ITR: ಐಟಿಆರ್‌ ಸಲ್ಲಿಸುವಾಗ ತಪ್ಪು ಬ್ಯಾಂಕ್‌ ವಿವರ ನಮೂದಿಸಿದ್ದೀರಾ, ಸರಿಪಡಿಸುವ ವಿಧಾನ ಇಲ್ಲಿದೆ

ನೀವು ನಿಮ್ಮ ಆದಾಯ ತೆರಿಗೆ ರಿಟರ್ನ್ಸ್‌ (ಐಟಿಆರ್‌) ಸಲ್ಲಿಸಿದ ನಂತರ ಬೇರೆ ಬದಲಾವಣೆ ಅಥವಾ ಅಪ್‌ಡೇಟ್‌ ಮಾಡುವ ಬಗ್ಗೆ ಗೊಂದಲಗಳಿದ್ದರೆ ನಾವು ನಿಮಗೆ ಪರಿಹಾರವನ್ನು ಸೂಚಿಸುತ್ತೇವೆ. ಸಾಮಾನ್ಯವಾಗಿ ಐಟಿಆರ್‌ ಸಲ್ಲಿಸುವ ವೇಳೆ ಆಗುವ ಸಾಮಾನ್ಯ ತಪ್ಪು ಅಂದರೆ ಬ್ಯಾಂಕ್‌ ಖಾತೆ ವಿವರಗಳನ್ನು ಸರಿಯಾಗಿ ನಮೂದಿಸದೆ ಇರುವುದು. ಆದಾಯ ತೆರಿಗೆ ರಿಟರ್ನ್ಸ್‌ ಗಡುವು ಸಮೀಪಿಸುತ್ತಿರುವಾಗ ನಿಮ್ಮ ತೆರಿಗೆ ರಿಟರ್ನ್ಸ್‌ ಸಲ್ಲಿಸುವಾಗ ಮಾಡುವ ಒಂದು ಸಣ್ಣ ದೋಷ ಕೂಡ ಮರುಪಾವತಿ ಸ್ವೀಕರಿಸುವಲ್ಲಿ ವಿಳಂಬಕ್ಕೆ ಕಾರಣವಾಗಬಹುದು.

ನಿಮ್ಮ ಐಟಿಆರ್‌ ಫಾರ್ಮ್‌ನಲ್ಲಿನ ತಪ್ಪು ಬ್ಯಾಂಕ್‌ ಖಾತೆ ಮಾಹಿತಿಯನ್ನು ಸರಿಪಡಿಸುವುದಕ್ಕೆ ನೀವು ಅನುಸರಿಸಬೇಕಾದ ನೇರವಾದ ಪ್ರಕ್ರಿಯೆ ಕೂಡ ಇದೆ. ಇ-ಫೈಲಿಂಗ್‌ ಪೋರ್ಟಲ್‌ನ ಅಡಿಯಲ್ಲಿರುವ 'ಐಟಿಆರ್‌ ಫಾರ್ಮ್‌ ವಿವರ ಬದಲಾಯಿಸಿ' ಫೀಚರ್‌ ತೆರಿಗೆದಾರರಿಗೆ ತಮ್ಮ ಬ್ಯಾಂಕ್‌ ಖಾತೆ, ವಿಳಾಸ, ಮೊಬೈಲ್‌ ಸಂಖ್ಯೆ ಮತ್ತು ಇಮೇಲ್‌ ಐಡಿಯಂಥಹ ವಿವರಗಳಲ್ಲಿ ಮಾರ್ಪಾಟು ಮಾಡುವುದಕ್ಕೆ ಅನುಮತಿಸುತ್ತದೆ. ಐಟಿಆರ್‌ ಪ್ರಕ್ರಿಯೆ ಆಗುವ ಮೊದಲು ಈ ರೀತಿಯ ಕೋರಿಕೆಯನ್ನು ಸಲ್ಲಿಸಬೇಕಾಗುತ್ತದೆ ಎನ್ನುವುದು ಗಮನಾರ್ಹ. ತೆರಿಗೆದಾರರಿಗೆ 2022-23 ಅವಧಿಯ ಐಟಿಆರ್‌ ಸಲ್ಲಿಕೆಗೆ ಜುಲೈ 31 ಕೊನೆಯ ದಿನವಾಗಿರುವ ಕಾರಣ ಆದಷ್ಟು ಬೇಗ ಇದನ್ನು ಮಾಡಬೇಕಿದೆ.

ITR ಫೈಲಿಂಗ್ ದೋಷಗಳು: ತಪ್ಪು ಖಾತೆ ವಿವರ ಸರಿಪಡಿಸುವ ಕ್ರಮಗಳು

ಆದಾಯ ತೆರಿಗೆ ರಿಟರ್ನ್ ಅನ್ನು ಪ್ರಕ್ರಿಯೆ ಮಾಡದಿದ್ದರೆ ಖಾತೆ ವಿವರಗಳನ್ನು ಆನ್‌ಲೈನ್‌ನಲ್ಲಿ ಸರಿಪಡಿಸಬಹುದು. ರಿಟರ್ನ್ ಅನ್ನು ಈಗಾಗಲೇ ಪ್ರಕ್ರಿಯೆಗೊಳಿಸಿದ್ದರೆ, ಮರು ಪಾವತಿ ಮರು ಸಲ್ಲಿಕೆಗೆ ವಿನಂತಿಸಬಹುದು.

ಹಂತ 1: incometax.gov.in/iec/foportal/ ನಲ್ಲಿ ಆದಾಯ ತೆರಿಗೆಯ ಇ-ಫೈಲಿಂಗ್ ಪೋರ್ಟಲ್‌ಗೆ ಲಾಗ್ ಇನ್ ಮಾಡಿ.
ಹಂತ 2: ಪುಟದ ಮೇಲಿನ ಎಡಭಾಗದಲ್ಲಿರುವ 'ನನ್ನ ಖಾತೆ' ಟ್ಯಾಬ್‌ ಕ್ಲಿಕ್‌ ಮಾಡಿ.
ಹಂತ 3: 'ನನ್ನ ಖಾತೆ' ಟ್ಯಾಬ್ ಅಡಿಯಲ್ಲಿ, 'ಸೇವಾ ವಿನಂತಿ' ಆಯ್ಕೆಯನ್ನು ಆಯ್ಕೆಗೊಳಿಸಬೇಕು.
ಹಂತ 4: ರಿಕ್ವೆಸ್ಟ್ ಕ್ಯಾಟೆಗರಿ ಅಡಿಯಲ್ಲಿ Request Type ಮತ್ತು Rectification ನಲ್ಲಿ New Request ಆಯ್ಕೆ ಮಾಡಬೇಕು.
ಹಂತ 5: ಅದನ್ನು ಪೋಸ್ಟ್ ಮಾಡಿ, 'Change ITR Form Particulars' ಆಯ್ಕೆಯನ್ನು ಕ್ಲಿಕ್ ಮಾಡಿ.
ಹಂತ 6: ನಿಮ್ಮ ಪ್ಯಾನ್ ಅನ್ನು ಸ್ಕ್ರೀನ್‌ ಮೇಲೆ ತೋರಿಸಲಾಗುತ್ತದೆ.
ಹಂತ 7: ITR ನ 'ಅಕ್ನಾಲೆಡ್ಜ್‌ಮೆಂಟ್ ಸಂಖ್ಯೆ' ನಂತಹ ನಿಮ್ಮ ರುಜುವಾತು ಬಳಸಿಕೊಂಡು ಲಾಗಿನ್ ಮಾಡಿ.
ಹಂತ 8: ನೀವು ಲಾಗಿನ್ ಮಾಡಿದ ನಂತರ, 'ಬ್ಯಾಂಕ್ ಖಾತೆ ವಿವರಗಳನ್ನು ಬದಲಾಯಿಸುವುದು', 'ವಿಳಾಸ ವಿವರಗಳನ್ನು ಬದಲಾಯಿಸಿ' ಮತ್ತು 'ಇ-ಮೇಲ್ ಐಡಿ/ಮೊಬೈಲ್ ಸಂಖ್ಯೆ ವಿವರಗಳನ್ನು ಬದಲಾಯಿಸಿ' ಆಯ್ಕೆಗಳು ಲಭ್ಯವಿರುತ್ತವೆ.
ಹಂತ 9: ಅಗತ್ಯವಿರುವ ಆಯ್ಕೆಯನ್ನು ಆರಿಸಿ, ಅಗತ್ಯ ಮಾಹಿತಿಯನ್ನು ನಮೂದಿಸಿ ನಂತರ submit ಬಟನ್‌ ಒತ್ತಿರಿ.
ಹಂತ 10: ನಿಮ್ಮ ರಿಕ್ವೆಸ್ಟ್‌ನ್ನು ಸಲ್ಲಿಸಿದ ನಂತರ, transaction ID ಅನ್ನು ಸ್ಕ್ರೀನ್‌ ಮೇಲೆ ತೋರಿಸಲಾಗುತ್ತದೆ.

ಒಮ್ಮೆ ತೆರಿಗೆದಾರರು ತಮ್ಮ ಬ್ಯಾಂಕ್ ವಿವರಗಳನ್ನು ನವೀಕರಿಸಿದ ನಂತರ, ಅವರು ತಮ್ಮ ITR ಅನ್ನು ಮರು-ಮೌಲ್ಯಮಾಪನ ಮಾಡಬೇಕಾಗುತ್ತದೆ. ಆ ಕುರಿತ ಪ್ರಕ್ರಿಯೆ ಕೂಡ ಇಲ್ಲಿದೆ:

> 'ನನ್ನ ಖಾತೆ' ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ ಮತ್ತು ʻಬ್ಯಾಂಕ್ ಖಾತೆಗಳುʼ ಕಾಲಂ ಆಯ್ಕೆ ಮಾಡಿ.
> ನಂತರ, ನವೀಕರಿಸಿದ ಬ್ಯಾಂಕ್ ಖಾತೆಯ ಪಕ್ಕದಲ್ಲಿರುವ ʻಮರು ಮೌಲ್ಯೀಕರಿಸುʼ ಬಟನ್ ಅನ್ನು ಕ್ಲಿಕ್ ಮಾಡಿ.
> ಮರು ಮೌಲ್ಯಮಾಪನದ ನಂತರ, ITR ಅನ್ನು ಪ್ರಕ್ರಿಯೆಗೊಳಿಸಲಾಗುತ್ತದೆ ಮತ್ತು ಮರುಪಾವತಿಯನ್ನು ನೀಡಲಾಗುತ್ತದೆ.

ITR ಫೈಲಿಂಗ್ ದೋಷ: ಇತರೆ ತಿದ್ದುಪಡಿಗಳು

ತೆರಿಗೆದಾರರು ತಮ್ಮ ಐಟಿಆರ್ ರೂಪದಲ್ಲಿ ತಪ್ಪಾದ ವಿಳಾಸ, ಮೊಬೈಲ್ ಸಂಖ್ಯೆ ಅಥವಾ ಇ-ಮೇಲ್ ಅನ್ನು ಕೂಡ ಸರಿಪಡಿಸಬಹುದು. ಇ-ಫೈಲಿಂಗ್ ಪೋರ್ಟಲ್‌ಗೆ ಭೇಟಿ ನೀಡುವ ಮೂಲಕ ಈ ತಪ್ಪುಗಳನ್ನು ಸರಿಪಡಿಸಬಹುದು. 'ಐಟಿಆರ್ ಫಾರ್ಮ್ ವಿವರಗಳನ್ನು ಬದಲಾಯಿಸಿ' ವಿಭಾಗವು ಈ ಎಲ್ಲ ತಪ್ಪುಗಳನ್ನು ಸರಿಪಡಿಸುವುದಕ್ಕೆ ನಿಮಗೆ ಅವಕಾಶ ನೀಡುತ್ತದೆ.