Driving Licence: ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಅವಧಿ ಮುಗಿತಾ? ಆನ್‌ಲೈನ್‌ ಮೂಲಕ ಡ್ರೈವಿಂಗ್‌ ಲೈಸೆನ್ಸ್‌ ನವೀಕರಣ ಹೀಗೆ ಮಾಡಿ

ನಿಮ್ಮ ಡ್ರೈವಿಂಗ್ ಲೈಸೆನ್ಸ್ (Driving License) ಅವಧಿ ಮುಗಿದಿದ್ಯಾ? ಹಾಗಿದ್ರೆ ಈ ಸುಲಭ ಟ್ರಿಕ್ ಫಾಲೋ ಮಾಡಿ ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಅನ್ನು ಆನ್‌ಲೈನ್‌ನಲ್ಲಿ ನವೀಕರಿಸಿಸಬಹುದು. ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಅವಧಿಯು 20 ವರ್ಷಗಳವರೆಗೆ ಚಾಲ್ತಿಯಲ್ಲಿ ಇರುತ್ತದೆ. ಇದರ ಅವಧಿ ಮುಗಿದ ನಂತರ ನವೀಕರಣಕ್ಕೆ 30 ದಿನಗಳ ಸಮಯ ಅವಕಾಶವನ್ನು ನೀಡಲಾಗುತ್ತದೆ. ಡ್ರೈವಿಂಗ್ ಲೈಸೆನ್ಸ್ ಅವಧಿ ಮುಗಿದು 30 ದಿನಗಳ ನಂತರ ನೀವು ನವೀಕರಣ ಮಾಡುವುದಕ್ಕೆ ಹೋಗಿದ್ದಾರೆ ದಂಡವನ್ನು ಪಾವತಿಸಬೇಕಾಗುತ್ತದೆ.

ಹೌದು, ಕೆಲವರ ಡ್ರೈವಿಂಗ್ ಲೈಸೆನ್ಸ್ (Driving License) ಅವಧಿ ಮುಗಿದಿರಬಹುದು. ಇನ್ನೂ ಹಲವರ ಡ್ರೈವಿಂಗ್ ಲೈಸೆನ್ಸ್ ವ್ಯಾಲಿಡಿಟಿ ಕೆಲವೇ ದಿನಗಳಲ್ಲಿ ಮುಗಿಯಲು ಬಂದಿರಬಹುದು. ಇದನ್ನು ನವೀಕರಿಸುವುದು ಮುಖ್ಯ. ನಿಮ್ಮ ಚಾಲನಾ ಪರವಾನಗಿಯ ಅವಧಿ ಹೆಚ್ಚು ಕಾಲ ಉಳಿಯಲು ಬಿಡುವುದರಿಂದ ಅದು ರದ್ದಾಗಬಹುದು. ಇದು ಅನಗತ್ಯ ತೊಂದರೆಗೆ ಕಾರಣವಾಗುತ್ತದೆ. ಇದೀಗ ಡ್ರೈವಿಂಗ್ ಲೈಸೆನ್ಸ್ ನವೀಕರಣ ಮಾಡುವುದು ಸುಲಭವಾಗಿದೆ.

ನೀವು ಯಾವುದೇ ವಾಹನವನ್ನು ಓಡಿಸಲು ಸಂಚಾರ ನಿಯಮಗಳನ್ನು ಪಾಲಿಸುವ ಅಗತ್ಯವಿದೆ. ಚಾಲಕರಿಗೆ ವಾಹನಕ್ಕೆ ಸಂಬಂಧಿಸಿದ ದಾಖಲೆಗಳು, ಮಾಲಿನ್ಯ ಪ್ರಮಾಣಪತ್ರ, ಚಾಲನಾ ಪರವಾನಗಿ ಅಗತ್ಯವಾಗಿ ಬೇಕು. ಈ ಪೈಕಿ, ಡ್ರೈವಿಂಗ್ ಲೈಸೆನ್ಸ್ ಅತ್ಯಂತ ಮುಖ್ಯವಾದ ಮತ್ತು ಮೂಲಭೂತ ದಾಖಲೆಯಾಗಿದೆ. ಡ್ರೈವಿಂಗ್ ಲೈಸೆನ್ಸ್ ಇಲ್ಲದೆ ನೀವು ವಾಹನವನ್ನು ರಸ್ತೆಯಲ್ಲಿ ಇಳಿಸಲು ಸಾಧ್ಯವಿಲ್ಲ. ಇಂತಹ ಸಮಯದಲ್ಲಿ ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಅವಧಿ ಮುಗಿದಿದ್ದರೆ, ಈ ಕೂಡಲೇ ನವೀಕರಿಸುವುದು ಉತ್ತಮ. ನೀವು ಈ ರೀತಿ ಆನ್‌ಲೈನ್‌ನಲ್ಲಿ ನವೀಕರಿಸಿಬಹುದು.

1,500 ರೂ. ವರೆಗೆ ಶುಲ್ಕ ಕಟ್ಟಬೇಕು!

ಡ್ರೈವಿಂಗ್ ಲೈಸೆನ್ಸ್ ಅನ್ನು ನಿಗದಿತ ಅವಧಿಗೆ ನೀಡಲಾಗುತ್ತದೆ. ಲೈಸೆನ್ಸ್ ವ್ಯಾಲಿಡಿಟಿ (ಮಾನ್ಯತೆ) ಮುಗಿದ ಬಳಿಕ ಅದನ್ನು ನವೀಕರಿಸಬೇಕು. ಇದಕ್ಕಾಗಿ ನಿಮಗೆ 30 ದಿನಗಳ ಗ್ರೇಸ್ ಅವಧಿ ಇರುತ್ತದೆ. 30 ದಿನಗಳ ಒಳಗೆ ನವೀಕರಿಸಿದರೆ, ಕೇವಲ 400 ರೂ. ನವೀಕರಣ ಶುಲ್ಕ ಪಾವತಿಸಬೇಕು. ನೀವು 30 ದಿನಗಳ ಬಳಿಕ ನವೀಕರಿಸಿದರೆ, 1500 ರೂ. ವರೆಗೆ ಶುಲ್ಕವನ್ನು ಪಾವತಿಸಲೇಬೇಕು.

ಆನ್‌ಲೈನ್‌ನಲ್ಲಿ ಡ್ರೈವಿಂಗ್ ಲೈಸೆನ್ಸ್ ನವೀಕರಿಸುವುದು ಹೇಗೆ?

ಹಂತ 1: ಮೊದಲು ಸಾರಿಗೆ ಇಲಾಖೆಯ ವೆಬ್‌ಸೈಟ್‌ಗೆ ಭೇಟಿ ನೀಡಿ.

ಹಂತ 2: ನಿಮ್ಮ ರಾಜ್ಯದ ಸಾರಿಗೆ ಇಲಾಖೆಯ ಅಧಿಕೃತ ವೆಬ್‌ಸೈಟ್‌ ಓಪನ್ ಮಾಡಿ.

ಹಂತ 3: 'Apply Online' ಮೇಲೆ ಕ್ಲಿಕ್ ಮಾಡಿ. ನೀವು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಲು ಬಯಸಿದರೆ, ಈ ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.

ಹಂತ 4: ಇದಾದ ನಂತರ ಡ್ರೈವಿಂಗ್ ಲೈಸೆನ್ಸ್ ಸಂಬಂಧಿತ ಸೇವೆಗಳ ಮೇಲೆ ಕ್ಲಿಕ್ ಮಾಡಿ.

ಹಂತ 5: ಅಲ್ಲಿ ಕಾಣುವ ಪಟ್ಟಿಯಿಂದ ನಿಮ್ಮ ರಾಜ್ಯವನ್ನು (ಕರ್ನಾಟಕ) ಆಯ್ಕೆ ಮಾಡಿ.

ಹಂತ 6: ನಂತರ 'Select Services in Driving License' ಮೇಲೆ ಕ್ಲಿಕ್ ಮಾಡಿ. ಡ್ರೈವಿಂಗ್ ಲೈಸೆನ್ಸ್ ಸಂಬಂಧಿಸಿದ ವಿವಿಧ ಸೇವೆಗಳೊಂದಿಗೆ ಹೊಸ ಪೇಜ್ ಓಪನ್ ಆಗುತ್ತದೆ.

ಹಂತ 7: ಅರ್ಜಿಯನ್ನು ಭರ್ತಿ ಮಾಡಿ. ನಿಮ್ಮ ಜನ್ಮ ದಿನಾಂಕ, ಡ್ರೈವಿಂಗ್ ಲೈಸೆನ್ಸ್ ನಂಬರ್ ಮತ್ತು ಇತರೆ ಅಗತ್ಯ ವಿವರಗಳನ್ನು ನಮೂದಿಸಿ.

ಹಂತ 8: ಬಳಿಕ Restore ಆಯ್ಕೆಯನ್ನು ಆರಿಸಿ. ಲಭ್ಯವಿರುವ ಸೇವೆಗಳ ಪಟ್ಟಿಯಿಂದ ನವೀಕರಣ ಆಯ್ಕೆ ಇರುತ್ತದೆ.

ಹಂತ 9: ಅಗತ್ಯವಿರುವ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ. ನಿಮ್ಮ ಇತ್ತೀಚಿನ ಫೋಟೋ ಮತ್ತು ಸಹಿಯನ್ನು ಅಪ್ಲೋಡ್ ಮಾಡಿ.

ಹಂತ 10: ಇದಾದ ಬಳಿಕ ಆನ್‌ಲೈನ್‌ನಲ್ಲಿ ಶುಲ್ಕ ಪಾವತಿ ಮಾಡಿ. ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು.

ಈ ಹಂತಗಳನ್ನು ಅನುಸರಿಸುವ ಮೂಲಕ ನಿಮ್ಮ ಡ್ರೈವಿಂಗ್ ಲೈಸೆನ್ಸ್ ಅನ್ನು ಆನ್‌ಲೈನ್‌ನಲ್ಲಿ ಸುಲಭವಾಗಿ ನವೀಕರಿಸಬಹುದು. ಆನ್‌ಲೈನ್ ಪ್ರಕ್ರಿಯೆಯನ್ನು ಪ್ರಾರಂಭಿಸುವ ಮೊದಲು ಈ ಕೆಳಗಿನ ದಾಖಲೆಗಳನ್ನು ನಿಮ್ಮ ಬಳಿ ಸಿದ್ಧವಾಗಿಟ್ಟುಕೊಳ್ಳಿ.

ಡ್ರೈವಿಂಗ್ ಲೈಸೆನ್ಸ್ ನವೀಕರಣಕ್ಕೆ ಯಾವೆಲ್ಲ ದಾಖಲೆ ಬೇಕು? ಇಲ್ಲಿದೆ ವಿವರ

ಅವಧಿ ಮುಗಿದ ಡ್ರೈವಿಂಗ್ ಲೈಸೆನ್ಸ್
ಪಾಸ್‌ಪೋರ್ಟ್ ಅಳತೆಯ ಫೋಟೋ
ಫೋಟೋ ಮೇಲೆ ನಿಮ್ಮ ಸಹಿ
ಗುರುತಿನ ಚೀಟಿ
ವಿಳಾಸದ ದಾಖಲೆ

ಹೀಗೆ ಈ ಮೇಲಿನ ವಿಧಾನಗಳನ್ನು ಬಳಸಿಕೊಂಡು ನೀವು ಡ್ರೈವಿಂಗ್ ಲೈಸೆನ್ಸ್ ನವೀಕರಣ ಮಾಡಿಕೊಳ್ಳಬಹುದು.