ಏನಿದು ಆಡ್ ಆನ್ ಕ್ರೆಡಿಟ್ ಕಾರ್ಡ್? ಬಳಕೆ ಮಾಡೋದು ಹೇಗೆ?

ಆಡ್ ಆನ್ ಕ್ರೆಡಿಟ್ ಕಾರ್ಡ್ ಅಥವಾ ಸಪ್ಲಿಮೆಂಟರಿ ಕ್ರೆಡಿಟ್ ಕಾರ್ಡ್ ಬಗ್ಗೆ ನಿಮಗೆ ಮಾಹಿತಿ ಇದೆಯೇ? ಸಾಮಾನ್ಯವಾಗಿ ಮುಖ್ಯ ಕ್ರೆಡಿಟ್ ಕಾರ್ಡ್ ನೊಂದಿಗೆ ಸಂಬಂಧಿಸಿ ಇದನ್ನು ನೀಡಲಾಗುತ್ತದೆ. ನಿಮ್ಮ ಪ್ರೀತಿ ಪಾತ್ರರು ಈ ಕಾರ್ಡ್ ಬಳಸಿ ಅವರ ಮನಸ್ಸಿಗೆ ಒಪ್ಪುವ ವಸ್ತುಗಳನ್ನು ಖರೀದಿ ಮಾಡಿಕೊಳ್ಳಬಹುದು.

18 ವರ್ಷ ತುಂಬಿದ ಯಾರಿಗೆ ಬೇಕಾದರೂ ಆಡ್ ಆನ್ ಕ್ರೆಡಿಟ್ ಕಾರ್ಡ್ ನ್ನು ಬ್ಯಾಂಕ್ ಗಳು ನೀಡುತ್ತವೆ. ಪಾಲಕರು, ಹೆಂಡತಿ ಅಥವಾ ಮಕ್ಕಳು ಯಾರಿಗೆ ಬೇಕಾದರೂ ಕಾರ್ಡ್ ವಿತರಣೆ ಮಾಡಬಹುದು.[ಡೆಬಿಟ್ ಕಾರ್ಡ್ ಕಳೆದುಕೊಂಡರೆ ಏನು ಮಾಡಬೇಕು?]

ಆಡ್ ಆನ್ ಕಾರ್ಡ್ ಗುಣಲಕ್ಷಣಗಳು
* ಕೆಲ ಬ್ಯಾಂಕ್ ಗಳು ಉಚಿತವಾಗಿ ಆಡ್ ಆನ್ ಕಾರ್ಡ್ ಗಳನ್ನು ನೀಡುತ್ತವೆ. ಇನ್ನು ಕೆಲ ಬ್ಯಾಂಕ್ ಗಳು 125 ರಿಂದ 1000 ರು. ಶುಲ್ಕ ಪಡೆದುಕೊಳ್ಳುತ್ತವೆ.
* ಪ್ರಾಥಮಿಕ ಕಾರ್ಡ್ ನಿಂದ ಮಾಡಬಹುದಾದ ಎಲ್ಲ ಬಗೆಯ ಟ್ರಾನ್ಸಾಕ್ಷನ್ ಗಳನ್ನು ಆಡ್ ಆನ್ ಕಾರ್ಡ್ ನಿಂದಲೂ ಮಾಡಬಹುದು.
* ಖರೀದಿ ಲಿಮಿಟ್ ಸಹ ಪ್ರಾಥಮಿಕ ಕಾರ್ಡ್ ನಷ್ಟೇ ಆಗಿರುತ್ತದೆ. ನೀವು ಎಸ್ ಎಂಎಸ್ ಸೌಲಭ್ಯ ಬಳಸಿಕೊಂಡಿ ಖರೀದಿ ಮೊತ್ತವನ್ನು ನಿರ್ಧರಿಸಿ ಇಟ್ಟುಕೊಳ್ಳಬಹುದು.[ಏನಿದು ಕಾಂಟ್ಯಾಕ್ಟ್ ಲೆಸ್ ಡೆಬಿಟ್ ಕಾರ್ಡ್? ಬಳಕೆ ಹೇಗೆ?]
* ಆಡ್ ಆನ್ ಕಾರ್ಡ್ ನಿಂದ ಮಾಡಿದ ಎಲ್ಲ ಬಗೆಯ ಹಣದ ಟ್ರಾನ್ಸಾಕ್ಷನ್ ದಾಖಲೆಗಳು ಪ್ರಾಥಮಿಕ ಕಾರ್ಡ್ ಹೆಸರಿನಲ್ಲಿ ನಮೂದಾಗುತ್ತವೆ.
* ಆಡ್ ಆನ್ ಕಾರ್ಡ್ ಬಳಸಿ ಮಾಡಿದ ಟ್ರಾನ್ಸಾಕ್ಷನ್ ಪಾವತಿ ವಿಳಂಬ, ಬಡ್ಡಿ ಎಲ್ಲದಕ್ಕೂ ಪ್ರಾಥಮಿಕ ಕಾರ್ಡ್ ದಾರನೇ ಹೊಣೆಗಾರನಾಗುತ್ತಾನೆ.

ಆಡ್ ಆನ್ ಕಾರ್ಡ್ ನ ಲಾಭಗಳು
* ಎಟಿಎಂ ನಿಂದ ಹಣ ಡ್ರಾ ಮಾಡಿಕೊಳ್ಳುವ ಅಗತ್ಯ ಸಂದರ್ಭ ಎದುರಾದರೆ ಪ್ರಾಥಮಿಕ ಕಾರ್ಡ್ ಲಿಮಿಟ್ ನಷ್ಟೇ ಹಣವನ್ನು ಡ್ರಾ ಮಾಡಿಕೊಳ್ಳಬಹುದು.
* ಕೆಲ ಬ್ಯಾಂಕ್ ಗಳು ನೀಡುವ ರೀವಾರ್ಡ್ ಪಾಯಿಂಟ್ ಗಳು ಸಪ್ಲಿಮೆಟರಿ ಕಾರ್ಡ್ ಗೂ ಅನ್ವಯವಾಗುತ್ತದೆ. [ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್ ನಡುವಿನ ವ್ಯತ್ಯಾಸವೇನು?]
* ಹಣದ ಟ್ರಾನ್ಸಾಕ್ಷನ್ ನ ಎಲ್ಲ ಮಾಹಿತಿಯನ್ನು ಸುಲಭವಾಗಿ ಕಲೆ ಹಾಕಬಹುದು. ನಿಮ್ಮ ಪ್ರಾಥಮಿಕ ಕಾರ್ಡ್ ನ ದಾಖಲಾತಿ ಪರಿಶೀಲನೆ ಮಾಡಿದರೆ ಎಲ್ಲ ಕಾರ್ಡ್ ನ ಹಣ ರವಾನೆ ಮಾಹಿತಿಯನ್ನು ಪಡೆದುಕೊಳ್ಳಲು ಸಾಧ್ಯವಿದೆ.
* ನಿಮ್ಮ ಪ್ರೀತಿ ಪಾತ್ರರಿಗೆ ಇಂಥ ಕಾರ್ಡ್ ಮಾಡಿ ನೀಡಿದರೆ ಅವರಿಗೆ ಇಷ್ಟವಾದುದ್ದನ್ನು ಖರೀದಿ ಮಾಡಲು ಪದೇ ಪದೇ ನಿಮಗೆ ದುಂಬಾಲು ಬೀಳಿವುದಿಲ್ಲ.

ಕೊನೆ ಮಾತು: ಪ್ರಾಥಮಿಕ ಕಾರ್ಡ್ ದಾರ ಇಂಥ ಕಾರ್ಡ್ ನ್ನು ಪಡೆದುಕೊಂಡರೂ ಬೇರೆಯವರಿಗೆ ಹಸ್ತಾಂತರ ಮಾಡುವಾಗ ತುಂಬಾ ಎಚ್ಚರಿಕೆಯಿಂದ ಇರಬೇಕು. ವ್ಯತಿರಿಕ್ತ ಬಳಕೆಯಾರೆ ನಿಮ್ಮ ಕೈಯಿಂದಲೇ ಹಣ ಕಟ್ಟಬೇಕಾಗುತ್ತದೆ.

Read in English: Add-On Credit Card: 5 Must Know Points for Primary Card Holder