ಪೋಸ್ಟ್ ಆಫೀಸ್ ನಲ್ಲಿ ಉಳಿತಾಯ ಖಾತೆ; ಗೊತ್ತಿರಲೇ ಬೇಕಾದ ಮಾಹಿತಿ
ಭಾರತದಲ್ಲಿ ಪೋಸ್ಟ್ ಆಫೀಸ್ ಗಳ ರೀಚ್ ಬಹಳ ಚೆನ್ನಾಗಿದೆ. ಆ ಕಾರಣಕ್ಕೆ ಬೇರೆ ಯಾವುದೇ ಬ್ಯಾಂಕಿಂಗ್ ವ್ಯವಸ್ಥೆಗಿಂತ ಅದ್ಬುತ ಸೇವೆ ಒದಗಿಸಬಲ್ಲ ಸಾಮರ್ಥ್ಯ ಇದಕ್ಕೆ ಇದೆ. ವಿಸ್ತಾರವಾದ ವ್ಯಾಪ್ತಿ ಇರುವ ಕಾರಣಕ್ಕೆ ಸರ್ಕಾರವು ಪೋಸ್ಟ್ ಆಫೀಸ್ ಮೂಲಕ ಬ್ಯಾಂಕಿಂಗ್ ವ್ಯವಸ್ಥೆಯನ್ನು ಉತ್ತೇಜಿಸುತ್ತಿದೆ. ಆ ಮೂಲಕ ಉಳಿತಾಯದ ಹವ್ಯಾಸವನ್ನು ಪ್ರೋತ್ಸಾಹಿಸುತ್ತಿದೆ.
ಇಂಡಿಯಾ ಪೋಸ್ಟ್ ಉಳಿತಾಯ ಖಾತೆಯ ಬಗ್ಗೆ ನೀವು ತಿಳಿದುಕೊಳ್ಳಲೇ ಬೇಕಾದ ವಿಚಾರಗಳಿವು:
* ಪೋಸ್ಟ್ ಆಫೀಸ್ ನಲ್ಲಿನ ಖಾತೆಗೆ ವರ್ಷಕ್ಕೆ 4 ಪರ್ಸೆಂಟ್ ಬಡ್ಡಿ ದೊರೆಯುತ್ತದೆ
* ಕನಿಷ್ಠ 20 ರುಪಾಯಿ ಮೊತ್ತದೊಂದಿಗೆ ಖಾತೆ ತೆರೆಯಬಹುದು. ಚೆಕ್ ಬುಕ್ ಪಡೆಯದಿದ್ದರೆ ಕನಿಷ್ಠ ಬ್ಯಾಲೆನ್ಸ್ 50 ರುಪಾಯಿ ಇದ್ದರೆ ಸಾಕು
* ಬ್ಯಾಂಕ್ ಖಾತೆ ಜತೆಗೆ ಚೆಕ್ ಬುಕ್ ಪಡೆಯುವುದಿದ್ದರೆ ಕನಿಷ್ಠ ಬ್ಯಾಲೆನ್ಸ್ 500 ರುಪಾಯಿ ಇರಬೇಕು. ಖಾತೆಯನ್ನು ಸಹ ಕನಿಷ್ಠ 500 ಬ್ಯಾಲೆನ್ಸ್ ಜತೆ ತೆರೆಯಬೇಕು
* ಖಾತೆಯನ್ನು ಒಂದು ಅಂಚೆ ಕಚೇರಿಯಿಂದ ಮತ್ತೊಂದಕ್ಕೆ ವರ್ಗಾವಣೆ ಮಾಡಬಹುದು
* ಅಪ್ರಾಪ್ತರ ಹೆಸರಿನಲ್ಲಿ ಕೂಡ ಖಾತೆ ತೆರೆಯಬಹುದು. ಮತ್ತು ವಯಸ್ಸು 10 ವರ್ಷ ಹಾಗೂ ಮೇಲ್ಪಟ್ಟವರು ಖಾತೆ ತೆರೆಯಬಹುದು ಮತ್ತು ಖಾತೆ ನಿರ್ವಹಿಸಬಹುದು
* ಇಂಡಿಯಾ ಪೋಸ್ಟ್ ಉಳಿತಾಯ ಖಾತೆ ಜತೆಗೆ ಎಟಿಎಂ ಸೇವೆ ಕೂಡ ದೊರೆಯುತ್ತದೆ
ನಿತ್ಯ ಎಟಿಎಂ ನಗದು ವಿಥ್ ಡ್ರಾ ಮಿತಿ
* 25,000
ತಲಾ ಒಂದು ನಗದು ವಿಥ್ ಡ್ರಾ ಮಿತಿ
* 10,000
ಅಂಚೆ ಕಚೇರಿ ಮಾಸಿಕ ಪ್ಲಾನ್: ತಿಂಗಳಿಗೆ 5,700 ಅಥವಾ ಐದು ವರ್ಷಕ್ಕೆ 3.4 ಲಕ್ಷ ಗಳಿಸಿ..
ಪೋಸ್ಟ್ ಇಲಾಖೆಯ ಎಟಿಎಂಗಳಲ್ಲಿ ನಡೆಸುವ ವ್ಯವಹಾರಕ್ಕೆ ವಿಧಿಸುವ ದರಗಳು
* ಒಂದು ದಿನಕ್ಕೆ 5 ವ್ಯವಹಾರ ಉಚಿತ. ಮೆಟ್ರೋ ನಗರಗಳಲ್ಲಿ ಉಚಿತ ವ್ಯವಹಾರಗಳು (ಆರ್ಥಿಕ ಹಾಗೂ ಆರ್ಥಿಕೇತರ ವ್ಯವಹಾರಗಳು ಸೇರಿ) 3ಕ್ಕೆ ನಿಗದಿ ಪಡಿಸಲಾಗಿದೆ.
ಇತರ ಬ್ಯಾಂಕ್ ಗಳ ಎಟಿಎಂಗಳ ಉಚಿತ ವ್ಯವಹಾರಗಳು
* ಒಂದು ತಿಂಗಳಿಗೆ 3 ಉಚಿತ ವ್ಯವಹಾರಗಳು ಮೆಟ್ರೋ ನಗರಗಳಲ್ಲಿ (ಆರ್ಥಿಕ ಹಾಗೂ ಆರ್ಥಿಕೇತರ ವ್ಯವಹಾರಗಳು ಸೇರಿ)
* ಮೆಟ್ರೋ ನಗರಗಳಲ್ಲಿ ಹೊರತುಪಡಿಸಿ ಒಂದು ತಿಂಗಳಿಗೆ 5 ಉಚಿತ ವ್ಯವಹಾರಗಳು (ಆರ್ಥಿಕ ಹಾಗೂ ಆರ್ಥಿಕೇತರ ವ್ಯವಹಾರಗಳು ಸೇರಿ)
ಇತರ ಬ್ಯಾಂಕ್ ಗಳ ಎಟಿಎಂಗಳಲ್ಲಿ ನಡೆಸುವ ವ್ಯವಹಾರಕ್ಕೆ ಶುಲ್ಕ
* ನಿಗದಿತ ಮಿತಿಯ ಉಚಿತ ಆರ್ಥಿಕ ವ್ಯವಹಾರದ ನಂತರ ರು. 20+ ಜಿಎಸ್ ಟಿ ಮೆಟ್ರೋ ನಗರಗಳಲ್ಲಿ
* ನಿಗದಿತ ಮಿತಿಯ ಉಚಿತ ಆರ್ಥಿಕ ವ್ಯವಹಾರದ ನಂತರ ರು. 8+ ಜಿಎಸ್ ಟಿ ಮೆಟ್ರೋ ನಗರಗಳನ್ನು ಹೊರತುಪಡಿಸಿ