1 ವರ್ಷದ FD ಹೂಡಿಕೆಯಿಂದ ಶ್ರೀಮಂತರಾಗಬಹುದು..8.25% ಬಡ್ಡಿ ಸಿಕ್ಕರೆ ಮಾತ್ರ! ಇಷ್ಟೊಂದು ಬಡ್ಡಿ ಕೊಡುವ ಬ್ಯಾಂಕ್‌ಗಳ್ಯಾವು?

ಸ್ಥಿರ ಠೇವಣಿ..ಅಂದರೆ ಫಿಕ್ಸಡ್ ಡೆಪಾಸಿಟ್. ಇದು ಎಂದೆಂದಿಗೂ ಸಹಾಯಕವಾಗುವ ಆರ್ಥಿಕ ನಿಧಿ. ಭಾರತೀಯ ರಿಸರ್ವ್ ಬ್ಯಾಂಕ್ ಇತ್ತೀಚೆಗೆ ರೆಪೋ ದರವನ್ನು ಸ್ಥಿರವಾಗಿಟ್ಟುಕೊಂಡಿದೆ. ಇದರಿಂದ ಕೆಲವು ಬ್ಯಾಂಕ್‌ಗಳು ತಮ್ಮ ಫಿಕ್ಸಡ್‌ ಡೆಪಾಸಿಟ್‌ಗಳ ಬಡ್ಡಿದರದವನ್ನು ಇಳಿಕೆ ಮಾಡಿವೆ. ಆದರೆ ಇನ್ನು ಕೆಲವು ಬ್ಯಾಂಕ್‌ಗಳು ಮಾತ್ರ ಗ್ರಾಹಕರನ್ನು ಆಕಆಕರ್ಷಿಸಲು ಶೇಕಡಾ 8.25ರಷ್ಟು ಬಂಪರ್ ಬಡ್ಡಿದರಗಳನ್ನು ನೀಡುತ್ತಿವೆ. ಇದು FD ಹೂಡಿಕೆದಾರರಿಗೆ ಬಹುಮುಖ್ಯ ಅವಕಾಶವಾಗಿದೆ.

ಬಂಧನ್ ಬ್ಯಾಂಕ್ ನಿಂದ ಶೇಕಡಾ 8.25ರಷ್ಟು ಬಡ್ಡಿ:

ಖಾಸಗಿ ವಲಯದ ಬಂಧನ್ ಬ್ಯಾಂಕ್ ಹಿರಿಯ ನಾಗರಿಕರಿಗೆ 1 ವರ್ಷದ FD ಮೇಲೆ ಶೇಕಡಾ 8.25ರಷ್ಟು ಬಡ್ಡಿಯನ್ನು ನೀಡುತ್ತಿದೆ. ಇದು ಪ್ರಸ್ತುತವಾಗಿ FDಗಳ ನಡುವೆ ಅತ್ಯಧಿಕ ಬಡ್ಡಿದರವಾಗಿದೆ. ಸಾಮಾನ್ಯ ಗ್ರಾಹಕರಿಗೆ ಈ ಬ್ಯಾಂಕ್ ಶೇಕಡಾ 7.75ರಷ್ಟು ಬಡ್ಡಿ ನೀಡುತ್ತಿದೆ. ಕಡಿಮೆ ಮೊತ್ತದಲ್ಲಿಯೂ FD ಆರಂಭಿಸಬಹುದಾದ ಈ ಬ್ಯಾಂಕಿನಲ್ಲಿ ಭದ್ರವಾಗಿ ಹಣ ಹೂಡಬಹುದು.

ಇಂಡಸ್‌ಇಂಡ್ ಮತ್ತು ಆರ್‌ಬಿಎಲ್ ಬ್ಯಾಂಕ್‌ಗಳಿಂದ 8% ಬಡ್ಡಿ:

ಹಿಂದೂಜಾ ಗ್ರೂಪ್‌ನ ಇಂಡಸ್‌ಇಂಡ್ ಬ್ಯಾಂಕ್ ಮತ್ತು ಆರ್‌ಬಿಎಲ್ ಬ್ಯಾಂಕ್ ಎರಡೂ ಹಿರಿಯ ನಾಗರಿಕರಿಗೆ ಶೇಕಡಾ 8% ಬಡ್ಡಿಯನ್ನು 1 ವರ್ಷದ FDಗೆ ನೀಡುತ್ತಿವೆ. ಇದು ಹೆಚ್ಚು ಆದಾಯಕ್ಕಾಗಿ ಉತ್ತಮ ಆಯ್ಕೆಯಾಗಿದೆ. ಡಿಜಿಟಲ್ FD ತೆರೆಯುವ ವ್ಯವಸ್ಥೆಯು ಕೂಡ ಈ ಬ್ಯಾಂಕುಗಳಲ್ಲಿ ಲಭ್ಯವಿದೆ.

ತಮಿಳುನಾಡು ಮರ್ಕೆಂಟೈಲ್ ಬ್ಯಾಂಕ್‌ನಿಂದ ಶೇಕಡಾ 7.75ರಷ್ಟು ಬಡ್ಡಿ:

ರಾಜ್ಯ ಮಟ್ಟದಲ್ಲಿ ಕೆಲಸ ಮಾಡುತ್ತಿರುವ ತಮಿಳುನಾಡು ಮರ್ಕೆಂಟೈಲ್ ಬ್ಯಾಂಕ್ ಹಿರಿಯ ನಾಗರಿಕರಿಗೆ ಶೇಕಡಾ 7.75ರಷ್ಟು ಬಡ್ಡಿಯನ್ನು ನೀಡುತ್ತಿದೆ. ಇದು ಸ್ಥಳೀಯ ಗ್ರಾಹಕರಿಗೆ ಉತ್ತಮ ಆಯ್ಕೆಯಾಗಿದ್ದು, ಭದ್ರ ಹೂಡಿಕೆಯಂತೆ ಪರಿಗಣಿಸಬಹುದು.

ಎಸ್‌ಬಿಐ, ಪಂಜಾಬ್ ನ್ಯಾಷನಲ್ ಬ್ಯಾಂಕ್‌ಗಳಿಂದ ಶೇಕಡಾ 7.20ರಷ್ಟು:

ದೇಶದ ಅತಿದೊಡ್ಡ ಸರ್ಕಾರಿ ಬ್ಯಾಂಕ್‌ಗಳಾದ ಎಸ್‌ಬಿಐ ಮತ್ತು ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಹಿರಿಯ ನಾಗರಿಕರಿಗೆ ಶೇಕಡಾ 7.20ರಷ್ಟು ಬಡ್ಡಿಯನ್ನು ನೀಡುತ್ತಿವೆ. ಭದ್ರತೆ ಮತ್ತು ನಂಬಿಕೆಗೆ ಆದ್ಯತೆ ಇರುವವರಿಗೆ ಈ ಬ್ಯಾಂಕುಗಳು ಸೂಕ್ತ.

ಬ್ಯಾಂಕ್ ಆಫ್ ಬರೋಡಾ, ಐಸಿಐಸಿಐ ಮತ್ತು ಎಚ್‌ಡಿಎಫ್‌ಸಿ ಬ್ಯಾಂಕುಗಳು:

ಬ್ಯಾಂಕ್ ಆಫ್ ಬರೋಡಾ ಹಿರಿಯ ನಾಗರಿಕರಿಗೆ ಶೇಕಡಾ 7.30ರಷ್ಟು, ಐಸಿಐಸಿಐ ಶೇಕಡಾ 7.20ರಷ್ಟು ಮತ್ತು ಎಚ್‌ಡಿಎಫ್‌ಸಿ ಶೇಕಡಾ 7.10ರಷ್ಟು ಬಡ್ಡಿ ನೀಡುತ್ತಿವೆ. ಇವು ಪ್ರಖ್ಯಾತ ಖಾಸಗಿ ಬ್ಯಾಂಕುಗಳಾಗಿದ್ದು, FDಗಳಲ್ಲಿ ಡಿಜಿಟಲ್ ಆಯ್ಕೆ, ಲಭ್ಯತೆ ಮತ್ತು ಗ್ರಾಹಕಸೇವೆ ಉತ್ತಮವಾಗಿದೆ.

ಬಡ್ಡಿದರಗಳು ಕಡಿಮೆಯಾಗುವ ಮುನ್ನ, ಹೆಚ್ಚಿನ ಬಡ್ಡಿದರ ನೀಡುತ್ತಿರುವ ಬ್ಯಾಂಕುಗಳಲ್ಲಿ FD ಮಾಡುವುದು ಶ್ರೇಯಸ್ಕರ. ಖಾಸಗಿ ಬ್ಯಾಂಕುಗಳಲ್ಲಿ ಹೆಚ್ಚು ಬಡ್ಡಿ ಸಿಗುತ್ತಿದ್ದರೂ, ಭದ್ರತೆಗೆ ಆದ್ಯತೆ ನೀಡುವವರು ಸರ್ಕಾರಿ ಬ್ಯಾಂಕುಗಳನ್ನು ಆಯ್ಕೆಮಾಡಬಹುದು. ಈ ಎಲ್ಲ ಆಯ್ಕೆಗಳನ್ನು ಪರಿಗಣಿಸಿ ನಿಮ್ಮ ಹೂಡಿಕೆಯನ್ನು ಜಾಣತನದಿಂದ ನಿರ್ಧರಿಸಬೇಕು.

ಪ್ರಸ್ತುತ ಕೆಲವು ಬ್ಯಾಂಕುಗಳು ನೀಡುತ್ತಿರುವ ಶೇಕಡಾ 8.25ರಷ್ಟು ಬಡ್ಡಿದರ, ನಿಮ್ಮ ಹಣವನ್ನು ಕಡಿಮೆ ಅವಧಿಯಲ್ಲಿ ವೇಗವಾಗಿ ಬೆಳೆಸಲು ಅಪೂರ್ವ ಅವಕಾಶ. ಆರ್‌ಬಿಐ ಮುಂದಿನ ದಿವಸಗಳಲ್ಲಿ ಬಡ್ಡಿದರ ಇಳಿಕೆ ಮಾಡುವ ನಿರೀಕ್ಷೆ ಇದೆ. ಅಂಥ ಸಂದರ್ಭದಲ್ಲಿಯೇ ಈ ರೀತಿ ಹೆಚ್ಚಿನ ಬಡ್ಡಿದರ ಇರುವ ಎಫ್‌ಡಿಗಳು ಬಹಳ ದುರ್ಲಭವಾಗಬಹುದು.

ರೆಪೋ ದರ ಬದಲಾವಣೆಯೊಂದಿಗೆ ಬ್ಯಾಂಕುಗಳು FD ಬಡ್ಡಿದರವನ್ನು ಯಾವ ಕ್ಷಣಕ್ಕೂ ಕಡಿಮೆ ಮಾಡಬಹುದು. ಆದರೆ ಈಗಲಾದರೆ, ಕೆಲವು ಬ್ಯಾಂಕುಗಳು ಬಂಪರ್ ಬಡ್ಡಿದರಗಳನ್ನು ನೀಡುತ್ತಿವೆ. ಇಂತಹ ಸಮಯದಲ್ಲಿ ತಕ್ಷಣ ಎಫ್‌ಡಿಗೆ ಹೂಡಿಕೆ ಮಾಡುವುದು, ನಿಮ್ಮ ಹಣವನ್ನು ಹೆಚ್ಚು ಲಾಭದಾಯಕವಾಗಿ ಬೆಳೆಸುತ್ತದೆ. ನಾಳೆ ಕಾಯಬೇಡಿ. ಇಂದು ಯೋಜನೆ ಜಾರಿಗೆ ಇಡಿ.