Kapil Dev Net Worth: ಕ್ರಿಕೆಟ್ ದಿಗ್ಗಜ ಕಪಿಲ್ ದೇವ್ ಆದಾಯ, ಕಾರುಗಳು, ಮನೆ, ಆಸ್ತಿ ವಿವರ

ಭಾರತ ಕ್ರಿಕೆಟ್​ ಲೋಕದ ದಿಗ್ಗಜ ನಾಯಕ ಕಪಿಲ್ ದೇವ್ ಇಂದು 65ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಭಾರತಕ್ಕೆ ಐತಿಹಾಸಿಕ ವಿಶ್ವಕಪ್ ಟ್ರೋಫಿ ಗೆದ್ದುಕೊಟ್ಟ ಕಪಿಲ್​ ಅವರ ಪೂರ್ಣ ಹೆಸರು ಕಪಿಲ್ ದೇವ್ ರಾಮಲಾಲ್ ನಿಖಂಜ್ ಆಗಿದೆ. ಕಪಿಲ್ 2002 ರಲ್ಲಿ ಶತಮಾನದ ಭಾರತೀಯ ಕ್ರಿಕೆಟಿಗ ಎಂದು ಕರೆಯಲ್ಪಟ್ಟಿದ್ದಾರೆ.

1999-2000 ವರೆಗೆ ಭಾರತದ ರಾಷ್ಟ್ರೀಯ ಕ್ರಿಕೆಟ್ ತಂಡಕ್ಕೆ ತರಬೇತುದಾರರಾಗಿದ್ದ ಕಪೀಲ್ ದೇವ್ ಉತ್ತಮ ಆದಾಯವನ್ನು ಕೂಡಾ ಹೊಂದಿದ್ದಾರೆ. ಹಾಗೆಯೇ ಹಲವಾರು ಕಾರುಗಳನ್ನು ಕೂಡಾ ಈ ದಿಗ್ಗಜ ಹೊಂದಿದ್ದಾರೆ. ಈ ಲೇಖನದಲ್ಲಿ ಕಪಿಲ್ ದೇವ್‌ರ ಆದಾಯ, ಆದಾಯದ ಮೂಲ, ಕಾರು, ಮನೆ, ಆಸ್ತಿ, ದೇಣಿಗೆ ವಿವರವನ್ನು ನೀಡಿದ್ದೇವೆ. ಮುಂದೆ ಓದಿ.......

2023ರಲ್ಲಿ ಕಪಿಲ್ ದೇವ್ ನಿವ್ವಳ ಆದಾಯ ಎಷ್ಟಿದೆ?

ನಿವೃತ್ತಿಯ ನಂತರ, ಕಪಿಲ್ ದೇವ್ ಎನ್‌ಸಿಎ (ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿ) ಮತ್ತು ಈಗ ನಿಷ್ಕ್ರಿಯವಾಗಿರುವ ಐಸಿಎಲ್‌ನಲ್ಲಿ ಕೆಲಸ ಪಡೆಯುವ ಮೊದಲು ಭಾರತೀಯ ಕ್ರಿಕೆಟ್ ತಂಡಕ್ಕೆ ಮಾರ್ಗದರ್ಶಕರಾಗಿ ಕೆಲಸ ಮಾಡಿದರು. ಲೆಜೆಂಡರಿ ಆಲ್‌ರೌಂಡರ್ ಪ್ರಸ್ತುತ ಬಿಸಿಸಿಐಯ ಕಾಮೆಂಟರಿ ತಂಡದ ಭಾಗವಾಗಿದ್ದಾರೆ. ಕಾಮೆಂಟರಿಯನ್ನು ಹಿಂದಿಯಲ್ಲಿ ಮಾಡುತ್ತಾರೆ. celebritynetworth.com ಪ್ರಕಾರ ಕಪಿಲ್ ನಿವ್ವಳ ಆದಾಯ ಸುಮಾರು 30 ಮಿಲಿಯನ್ ಡಾಲರ್ ಆಗಿದೆ. ಹೂಡಿಕೆ ಸೇರಿದಂತೆ ಕಪಿಲ್ ದೇವ್ ಬಹು ಆಸ್ತಿಗಳು ಅವರನ್ನು ಕೋಟ್ಯಾಧಿಪತಿಯನ್ನಾಗಿಸುತ್ತದೆ.

ಕಪಿಲ್ ದೇವ್ ವೇತನ, ವಾರದ ವೇತನ

ಕಪಿಲ್ ದೇವ್ ಅವರು ನಿರೂಪಕರಾಗಿ, ಟಿವಿ ನಿರೂಪಕರಾಗಿ, ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವ ವಿವಿಧ ಕೆಲಸಗಳಿಂದ ವಾರ್ಷಿಕವಾಗಿ 12 ಕೋಟಿ ರೂಪಾಯಿ ಗಳಿಸುತ್ತಾರೆ. ಮಾಸಿಕ ಆದಾಯವನ್ನು ಸರಾಸರಿ 1 ಕೋಟಿ ರೂಪಾಯಿ ಆಗಿದೆ. ವಾರದ ವೇತನ ಒಂದು ಕೋಟಿ ರೂಪಾಯಿ ಆಗಿದೆ. ವಾರಕ್ಕೆ ಸುಮಾರು 25,00,000 ರೂಪಾಯಿ ವೇತನವನ್ನು ಪಡೆಯುತ್ತಾರೆ.

ಕಪಿಲ್ ದೇವ್ ಮನೆಯ ವಿವರ

ಪ್ರಸ್ತುತ, ಕಪಿಲ್ ದೇವ್ ದೆಹಲಿಯಲ್ಲಿ ತಮ್ಮ ಕುಟುಂಬದೊಂದಿಗೆ ನಿವೃತ್ತ ಜೀವನವನ್ನು ನಡೆಸುತ್ತಿದ್ದಾರೆ. ದೆಹಲಿ ಗಾಲ್ಫ್ ಕ್ಲಬ್‌ನಲ್ಲಿ ಮುಂಜಾನೆ ಗಾಲ್ಫ್ ಆಡುವುದನ್ನು ಆಗಾಗ್ಗೆ ಕಾಣಬಹುದು. ಬಂಗಲೆ ಮತ್ತು ಪ್ರದೇಶ ಎರಡೂ ಆಕರ್ಷಕವಾಗಿವೆ. ನಿವಾಸವು ದೆಹಲಿ ಗಾಲ್ಫ್ ಕ್ಲಬ್‌ನಿಂದ ಒಂದು ಕಿಲೋಮೀಟರ್ ದೂರದಲ್ಲಿದೆ.

ಕ್ರಿಕೆಟ್‌ನ ಹೊರತಾಗಿ ಗಾಲ್ಫ್‌ನಲ್ಲಿ ಸಮಾನ ಆಸಕ್ತಿ ಹೊಂದಿರುವ ಕ್ರೀಡಾ ಅಭಿಮಾನಿಗಳಿಗೆ ಇದು ಸಾಕಷ್ಟು ಅನುಕೂಲಕರವಾಗಿದೆ. ಈ ಮನೆಯು ರಾಷ್ಟ್ರೀಯ ಕ್ರೀಡಾಂಗಣಕ್ಕೆ ತಕ್ಕಮಟ್ಟಿಗೆ ಹತ್ತಿರದಲ್ಲಿದೆ, ಅಲ್ಲಿ ವಿಶ್ವಕಪ್ ವಿಜೇತ ನಾಯಕ ಸ್ವತಃ ತರಬೇತಿ ಪಡೆದಿದ್ದಾರೆ.

ಕಪಿಲ್ ದೇವ್ ಕಾರುಗಳ ವಿವರ

ಕಪಿಲ್ ದೇವ್ ಆಟೋಮೊಬೈಲ್ ಬಗ್ಗೆ ಅಸಾಧಾರಣ ಉತ್ಸಾಹವನ್ನು ಹೊಂದಿದ್ದಾರೆ. ಅನೇಕ ವಾಹನಗಳಲ್ಲಿ 1983 ರ ನೋಂದಣಿ ಸಂಖ್ಯೆಯನ್ನು ತೆಗೆದುಕೊಂಡಿದ್ದಾರೆ. ಕಪಿಲ್ ದೇವ್ ಅವರ ಕಾರು ಸಂಗ್ರಹವು ಮಿಲಿಯನ್ ಯುಎಸ್ ಡಾಲರ್ ಮೌಲ್ಯದ್ದಾಗಿದೆ. ಕಪಿಲ್ ದೇವ್ ಒಡೆತನದ ಕೆಲವು ಕಾರುಗಳ ಪಟ್ಟಿ ಈ ಕೆಳಗಿದೆ.

ಮರ್ಸಿಡಿಸ್ ಸಿ220ಡಿ
ಟೊಯೋಟಾ ಫಾರ್ಚುನರ್
ಮರ್ಸಿಡಿಸ್ ಜಿಎಲ್‌ಎಸ್ 350 ಡಿ
ಪೋರ್ಷೆ ಪನಾಮೆರಾ

ಕಪಿಲ್ ದೇವ್ ಆಸ್ತಿ ವಿವರ

ವಿಶ್ವಕಪ್ ವಿಜೇತ ನಾಯಕನು ಪಟನಾ ಮತ್ತು ಚಂಡೀಗಢದಲ್ಲಿ ಕ್ಯಾಪ್ಟನ್ಸ್ ರಿಟ್ರೀಟ್ ಹೋಟೆಲ್ ಮತ್ತು ಕ್ಯಾಪ್ಟನ್ಸ್ ಇಲೆವೆನ್ ಹೆಸರಿನ ಹೋಟೆಲ್ ಹೊರತುಪಡಿಸಿ ಜಿಕಾಮ್ ಎಲೆಕ್ಟ್ರಾನಿಕ್ಸ್‌ನಲ್ಲಿ ಶೇಕಡ 5 ರಷ್ಟು ಪಾಲನ್ನು ಹೊಂದಿದ್ದಾರೆ. ಭಾರತದಾದ್ಯಂತ ಕ್ರೀಡಾಂಗಣಗಳಲ್ಲಿ ಫ್ಲಡ್‌ಲೈಟ್‌ಗಳನ್ನು ಅಳವಡಿಸುವ ದೇವ್ ಮಸ್ಕೋ ಲೈಟಿಂಗ್ ಪ್ರೈವೇಟ್ ಲಿಮಿಟೆಡ್‌ನಲ್ಲಿ 'ಹರಿಯಾಣಾ ಹರಿಕೇನ್' ಸಹ ಪಾಲನ್ನು ಹೊಂದಿದೆ.

ಮೊಹಾಲಿಯ ಪಿಸಿಎ ಸ್ಟೇಡಿಯಂ, ಮುಂಬೈನ ಬ್ರಬೋರ್ನ್ ಸ್ಟೇಡಿಯಂ ಮತ್ತು ಕಟಕ್‌ನ ಬಾರಾಬತಿ ಸ್ಟೇಡಿಯಂ ಅವರ ಹೂಡಿಕೆಯಿಂದ ಲಾಭ ಪಡೆದ ಕೆಲವು ಕ್ರೀಡಾಂಗಣಗಳಾಗಿವೆ. ಕಪಿಲ್ ದೇವ್ ಅವರು ಸಾಮ್ಕೋ ವೆಂಚರ್ಸ್ ನಡೆಸುತ್ತಿರುವ ಐಟಿಎಲ್ (ಇಂಡಿಯನ್ ಟ್ರೇಡಿಂಗ್ ಲೀಗ್) ನಲ್ಲಿ ಸುಮಾರು 3 ಮಿಲಿಯನ್ ಡಾಲರ್ ಹೂಡಿಕೆ ಮಾಡಿದರು. ಅಲ್ಲಿ ಅವರು ಬಹುಪಾಲು ಹೊಂದಿದ್ದಾರೆ.

ಕಪಿಲ್ ದೇವ್ ಜೀವನಶೈಲಿ

ಕಪಿಲ್ ದೇವ್ ಉತ್ತಮ ನಿವ್ವಳ ಆದಾಯವನ್ನು ಹೊಂದಿದ್ದರೂ ಕೂಡಾ ಕಪಿಲ್ ದೇವ್ ಸಾಕಷ್ಟು ಸರಳ ಜೀವನವನ್ನು ನಡೆಸುತ್ತಾರೆ. ಹಾಗೆಯೇ ತನ್ನ ವೈಯಕ್ತಿಕ ಜೀವನವನ್ನು ಸಾರ್ವಜನಿಕ ಜೀವನದಿಂದ ದೂರವಿಡುತ್ತಾರೆ. ದುಬಾರಿ ಖರೀದಿಗಳಲ್ಲಿ ಕಾರುಗಳು ಮಾತ್ರ ಸೇರಿದೆ.

ಕಪಿಲ್ ದೇವ್ ಎಂಡೋರ್ಸ್‌ಮೆಂಟ್‌ಗಳು

ಕಪಿಲ್ ದೇವ್ ವಿಶ್ವದ ಅತ್ಯಂತ ಜನಪ್ರಿಯ ಕ್ರಿಕೆಟಿಗರಲ್ಲಿ ಒಬ್ಬರು. ಜನಪ್ರಿಯತೆ ಮತ್ತು ಅಭಿಮಾನಿಗಳ ಕಾರಣದಿಂದಾಗಿ ಅಧಿಕವಾಗಿ ಎಂಡೋರ್ಸ್‌ಮೆಂಟ್‌ ಲಭಿಸುವ ಆಟಗಾರರಲ್ಲಿ ಒಬ್ಬರಾಗಿದ್ದಾರೆ. ಕಪಿಲ್ ದೇವ್ ಎಂಡೋರ್ಸ್‌ಮೆಂಟ್‌ಗಳಿಂದ ಗಳಿಸುವ ನಿವ್ವಳ ಆದಾಯವು ಆದಾಯದ ದೊಡ್ಡ ಭಾಗವಾಗಿದೆ. ಕಪಿಲ್ ದೇವ್ ಎಐಪಿಎಲ್ ಎಬಿಆರ್‌ಒ, ಪಾಲ್‌ಮೊಲಿವ್, ಬೂಸ್ಟ್‌ನಂತಹ ಕಂಪನಿಗಳಲ್ಲಿ ಸ್ಪಾರ್ಸರ್‌ಶಿಪ್ ಹೊಂದಿದ್ದಾರೆ.

ಆದಾಯದ ಇತರ ಮೂಲಗಳು

ಮಾಜಿ ನಾಯಕ 2000 ರಲ್ಲಿ ಲಾರೆಸ್ ಫೌಂಡೇಶನ್‌ನ ಸ್ಥಾಪಕ ಸದಸ್ಯರಲ್ಲಿ ಒಬ್ಬರಾಗಿದ್ದರು. ಆಲ್-ರೌಂಡರ್ ಆಟಗಾರ ಪರವಾನಗಿ ಪಡೆದ ಗಾಲ್ಫ್ ಆಟಗಾರರಾಗಿದ್ದಾರೆ. ಜಪಾನ್‌ನಲ್ಲಿ 2018 ರ ಏಷ್ಯಾ ಪೆಸಿಫಿಕ್ ಸೀನಿಯರ್ಸ್‌ನಲ್ಲಿ ಭಾರತದ ಪರವಾಗಿ ಆಡಿದ್ದಾರೆ. ಬಾಲಿವುಡ್ ಚಲನಚಿತ್ರಗಳಲ್ಲಿಯೂ ಕಾಣಿಸಿಕೊಂಡಿದ್ದಾರೆ.

ಕಪಿಲ್ ದೇವ್ ದೇಣಿಗೆ

ಶಿಕ್ಷಣದ ಸಹಾಯದಿಂದ ಮಕ್ಕಳ ಜೀವನವನ್ನು ಪರಿವರ್ತಿಸುವ ಉದ್ದೇಶದಿಂದ 2003 ರಲ್ಲಿ ಕ್ರಿಕೆಟ್ ಐಕಾನ್, ಕಪಿಲ್ ದೇವ್ ಖುಷಿ (Khushii) ಆರಂಭಿಸಿದರು. ಮಕ್ಕಳು ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸುವುದನ್ನು ಖಚಿತಪಡಿಸಿಕೊಳ್ಳುವ ನಿಟ್ಟಿನಲ್ಲಿ ಖುಷಿ ರಾಷ್ಟ್ರಮಟ್ಟದಲ್ಲಿ ಕೆಲಸ ಮಾಡುತ್ತದೆ. ಆರ್ಥಿವಾಗಿಯೂ ಮಕ್ಕಳ ಶಿಕ್ಷಣಕ್ಕೆ ಸಹಾಯ ಮಾಡುತ್ತದೆ.