EPFO: ಜೂನ್‌ನಲ್ಲಿ EPFO ​​3.0 ಬಿಡುಗಡೆ; 9 ಕೋಟಿ ಜನರಿಗೆ ಲಾಭ.. ಏನೆಲ್ಲಾ ನಿರೀಕ್ಷೆಗಳಿವೆ?

ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಸದಸ್ಯರಿಗೆ ಯಾವುದೇ ಸಮಸ್ಯೆಯಾಗಬಾರದು ಸುಲಭವಾಗಿ ಇಪಿಎಫ್‌ ಹಣವನ್ನು ಪಡೆದುಕೊಳ್ಳಿ ಎಂದು ಹಲವಾರು ಪ್ರಯೋಜನಗಳನ್ನು ಈಗಾಗಲೇ ಮಾಡಿದೆ. ಆದರೆ ಇನ್ನೂ ಬಹುಬೇಗನೆ ಇಪಿಎಫ್‌ ಪ್ರಕ್ರಿಯೆಗಳು ಆಗಬೇಕು ಎಂದು ಶೀಘ್ರದಲ್ಲೇ ತನ್ನ ಹೊಸ ವೇದಿಕೆ EPFO 3.0 ಅನ್ನು ಪ್ರಾರಂಭಿಸಲಿದೆ.

ಹೌದು,ನೌಕರರ ಭವಿಷ್ಯ ನಿಧಿ ತನ್ನ ಸದಸ್ಯರಿಗೆ ಹೊಸ ಪ್ರಯೋಜನ ಕಲ್ಪಿಸಿಕೊಡಲು ಎಲ್ಲಾ ತಯಾರಿ ನಡೆದಿದ್ದು, ಜೂನ್‌ನಲ್ಲಿ ಇಪಿಎಫ್‌ ​3.0 ಬಿಡುಗಡೆಯಾಗುವ ಸಾಧ್ಯತೆ ಇದೆ. ಇದು ಐಟಿ ಪ್ಲಾಟ್‌ಫಾರ್ಮ್‌ ಅನ್ನು ಹೊಂದಿದ್ದು, ಸದಸ್ಯರಿಗೆ ವಿಶೇಷ ಸೇವೆ ನೀಡುವ ಗುರಿ ಹೊಂದಲಾಗಿದೆ.

ಈ ಕುರಿತು ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ತನ್ನ ನವೀಕರಿಸಿದ ವೇದಿಕೆಯಾದ ಇಪಿಎಫ್‌ಒ 3.0 ಅನ್ನು ಮುಂಬರುವ ವಾರಗಳಲ್ಲಿ ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದೆ ಎಂದು ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಮನ್ಸುಖ್ ಮಾಂಡವಿಯಾ ಈ ಹಿಂದೆ ಈ ಯೋಜನೆಯನ್ನು ಮೇ ಮತ್ತು ಜೂನ್ 2025 ರ ನಡುವೆ ಬಿಡುಗಡೆ ಮಾಡುವುದಾಗಿ ಹೇಳಿಕೆಯನ್ನು ನೀಡಿದ್ದರು.

9 ಕೋಟಿಗೂ ಹೆಚ್ಚು ಇಪಿಎಫ್ ಸದಸ್ಯರಿಗೆ ಅನುಕೂಲ

ಹೊಸ ಆವೃತ್ತಿಯು ಆಧುನಿಕ ಐಟಿ ವ್ಯವಸ್ಥೆಯ ಮೂಲಕ 9 ಕೋಟಿಗೂ ಹೆಚ್ಚು ಇಪಿಎಫ್ ಸದಸ್ಯರಿಗೆ ಸೇವಾ ವಿತರಣೆಯನ್ನು ಸುಧಾರಿಸುವ ಗುರಿಯನ್ನು ಹೊಂದಿದೆ. ಇದು ಸ್ವಯಂ-ಕ್ಲೈಮ್ ಸೆಟಲ್ಮೆಂಟ್, ಡಿಜಿಟಲ್ ಖಾತೆ ತಿದ್ದುಪಡಿಗಳು ಮತ್ತು ಎಟಿಎಂ ಆಧಾರಿತ ನಿಧಿ ಹಿಂಪಡೆಯುವಿಕೆಗಳಂತಹ ವೈಶಿಷ್ಟ್ಯಗಳನ್ನು ಒಳಗೊಂಡಿರುತ್ತದೆ.

ಇಪಿಎಫ್‌ಒ 3.0 ರ ನಿರೀಕ್ಷಿತ ವೈಶಿಷ್ಟ್ಯಗಳು

ಇಪಿಎಫ್ ವಿತ್ ಡ್ರಾಗಳು, ಇಪಿಎಫ್ ಸದಸ್ಯರು ಕ್ಲೈಮ್ ಅನುಮೋದನೆಯ ನಂತರ ಎಟಿಎಂಗಳಿಂದ ನೇರವಾಗಿ ಹಣವನ್ನು ಹಿಂಪಡೆಯಲು ಅನುಮತಿಸಬಹುದು ಜೊತೆಗೆ ನಿಯಮಿತ ಬ್ಯಾಂಕ್ ವಹಿವಾಟುಗಳಂತೆಯೇ ಸ್ವಯಂ-ಕ್ಲೈಮ್ ಸೆಟಲ್ಮೆಂಟ್ ವೇದಿಕೆಯು ಕ್ಲೈಮ್‌ಗಳ ಸ್ವಯಂಚಾಲಿತ ಮುಂತಾದ ಅನುಕೂಲಗಳು ಇಒಇಎಫ್‌ ಸದಸ್ಯರಿಗೆ ಲಭ್ಯವಾಗುತ್ತದೆ.

ಇನ್ನೂ ನೇರವಾಗಿ ಇಪಿಎಫ್‌ ಕಚೇರಿಗೆ ಬೇಟಿ ನೀಡುವಂತಹ ಹಸ್ತಚಾಲಿತ ಪ್ರಕ್ರಿಯೆಯಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುತ್ತದೆ.ಡಿಜಿಟಲ್ ತಿದ್ದುಪಡಿಗಳು ಚಂದಾದಾರರು ಖಾತೆ ವಿವರಗಳನ್ನು ಆನ್‌ಲೈನ್‌ನಲ್ಲಿ ಸರಿಪಡಿಸಲು ಸಾಧ್ಯವಾಗುತ್ತದೆ. ಹೆಸರು ಅಥವಾ ಜನ್ಮ ದಿನಾಂಕ ನವೀಕರಣಗಳಂತಹ ಪ್ರಕ್ರಿಯೆಗಳನ್ನು ಈ ಹೊಸ ವೇದಿಕೆಯಿಂದ ಸುಗಮವಾಗುತ್ತದೆ.

ಒಟಿಪಿ ಆಧಾರಿತ ಪರಿಶೀಲನೆ ಇಪಿಎಫ್‌ಒ ಚಂದಾದಾರರ ಮಾಹಿತಿಗಾಗಿ ಒಟಿಪಿ ಆಧಾರಿತ ನವೀಕರಣಗಳನ್ನು ಸಕ್ರಿಯಗೊಳಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ, ಇದು ಸಾಂಪ್ರದಾಯಿಕ ಫಾರ್ಮ್-ಆಧಾರಿತ ಕಾರ್ಯವಿಧಾನಗಳನ್ನು ಬದಲಾಯಿಸುತ್ತದೆ. ಸುಧಾರಿತ ಕುಂದುಕೊರತೆ ಪರಿಹಾರ ಪರಿಷ್ಕೃತ ವ್ಯವಸ್ಥೆಯು ವೇಗವಾದ ಮತ್ತು ಹೆಚ್ಚು ಸ್ಪಂದಿಸುವ ದೂರು ಪರಿಹಾರ ಕಾರ್ಯವಿಧಾನವನ್ನು ಒಳಗೊಂಡಿರುವ ಸಾಧ್ಯತೆಯನ್ನು ಹೊಂದಿದೆ.

ಇನ್ನೂ ಇತರ ಯೋಜನೆಗಳೊಂದಿಗೆ ಸಂಭಾವ್ಯ ಏಕೀಕರಣ ಇಪಿಎಫ್‌ಒ ಸಾಮಾಜಿಕ ಭದ್ರತಾ ಯೋಜನೆಗಳಾದ ಅಟಲ್ ಪಿಂಚಣಿ ಯೋಜನೆ ಮತ್ತು ಪ್ರಧಾನ ಮಂತ್ರಿ ಜೀವನ್ ಬಿಮಾ ಯೋಜನೆಯೊಂದಿಗೆ ಏಕೀಕರಣವನ್ನು ಸಹ ಅನ್ವೇಷಿಸುತ್ತಿದೆ. ಈ ಕ್ರಮವು ಅಸಂಘಟಿತ ಮತ್ತು ಅನೌಪಚಾರಿಕ ವಲಯಗಳ ಕಾರ್ಮಿಕರಿಗೆ ವ್ಯಾಪ್ತಿಯನ್ನು ವಿಸ್ತರಿಸಬಹುದು.

ಇಎಸ್‌ಐಸಿ ಸೇವೆಗಳ ನವೀಕರಣ ನೌಕರರ ರಾಜ್ಯ ವಿಮಾ ನಿಗಮ (ಇಎಸ್‌ಐಸಿ) ಆರೋಗ್ಯ ಸೇವೆಗೆ ಪ್ರವೇಶವನ್ನು ವಿಸ್ತರಿಸುವ ಕೆಲಸ ಮಾಡುತ್ತಿದೆ. ಇನ್ನೂ ಇಎಸ್‌ಐಸಿ ಫಲಾನುಭವಿಗಳು ಶೀಘ್ರದಲ್ಲೇ ಆಯುಷ್ಮಾನ್ ಭಾರತ್ ಯೋಜನೆಯಡಿ ಸರ್ಕಾರಿ, ಖಾಸಗಿ ಮತ್ತು ದತ್ತಿ ಆಸ್ಪತ್ರೆಗಳಲ್ಲಿ ಉಚಿತ ಚಿಕಿತ್ಸೆಯನ್ನು ಪಡೆಯಲು ಈ ಹೊಸ ಯೋಜನೆಯಿಂದ ಸಾದ್ಯವಾಗುತ್ತದೆ.

ಪ್ರಸ್ತುತ, ಇಎಸ್‌ಐಸಿ ಭಾರತದಾದ್ಯಂತ 165 ಆಸ್ಪತ್ರೆಗಳ ಮೂಲಕ 18 ಕೋಟಿ ವ್ಯಕ್ತಿಗಳಿಗೆ ವೈದ್ಯಕೀಯ ಸೇವೆಗಳನ್ನು ಒದಗಿಸುತ್ತಿದೆ.

FAQs

EPFO 3.0 ಯನ್ನು ಬಳಸಲು ಜನರಿಗೆ ಏನು ಮಾಡಬೇಕಾಗಿದೆ?

EPFO 3.0 ಯನ್ನು ಬಳಸಲು ಜನರಿಗೆ ತಮ್ಮ ಖಾತೆಗಳನ್ನು ನವೀಕರಿಸಬೇಕು ಮತ್ತು ಅಗತ್ಯ ಮಾಹಿತಿಯನ್ನು ಭರ್ತಿ ಮಾಡಬೇಕು.

EPFO 3.0 ಯಾವಾಗ ಬಿಡುಗಡೆ?

ಇಪಿಎಫ್‌ಒ 3.0 ಜೂನ್‌ನಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ,ಆದರೆ ನಿಖರವಾದ ದಿನಾಂಕದ ಯಾವುದು ಎಂಬುವುದು ಇನ್ನೂ ತಿಳಿದಿಲ್ಲ.

 

EPFO 3.0 ಹೇಗೆ ಕಾರ್ಯನಿರ್ವಹಿಸುತ್ತದೆ?

EPFO 3.0 ಡಿಜಿಟಲ್ ತಂತ್ರಜ್ಞಾನವನ್ನು ಬಳಸಿಕೊಂಡು ಸದಸ್ಯರಿಗೆ ಸುಲಭ ಮತ್ತು ವೇಗವಾದ ಸೇವೆಗಳನ್ನು ಒದಗಿಸುತ್ತದೆ.