ಇಳಿಕೆಯಲ್ಲೂ ದಾಖಲೆ ಬರೆದ ಚಿನ್ನ; ಬೆಳ್ಳಿ ಬೆಲೆಯಲ್ಲಿ ಭರ್ಜರಿ ಕುಸಿತ

ಯುಎಸ್ ಆರ್ಥಿಕ ಉತ್ತೇಜನದ ಅನಿಶ್ಚಿತತೆ

ಬೇರೆ ಕರೆನ್ಸಿಗಳನ್ನು ಬಳಸಿ ಚಿನ್ನದ ವ್ಯವಹಾರ ಮಾಡಬೇಕು ಅಂದರೆ ಅದು ಕೂಡ ದುಬಾರಿ ಎನ್ನುವಂತೆ ಮಾಡಿದೆ ಯುಎಸ್ ಡಾಲರ್. ಯುರೋಪ್ ನಲ್ಲಿ ಹೆಚ್ಚುತ್ತಿರುವ ಕೊರೊನಾ ಪ್ರಕರಣಗಳು, ಹೆಚ್ಚುವರಿ ಆರ್ಥಿಕ ಉತ್ತೇಜನದ ಬಗ್ಗೆ ಯುಎಸ್ ಸರ್ಕಾರದ ಅನಿಶ್ಚಿತತೆಯಿಂದಾಗಿ ಹೂಡಿಕೆದಾರರ ಭರವಸೆಗೆ ಬಿದ್ದಿರುವ ಪೆಟ್ಟಿನಿಂದಾಗಿ ಡಾಲರ್ ಮೌಲ್ಯವನ್ನು ಹೆಚ್ಚಿಸಿದೆ.

ಭಾರತದಲ್ಲಿ ಪ್ರತಿ 10 ಗ್ರಾಮ್ ಗೆ 49,659 ರು.ನಂತೆ ವಹಿವಾಟು

ಇನ್ನು ಸ್ಪಾಟ್ ಚಿನ್ನ 0.3% ಇಳಿಕೆ ಕಂಡು, ಪ್ರತಿ ಔನ್ಸ್ ಗೆ (28.3495) $ 1861.58ರಂತೆ ವಹಿವಾಟು ನಡೆಸಿತು. ಭಾರತದಲ್ಲಿ ಮಲ್ಟಿ ಕಮಾಡಿಟಿ ಎಕ್ಸ್ ಚೇಂಜ್ (ಎಂಸಿಎಕ್ಸ್) ಚಿನ್ನದ ಫ್ಯೂಚರ್ಸ್ 0.5% ಇಳಿಕೆಯಾಗಿ, ಪ್ರತಿ 10 ಗ್ರಾಮ್ ಗೆ 49,659 ರುಪಾಯಿಯಂತೆ ವಹಿವಾಟು ನಡೆಸಿತು.

 

ಚಿನ್ನದ ಬೆಲೆ ಇಳಿಕೆ ತಾತ್ಕಾಲಿಕ

ತಜ್ಞರು ಹೇಳುವಂತೆ, ಚಿನ್ನದ ಬೆಲೆ ಇಳಿಕೆ ತಾತ್ಕಾಲಿಕ. ಅದು ಯುಎಸ್ ಅಧ್ಯಕ್ಷೀಯ ಚುನಾವಣೆ ಬಗೆಗಿನ ಅನಿಶ್ಚಿತತೆ ಇಂಥದ್ದೊಂದು ವಾತಾವರಣ ಸೃಷ್ಟಿಸಿದೆ. ಆದರೆ ಇತಿಹಾಸವನ್ನು ಗಮನಿಸಿ ನೋಡಿದರೆ, ಬೌಗೋಳಿಕ ರಾಜಕೀಯ ಹಾಗೂ ಆರ್ಥಿಕ ಅನಿಶ್ಚಿತತೆಯಿಂದ ಚಿನ್ನದ ಬೆಲೆಯಲ್ಲಿ ಏರಿಕೆ ಆಗಿರುವುದೇ ಕಂಡುಬರುತ್ತದೆ.