Bhumi Pednekar net worth: ನಟಿ ಭೂಮಿ ಪೆಡ್ನೇಕರ್ ಆದಾಯ, ಕಾರು, ಐಷಾರಾಮಿ ಮನೆ ಇತರೆ ವಿವರ

ನಟಿಯಾಗುವುದು ಅನೇಕ ಹುಡುಗಿಯರ ಕನಸು, ಆದರೆ ಯಶ್ ರಾಜ್ ಅವರ ಸಿನಿಮಾದ ನಾಯಕಿಯಾಗುವುದು ಹೆಚ್ಚಿನವರ ಕನಸು. ಯಶ್‌ ರಾಜ್ ಸಿನಿಮಾಗಳಲ್ಲಿ ಕಾಣಿಸಿಕೊಂಡ ಭೂಮಿ ಪೆಡ್ನೇಕರ್ ಬಗ್ಗೆ ನಿಮಗೆ ತಿಳಿದಿರಲೇಬೇಕಾಲ್ಲವೇ?. ಲಸ್ಟ್ ಸ್ಟೋರಿ, ದಮ್ ಲಗಾಕೆ ಹೈಸಾ, ಟಾಯ್ಲೆಟ್‌ನಲ್ಲಿ ಭೂಮಿ ತನ್ನ ಜಲಕ್ ತೋರಿಸಿದ್ದಾರೆ.

ಸಣ್ಣ-ಪಟ್ಟಣದ ಹುಡುಗಿಯಾಗಿ ಅತೀ ಅಧಿಕ ತೂಕವನ್ನು ಹೊಂದಿರುವ ಹುಡುಗಿಯ ಪಾತ್ರವನ್ನು ನಿರ್ವಹಿಸಿದವರು ಈಗ ಬಾಲಿವುಡ್‌ನ ಜನಪ್ರಿಯ ನಟಿಯರಲ್ಲಿ ಒಬ್ಬರಾಗುತ್ತಾರೆ ಎಂಬುವುದು ಯಾರಿಗೆ ತಿಳಿದಿದೆ?. ಅಕ್ಟೋಬರ್ 6 ರಂದು ಬಿಡುಗಡೆಯಾದ ಚಿತ್ರ ಥ್ಯಾಂಕ್ ಯು ಫಾರ್ ಕಮಿಂಗ್ ಅಲ್ಲಿ ಈ ನಟಿ ಕಾಣಿಸಿಕೊಂಡಿದ್ದಾರೆ. ನಟಿಯ ನಿವ್ವಳ ಆದಾಯ, ಐಷಾರಾಮಿ ಮನೆ, ಕಾರುಗಳ ವಿವರ ಇಲ್ಲಿದೆ ಮುಂದೆ ಓದಿ....

ಆರಂಭಿಕ ಜೀವನ ಮತ್ತು ವೃತ್ತಿಜೀವನ

18 ಜುಲೈ 1989 ರಂದು ಮುಂಬೈನಲ್ಲಿ ಜನಿಸಿದ ಭೂಮಿ ಪೆಡ್ನೇಕರ್ ಮರಾಠಿ ಮತ್ತು ಹರ್ಯಾನ್ವಿ ಮೂಲದವರು. ಆಕೆಯ ತಂದೆ ಮಹಾರಾಷ್ಟ್ರದ ಮಾಜಿ ಗೃಹ ಮತ್ತು ಕಾರ್ಮಿಕ ಸಚಿವರಾಗಿದ್ದರು, ತಾಯಿ ತಂಬಾಕು ವಿರೋಧಿ ಕಾರ್ಯಕರ್ತೆಯಾಗಿ ಕೆಲಸ ಮಾಡಿದರು. ಭೂಮಿ ಜುಹುವಿನ ಆರ್ಯ ವಿದ್ಯಾ ಮಂದಿರದಿಂದ ತನ್ನ ಶಾಲಾ ಶಿಕ್ಷಣವನ್ನು ಪಡೆದರು ಮತ್ತು ನಂತರ ವಿಸ್ಲಿಂಗ್ ವುಡ್ಸ್ ಇಂಟರ್‌ನ್ಯಾಷನಲ್‌ನಲ್ಲಿ ನಟನೆಯನ್ನು ಅಧ್ಯಯನ ಮಾಡಿದರು.

ಭೂಮಿಯ ಬಾಲಿವುಡ್ ಚೊಚ್ಚಲ ಸಿನಿಮಾವು ಹೆಚ್ಚು ಚರ್ಚೆಗೆ ಗ್ರಾಸವಾದ ಸಿನಿಮಾವಾಗಿದ್ದು ಅದುವೇ ದಮ್ ಲಗಾ ಕೆ ಹೈಶಾ ಆಗಿದೆ. ಈ ಸಿನಿಮಾದಲ್ಲಿ ಆಯುಷ್ಮಾನ್ ಖುರಾನಾ ಎದುರು ದಪ್ಪವಾದ ಹೆಂಡತಿಯ ಪಾತ್ರವನ್ನು ನಿರ್ವಹಿಸಲು ಟನ್‌ಗಳಷ್ಟು ತೂಕವನ್ನು ಭೂಮಿ ಹೆಚ್ಚಿಸಿಕೊಂಡಿದ್ದಾರೆ. ದಮ್ ಲಗಾ ಕೆ ಹೈಶಾ ಹಿಂದಿಯಲ್ಲಿ ಅತ್ಯುತ್ತಮ ಚಲನಚಿತ್ರಕ್ಕಾಗಿ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನು ಗೆದ್ದಂತೆ, ಪೆಡ್ನೇಕರ್ ಅತ್ಯುತ್ತಮ ಮಹಿಳಾ ಚೊಚ್ಚಲ ಚಿತ್ರಕ್ಕಾಗಿ ಫಿಲ್ಮ್‌ಫೇರ್ ಪ್ರಶಸ್ತಿಯನ್ನು ಗಳಿಸಿದರು.

ಟಾಯ್ಲೆಟ್‌ ಸಿನಿಮಾ ನೋಡಿದ್ದೀರಾ?

ಟಾಯ್ಲೆಟ್‌ ಏಕ್ ಪ್ರೇಮ್ ಕಥಾದಲ್ಲಿ ಅಕ್ಷಯ್ ಕುಮಾರ್ ಎದುರು ನಟಿಸಿದ ಭೂಮಿ ಶುಭ್ ಮಂಗಲ್ ಸಾವಧಾನ್, ಲಸ್ಟ್ ಸ್ಟೋರೀಸ್, ಸೋಂಚಿರಿಯಾ, ಸಾಂದ್ ಕಿ ಆಂಖ್, ಪತಿ ಪತ್ನಿ ಔರ್ ವೋ, ಡಾಲಿ ಕಿಟ್ಟಿ ಔರ್ ವೋ ಚಮಕ್ತೆ ಸಿತಾರೆ ಮತ್ತು ಹಲವಾರು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಭೂಮಿ ಪೆಡ್ನೇಕರ್ ಸಂಪತ್ತು

ಎಂಟು ವರ್ಷಗಳಿಂದ ಚಿತ್ರರಂಗದಲ್ಲಿರುವ ಭೂಮಿ ಪೆಡ್ನೇಕರ್ ಅವರು ವರದಿಗಳ ಪ್ರಕಾರ 15 ಕೋಟಿ ರೂಪಾಯಿಗಳ ನಿವ್ವಳ ಮೌಲ್ಯವನ್ನು ಗಳಿಸಿದ್ದಾರೆ. ಅವರು ಪ್ರತಿ ತಿಂಗಳು 25 ಲಕ್ಷ ರೂಪಾಯಿ ಗಳಿಸುತ್ತಾರೆ ಎಂದು ವರದಿಯಾಗಿದೆ. ವರದಿಯ ಪ್ರಕಾರ, ಆಕೆಯ ಬೇಡಿಕೆಯು ವರ್ಷಗಳಲ್ಲಿ ಹೆಚ್ಚುತ್ತಿದೆ ಮತ್ತು ಪ್ರಸ್ತುತ, ಅವರು ಪ್ರತಿ ಚಿತ್ರಕ್ಕೆ ಸುಮಾರು 2-3 ಕೋಟಿ ರೂಪಾಯಿಗಳನ್ನು ವಿಧಿಸುತ್ತಾರೆ. ಹಲವಾರು ಬ್ರ್ಯಾಂಡ್‌ಗಳ ಅಂಬಾಸಿಡರ್ ಕೂಡಾ ಆಗಿದ್ದಾರೆ.

ಮುಂಬೈ ಮನೆ

ಭೂಮಿ ಪೆಡ್ನೇಕರ್ ಅವರ ನಿವ್ವಳ ಮೌಲ್ಯಕ್ಕೆ ಕೊಡುಗೆ ನೀಡುವುದು ಮುಂಬೈನಲ್ಲಿರುವ ಅವರ ಐಷಾರಾಮಿ ಸಮುದ್ರಾಭಿಮುಖ ಅಪಾರ್ಟ್‌ಮೆಂಟ್ ಆಗಿದೆ. ಅಲ್ಲಿ ಅವರು ತಮ್ಮ ತಾಯಿ ಮತ್ತು ಸಹೋದರಿಯೊಂದಿಗೆ ವಾಸಿಸುತ್ತಿದ್ದಾರೆ. ಮನೆ ಅಥವಾ ಅದರ ಬೆಲೆಯ ಬಗ್ಗೆ ಹೆಚ್ಚಿನ ವಿವರಗಳು ತಿಳಿದಿಲ್ಲವಾದರೂ, ಅವರ ಅಭಿಮಾನಿಗಳು ಅವರ ಇನ್‌ಸ್ಟಾಗ್ರಾಂ ಫೀಡ್‌ನಲ್ಲಿ ಅವರ ಮನೆಯ ನೋಟವನ್ನು ಹಂಚಿಕೊಂಡಿದ್ದಾರೆ.

ಐಷಾರಾಮಿ ಕಾರುಗಳು

ಭೂಮಿ ಪೆಡ್ನೇಕರ್ ಅವರು ಐಷಾರಾಮಿ ಕಾರುಗಳತ್ತ ಒಲವು ಹೊಂದಿದ್ದಾರೆ. ನಟಿ 1.60 ಕೋಟಿ ರೂಪಾಯಿ ಮೌಲ್ಯದ ಮರ್ಸೆಡಿಸ್ ಬೆನ್ಸ್ಜ್ ಎಸ್‌350ಡಿ, 82.48 ಲಕ್ಷ ರೂಪಾಯಿಯ ಆಡಿ ಕ್ಯೂ7 ಕಾರು, 1.42 ಕೋಟಿ ರೂಪಾಯಿಯ ಬಿಎಂಡಬ್ಲ್ಯೂ 730ಎಲ್‌ಡಿ, 75.18 ಲಕ್ಷ ರೂಪಾಯಿಯ ರೇಂಜ್ ರೋವರ್ ಮತ್ತು ಇತರವುಗಳನ್ನು ಹೊಂದಿದ್ದಾರೆ.