ಮೋದಿ ಸರ್ಕಾರದಿಂದ 5 ಲಕ್ಷ ಗೆಲ್ಲುವ ಅವಕಾಶ, ನೀವೇನು ಮಾಡಬೇಕು ಗೊತ್ತಾ?

ಡಿಜಿಟಲ್ ಜಗತ್ತಿನಲ್ಲಿ ಆಗುತ್ತಿರುವ ವಂಚನೆಗಳ ವಿರುದ್ಧ ಹೋರಾಡಲು ರಾಷ್ಟ್ರೀಯ ಪೇಮೆಂಟ್ ಕಾರ್ಪೋರೇಶನ್ ಆಫ್ ಇಂಡಿಯಾ (NPCI) ಒಂದು ಕಾರ್ಯಾಚರಣೆಯನ್ನು ಆರಂಭಿಸಿದೆ.

ಇದಕ್ಕಾಗಿ ಎನ್ಪಿಸಿಐ ಸ್ಪರ್ಧೆ ಪ್ರಾರಂಭಿಸಿದ್ದು, ಇದರಲ್ಲಿ ಭಾಗವಹಿಸುವ ವ್ಯಕ್ತಿ ರೂ. 5 ಲಕ್ಷ ಬಹುಮಾನ ಗೆಲ್ಲುವ ಸಾಧ್ಯತೆ ಇದೆ. ಈ ಸ್ಪರ್ಧೆಯು ಫೆಬ್ರುವರಿ 15 ರಿಂದ ಆರಂಭವಾಗಿದ್ದು, ಫೆಬ್ರವರಿ 28, 2019 ವರೆಗೆ ನಡೆಯಲಿದೆ. ರಾಷ್ಟ್ರೀಯ ಪೇಮೆಂಟ್ ಕಾರ್ಪೋರೇಶನ್ ಆಫ್ ಇಂಡಿಯಾ (NPCI) ಸ್ಪರ್ಧೆಯಲ್ಲಿ ಭಾಗವಹಿಸಲು ನೀವು ಏನು ಮಾಡಬೇಕು ಎಂಬುದನ್ನು ತಿಳಿಯೋಣ...

5 ಲಕ್ಷ ಗಳಿಸಲು ಏನು ಮಾಡಬೇಕು?

ಎನ್ಪಿಸಿಐ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲು ಬಯಸುವವರು ಎಲ್ಲಿಯೂ ಹೋಗಬೇಕಾಗಿಲ್ಲ. ಮನೆಯಲ್ಲೇ ಕುಳಿತು ಸೃಜನಾತ್ಮಕ ಟ್ವಿಟ್ ಮಾಡುವ ವ್ಯಕ್ತಿಗಳು 5 ಲಕ್ಷ ರೂಪಾಯಿ ಗಳಿಸಬಹುದು. ನಿಮ್ಮ ಟ್ವೀಟರ್ ನಲ್ಲಿ, ಡಿಜಿಟಲ್ ವಂಚನೆ ತಡೆಯುವ ಬಗ್ಗೆ ಹಾಗೂ ಆನ್ಲೈನ್ ವಂಚನೆ ಸೇರಿದಂತೆ ಸುರಕ್ಷಿತ ಬ್ಯಾಂಕಿಂಗ್ ವ್ಯವಸ್ಥೆಗೆ ಸಲಹೆ ನೀಡುವ ಮಾಹಿತಿಯುಳ್ಳ ಆಕರ್ಷಕ ಟ್ವಿಟ್ ಮಾಡಬೇಕು.

#StopThinkAct

ನೀವು ಟ್ವಿಟ್ ಮಾಡುವಾಗ #StopThinkAct ಹ್ಯಾಶ್ ಟ್ಯಾಗ್ ಬಳಸಬೇಕು. 18 ವರ್ಷ ಮೇಲ್ಪಟ್ಟ ಯಾವುದೇ ವ್ಯಕ್ತಿ ಈ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಬಹುದು. ಫೋಟೋ, ವಿಡಿಯೋ, ಗ್ರಾಫಿಕ್ಸ್ ಯಾವುದನ್ನು ಬೇಕಾದ್ರೂ ನೀವು ಬಳಸಬಹುದು.

ಸ್ಪರ್ಧೆಯಲ್ಲಿ ಯಾರು ಪಾಲ್ಗೊಳ್ಳಬಹುದು

18 ವರ್ಷ ಮೇಲ್ಪಟ್ಟ ಯಾವುದೇ ವ್ಯಕ್ತಿಗಳಲ್ಲದೇ ಜಾಹೀರಾತು ಏಜೆನ್ಸಿಗಳು, ಪ್ರಮೋಷನಲ್ ಏಜೆನ್ಸಿಯಂತಹ ಸಂಸ್ಥೇಗಳು ಇದರಲ್ಲಿ ಭಾಗವಹಿಸಬಹುದು. ಈ ಸ್ಪರ್ಧೆಯ ಕುರಿತು ಹೆಚ್ಚಿನ ಮಾಹಿತಿಗಾಗಿ ಎನ್.ಪಿ.ಸಿ.ಐ. ಅಧಿಕೃತ ವೆಬ್ ಸೈಟ್, ಟ್ವಿಟರ್ ಖಾತೆ ಅಥವಾ https://www.facebook.com/notes/national-payments-corporation-of-india/terms-and-conditions-stopthinkact/ ನಲ್ಲಿ ಹೆಚ್ಚಿನ ಮಾಹಿತಿ ಲಭ್ಯವಾಗಲಿದೆ.