ಕನಕಪುರ ರಸ್ತೆವರೆಗೂ ನಮ್ಮ ಮೆಟ್ರೋ ವಿಸ್ತರಣೆ, ಗಗನಕ್ಕೇರಲಿವೆ ಭೂಮಿ ಹಾಗೂ ಮನೆ ಬಾಡಿಗೆ ಬೆಲೆ?

ಬೆಂಗಳೂರು, ಜನವರಿ 07: ಬೆಂಗಳೂರು ಸಮೀಪವಿರುವ ಕನಕಪುರ ರಸ್ತೆಯು ನಗರದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಪ್ರದೇಶಗಳಲ್ಲಿ ಒಂದಾಗಿದೆ. ಅನೇಕರು ಈ ಪ್ರದೇಶದಲ್ಲಿ ಮತ್ತು ಸುತ್ತಮುತ್ತಲು ಈಗಾಗಲೇ ನಿರ್ಮಾಣವಾಗುತ್ತಿರುವ ಪ್ಲಾಟ್‌ಗಳನ್ನು ಖರೀದಿಸುತ್ತಿರುವುದರಿಂದ ಸಾರಿಗೆಗೆ ವಿಶೇಷವಾಗಿ ನಮ್ಮ ಮೆಟ್ರೋಗೆ ಬೇಡಿಕೆಯಿದೆ.

ಕನಕಪುರ ರಸ್ತೆಯಲ್ಲಿ ನಮ್ಮ ಮೆಟ್ರೋ ಹಸಿರು ಮಾರ್ಗ ವಿಸ್ತರಣೆ ಕಾಮಗಾರಿ ನಡೆಯುತ್ತಿದ್ದು, ಎಲ್ಲವೂ ಸರಿಯಾಗಿ ನಡೆದರೆ ಸದ್ಯ ನೈಸ್ ಜಂಕ್ಷನ್ ಬಳಿ ಮುಕ್ತಾಯಗೊಳ್ಳಲಿರುವ ಮೆಟ್ರೊ ರೈಲು ಹಾರೋಹಳ್ಳಿವರೆಗೆ ಸಂಚರಿಸಬಹುದು ಎಂದು ಮೆಟ್ರೊ ಅಧಿಕಾರಿಗಳು ತಿಳಿಸಿದ್ದಾರೆ. ಇದು ಸಾಧ್ಯವಾಗಿದ್ದಲ್ಲಿ ಹಾರೋಹಳ್ಳಿ ಮುಂಬರುವ ವರ್ಷಗಳಲ್ಲಿ ನಗರಕ್ಕೆ ಉಪನಗರವಾಗುವುದು ಮಾತ್ರವಲ್ಲದೆ ಹಾರೋಹಳ್ಳಿ ಕೈಗಾರಿಕಾ ಪ್ರದೇಶದಲ್ಲಿನ ಕಾರ್ಖಾನೆಗಳಲ್ಲಿ ಕೆಲಸ ಮಾಡಲು ಹಾರೋಹಳ್ಳಿಗೆ ತೆರಳುವ ಸಾವಿರಾರು ಜನರಿಗೆ ಸಹಾಯವಾಗಲಿದೆ.

ಮೆಟ್ರೋದ ಮಹತ್ವಾಕಾಂಕ್ಷೆಯ ಯೋಜನೆಯಂತೆ ಪ್ರಸ್ತುತ ಚಲ್ಲಘಟ್ಟದಲ್ಲಿ ಕೊನೆಗೊಳ್ಳುತ್ತಿರುವ ನೇರಳೆ ಮಾರ್ಗವನ್ನು ಬಿಡದಿಯವರೆಗೆ ವಿಸ್ತರಿಸಲಾಗುವುದು. ಬಿಡದಿ ಕೂಡ ಬೆಂಗಳೂರಿನ ವೇಗವಾಗಿ ಬೆಳೆಯುತ್ತಿರುವ ಉಪನಗರವಾಗುತ್ತಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಬಿಎಂಟಿಸಿ ಬಸ್‌ಗಳು ಸಹ ಬಿಡದಿಯಿಂದ ಕಾರ್ಯನಿರ್ವಹಿಸುತ್ತಿವೆ. ಇದು ಬಿಡದಿಯು ಈಗ ಹೇಗೆ ನಗರದ ವಿಸ್ತರಣೆಯಾಗುತ್ತಿದೆ ಎಂಬುದರ ಸೂಚಕವಾಗಿದೆ. ಇನ್ನೊಂದೆಡೆ ಸದ್ಯ ಬಿಐಇಸಿಯಲ್ಲಿ ಮುಕ್ತಾಯವಾಗುತ್ತಿರುವ ಹಸಿರು ಮಾರ್ಗವನ್ನು ನೆಲಮಂಗಲ-ಕುಣಿಗಲ್ ಬೈಪಾಸ್ ರಸ್ತೆಗೆ ವಿಸ್ತರಿಸುವ ಪ್ರಸ್ತಾವನೆ ಇದೆ.

ಅತ್ತಿಬೆಲೆವರೆಗೆ ಮೆಟ್ರೊ ವಿಸ್ತರಣೆ ಮಾಡುವ ಪ್ರಸ್ತಾವವೂ ಇದೆ. ಕರ್ನಾಟಕ-ತಮಿಳುನಾಡು ಗಡಿಯಲ್ಲಿರುವ ಹೊಸೂರಿನಿಂದ ಅತ್ತಿಬೆಲೆವರೆಗೆ ಮೆಟ್ರೋ ಮಾರ್ಗವನ್ನು ವಿಸ್ತರಿಸಲು ತಮಿಳುನಾಡು ಸರ್ಕಾರವು ತೀವ್ರ ಆಸಕ್ತಿಯನ್ನು ತೋರಿಸುತ್ತಿದೆ. ಬೆಂಗಳೂರಿನ ಬೆಳವಣಿಗೆಗೆ ಐಟಿ ವಲಯದ ಗಣನೀಯ ಕೊಡುಗೆಗಳು ಮತ್ತು ದೇಶೀಯವಾಗಿ ಮತ್ತು ಅಂತರಾಷ್ಟ್ರೀಯವಾಗಿ ಗಮನಾರ್ಹ ಹೂಡಿಕೆಗಳನ್ನು ಸೆಳೆಯುವುದು ಪ್ರಮುಖ ಪಾತ್ರವನ್ನು ವಹಿಸಿದೆ ಎಂದು ರಿಯಲ್‌ ಎಸ್ಟೇಟ್‌ ದಲ್ಲಾಳಿಗಳು ಮತ್ತು ತಜ್ಞರು ಹೇಳುತ್ತಾರೆ.

ಹೆಸರಾಂತ ಜಾಗತಿಕ ಕಂಪನಿಗಳಲ್ಲಿ ಹಲವಾರು ಉದ್ಯೋಗ ನಿರೀಕ್ಷೆಗಳೊಂದಿಗೆ ಬೆಂಗಳೂರಿಗೆ ಸ್ಥಳಾಂತರಗೊಳ್ಳುವ ವ್ಯಕ್ತಿಗಳ ಗಮನಾರ್ಹ ಬೆಳವಣಿಗೆ ಕಂಡು ಬಂದಿದೆ. ಬೆಂಗಳೂರಿನ ರಿಯಲ್ ಎಸ್ಟೇಟ್ ಕ್ಷೇತ್ರವು ನಗರದಾದ್ಯಂತ ಹರಡಿರುವ ವಿಸ್ತಾರವಾದ ಐಟಿ ಕಚೇರಿ ಕ್ಲಸ್ಟರ್‌ಗಳ ಲಾಭವನ್ನು ಪಡೆದುಕೊಂಡಿದೆ.

ಈ ಆಫೀಸ್ ಹಬ್‌ಗಳು ಬಾಡಿಗೆ ವಸತಿಗಾಗಿ ಬೇಡಿಕೆಯನ್ನು ಹುಟ್ಟುಹಾಕುವುದು ಮಾತ್ರವಲ್ಲದೆ ಹತ್ತಿರದ ವಸತಿ ಪ್ರದೇಶಗಳಲ್ಲಿ ವಾಸಿಸುವ ಮನೆಮಾಲೀಕರಿಗೆ ಲಾಭದಾಯಕ ಆದಾಯದ ಅವಕಾಶಗಳನ್ನು ಒದಗಿಸುತ್ತದೆ. ಅನೇಕ ಮನೆ ಮಾಲೀಕರು ಈ ಪ್ರದೇಶಗಳಲ್ಲಿ ಮುಂಬರುವ ರಿಯಾಲ್ಟಿ ಯೋಜನೆಗಳಲ್ಲಿ ಅತ್ಯಧಿಕ ಹೂಡಿಕೆ ಮಾಡಿದ್ದಾರೆ. ಬೆಂಗಳೂರಿನ ಆಕರ್ಷಣೆಯು ವೈವಿಧ್ಯಮಯ ಹಿನ್ನೆಲೆಗಳನ್ನು ಲೆಕ್ಕಿಸದೆ ಸಾಮರಸ್ಯದ ಸಹಬಾಳ್ವೆಯಲ್ಲಿದೆ ಎಂದು ರೀಲರ್‌ಗಳು ಅಂದಾಜಿಸಿದ್ದಾರೆ.

ಈ ಪ್ರದೇಶದಲ್ಲಿ ನೆರೆಹೊರೆ ಶಾಲೆಗಳು, ಆಸ್ಪತ್ರೆಗಳು, ರೆಸ್ಟೋರೆಂಟ್‌ಗಳು ಮತ್ತು ಶಾಪಿಂಗ್ ಕಾಂಪ್ಲೆಕ್ಸ್‌ಗಳಂತಹ ಅಗತ್ಯ ಸೌಕರ್ಯಗಳ ಅಭಿವೃದ್ಧಿಯಾಗುತ್ತಿದೆ. ಈ ಬೆಳೆವಣಿಗೆಯಾಗುತ್ತಿರುವ ಪ್ರದೇಶಗಳಲ್ಲಿನ ನಿವಾಸಿಗಳ ಅಗತ್ಯಗಳನ್ನು ಪೂರೈಸಲು ರೆಡಿಯಾಗುತ್ತಿವೆ. ಬಾಡಿಗೆ ಆದ್ಯತೆಗಳ ವಿಷಯದಲ್ಲಿ ಹೆಬ್ಬಾಳ, ದೇವನಹಳ್ಳಿ, ಯಲಹಂಕ, ಹೆಣ್ಣೂರು ರಸ್ತೆ ಮತ್ತು ಸರ್ಜಾಪುರ ರಸ್ತೆಯಂತಹ ಪ್ರದೇಶಗಳು ಬಾಡಿಗೆದಾರರಿಂದ ಹೆಚ್ಚು ಬೇಡಿಕೆಯಿದೆ.

ಮೈಸೂರು ರಸ್ತೆ, ಕಾಡುಗೋಡಿ ಮತ್ತು ಬೂದಿಗೆರೆ ಕ್ರಾಸ್ ರಸ್ತೆಯಂತಹ ಪ್ರದೇಶಗಳು ಬೇಡಿಕೆಯಲ್ಲಿ ಹೆಚ್ಚಳವಾಗಿದೆ. ಇದು ನಗರದ ಒಟ್ಟಾರೆ ಬೆಳವಣಿಗೆ ಮತ್ತು ಅದರ ನಿವಾಸಿಗಳ ವೈವಿಧ್ಯಮಯ ಆದ್ಯತೆಗಳನ್ನು ತಿಳಿಸಿದೆ. ಬೆಂಗಳೂರು ಸಹ ಅಪಾರ ಜನರಿಂದ ತುಂಬಿ ತುಳುಕುತ್ತಿದೆ. ಇದನ್ನು ಹೆಚ್ಚಾಗಿ ಎರಡು ಭಾಗಗಳಾಗಿ ವಿಂಗಡಿಸಬಹುದು. 2020 ಮತ್ತು 2021 ರಲ್ಲಿ ಸಾಂಕ್ರಾಮಿಕ ರೋಗದಿಂದಾಗಿ ಬೆಂಗಳೂರಿಗೆ ಹಿಂದುರುಗಿದ ಜನರ ವಾಪಸಾತಿಯನ್ನು ಹೇಳುತ್ತದೆ.

ಈ 'ಡ್ಯುಯಲ್ ಮೈಗ್ರೇಷನ್' ಯುವ ವೃತ್ತಿಪರರು, ವಿದ್ಯಾರ್ಥಿಗಳು, ಕಲಾವಿದರು ಮತ್ತು ಯುವ ಕುಟುಂಬಗಳನ್ನು ಒಳಗೊಂಡಿದ್ದು, ನಗರದಲ್ಲಿ ಬಾಡಿಗೆ ವಸತಿಗಾಗಿ ಹೊಸ ಬಾಡಿಗೆದಾರರ ಬೇಡಿಕೆಯೊಂದಿಗೆ ಭೂಮಿ ಹಾಗೂ ಮನೆಗಳ ಬೇಡಿಕೆ ಹೆಚ್ಚಳವಾಗಿದ್ದು, ಮಾರುಕಟ್ಟೆ ಬೆಳವಣಿಗೆಯನ್ನು ಸೂಚಿಸುತ್ತಿದೆ.