IPOs in 2024: ಹೊಸ ವರ್ಷದ ಬಹು ನಿರೀಕ್ಷಿತ ಐಪಿಒಗಳಿವು ನೋಡಿ

ಐಪಿಒ ಎಂದರೆ ಆರಂಭಿಕ ಸಾರ್ವಜನಿಕ ಕೊಡುಗೆ. ಇದು ಒಂದು ಪ್ರಕ್ರಿಯೆಯಾಗಿದ್ದು, ಇದರ ಮೂಲಕ ಖಾಸಗಿಯಾಗಿ ಮಾಲೀಕತ್ವ ಹೊಂದಿರುವ ಕಂಪನಿಯು ಸಾರ್ವಜನಿಕರಿಗೆ ತನ್ನ ಷೇರುಗಳನ್ನು ಮೊದಲ ಬಾರಿಗೆ ನೀಡುವ ಮೂಲಕ ಸಾರ್ವಜನಿಕವಾಗಿ ಟ್ರೇಡಿಂಗ್ ಮಾಡಿದ ಕಂಪನಿಯಾಗುತ್ತದೆ.

ಹಲವಾರು ಷೇರುದಾರರನ್ನು ಹೊಂದಿರುವ ಖಾಸಗಿ ಕಂಪನಿಯು ತನ್ನ ಷೇರುಗಳನ್ನು ಟ್ರೇಡಿಂಗ್ ಮಾಡುವ ಮೂಲಕ ಸಾರ್ವಜನಿಕವಾಗಿ ಮಾಲೀಕತ್ವವನ್ನು ಹಂಚಿಕೊಳ್ಳುತ್ತದೆ. ಐಪಿಒ ಮೂಲಕ, ಕಂಪನಿಯು ಸ್ಟಾಕ್ ಎಕ್ಸ್‌ಚೇಂಜ್‌ನಲ್ಲಿ ಅದರ ಹೆಸರನ್ನು ಪಟ್ಟಿ ಮಾಡಲಾಗುತ್ತದೆ.

ಐಪಿಒ ಹೂಡಿಕೆ ಹೆಚ್ಚಿಸಿಕೊಳ್ಳುವ ಅಥವಾ ಬಂಡವಾಳ ಹೆಚ್ಚಿಸಿಕೊಳ್ಳುವ ಒಂದು ಪ್ರಕ್ರಿಯೆ ಆಗಿದೆ. ಪ್ರತಿಯೊಂದು ಕಂಪನಿಗೆ ಹಣದ ಅಗತ್ಯವಿದೆ. ತಮ್ಮ ವ್ಯವಹಾರವನ್ನು ಸುಧಾರಿಸಲು, ಮೂಲಸೌಕರ್ಯವನ್ನು ಉತ್ತಮಗೊಳಿಸಲು, ಲೋನ್‌ಗಳನ್ನು ಮರುಪಾವತಿಸಲು ಇತ್ಯಾದಿಗಳನ್ನು ವಿಸ್ತರಿಸುವುದು ಆಗಿರಬಹುದು.

ಸಾರ್ವಜನಿಕವಾಗಿ ಹೋಗುವ ಕಂಪನಿ ಎಂದರೆ ಸ್ಟಾಕ್ ಎಕ್ಸ್‌ಚೇಂಜ್‌ಗಳಲ್ಲಿ ಅದರ ಹೆಸರನ್ನು ಸೇರಿಸುವುದು ಎಂದಾಗುತ್ತದೆ, ಇದೊಂದು ಯಶಸ್ಸನ್ನು ಗಳಿಸಿದ್ದಂತೆ ಅಂದರೆ ತಪ್ಪಾಗಲಾರದು. ಇದು ಯಾವುದೇ ಕಂಪನಿಗೆ ಆದರೂ ವಿಶ್ವಾಸಾರ್ಹತೆ ಮತ್ತು ಹೆಮ್ಮೆಯ ವಿಷಯವಾಗಿದೆ.

2024 ರ ಬಹು ನಿರೀಕ್ಷಿತ ಐಪಿಒಗಳನ್ನು ಇಲ್ಲಿ ನೋಡೋಣ.

ಕಳೆದ ವರ್ಷ ಗಮನಾರ್ಹ ಸಂಖ್ಯೆಯ ಐಪಿಒಗಳನ್ನು ಪ್ರಾರಂಭಿಸುವುದರೊಂದಿಗೆ, ವಿಶ್ಲೇಷಕರು ಮತ್ತು ತಜ್ಞರು 2024 ರಲ್ಲಿಯೂ ಐಪಿಒ ಆವೇಗವು ಮುಂದುವರಿಯುತ್ತದೆ ಎಂದು ನಂಬುತ್ತಾರೆ. ಕೆಲವು ದೊಡ್ಡ ಕಂಪನಿಗಳು ಈ ವರ್ಷ ಐಪಿಒ ಚಾನೆಲ್‌ಗೆ ಬರುತ್ತಿವೆ. 2024 ರ ಬಹು ನಿರೀಕ್ಷಿತ ಐಪಿಒಗಳನ್ನು ಇಲ್ಲಿ ನೋಡೋಣ.

ಓಲಾ ಎಲೆಕ್ಟ್ರಿಕ್ ಐಪಿಒ

ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಕಂಪನಿಯಾದ ಓಲಾ ಎಲೆಕ್ಟ್ರಿಕ್ ತನ್ನ ಉದ್ದೇಶಿತ ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಗಾಗಿ ಸೆಬಿಗೆ ಪ್ರಾಥಮಿಕ ದಾಖಲೆಗಳನ್ನು ಸಲ್ಲಿಸಿದೆ. ಕರಡು ದಾಖಲೆಪತ್ರ (ಡಿಆರ್‌ಎಚ್‌ಪಿ) ಪ್ರಕಾರ, ಮುಂಬರುವ ಐಪಿಒ 5,500 ಕೋಟಿ ರೂಪಾಯಿಗಳವರೆಗಿನ ಈಕ್ವಿಟಿ ಷೇರುಗಳ ಹೊಸ ವಿತರಣೆ ಮತ್ತು ಪ್ರವರ್ತಕರು ಮತ್ತು ಹೂಡಿಕೆದಾರರು 9.52 ಕೋಟಿ ಈಕ್ವಿಟಿ ಷೇರುಗಳ ಮಾರಾಟದ ಪ್ರಸ್ತಾಪ (ಒಎಫ್ಎಸ್) ಆಗಿರುತ್ತದೆ.

ಫಸ್ಟ್ ಕ್ರೈ ಐಪಿಒ

ಫಸ್ಟ್ ಕ್ರೈ ಮಾತೃಸಂಸ್ಥೆ ಬ್ರೈನ್ ಬೀಸ್ ಸೊಲ್ಯೂಷನ್ಸ್ ಲಿಮಿಟೆಡ್ ತನ್ನ ಉದ್ದೇಶಿತ ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಗಾಗಿ ಬಂಡವಾಳ ಮಾರುಕಟ್ಟೆ ನಿಯಂತ್ರಕ ಸೆಬಿಗೆ ತನ್ನ ಪ್ರಾಥಮಿಕ ದಾಖಲೆಗಳನ್ನು ಸಲ್ಲಿಸಿದೆ. ಕರಡು ದಾಖಲೆಪತ್ರ (ಡಿಆರ್‌ಎಚ್‌ಪಿ) ಪ್ರಕಾರ, ಮುಂಬರುವ ಐಪಿಒ 1,816 ಕೋಟಿ ರೂಪಾಯಿಗಳವರೆಗಿನ ಈಕ್ವಿಟಿ ಷೇರುಗಳ ಹೊಸ ವಿತರಣೆ ಮತ್ತು ಷೇರುದಾರರು 5.44 ಕೋಟಿ ಈಕ್ವಿಟಿ ಷೇರುಗಳ ಆಫರ್ ಫಾರ್ ಸೇಲ್ (ಒಎಫ್ಎಸ್) ಆಗಿರುತ್ತದೆ.

ಆಕಾಶ್ ಎಜುಕೇಶನ್ ಸರ್ವಿಸಸ್ ಲಿಮಿಟೆಡ್

ಎಜುಕೇಷನ್ ಟೆಕ್ನಾಲಜಿ ದೈತ್ಯ ಬೈಜುಸ್‌ನ ಪರೀಕ್ಷಾ ಪೂರ್ವಸಿದ್ಧತಾ ವಿಭಾಗವಾದ ಆಕಾಶ್ ಎಜುಕೇಶನ್ ಸರ್ವೀಸಸ್ ಲಿಮಿಟೆಡ್ ಈ ವರ್ಷದ ಮಧ್ಯದ ವೇಳೆಗೆ ತನ್ನ ಐಪಿಒ ಸಲ್ಲಿಸುವ ನಿರೀಕ್ಷೆಯಿದೆ. ಯೋಜಿತ ಮತ್ತು ಯಶಸ್ವಿ ಪಟ್ಟಿಯನ್ನು ಖಚಿತಪಡಿಸಿಕೊಳ್ಳಲು ಐಪಿಒಗೆ ವ್ಯಾಪಾರಿ ಬ್ಯಾಂಕರ್‌ಗಳ ನೇಮಕಾತಿಯನ್ನು ಶೀಘ್ರದಲ್ಲೇ ಘೋಷಿಸಲಾಗುವುದು ಎಂದು ಬೈಜುಸ್ ಕಳೆದ ವರ್ಷ ಜೂನ್‌ನಲ್ಲಿ ಹೇಳಿತ್ತು.

ಓಯೋ ಐಪಿಒ

ಕಳೆದ ವರ್ಷ ತನ್ನ ಆರಂಭಿಕ ಸಾರ್ವಜನಿಕ ಕೊಡುಗೆಯನ್ನು (ಐಪಿಒ) ಪ್ರಾರಂಭಿಸುವ ನಿರೀಕ್ಷೆಯಿದ್ದ ಆತಿಥ್ಯ ಸಂಸ್ಥೆ ಓಯೋ 2024 ರಲ್ಲಿ ಅದನ್ನು ಮಾಡಬಹುದು. 8,430 ಕೋಟಿ ರೂಪಾಯಿಗಳ ಐಪಿಒಗಾಗಿ ಓಯೋ ಸೆಪ್ಟೆಂಬರ್ 2021 ರಲ್ಲಿ ಸೆಬಿಗೆ ಪ್ರಾಥಮಿಕ ದಾಖಲೆಗಳನ್ನು ಸಲ್ಲಿಸಿತ್ತು. ಇದರಲ್ಲಿ 7,000 ಕೋಟಿ ರೂಪಾಯಿಗಳವರೆಗಿನ ಈಕ್ವಿಟಿ ಷೇರುಗಳ ಹೊಸ ವಿತರಣೆ ಮತ್ತು 1,430 ಕೋಟಿ ರೂಪಾಯಿಗಳ ಮಾರಾಟದ ಪ್ರಸ್ತಾಪವೂ ಸೇರಿದೆ. ಆದಾಗ್ಯೂ, 2023 ರಲ್ಲಿ, ಕಂಪನಿಯು ತನ್ನ ಕರಡು ದಾಖಲೆಪತ್ರ (ಡಿಆರ್‌ಎಚ್‌ಪಿ) ಅನ್ನು ಪೂರ್ವ-ಫೈಲಿಂಗ್ ಮಾರ್ಗದ ಮೂಲಕ ಸೆಬಿಗೆ ಮತ್ತೆ ಸಲ್ಲಿಸಿತು. ಇದು ಸೆಬಿಯ ಅಂತಿಮ ಪ್ರತಿಕ್ರಿಯೆಗಳ ದಿನಾಂಕದಿಂದ 18 ತಿಂಗಳೊಳಗೆ ಐಪಿಒ ಪ್ರಾರಂಭಿಸಲು ಅನುವು ಮಾಡಿಕೊಡುತ್ತದೆ.

ಮೊಬಿ ಕ್ವಿಕ್

ಮೊಬಿಕ್ವಿಕ್ ಕಳೆದ ವರ್ಷ ತನ್ನ ಐಪಿಒವನ್ನು ಮುಂದೂಡಿತ್ತು, ಕಂಪನಿಯು ಈ ವರ್ಷ ತನ್ನ ಐಪಿಒವನ್ನು ಪ್ರಾರಂಭಿಸುತ್ತದೆ ಎಂಬ ಊಹಾಪೋಹಗಳಿವೆ.

ಸ್ವಿಗ್ಗಿ ಐಪಿಒ

ಈ ವರ್ಷ ಸ್ವಿಗ್ಗಿಯ ಮುಂಬರುವ ಐಪಿಒ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಕಳೆದ ವರ್ಷವೇ ಕಂಪನಿಯ ಐಪಿಒ ಬಗ್ಗೆ ಮಾರುಕಟ್ಟೆಯಲ್ಲಿ ಊಹಾಪೋಹಗಳಿದ್ದರೂ, ಇತ್ತೀಚೆಗೆ ಡಿಯಾಜಿಯೊದ ಮಾಜಿ ಸಿಇಒ ಆನಂದ್ ಕೃಪಾಲು ಅವರನ್ನು ಮಂಡಳಿಯ ಅಧ್ಯಕ್ಷರಾಗಿ ನೇಮಕ ಮಾಡುವುದರೊಂದಿಗೆ, ಐಪಿಒ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ.

ಫೋನ್ ಪೇ

ಡಿಜಿಟಲ್ ಪಾವತಿ ಪ್ಲಾಟ್‌ಫಾರ್ಮ್ ಫೋನ್ ಪೇ ಈ ವರ್ಷ ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಬಗ್ಗೆ ಮಾಧ್ಯಮಗಳಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಏತನ್ಮಧ್ಯೆ, ಕಂಪನಿಯ ಸಿಇಒ ಸಮೀರ್ ನಿಗಮ್ ಪಿಟಿಐಗೆ ನೀಡಿದ ಸಂದರ್ಶನದಲ್ಲಿ ಕಂಪನಿಯು 2024-2025 ರಲ್ಲಿ ಐಪಿಒ ಗುರಿಯನ್ನು ಹೊಂದಿದೆ ಎಂದು ಹೇಳಿದ್ದರು.