Gold Price: ಬಂಗಾರ ದರ ಎರಡು ದಿನದಲ್ಲೇ 950 ರೂಪಾಯಿ ಏರಿಕೆ, ಈಗ ಎಷ್ಟಿದೆ ದರ ನೋಡಿ

ಚಿನ್ನದ ಬೆಲೆಯು ಕಳೆದ ಕೆಲವು ದಿನಗಳಿಂದ ಭಾರೀ ಪ್ರಮಾಣದಲ್ಲಿ ಏರಿಕೆಯಾಗುತ್ತಾ ಸಾಗುತ್ತಿದೆ. ನಾವು ಕಳೆದ ಹತ್ತು ದಿನಗಳ ಬೆಳವಣಿಗೆಯನ್ನು ನೋಡಿದಾಗ ಬಂಗಾರ ದರವು ಎರಡು ಬಾರಿ ಮಾತ್ರ ಇಳಿಕೆಯಾಗಿದೆ. 10 ದಿನದಲ್ಲಿ ಬರಿ 650 ರೂಪಾಯಿ ಬೆಲೆ ಕುಸಿತವಾಗಿದೆ. ಬಹುತೇಕ ದಿನಗಳು ಚಿನ್ನದ ಬೆಲೆ ಹೆಚ್ಚಳವಾಗಿದೆ.

ಇದೇ ಸಂದರ್ಭದಲ್ಲಿ ನಾವು ಬೆಳ್ಳಿ ದರವನ್ನು ನೋಡಿದಾಗ, ಕಳೆದ ಹತ್ತು ದಿನದಲ್ಲಿ ಒಂದು ಬಾರಿಯೂ ಬೆಲೆ ಇಳಿಕೆಯಾಗಿಲ್ಲ. ಬೆಲೆ ಏರಿಕೆಯಾಗುತ್ತಲೇ ಸಾಗಿದೆ. ಕಳೆದ ಎರಡು ದಿನಗಳಲ್ಲಿ ಬೆಳ್ಳಿ ದರವು 1300 ರೂಪಾಯಿ ಏರಿಕೆಯಾಗಿದೆ. ಹತ್ತು ದಿನದಲ್ಲಿ 4500 ರೂಪಾಯಿ ಬೆಳ್ಳಿ ದರ ಹೆಚ್ಚಳವಾಗಿದೆ. ಇಂದಿನ ಚಿನ್ನದ ಹಾಗೂ ಬೆಳ್ಳಿ ದರ ಇಲ್ಲಿದೆ, ಮುಂದೆ ಓದಿ.....

ಬಂಗಾರ ದರ 2 ದಿನದಲ್ಲೇ 950 ರೂ. ಏರಿಕೆ, ಈಗ ಎಷ್ಟಿದೆ ದರ?

ಇಂದಿನ ಚಿನ್ನದ ದರ ಎಷ್ಟಿದೆ?

ಡಿಸೆಂಬರ್ 2ರಂದು ದೇಶದಲ್ಲಿ 22 ಕ್ಯಾರೆಟ್ 10 ಗ್ರಾಂ ಗೋಲ್ಡ್ ರೇಟ್ 750 ರೂಪಾಯಿ ಏರಿಕೆಯಾಗಿದ್ದು 58,450 ರೂಪಾಯಿ ಆಗಿದೆ. ಇದೇ ಸಂದರ್ಭದಲ್ಲಿ 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆಯು ಕೂಡಾ 810 ರೂಪಾಯಿ ಜಿಗಿತವಾಗಿದ್ದು ಪ್ರಸ್ತುತ 63,760 ರೂಪಾಯಿ ಆಗಿದೆ. 18 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 610 ರೂಪಾಯಿ ಹೆಚ್ಚಳವಾಗಿದ್ದು 47,820 ರೂಪಾಯಿ ಆಗಿದೆ. ಒಂದು ಕೆಜಿ ಬೆಳ್ಳಿ ಬೆಲೆಯು ಇಂದು 1000 ರೂಪಾಯಿ ಜಿಗಿದು, 80500 ರೂಪಾಯಿ ಆಗಿದೆ.