ಆನ್ ಲೈನ್ ಮೂಲಕ ಆಧಾರ್ ಕಾರ್ಡ್ ಡೌನ್ ಲೋಡ್ ಹೇಗೆ?

ಬೆಂಗಳೂರು, ಜ. 28: ವಿಶಿಷ್ಟ ಗುರುತಿನ ಚೀಟಿ -ಆಧಾರ್ ಕಾರ್ಡ್ ಗಾಗಿ ಅರ್ಜಿ ಹಾಕಿದ ಮೇಲೆ ಕಾರ್ಡ್ ಗಾಗಿ ಕಾಯಲೇಬೇಕಾಗುತ್ತದೆ. ಆದರೆ, ಇದಕ್ಕೂ ಮುನ್ನ ನಿಮ್ಮ ದಾಖಲೆಗಳೆಲ್ಲ ಸರಿ ಇದ್ದರೆ ತ್ವರಿತವಾಗಿ ಆನ್ ಲೈನ್ ನಲ್ಲಿ ಆಧಾರ್ ಕಾರ್ಡ್ ಅಧಿಕೃತ ವೆಬ್ ಸೈಟ್ ನಲ್ಲಿ ಲಭ್ಯವಿರುತ್ತದೆ. ಆನ್ ಲೈನ್ ಮೂಲಕ ಇ-ಆಧಾರ್ ಕಾರ್ಡ್ ಡೌನ್ ಲೋಡ್ ಹೇಗೆ? ಇಲ್ಲಿದೆ ಮಾಹಿತಿ.

ಇ ಅಧಾರ್ ಕಾರ್ಡ್ ಪಡೆಯಲು ನಿಮಗೆ ತಿಳಿದಿರಬೇಕಾದ ಸಂಗತಿಗಳು:
* ನೋಂದಣಿ ಸಂಖ್ಯೆ [ಆಧಾರ್ ಕಾರ್ಡ್ ಮಾಡಿಸುವುದು ಹೇಗೆ?]
[ನೋಂದಣಿ ಸಂಖ್ಯೆ ಎಂದರೆ ನೀವು ಆಧಾರ್ ಕಾರ್ಡಿಗೆ ಅರ್ಜಿ ಹಾಕಿದ ಮೇಲೆ ಸಿಗುವ ಸ್ವೀಕೃತಿ ಪತ್ರದಲ್ಲಿರುವ ಸಂಖ್ಯೆ]
* ಪೂರ್ತಿ ಹೆಸರು (ಸ್ವೀಕೃತಿ ಪತ್ರದಲ್ಲಿರುವಂತೆ ಇರಬೇಕು)
* ಪೋಸ್ಟಲ್ ಇಂಡೆಕ್ಸ್ ನಂಬರ್ (ಪಿನ್)
* ನೋಂದಾಯಿತ ಮೊಬೈಲ್ ನಂಬರ್

* ಮೊದಲಿಗೆ ಆಧಾರ್ ಕಾರ್ಡ್ ಅಧಿಕೃತ ವೆಬ್ ಸೈಟ್ ಗೆ ಭೇಟಿ ಕೊಡಿ ಲಿಂಕ್ ಇಲ್ಲಿದೆ ಕ್ಲಿಕ್ಕಿಸಿ.

* 14 ಅಂಕಿಗಳ ನೋಂದಣಿ ಸಂಖ್ಯೆ ದಿನಾಂಕ ಹಾಗೂ ಸಮಯ ಸಮೇತ ಅಥವಾ ನಿಮ್ಮ ಬಳಿ ಆಧಾರ್ ಕಾರ್ಡ್ ಇದ್ದರೆ 12 ಅಂಕಿಗಳ ಆಧಾರ್ ಕಾರ್ಡ್ ಸಂಖ್ಯೆಯನ್ನು ನಮೂದಿಸಿ. [ಎನ್ನಾರೈಗಳು ಆಧಾರ ಕಾರ್ಡ್ ಪಡೆಯಲು ಮಾರ್ಗಸೂಚಿ]
* ನಂತರ ನಿಮ್ಮ ಪೂರ್ತಿ ಹೆಸರನ್ನು ದಾಖಲಿಸಿ
* ಅಮೇಲೆ ಪಿನ್ ಕೋಡ್ ಹಾಕಿ
* ಬಾಕ್ಸಿನಲ್ಲಿರುವ Captcha code ಸಂಖ್ಯೆಗಳನ್ನು ಟೈಪ್ ಮಾಡಿ.
* ನಂತರ ನಿಮ್ಮ ನೋಂದಣಿಯಾದ ಮೊಬೈಲ್ ಸಂಖ್ಯೆಗೆ ಒಟಿಪಿಯನ್ನು ಕಳುಹಿಸಿಕೊಡಲಾಗುವುದು.
* ಒಟಿಪಿ(one time password) ಯನ್ನು ಹಾಕಿ ಆಧಾರ್ ಕಾರ್ಡ್ ಡೌನ್ ಲೋಡ್ ಮಾಡಿಕೊಳ್ಳಿ
* ಪಿಡಿಎಫ್ ಮಾದರಿಯಲ್ಲಿ ಸಿಕ್ಕ ಆಧಾರ್ ಕಾರ್ಡ್ ಓಪನ್ ಮಾಡಲು ಮತ್ತೊಮ್ಮೆ ಪಿನ್ ಕೋಡ್ ದಾಖಲಿಸಿ.
* ಹೀಗೆ ಲಭ್ಯವಾಗುವ ಇ-ಆಧಾರ್ ಕಾರ್ಡನ್ನು ಪ್ರಿಂಟ್ ಔಟ್ ತೆಗೆದುಕೊಂಡು ಗುರುತು ಚೀಟಿಯಾಗಿ ಬಳಸಬಹುದಾಗಿದೆ.

ಒಂದು ವೇಳೆ ನಿಮ್ಮ ಬಳಿ ಈಗಾಗಲೇ ಆಧಾರ್ ಕಾರ್ಡ್ ಸಂಖ್ಯೆ ಎಂದರೆ ಆಧಾರ್ ಕಾರ್ಡ್ ನಿಮಗೆ ಸಿಕ್ಕ ನಂತರ ಅದರಲ್ಲಿರುವ 12 ಅಂಕಿ ಸಂಖ್ಯೆ ಇದ್ದರೆ ಆರಂಭದಲ್ಲೇ ನನ್ನ ಬಳಿ ಆಧಾರ್ ಕಾರ್ಡ್ ಇದೆ ಎಂದು ಆಯ್ಕೆ ಮಾಡಿಕೊಂಡು ಇನ್ನೂ ಸುಲಭವಾಗಿ ಇ ಆಧಾರ್ ಕಾರ್ಡ್ ಡೌನ್ ಲೋಡ್ ಮಾಡಿಕೊಳ್ಳಬಹುದು.[ಆಧಾರ್ ನಂಬರ್ ಕಂಡುಹಿಡಿಯಲು ಹೆಸರೊಂದಿದ್ರೆ ಸಾಕು]

ಇದೇ ಕ್ರಮವನ್ನು ಅನುಸರಿಸಲು ವಿಡಿಯೋ ಇಲ್ಲಿದೆ ನೋಡಿ:

(ಗುಡ್ ರಿಟರ್ನ್ಸ್.ಇನ್)

Read in English: How to Download Your e-Aadhaar Card Online?