ತೆರಿಗೆಯೇ ಇಲ್ಲ..! ಹೊಸ ತೆರಿಗೆ ಪದ್ಧತಿ.. 18 ಲಕ್ಷ ಸಂಬಳಕ್ಕೆ 'Zero Tax' ಪಾವತಿಸುವುದು ಹೇಗೆ? ಎಷ್ಟು ತೆರಿಗೆ ಉಳಿಸಬಹುದು?

ತೆರಿಗೆಯೇ ಕಟ್ಟಂಗಿಲ್ಲ..! ನಿಮಗೆ 18 ಲಕ್ಷ ಸಂಬಳ ಬರುತ್ತಿದ್ದರೂ, ಸುಲಭವಾಗಿ ತೆರಿಗೆಯಿಂದ ಪಾರಾಗಬಹುದು! ಹೊಸ ತೆರಿಗೆ ಪದ್ಧತಿಯ ಹೊರತಾಗಿಯೂ, ನೀವು ಹಣ ಉಳಿಸಬಹುದು. ಹೌದು, ಹೊಸ ತೆರಿಗೆ ಪದ್ಧತಿಯನ್ನು 2020 ರ ಬಜೆಟ್‌ನಲ್ಲಿ ಪರಿಚಯಿಸಲಾಗಿದೆ. ಮತ್ತು ಸರ್ಕಾರವು ಇತ್ತೀಚೆಗೆ ಹೊಸ ಪದ್ಧತಿಯ ಅಡಿಯಲ್ಲಿ ತೆರಿಗೆ ಸ್ಲ್ಯಾಬ್‌ಗಳಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿದೆ. ತೆರಿಗೆದಾರರು ಶೀಘ್ರದಲ್ಲೇ 2025 ರ ಹಣಕಾಸು ವರ್ಷಕ್ಕೆ ಐಟಿಆರ್ ಸಲ್ಲಿಸಲು ಶುರುವಾಗುತ್ತದೆ. ಸಾಮಾನ್ಯವಾಗಿ ಜುಲೈ 31 ಐಟಿಆರ್ ಸಲ್ಲಿಸಲು ಕೊನೆಯ ದಿನವಾಗಿರುತ್ತದೆ. ಅದರ ನಂತರ, ಸರ್ಕಾರವು ಗಡುವನ್ನು ವಿಸ್ತರಿಸಬಹುದು ಅಥವಾ ವಿಸ್ತರಿಸದಿರಬಹುದು. ಹೊಸ ತೆರಿಗೆ ಪದ್ಧತಿಯನ್ನು ತೆರಿಗೆದಾರರಿಗೆ ಡೀಫಾಲ್ಟ್ ಆಯ್ಕೆಯನ್ನಾಗಿ ಮಾಡಲಾಗಿದೆ. ಅವರು ತಮ್ಮ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ಸಮಯದಲ್ಲಿ ಹಳೆಯ ತೆರಿಗೆ ಪದ್ಧತಿಯನ್ನು ಸಹ ಆಯ್ಕೆ ಮಾಡಬಹುದು. ಹಾಗಿದ್ರೆ 18 ಲಕ್ಷ ಸಂಬಳಕ್ಕೆ 'ತೆರಿಗೆ ಇಲ್ಲ' ಪಾವತಿಸುವುದು ಹೇಗೆ? ವರ್ಷಕ್ಕೆ 18,00,000 ರೂ. ಗಳಿಸುವ ತೆರಿಗೆದಾರರು ಹೊಸ ತೆರಿಗೆ ವ್ಯವಸ್ಥೆಯಡಿಯಲ್ಲಿ ಶೂನ್ಯ ತೆರಿಗೆಯನ್ನು ಹೇಗೆ ಪಾವತಿಸಬೇಕು ಎಂಬ ಲೆಕ್ಕಾಚಾರವನ್ನು ನಾವು ಈ ಲೇಖನದಲ್ಲಿ ತಿಳಿಯೋಣ ಬನ್ನಿ...

ಹೊಸ ತೆರಿಗೆ ಪದ್ಧತಿಯಲ್ಲಿ ನೀವು ಎಷ್ಟು ತೆರಿಗೆ ಉಳಿಸಬಹುದು?

ಹೊಸ ತೆರಿಗೆ ಪದ್ಧತಿಯಡಿಯಲ್ಲಿ, ತೆರಿಗೆದಾರರು ವಾರ್ಷಿಕ 12 ಲಕ್ಷ ರೂ.ಗಳವರೆಗಿನ ಆದಾಯ ಹೊಂದಿದ್ದರೆ ಶೂನ್ಯ ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ. ನಿಮ್ಮ ಆದಾಯ 12.75 ಲಕ್ಷ ರೂ.ಗಳಿಗಿಂತ ಕಡಿಮೆಯಿದ್ದರೆ ಸರ್ಕಾರವು ಅಲ್ಪ ಪರಿಹಾರವನ್ನು ಸಹ ನೀಡಿದೆ. ನೀವು 12.75 ಲಕ್ಷ ರೂ.ಗಳಿಗಿಂತ ಹೆಚ್ಚು ಗಳಿಸಿದರೆ ನೀವು ಇನ್ನೂ ಹೆಚ್ಚಿನ ತೆರಿಗೆಯನ್ನು ಉಳಿತಾಯ ಮಾಡಬಹುದು.

ನಿಮ್ಮ ಸಂಬಳ ವಾರ್ಷಿಕ 18,00,000 ರೂ.ಗಳಾಗಿದ್ದರೆ ತೆರಿಗೆಯನ್ನು ಎಷ್ಟು ಕಟ್ಟಬೇಕು..?

ನೀವು ವರ್ಷಕ್ಕೆ ಒಟ್ಟು ವೇತನ ರೂ.18,00,000 ಆಗಿದೆ. ನೀವು ಇದರ ಮೂಲಕ ಹೊಸ ತೆರಿಗೆ ಪದ್ಧತಿಯನ್ನು ಆರಿಸಿಕೊಂಡಿದ್ದೀರಿ ಅಂದುಕೊಂಡರೆ ನೀವು ಖರೀದಿಸಿದ ಮನೆಯನ್ನು (ಲೀಟ್-ಔಟ್ ಪ್ರಾಪರ್ಟಿ) ಬಾಡಿಗೆಗೆ ನೀಡಿದ್ದೀರಿ. ಗೃಹ ಸಾಲದ ಮೇಲಿನ ವಾರ್ಷಿಕ ಬಡ್ಡಿ 4,00,000. ಇತರ ಮಾನ್ಯ ಕಡಿತಗಳನ್ನು ಸಹ ಮಾಡಿಕೊಳ್ಳಲಾಗುತ್ತದೆ.

ತೆರಿಗೆಯ ಆದಾಯ ಕಡಿಮೆ

ಹೊಸ ತೆರಿಗೆ ಪದ್ಧತಿಯಲ್ಲಿ, ನೀವು ಈಗ ರೂ.75,000 ವರೆಗೆ ಪ್ರಮಾಣಿತ ಕಡಿತವನ್ನು ಪಡೆಯುತ್ತಿದ್ದರೆ,ಇದು ನಿಮ್ಮ ಆದಾಯವನ್ನು17.25 ಲಕ್ಷಕ್ಕೆ ಇಳಿಸುತ್ತದೆ. ಅಂದರೆ 18,00,000 ರಿಂದ 75,000ರೂ. ನಿಮ್ಮಗೆ
ತೆರಿಗೆಯ ಆದಾಯ 17,25,000.ರೂ.ಗಳಷ್ಟು ಕಡಿಮೆಯಾಗುತ್ತದೆ.

ಗೃಹ ಸಾಲದ ಬಡ್ಡಿ

ನೀವು ಯಾನಾದರೂ ನಿಮ್ಮ ಮನೆಯನ್ನು ಬಾಡಿಗೆಗೆ ನೀಡಿದ್ದರೆ, 2 ಲಕ್ಷ ರೂಪಾಯಿಗಳವರೆಗಿನ ಬಡ್ಡಿಯನ್ನು ತೆರಿಗೆಯಿಂದ ಕಡಿತಗೊಳಿಸಬಹುದು. ಹೊಸ ತೆರಿಗೆ ಪದ್ಧತಿಯಲ್ಲಿ ಗೃಹ ಸಾಲದ ಬಡ್ಡಿಯನ್ನು ಸರಿದೂಗಿಸಬಹುದು. ಸರ್ಕಾರವು ಅದರ ಮಿತಿಯನ್ನು 2 ಲಕ್ಷ ರೂಪಾಯಿಗಳಿಗೆ ನಿಗದಿಪಡಿಸಿದೆ. ಅಂದರೆ 17,25,000 ರೂ - 2,00,000 ರೂ = 15,25,000 ರೂ.ಗಳಷ್ಟು ವಿನಾಯಿತಿಯನ್ನು ಪಡೆದುಕೊಳ್ಳಬಹುದು.

ಎನ್‌ಪಿಎಸ್
ನಿಮ್ಮ ಕಂಪನಿಯು ನಿಮ್ಮ ಸಂಬಳದ ಶೇಕಡಾ 14 ರವರೆಗೆ NPS ಗೆ ಆಫರ್ ನೀಡುತ್ತಿದ್ದರೆ, ಆ ಮೊತ್ತವು ಸಂಪೂರ್ಣವಾಗಿ ತೆರಿಗೆ ಮುಕ್ತವಾಗಿರುತ್ತದೆ. ಈ ವಿನಾಯಿತಿ ಸೆಕ್ಷನ್ 80CCD (2) ಅಡಿಯಲ್ಲಿ ಲಭ್ಯವಿದೆ. ಕಂಪನಿಯು NPS ಗೆ ವಾರ್ಷಿಕವಾಗಿ ರೂ. 2,16,000 (ರೂ. 18 ಲಕ್ಷದ 12%) ಕೊಡುಗೆ ನೀಡುತ್ತದೆ ಎಂದು ಭಾವಿಸೋಣ, ನಂತರ ರೂ. 15,25,000 - ರೂ. 2,16,000 = 13,09,000 ಆಗಿದೆ.

HRA, LTA, ಪ್ರಯಾಣ ಭತ್ಯೆಗಳು
ನಿಮ್ಮ ಸಂಬಳದಲ್ಲಿ HRA ಅಥವಾ LTA ನಂತಹ ಕೆಲವು ಮಾನ್ಯ ಭತ್ಯೆಗಳಿದ್ದರೆ, ಅವುಗಳಿಗೂ ತೆರಿಗೆ ವಿನಾಯಿತಿ ನೀಡಲಾಗುತ್ತದೆ. 1,50,000 ರೂ.ಗಳವರೆಗೆ ಅಂತಹ ಭತ್ಯೆಗಳಿವೆ ಎಂದು ಅಂದುಕೊಂಡರೆ ಆಗ 13,09,000 ರೂ. - 1,50,000 ರೂ. = 11,59,000 ರೂ.ಗ‍ಳಷ್ಟು ವಿನಾಯಿತಿಯನ್ನು ಪಡೆದುಕೊಳ್ಳಬಹುದು.

ಕುಟುಂಬ ಪಿಂಚಣಿ ಕಡಿತ
ಕುಟುಂಬ ಪಿಂಚಣಿ ಕಡಿತ ಅಥವಾ ಉಡುಗೊರೆಯಲ್ಲಿ 50,000 ರೂ.ಗಳವರೆಗೆ ತೆರಿಗೆ ವಿನಾಯಿತಿ ಇದೆ. ನೀವು 50,000 ರೂ.ಗಳವರೆಗಿನ ಉಡುಗೊರೆಯನ್ನು ಪಡೆದಿದ್ದರೆ, ಅದು ಕೂಡ ತೆರಿಗೆ ಮುಕ್ತವಾಗಿರುತ್ತದೆ. ಅಂದರೆ ಅಂತಿಮ ತೆರಿಗೆ ವಿಧಿಸಬಹುದಾದ ಆದಾಯವು 11,09,000 ರೂ.ಗಳಾಗಿರುತ್ತದೆ.

ಅಂತಿಮ ತೆರಿಗೆ ವಿಧಿಸಬಹುದಾದ ಆದಾಯ

ಹೊಸ ನಿಯಮಗಳ ಪ್ರಕಾರ, 12 ಲಕ್ಷ ರೂಪಾಯಿಗಳವರೆಗಿನ ತೆರಿಗೆ ವಿಧಿಸಬಹುದಾದ ಆದಾಯದ ಮೇಲೆ 25,000 ರೂಪಾಯಿಗಳ ತೆರಿಗೆ ರಿಯಾಯಿತಿ ಲಭ್ಯವಿದೆ. ಸ್ಲ್ಯಾಬ್ ಪ್ರಕಾರ, ತೆರಿಗೆ 25,000 ರೂಪಾಯಿಗಳು, ಮತ್ತು ರಿಯಾಯಿತಿಯ ನಂತರ, ನಿವ್ವಳ ತೆರಿಗೆ = 0 ರೂಪಾಯಿಗಳು. ನಿಮ್ಮ 18 ಲಕ್ಷ ರೂಪಾಯಿಗಳ ಸಂಪೂರ್ಣ ಸಂಬಳವು ತೆರಿಗೆ ಮುಕ್ತವಾಗಿದೆ.

ಹೊಸ ತೆರಿಗೆ ಪದ್ಧತಿಯಲ್ಲಿ ಹೆಚ್ಚಿನ ತೆರಿಗೆ ಉಳಿಸಿ
ಗೃಹ ಸಾಲದ ಬಡ್ಡಿ, ಎನ್‌ಪಿಎಸ್, ಭತ್ಯೆಗಳು ಮತ್ತು ರಿಯಾಯಿತಿಗಳನ್ನು ಸರಿಯಾಗಿ ಬಳಸಿಕೊಳ್ಳುವ ಮೂಲಕ, 18 ಲಕ್ಷ ರೂಪಾಯಿಗಳವರೆಗಿನ ತೆರಿಗೆಗೆ ಒಳಪಡುವ ಆದಾಯದ ಮೇಲೆ ಪೂರ್ಣ ತೆರಿಗೆಯನ್ನು ಮನ್ನಾ ಮಾಡಬಹುದು.

ಹೊಸ ತೆರಿಗೆ ಪದ್ಧತಿ

ಹೊಸ ತೆರಿಗೆ ಪದ್ಧತಿಯಡಿಯಲ್ಲಿ ವ್ಯಕ್ತಿಗಳು, ಹಿರಿಯ ನಾಗರಿಕರು ಮತ್ತು ಅತಿ ಹಿರಿಯ ನಾಗರಿಕರು ಸೇರಿದಂತೆ ಎಲ್ಲಾ ವೈಯಕ್ತಿಕ ವರ್ಗಗಳು ಒಂದೇ ರೀತಿಯ ತೆರಿಗೆ ದರಗಳನ್ನು ಪಾವತಿಸಬೇಕಾಗುತ್ತದೆ.

ಹೊಸ ತೆರಿಗೆ ಪದ್ಧತಿಯ ಅಡಿಯಲ್ಲಿ ಸ್ಲ್ಯಾಬ್‌ಗಳು
0- 4 ಲಕ್ಷ: ನಿಲ್
4 ಲಕ್ಷ- 8 ಲಕ್ಷ: 5%
8 ಲಕ್ಷ- 12 ಲಕ್ಷ: 10%
12 ಲಕ್ಷ- 16 ಲಕ್ಷ: 15%
16 ಲಕ್ಷ- ರೂ 20 ಲಕ್ಷ: 0- 4 ಲಕ್ಷ: 20%
20 ಲಕ್ಷ- 24 ಲಕ್ಷ: 25%

ತೆರಿಗೆ ಪದ್ಧತಿಯನ್ನು ಆಯ್ಕೆಮಾಡಿ
ತೆರಿಗೆದಾರರು ತಮ್ಮ ಐಟಿಆರ್ ಅನ್ನು ಸಲ್ಲಿಸುವಾಗ ಹಳೆಯ ತೆರಿಗೆ ವ್ಯವಸ್ಥೆಯನ್ನು ಆಯ್ಕೆ ಮಾಡಿಕೊಳ್ಳಬೇಕು ಏಕೆಂದರೆ ಹೊಸ ತೆರಿಗೆ ವ್ಯವಸ್ಥೆಯು ಡೀಫಾಲ್ಟ್ ಆಯ್ಕೆಯಾಗಿದೆ.