ಬೆರಳ ತುದಿಯಲ್ಲಿ ಪೆಟ್ರೋಲ್-ಡೀಸೆಲ್ ರೇಟ್‌ ತಿಳಿದುಕೊಳ್ಳಿ

ದೈನಂದಿನ ಬೆಲೆ ಬದಲಾವಣೆ ಪ್ರಕ್ರಿಯೆಯಲ್ಲಿ ಪೆಟ್ರೋಲ್-ಡೀಸೆಲ್ ದರದಲ್ಲಿ ಏರಿಳಿಕೆ ಆಗುತ್ತಲೇ ಇರುತ್ತದೆ. ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಪ್ರತಿ ಬ್ಯಾರೆಲ್ ಗೆ ಬದಲಾವಣೆ ಆದಂತೆ ದೇಶದಲ್ಲಿ ತೈಲ ಬೆಲೆ ಏರಿಳಿತಗೊಳ್ಳುತ್ತದೆ. ಪ್ರತಿನಿತ್ಯವು ಅತ್ಯವಶ್ಯಕ ಸಂಪನ್ಮೂಲವಾಗಿರುವ ಪೆಟ್ರೋಲ್-ಡೀಸೆಲ್ ಬೆಲೆಯು ನಿನ್ನೆ ಇದ್ದಂತೆಯೇ ಇಂದು ಇರುವುದಿಲ್ಲ. ಹೀಗೆ ಪ್ರತಿ ದಿನ ಏರಿಳಿತಗೊಳ್ಳುವ ತೈಲ ದರವನ್ನು ನೀವು ಇದ್ದಲ್ಲಿಯೇ ತಿಳಿದುಕೊಳ್ಳಬಹುದು.

ಇಂಡಿಯನ್ ಆಯಿಲ್ ಕಾರ್ಪೋರೇಶನ್ ಲಿಮಿಟೆಡ್ (ಐಒಸಿಎಲ್) ದೇಶದ ವಿವಿಧ ಭಾಗಗಳಲ್ಲಿ ಪ್ರಸ್ತುತ ಇಂಧನ ಬೆಲೆಗಳ ಬಗ್ಗೆ ಗ್ರಾಹಕರಿಗೆ ತಿಳಿಸಲು ಎಸ್‌ಎಂಎಸ್‌(SMS) ಆಧಾರಿತ ಸೇವೆಯನ್ನು ಒದಗಿಸುತ್ತದೆ. ದೇಶದ ಅತಿದೊಡ್ಡ ಇಂಧನ ಚಿಲ್ಲರೆ ವ್ಯಾಪಾರಿ ಇಂಡಿಯನ್ ಆಯಿಲ್ ಕಾರ್ಪೋರೇಶನ್ ಮೊಬೈನಲ್ ನಲ್ಲಿ SMS ಮೂಲಕ ಮಾಹಿತಿ ನೀಡಲು ಅನುವು ಮಾಡಿಕೊಟ್ಟಿದೆ.

ಈ ಸೇವೆಯನ್ನು ಬಳಸಲು ಬಳಕೆದಾರರು ನಿರ್ದಿಷ್ಟ ಸ್ವರೂಪದಲ್ಲಿ SMS ಕಳುಹಿಸುವ ಅಗತ್ಯವಿದೆ. ಬಳಿಕ ನೀವು ಕೇಳಿದ ನಿರ್ದಿಷ್ಟ ಸ್ಥಳದಲ್ಲಿ ಪೆಟ್ರೋಲ್-ಡೀಸೆಲ್ ದರಗಳ ಮಾಹಿತಿಗಳನ್ನೊಳಗೊಂಡ SMS ನಿಮ್ಮ ಮೊಬೈಲ್‌ಗೆ ಬರಲಿದೆ.

ಪೆಟ್ರೋಲ್-ಡೀಸೆಲ್ ದರ ತಿಳಿದುಕೊಳ್ಳಲು ಏನು ಮಾಡಬೇಕು?
ಇಂದಿನ ಪ್ರಸ್ತುತ ಪೆಟ್ರೋಲ್-ಡೀಸೆಲ್ ದರ ತಿಳಿದುಕೊಳ್ಳಲು ನಿಮ್ಮ ಮೊಬೈಲ್‌ನಿಂದ RSP(ಸ್ಪೇಸ್) ಪೆಟ್ರೋಲ್ ಪಂಪ್ ಡೀಲರ್ ಕೋಡ್ ಟೈಪ್ ಮಾಡಿ 9224992249 ನಂಬರ್‌ ಗೆ SMS ಮಾಡಬೇಕು.

ಇಂಡಿಯನ್ ಆಯಿಲ್ ದೇಶದ 41 ನಗರಗಳ ಪೆಟ್ರೋಲ್-ಡೀಸೆಲ್ ದರದ ಮಾಹಿತಿಯನ್ನು ಒದಗಿಸುತ್ತದೆ. ಅವುಗಳಲ್ಲಿ ಪ್ರಮುಖವಾದವು ಈ ಕೆಳಗಿವೆ.

City SMS Text

ಬೆಂಗಳೂರು RSP 118219

ಚೆನ್ನೈ RSP 133593

ಹೈದ್ರಾಬಾದ್ RSP 134483

ಜೈಪುರ RSP 123143

ಕೊಲ್ಕತ್ತಾ RSP 119941

ಲಕ್ನೋ RSP 155054

ಮುಂಬೈ RSP 108412

ದೆಹಲಿ RSP 102072

ನೊಯ್ಡಾ RSP 155444

ಪಾಟ್ನಾ RSP 166873

ವಿಜಯವಾಡ RSP 127611

ವಿಶಾಖಪಟ್ಟಣ RSP 127290