Christmas Bazaars: ಬೆಂಗಳೂರಿನ ಈ ವಿಶೇಷ ಕ್ರಿಸ್‌ಮಸ್ ಬಜಾರ್ ಬಗ್ಗೆ ನಿಮಗೆ ತಿಳಿದಿದೆಯೇ?

ಇತ್ತೀಚಿನ ವರ್ಷಗಳಲ್ಲಿ, ಕ್ರಿಸ್‌ಮಸ್ ಮೆರುಗು ಅಧಿಕವಾಗುತ್ತಿದೆ. ಬೆಂಗಳೂರಿನಲ್ಲಿ ಹೆಚ್ಚಿನ ಸಂಖ್ಯೆಯ ವಿಶೇಷ ಬಜಾರ್‌ಗಳು ಬರುತ್ತಿವೆ. ಈ ಚಿಕ್ಕ ಪಾಪ್-ಅಪ್ ಸ್ಟಾಲ್‌ಗಳು ತ್ವರಿತವಾಗಿ ಹರಡುತ್ತಿದೆ. ಇಲ್ಲಿ ವಿಶೇಷ ಖಾದ್ಯ, ಕ್ರಿಸ್‌ಮಸ್‌ಗೆ ಬೇಕಾದ ಸಾಮಾಗ್ರಿಗಳನ್ನು ಮಾರಾಟ ಮಾಡಲಾಗುತ್ತದೆ. ಆದರೆ ದತ್ತಿ ಉದ್ದೇಶದಿಂದಾಗಿ ಇಲ್ಲಿ ಮಾರಾಟ ಮಾಡಲಾಗುತ್ತದೆ.

ಈ ವಿಶೇಷ ಕ್ರಿಸ್‌ಮಸ್ ಬಜಾರ್ ಮೊದಲಾಗಿ ಯುನೈಟೆಡ್ ಚಾರಿಟೀಸ್ ಬಜಾರ್‌ನೊಂದಿಗೆ ಪ್ರಾರಂಭವಾಗಿದೆ ಎಂದು ಇಂಡಿಯನ್ ಎಕ್ಸ್‌ಪ್ರೆಸ್‌ ವರದಿ ಮಾಡಿದೆ. ಇದು ನಗರದಲ್ಲಿ ದೀರ್ಘಾವಧಿಯ ಕ್ರಿಸ್ಮಸ್ ಬಜಾರ್ ಆಗಿದೆ. ಆದರೆ ಕೋವಿಡ್‌ ಕಾರಣದಿಂದಾಗಿ 2019 ರ ಬಳಿಕ ಇದಕ್ಕೆ ತೊಂದರೆಯಾಯಿತು. 2024 ರಲ್ಲಿ ಕೋವಿಡ್ ಕಾರಣದಿಂದಾಗಿ ಈ ಬಾರಿ ಬಜಾರ್ ಅನ್ನು ತಡೆಹಿಡಿಯಲಾಗಿದೆ.

ಇತ್ತೀಚಿನ ವರ್ಷಗಳಲ್ಲಿ ಬಜಾರ್ ಅನ್ನು ಆಯೋಜಿಸುತ್ತಿರುವ ಪ್ರೊವಿಷನ್ ಇಂಡಿಯಾದ ಸ್ಟೀಫನ್ ದಾಸ್, ಈಗ ವಿಶೇಷ ಬಜಾರ್ ಯಾವಾಗ ಆರಂಭವಾಗಲಿದೆ ಎಂಬುವುದು ಖಚಿತವಾಗಿಲ್ಲ. ಆದರೆ ಇದು 1960 ರ ದಶಕದಿಂದಲೂ ನಡೆಯುತ್ತಿದೆ ಎಂಬುವುದು ಸ್ಪಷ್ಟ ಎಂದು ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ಇನ್ನು ಯುನೈಟೆಡ್ ಚಾರಿಟೀಸ್‌ಗೆ ಮೊದಲು ಯಾವುದೇ ವಿಶೇಷ ಬಜಾರ್‌ಗಳ ಆರಂಭದ ಬಗ್ಗೆ ಇದರೊಂದಿಗೆ ನಂಟಿರುವ ಹಿರಿಯರ ಬಳಿ ಕೇಳಿದಾಗ ಮಾಹಿತಿ ಲಭ್ಯವಿಲ್ಲ ಎಂದು ವರದಿ ಉಲ್ಲೇಖಿಸಿದೆ. ಕ್ಲಬ್‌ಗಳು ಮತ್ತು ಸಣ್ಣ ಸಂಘಗಳಲ್ಲಿ ಹೆಚ್ಚು ಖಾಸಗಿಯಾಗಿ ಸಂಘಟಿತ ಮಾರಾಟಗಳನ್ನು ಲೆಕ್ಕಿಸಲಾಗುವುದಿಲ್ಲ.

"ಬೆಂಗಳೂರಿನಲ್ಲಿ ಕೆಲವು ದತ್ತಿಗಳಿಗೆ ಹಣವನ್ನು ಸಂಗ್ರಹಿಸಲು ಬಯಸಿದ ವಿದೇಶೀಯರ ತಂಡವು 60 ರ ದಶಕದಲ್ಲಿ ಈ ಚಾರಿಟೀಸ್ ಅನ್ನು ಆರಂಭ ಮಾಡಿದರು. ಹಾಗಾಗಿ ಬೌರಿಂಗ್ ಸಂಸ್ಥೆಯ ಆವರಣದಲ್ಲಿ ಆಯೋಜಿಸಲು ಆರಂಭಿಸಿದರು. ಆಗ ಇದನ್ನು ಬೌರಿಂಗ್ ಸೇಲ್ ಎಂದೂ ಕರೆಯಲಾಗುತ್ತಿತ್ತು," ಎಂದು ಸ್ಟೀಫನ್ ದಾಸ್ ಹೇಳಿದ್ದಾರೆ.

ಅದಾದ ಬಳಿಕ ಅವರು ಅದನ್ನು ಎಂಜಿ ರಸ್ತೆಯಲ್ಲಿರುವ ಸೇಂಟ್ ಜೋಸೆಫ್ಸ್ ಸ್ಥಳವಾದ ದೊಡ್ಡ ಸ್ಥಳಕ್ಕೆ ವರ್ಗಾವಣೆ ಮಾಡಿದರು. ಅಲ್ಲಿ ಹಲವಾರು ವರ್ಷಗಳ ಕಾಲ ನಡೆಸಲಾಗಿದೆ. ಇತ್ತೀಚಿನ ವರ್ಷಗಳಲ್ಲಿ, ಬಜಾರ್ ಅನ್ನು ಲಿಂಗರಾಜಪುರಂನ ಚಾರ್ಲ್ಸ್ ಶಾಲೆಯಲ್ಲಿ ನಡೆಸಲಾಗುತ್ತದೆ.

"ನನ್ನ ತಂದೆ ಮತ್ತು ನಮ್ಮ ಎನ್‌ಜಿಒ ಆರಂಭದಲ್ಲಿ ಬಜಾರ್‌ನಲ್ಲಿ ಭಾಗವಹಿಸಿದ್ದರು. ಆದರೆ 2006-2007ರಲ್ಲಿ ಅವರಿಗೆ ವಯಸ್ಸಾದ ಕಾರಣ ಅವರು ಬಜಾರ್‌ನ ನಿರ್ವಹಣೆ ಮಾಡಲು ನಮ್ಮನ್ನು ಸಂಪರ್ಕಿಸಿದರು," ಎಂದು ಸ್ಟೀಫನ್ ದಾಸ್ ತಿಳಿಸಿದರು.

"ಕೆಲವು ರೀತಿಯ ಪರೋಪಕಾರಿ ಸೇವೆ ಹೊಂದಿರುವ ಎನ್‌ಜಿಒಗಳು ಅಥವಾ ಉದ್ಯಮಗಳಿಗೆ ಮಾತ್ರ ಭಾಗವಹಿಸಲು ನಾವು ಅವಕಾಶವನ್ನು ನೀಡುತ್ತೇವೆ. ಇತ್ತೀಚಿನ ವರ್ಷಗಳಲ್ಲಿ ನಾವು ಕೆಲವು ಗೃಹ ಉದ್ಯಮಿಗಳನ್ನು ಸಹ ಆಹ್ವಾನಿಸಿದ್ದೇವೆ. ಒಂದು ದಿನ ನಡೆಯುವ ಈವೆಂಟ್‌ನಲ್ಲಿ ಸುಮಾರು 4,000-5,000 ಜನರು ಭಾಗಿಯಾಗುತ್ತಾರೆ," ಎಂದು ಮಾಹಿತಿ ನೀಡಿದರು.