ ನಡುವೆ ಹೆಚ್ಚು ಚಿನ್ನದ ವ್ಯಾಪಾರ ಹೊಂದಿದೆ.

6. ಚೀನಾ ಟನ್: 1936.5

6. ಚೀನಾ ಟನ್: 1936.5

ಶೇ. ವಿದೇಶಿ ಮೀಸಲು: 2.5%
ಚೀನಾದ ಆರ್ಥಿಕತೆ ಹಾಗು ಯುಎಸ್-ಚೀನಾ ವಾಣಿಜ್ಯ ಸಮರದ ಹಿನ್ನೆಲೆಯಲ್ಲಿ ಹಿಂದಿನ ಐದನೇ ಸ್ಥಾನದಿಂದ ಆರನೇ ಸ್ಥಾನಕ್ಕೆ ಕುಸಿದಿದೆ. ಶೇಕಡಾ ವಿದೇಶಿ ಮೀಸಲು ಕೇವಲ 2.5ರಷ್ಟಿದ್ದು, ಮುಂದಿನ ದಿನಗಳಲ್ಲಿ ಮೀಸಲು ಪ್ರಮಾಣ ಹೆಚ್ಚಿಸುವ ನಿರೀಕ್ಷೆ ಇದೆ.

5. ರಷ್ಯಾ

5. ರಷ್ಯಾ

ಟನ್: 2219.2
ಶೇ. ವಿದೇಶಿ ಮೀಸಲು: 19%
ರಷ್ಯಾ ಕಳೆದ ಹಲವಾರು ವರ್ಷಗಳಿಂದ ಚಿನ್ನ ರಾಶಿ ಹಾಕುವ ಕಾರ್ಯದಲ್ಲಿ ತೊಡಗಿದ್ದು, ಕಳೆದ ಒಂದು ವರ್ಷದ ಅವಧಿಯಲ್ಲಿ ಇದರ ಪ್ರಮಾಣವನ್ನು ಗಣನೀಯವಾಗಿ ಹೆಚ್ಚಿಸಿಕೊಂಡಿದೆ. 2015ರಲ್ಲಿ ಇದು ಉನ್ನತ ಖರೀದಿದಾರ ದೇಶವಾಗಿದ್ದು, ಚಿನ್ನದ ವಹಿವಾಟಿನಲ್ಲಿ ತನ್ನದೇ ಛಾಪನ್ನು ಹೊಂದಿದೆ.

4. ಫ್ರಾನ್ಸ್

4. ಫ್ರಾನ್ಸ್

ಟನ್: 2436.1
ಶೇ. ವಿದೇಶಿ ಮೀಸಲು: 62.9%
ಫ್ರಾನ್ಸಿನ ಸೆಂಟ್ರಲ್ ಬ್ಯಾಂಕ್ ಕಳೆದ ಹಲವು ವರ್ಷಗಳಲ್ಲಿ ಕಡಿಮೆ ಪ್ರಮಾಣದಲ್ಲಿ ತನ್ನ ಚಿನ್ನವನ್ನು ಮಾರಾಟ ಮಾಡಿದೆ. ಮುಂದಿನ ದಿನಗಳಲ್ಲಿ ಮಾರಾಟ ತಗ್ಗಿಸಿ ಮೀಸಲು ಪ್ರಮಾಣ ಹೆಚ್ಚಿಸುವ ಸಾಧ್ಯತೆ ಇದೆ.

3. ಇಟಲಿ

3. ಇಟಲಿ

ಟನ್: 2451.8
ಶೇ. ವಿದೇಶಿ ಮೀಸಲು: 66.9%
ಇಟಲಿ ಕಳೆದ ಕೆಲ ವರ್ಷಗಳಿಂದ ತನ್ನ ಮೀಸಲು ಗಾತ್ರ ಕಾಪಾಡಿಕೊಂಡಿದೆ. ಯೂರೋಪಿಯನ್ ಸೆಂಟ್ರಲ್ ಬ್ಯಾಂಕ್ ಅಧ್ಯಕ್ಷ ಮಾರಿಯೋ ದ್ರಾಘಿ ಅವರಿಂದ ಬೆಂಬಲ ಹೊಂದಿದೆ.

 

 

2. ಜರ್ಮನಿ

2. ಜರ್ಮನಿ

ಟನ್: 3366.8
ಶೇ. ವಿದೇಶಿ ಮೀಸಲು: 70.6%
ಜರ್ಮನಿ ವಿದೇಶಿ ಸಂಗ್ರಹಣಾ ಕೇಂದ್ರಗಳಿಂದ ಹಾಗೂ ನ್ಯೂಯಾರ್ಕ್ ಮತ್ತು ಪ್ಯಾರಿಸ್ ಸೇರಿದಂತೆ ತನ್ನ ಬಂಗಾರವನ್ನು ಸ್ವದೇಶಕ್ಕೆ ಮರಳಿ ಪಡೆಯುವ ಪ್ರಕ್ರಿಯೆಯಲ್ಲಿ ತೊಡಗಿದೆ.

1. ಅಮೆರಿಕ

1. ಅಮೆರಿಕ

ಟನ್: 8133.5
ಶೇ. ವಿದೇಶಿ ಮೀಸಲು: 74.9%
ಜಗತ್ತಿನ ದೊಡ್ಡಣ್ಣ ಖ್ಯಾತಿಯ ಅಮೆರಿಕ ಎಲ್ಲ ಕ್ಷೇತ್ರಗಳಲ್ಲೂ ಸಾಮಾನ್ಯವಾಗಿ ಮುಂಚೂಣಿಯಲ್ಲಿ ನಿಲ್ಲುತ್ತದೆ. ಜಗತ್ತಿನ ಅತಿದೊಡ್ಡ ಆರ್ಥಿಕತೆ ಹಾಗೂ ಅತಿಹೆಚ್ಚು ಬಂಗಾರ ಸಂಗ್ರಾಹ ಹೊಂದಿರುವ ದೇಶ. 8133.5 ಟನ್ ನೊಂದಿಗೆ ಶೇಕಡಾ ವಿದೇಶಿ ಮೀಸಲು 74.9ರಷ್ಟು ಹೊಂದಿದೆ.

Read more about: gold india money business finance news
English summary

Top 10 Biggest nations in Gold reserves

India has pipped the Netherlands to move into the list of top ten countries in terms of total gold reserves.
Story first published: Tuesday, September 10, 2019, 9:15 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X