ಬಜೆಟ್‌ 2022: ಈ 3 ಸ್ಟಾಕ್‌ಗಳು ಏರಿಕೆ ಸಾಧ್ಯತೆ

ಕೇಂದ್ರ ಬಜೆಟ್‌ಗೆ ಇನ್ನು ಒಂದು ದಿನಗಳು ಮಾತ್ರ ಉಳಿದಿದೆ. ಈ ನಡುವೆ ಸ್ಟಾಕ್‌ ಮಾರುಕಟ್ಟೆಯತ್ತ ಎಲ್ಲರ ಚಿತ್ತ ನೆಟ್ಟಿದೆ. ಸಾಮಾನ್ಯವಾಗಿ ಬಜೆಟ್‌ನ ಮುಂಚಿನ ದಿನ ಹಾಗೂ ಬಜೆಟ್‌ ದಿನದಂದು ಕೆಲವು ಸ್ಟಾಕ್‌ಗಳು ಭಾರೀ ಏರಿಕೆ ಕಾಣುತ್ತದೆ ಅಥವಾ ತೀವ್ರವಾಗಿ ಪಾತಾಳಕ್ಕೆ ಕುಸಿತ ಕಾಣುತ್ತದೆ.

ಕೇಂದ್ರ ಸರ್ಕಾರದ 2022ನೇ ವರ್ಷದ ಬಜೆಟ್‌ನ ಅಧಿವೇಶನವು ಜನವರಿ 31ರಿಂದ ಆರಂಭವಾಗಲಿದೆ. ಈಗ, ಭಾರತದ ಮಧ್ಯಮ ವರ್ಗವು ಸೀತಾರಾಮನ್‌ರ ನಾಲ್ಕನೇ ಬಜೆಟ್‌ನಲ್ಲಿ ಉದ್ಯೋಗಗಳು, ಆರೋಗ್ಯ ರಕ್ಷಣೆ ಮತ್ತು ಶಿಕ್ಷಣದ ಮೇಲಿನ ರಿಯಾಯಿತಿಗಳು, ತೆರಿಗೆ ವಿನಾಯಿತಿಗಳು ಮತ್ತು ಗಗನಕ್ಕೇರುತ್ತಿರುವ ಹಣದುಬ್ಬರವನ್ನು ನಿಭಾಯಿಸುವ ಕ್ರಮಗಳ ಭರವಸೆಯನ್ನು ಹೊಂದಿದ್ದಾರೆ.

ಈ ನಡುವೆ ಸ್ಟಾಕ್‌ ಮಾರುಕಟ್ಟೆಯು ಕೆಲವು ನಿರೀಕ್ಷೆಗಳನ್ನು ಹೊಂದಿದೆ. ವಾಸ್ತವವಾಗಿ, ಬಜೆಟ್ ಭಾಷಣದ ನಂತರ ಮತ್ತು ಸಮಯದಲ್ಲಿ ಪ್ರಮುಖವಾಗಿ ಮೂರು ಷೇರುಗಳು ಏರಿಕೆ ಅಥವಾ ಇಳಿಕೆಯನ್ನು ಕಾಣಲಿದೆ. ಇನ್ನು ಇಂದು ಸೆನ್ಸೆಕ್ಸ್‌ ಹಾಗೂ ನಿಫ್ಟಿ ಏರಿಕೆಯು ಕಂಡು ಬಂದಿದೆ. ಸ್ಟಾಕ್‌ ಮಾರುಕಟ್ಟೆಯಲ್ಲಿ ಯಾವ ಷೇರುಗಳ ಮೇಲೆ ಪರಿಣಾಮ ಉಂಟಾಗಲಿದೆ ಎಂದು ತಿಳಿಯಲು ಮುಂದೆ ಓದಿ...

ಐಟಿಸಿ, ವಿಎಸ್‌ಟಿ ಇಂಡಸ್ಟ್ರೀಸ್ ಮತ್ತು ಗಾಡ್ಫ್ರೇ ಫಿಲಿಪ್ಸ್

ಐಟಿಸಿ, ವಿಎಸ್‌ಟಿ ಇಂಡಸ್ಟ್ರೀಸ್ ಮತ್ತು ಗಾಡ್ಫ್ರೇ ಫಿಲಿಪ್ಸ್ ಮೂರು ಕಂಪನಿಗಳ ಷೇರುಗಳು ಬಜೆಟ್ ದಿನದಂದು ಹೆಚ್ಚು ನಿಶ್ಚಲವಾಗಿರಲಾರದು. ಏಕೆಂದರೆ ಈ ಮೂರು ಕಂಪನಿಗಳು ಸಿಗರೇಟ್ ಮತ್ತು ತಂಬಾಕು ಸಂಸ್ಥೆಗಳು ಆಗಿದೆ. ಉದ್ಯಮವು ತೆರಿಗೆಗಳಿಂದ ಈ ಮುಕ್ತವಾಗಲಿದೆಯೇ ಎಂಬ ನಿಟ್ಟಿನಲ್ಲಿ ಈ ವಲಯವು ಚಿತ್ತ ಇರಿಸಿದೆ. ತಂಬಾಕು ಎಲೆಗಳನ್ನು ಹೊರತುಪಡಿಸಿ, ಸಿಗರೇಟ್‌ಗಳಂತಹ ತಂಬಾಕು ಉತ್ಪನ್ನಗಳು ಶೇಕಡ 28 ಜಿಎಸ್‌ಟಿಯನ್ನು ಹೊಂದಿದೆ. ತಂಬಾಕು ಎಲೆಗಳಿಗೆ ಶೇಕಡ 5 ತೆರಿಗೆ ವಿಧಿಸಲಾಗುತ್ತದೆ. ತಂಬಾಕುಗಳ ಮೇಲೆ ಸೆಸ್‌ ಕೂಡಾ ಇದೆ. ಬ್ರಾಂಡ್ ಹೆಸರನ್ನು ಹೊಂದಿರುವ ತಯಾರಿಸದ ತಂಬಾಕಿನ ಮೇಲೆ ಸೆಸ್ ಶೇಕಡ 65 ಆಗಿದೆ.

ತೆರಿಗೆ ಹೆಚ್ಚಳ ಷೇರುಗಳ ಮೇಲೆ ಪ್ರಭಾವ

ಯಾವುದೇ ತೆರಿಗೆಯನ್ನು ನೇರವಾಗಿ ಅಥವಾ ಪರೋಕ್ಷವಾಗಿ ಹೆಚ್ಚಿಸಿದರೆ ಅದು ಷೇರುಗಳ ಬೆಲೆಗಳ ಮೇಲೆ ಪ್ರಭಾವ ಬೀರುತ್ತದೆ. ವಿಎಸ್‌ಟಿ ಇಂಡಸ್ಟ್ರೀಸ್ 90 ವರ್ಷಗಳಿಗಿಂತ ಹೆಚ್ಚು ಕಾಲ ತಂಬಾಕು ಉದ್ಯಮವನ್ನು ನಡೆಸುತ್ತಿರುವ ಸಂಸ್ಥೆಯಾಗಿದೆ. ಕಂಪನಿಯು ಕಳೆದ ಅರ್ಧ ದಶಕದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಸಿಗರೇಟ್ ಕಂಪನಿಯಾಗಿದೆ. ಗಾಡ್‌ಫ್ರೇ ಫಿಲಿಪ್ಸ್ ಮತ್ತು ವಿಎಸ್‌ಟಿ ಇಂಡಸ್ಟ್ರೀಸ್‌ಗೆ ಹೋಲಿಸಿದರೆ ಐಟಿಸಿ ಬೆಲೆ ಚಲನೆಯ ವಿಷಯದಲ್ಲಿ ಕಡಿಮೆ ಅಸ್ಥಿರವಾಗಿದೆ. ಈ ಸಂಸ್ಥೆಯು ಬೇರೆ ಕ್ಷೇತ್ರದಲ್ಲಿಯೂ ತನ್ನ ಘಟಕ ಹೊಂದಿದೆ. ಎಫ್‌ಎಂಸಿಜಿ, ಹೋಟೆಲ್‌ಗಳು, ಪೇಪರ್ ಮತ್ತು ಪೇಪರ್ ಬೋರ್ಡ್‌ಗಳು ಇತ್ಯಾದಿಗಳಿಂದ ಗಮನಾರ್ಹ ಆದಾಯವನ್ನು ಪಡೆಯುತ್ತದೆ. ತಂಬಾಕು ಮತ್ತು ಪೂರಕ ಉತ್ಪನ್ನಗಳ ಮೇಲೆ ಕೇಂದ್ರ ಬಜೆಟ್‌ನಲ್ಲಿ ಯಾವುದೇ ತೆರಿಗೆಗಳನ್ನು ವಿಧಿಸದಿದ್ದರೆ, ಈ ಕಂಪನಿಗಳ ಷೇರುಗಳ ಬೆಲೆಗಳು ಏರುವುದು ಖಚಿತವಾಗಿದೆ. ಆದಾಗ್ಯೂ, ಸರ್ಕಾರದ ತೀವ್ರ ಆರ್ಥಿಕ ನಿರ್ಬಂಧಗಳನ್ನು ವಿಧಿಸಿದರೆ, ಷೇರುಗಳ ಮೇಲೆ ನೆಗೆಟಿವ್‌ ಪ್ರಭಾವ ಬೀರುವ ಸಾಧ್ಯತೆ ಇದೆ.

ಬಜೆಟ್‌ಗೂ ಮುನ್ನ ಷೇರುಗಳನ್ನು ಖರೀದಿಸಬೇಕೇ?

ಬಜೆಟ್‌ಗೂ ಮುನ್ನ ನೀವು ಷೇರುಗಳನ್ನು ಖರೀದಿ ಮಾಡಬಹುದೇ ಎಂಬುವುದು ಮೂಲಭೂತ ಅಂಶಗಳಾಗಿರುತ್ತದೆ. ತೆರಿಗೆ ಎಂಬ ವಿಚಾರದ ಬಗ್ಗೆ ಸ್ಫಷ್ಟತೆ ದೊರೆಯದೆ ಈ ಷೇರು ಖರೀದಿ ಕೊಂಚ ರಿಸ್ಕ್‌ ಎಂದರೆ ತಪ್ಪಾಗಲಾರದು. ಆದರೆ ಈ ಸಂದರ್ಭದಲ್ಲಿ ಐಟಿಸಿ ಷೇರು ಖರೀದಿ ಲಾಭದಾಯಕವಾಗಿದೆ. ಇದರ ದರವು ಹೆಚ್ಚು ದುಬಾರಿಯಾಗಿಲ್ಲ. ಸ್ಟಾಕ್ ಸುಮಾರು ಶೇಕಡ 4.9ರಷ್ಟು ಲಾಭಾಂಶವನ್ನು ಪಡೆದಿದೆ.

ಇಲ್ಲಿ ಗಮನಿಸಿ

ಈಕ್ವಿಟಿಗಳಲ್ಲಿ ಹೂಡಿಕೆ ಮಾಡುವುದು ಅಪಾಯಕಾರಿ ಮತ್ತು ಆದ್ದರಿಂದ ಹೂಡಿಕೆದಾರರು ಅಪಾಯವನ್ನು ಅರ್ಥಮಾಡಿಕೊಂಡು ಹೂಡಿಕೆ ಮಾಡಬೇಕಾಗಿದೆ. ಈ ಲೇಖನದ ಆಧಾರದಲ್ಲಿ ಯಾವುದೇ ನಷ್ಟ ಉಂಟಾದರೆ ಅದಕ್ಕೆ ಲೇಖಕರು ಮತ್ತು ಗ್ರೇನಿಯಮ್ ಇನ್ಫರ್ಮೇಷನ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ ಜವಾಬ್ದಾರರಾಗಿರುವುದಿಲ್ಲ. ಲೇಖಕರಾಗಲಿ ಅಥವಾ ಕುಟುಂಬದವರಾಗಲಿ ಈ ಮೇಲೆ ಉಲ್ಲೇಖಿಸಲಾದ ಸಂಸ್ಥೆಯಲ್ಲಿ ಷೇರುಗಳನ್ನು ಹೊಂದಿಲ್ಲ.