ಇಪಿಎಫ್ ಗೂ ಬೀಳಲಿದೆ ತೆರಿಗೆ; ಯಾರಿಗೆ, ಏನಿದು ಲೆಕ್ಕಾಚಾರ?
ಕಾರ್ಮಿಕ ಭವಿಷ್ಯನಿಧಿ (ಇಪಿಎಫ್), ನ್ಯಾಷನಲ್ ಪೆನ್ಷನ್ ಸಿಸ್ಟಮ್ (ಎನ್ ಪಿಎಸ್) ಹಾಗೂ ನಿವೃತ್ತಿ ನಿಧಿಗೆ ಉದ್ಯೋಗದಾತರು ತುಂಬುವ ಮೊತ್ತಕ್ಕೆ ಹೆಚ್ಚಿನ ವೇತನ ಪಡೆಯುತ್ತಿರುವ ಸಿಬ್ಬಂದಿ ಸದ್ಯದಲ್ಲೇ ತೆರಿಗೆ ಪಾವತಿಸಬೇಕಾಗಬಹುದು. ಈ ಬಾರಿಯ ಕೇಂದ್ರ ಬಜೆಟ್ ನಲ್ಲಿ ನಿರ್ಮಲಾ ಸೀತಾರಾಮನ್ ಅವರು ಒಟ್ಟಾರೆ ತೆರಿಗೆ ವಿನಾಯಿತಿ ಪಡೆಯಲು ಮೂರು ಹೂಡಿಕೆ, ಗರಿಷ್ಠ ಏಳೂವರೆ ಲಕ್ಷ ರುಪಾಯಿ ಮಿತಿಯನ್ನು ಪರಿಚಯಿಸಿದ್ದಾರೆ.
ಕೇಂದ್ರ ಸರ್ಕಾರದ ಆದಾಯ- ಖರ್ಚಿನ ಲೆಕ್ಕಾಚಾರ
ಏಪ್ರಿಲ್ 1, 2021ರಿಂದ ಅನ್ವಯ ಆಗುವಂತೆ ಒಂದು ವರ್ಷದಲ್ಲಿ ಎನ್ ಪಿಎಸ್, ನಿವೃತ್ತಿ ನಿಧಿ ಮತ್ತು ಕಾರ್ಮಿಕ ಭವಿಷ್ಯ ನಿಧಿ ಈ ಮೂರೂ ಸೇರಿ ಉದ್ಯೋಗದಾತರು ತುಂಬುವ ಮೊತ್ತ 7.5 ಲಕ್ಷ ದಾಟಿದಲ್ಲಿ, ಆ ಮಿತಿಯ ಮೇಲ್ಪಟ್ಟ ಮೊತ್ತಕ್ಕೆ ತೆರಿಗೆ ಆಗುತ್ತದೆ. ಇನ್ನು ಇದಕ್ಕೆ ಸಂಬಂಧಿಸಿದಂತೆಯೇ ಬರುವ ಬಡ್ಡಿ, ಡಿವಿಡೆಂಡ್ ಅಥವಾ ಅದೇ ರೀತಿಯ ಯಾವುದೇ ವಾರ್ಷಿಕ ಮೊತ್ತವನ್ನು ಉದ್ಯೋಗದಾತರ ಮೂಲಕ ಪಡೆದ ಮೊತ್ತ ಎಂದೇ ಪರಿಗಣಿಸಲಾಗುತ್ತದೆ.
ಏಪ್ರಿಲ್ 1, 2021ರಿಂದ ಈ ತಿದ್ದುಪಡಿ ಜಾರಿಗೆ ಬರುತ್ತದೆ. ಈ ತೆರಿಗೆ ಲೆಕ್ಕಾಚಾರ ಅಸೆಸ್ ಮೆಂಟ್ ವರ್ಷ 2021-22ರಿಂದ ಅನ್ವಯ ಆಗುತ್ತದೆ. ಆದರೆ ಕಡಿಮೆ ಆದಾಯ ಇರುವಂಥ ಸಿಬ್ಬಂದಿಗೆ ಇದರಿಂದ ಯಾವುದೇ ತೆರಿಗೆ ಬರುವುದಿಲ್ಲ ಎಂಬುದು ಇಲ್ಲಿ ಗಮನಿಸಬೇಕಾದ ಅಂಶ.