Priyanka Chopra's net worth: ಬಾಲಿವುಡ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ ಆದಾಯ, ಉದ್ಯಮದ ಬಗ್ಗೆ ತಿಳಿಯಿರಿ

ಬಾಲಿವುಡ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ ನಟನೆಯ ಸಿನಿಮಾಗಳಿಗಾಗಿ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಬಾಲಿವುಡ್‌ನ 'ದೇಸಿ ಗರ್ಲ್' ಎಂದು ಹೆಸರುವಾಸಿಯಾದ ಪ್ರಿಯಾಂಕಾ ಚೋಪ್ರಾ 2000 ರಲ್ಲಿ ವಿಶ್ವ ಸುಂದರಿ ಕಿರೀಟವನ್ನು ಪಡೆದಿದ್ದಾರೆ. ಅಂದಿನಿಂದ ಸಿನಿಮಾ ಇಂಡಸ್ಟ್ರೀಯಲ್ಲಿ ತನ್ನ ಹವಾವನ್ನು ಪ್ರಿಯಾಂಕಾ ಉಳಿಸಿಕೊಂಡಿದ್ದಾರೆ.

ಹಲವಾರು ಹಿಟ್ ಸಿನಿಮಾಗಳನ್ನು ನೀಡಿರುವ ಪ್ರಿಯಾಂಕಾ ಚೋಪ್ರಾ ನಿವ್ವಳ ಆದಾಯಕ್ಕೆ ಸಿನಿಮಾದಿಂದ ಅಧಿಕ ಮೌಲ್ಯ ಸೇರ್ಪಡೆಯಾಗುತ್ತದೆ. ಇದು ಮಾತ್ರವಲ್ಲದೆ ಈ ದೇಸಿ ಗರ್ಲ್ ಹಲವಾರು ದುಬಾರಿ ಕಾರುಗಳನ್ನು ಹೊಂದಿದ್ದಾರೆ. ಹಾಗೆಯೇ ಹಲವಾರು ಉದ್ಯಮಗಳನ್ನು ಕೂಡಾ ಪ್ರಿಯಾಂಕಾ ಚೋಪ್ರಾ ನಡೆಸುತ್ತಿದ್ದಾರೆ. ಈ ಬಾಲಿವುಡ್ ಸ್ಟಾರ್‌ನ ನಿವ್ವಳ ಆದಾಯ, ಇತರೆ ಮಾಹಿತಿ ಇಲ್ಲಿದೆ ವಿವರ ಮುಂದೆ ಓದಿ...

ಪ್ರಿಯಾಂಕಾ ಚೋಪ್ರಾ ನಿವ್ವಳ ಮೌಲ್ಯ

2023ರ ಜುಲೈ ವೇಳೆಗೆ ಪ್ರಿಯಾಂಕಾ ಚೋಪ್ರಾ ನಿವ್ವಳ ಆದಾಯವು 75 ಮಿಲಿಯನ್ ಡಾಲರ್ ಅಥವಾ ಅಂದಾಜು 620 ಕೋಟಿ ರೂಪಾಯಿ ಆಗಿದೆ. ಪ್ರತಿ ಚಲನಚಿತ್ರಕ್ಕೆ ಚೋಪ್ರಾ 1,33,862.08 ಯುಎಸ್‌ ಡಾಲರ್ ಅಥವಾ 12 ಕೋಟಿ ರೂಪಾಯಿ ಅಂದಾಜು ಶುಲ್ಕವನ್ನು ವಿಧಿಸುತ್ತಾರೆ. ಹಾಲಿವುಡ್‌ನಲ್ಲಿ ಪ್ರತಿ ಸಂಚಿಕೆಗೆ 2,43,437 ಯುಎಸ್‌ ಡಾಲರ್ ಅಥವಾ 2 ಕೋಟಿ ರೂಪಾಯಿ ಶುಲ್ಕವನ್ನು ವಿಧಿಸುತ್ತಾರೆ.

ಆಕೆಯ ಮಾಸಿಕ ವೇತನವು ಸರಿಸುಮಾರು 1,82,569.95 ಯುಎಸ್‌ ಡಾಲರ್‌ ಅಥವಾ 1.5 ಕೋಟಿ ರೂಪಾಯಿ ಆಗಿದೆ. ಆಕೆಯ ವಾರ್ಷಿಕ ಆದಾಯ 21,90,839.40 ಯುಎಸ್‌ ಡಾಲರ್ ಅಥವಾ 18 ಕೋಟಿ ರೂಪಾಯಿ ಆಗಿದೆ. ಇನ್‌ಸ್ಟಾಗ್ರಾಂನ ಪ್ರತಿ ಪೋಸ್ಟ್‌ಗೆ ಪ್ರಿಯಾಂಕಾ 3,65,201.31 ಯುಎಸ್‌ ಡಾಲರ್ ಅಥವಾ 3 ಕೋಟಿ ರೂಪಾಯಿಯನ್ನು ಪಡೆಯುತ್ತಾರೆ.

ಜಾಹೀರಾತುಗಳಿಂದ ಚೋಪ್ರಾ ಗಳಿಕೆ

ಚಲನಚಿತ್ರಗಳಲ್ಲಿ ಕೆಲಸ ಮಾಡುವುದರ ಹೊರತಾಗಿ, ನಟಿಯ ಹೆಚ್ಚಿನ ಗಳಿಕೆಯು ಜಾಹೀರಾತುಗಳಿಂದ ಬರುತ್ತದೆ. ಪ್ರತಿ ಬ್ರ್ಯಾಂಡ್‌ನ ಅಂಬಾಸಿಡರ್‌ ಆಗಿ ಕಾರ್ಯನಿರ್ವಹಿಸುವಾಗ 6,08,609.50 ಯುಎಸ್‌ ಡಾಲರ್ ಅಥವಾ 5 ಕೋಟಿ ರೂಪಾಯಿ ಪಡೆಯುತ್ತಾರೆ. ಗಾರ್ನಿಯರ್, ಅಪ್ಪಿ ಫಿಜ್, ಕೋಲ್‌ಗೇಟ್, ಸ್ಕಿಮಿಟನ್, ಪ್ಯಾಂಟೇನ್, ಇತರ ಪ್ರಮುಖ ಬ್ರಾಂಡ್‌ಗಳ ಎಂಬಾಸಿಡರ್ ಆಗಿದ್ದಾರೆ.

ಚೋಪ್ರಾ ಹೊಂದಿರುವ ಆಸ್ತಿಗಳು

ಅಂತಾರಾಷ್ಟ್ರೀಯ ತಾರೆ ಚೋಪ್ರಾ ಮುಂಬೈನಲ್ಲಿ ಎರಡು ಮನೆಗಳನ್ನು ಹೊಂದಿದ್ದಾರೆ. ಪ್ರಿಯಾಂಕಾ ಚೋಪ್ರಾ 8,51,848.90 ಯುಎಸ್‌ ಡಾಲರ್ ಅಥವಾ 7 ಕೋಟಿ ರೂಪಾಯಿ ಮೌಲ್ಯದ ಕರ್ಮಯೋಗ್ ಕಟ್ಟಡವನ್ನು ಹೊಂದಿದ್ದಾರೆ. ಲೋಖಂಡವಾಲಾ ಕಾಂಪ್ಲೇಕ್ಸ್‌ನಲ್ಲಿ 9,73,541.60 ಯುಎಸ್‌ ಡಾಲರ್, 8 ಕೋಟಿ ರೂಪಾಯಿ ಅಂದಾಜು ಮೌಲ್ಯದ ಫ್ಲ್ಯಾಟ್ ಹೊಂದಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ಈಗ ಹಾಲಿವುಡ್‌ನಲ್ಲಿ ನೆಲೆಸಿರುವ ಕಾರಣ, ಲಾಸ್ ಏಂಜಲೀಸ್‌ನಲ್ಲಿ 20 ಮಿಲಿಯನ್ ಡಾಲರ್‌ ಅಥವಾ 238 ಕೋಟಿ ರೂಪಾಯಿ ಮೌಲ್ಯದ ಮನೆಯನ್ನು ಹೊಂದಿದ್ದಾರೆ. ನಟಿ ಪ್ರಸ್ತುತ ಕ್ಯಾಲಿಫೋರ್ನಿಯಾದ ಎನ್ಸಿನೊದಲ್ಲಿನ ಈ ಐಷಾರಾಮಿ ಮನೆಯಲ್ಲಿ ತನ್ನ ಪತಿ ನಿಕ್ ಜೋನಾಸ್, ಮಗಳು, ಕುಟುಂಬದೊಂದಿಗೆ ವಾಸವಾಗಿದ್ದಾರೆ.

ಈ ಆಸ್ತಿಯ ಅಂದಾಜು ಮೌಲ್ಯ 1,75,24,195.20 ಯುಎಸ್‌ ಡಾಲರ್ ಅಥವಾ 144 ಕೋಟಿ ರೂಪಾಯಿ ಆಗಿದೆ. ಅವಳು ನ್ಯೂಯಾರ್ಕ್‌ನಲ್ಲಿ ಮ್ಯಾನ್‌ಹ್ಯಾಟನ್ ಸ್ಕೈಲೈನ್‌ನ ಮನೆಯನ್ನು ಕೂಡಾ ಹೊಂದಿದ್ದಾರೆ. ಗೋವಾದ ಬಾಗಾ ಬೀಚ್ ಸಮೀಪ ಸುಮಾರು 24,34,396 ಯುಎಸ್‌ ಡಾಲರ್ ಅಥವಾ 20 ಕೋಟಿ ರೂಪಾಯಿ ಮೌಲ್ಯದ ಪ್ರಾಪರ್ಟಿಯನ್ನು ಹೊಂದಿದ್ದಾರೆ.

ಕಾರುಗಳು ಎಷ್ಟಿದೆ ನೋಡಿ

ಸುಮಾರು 3,04,232.10 ಯುಎಸ್‌ ಡಾಲರ್ ಅಥವಾ 2.5 ಕೋಟಿ ರೂಪಾಯಿ ಬೆಲೆಯ ರೋಲ್ಸ್ ರಾಯ್ಸ್ ಐಷಾರಾಮಿ ಕಾರನ್ನು ಹೊಂದಿರುವ ಮೊದಲ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಆಗಿದ್ದಾರೆ. ಹಾಗೆಯೇ 1,33,862.08 ಯುಎಸ್‌ ಡಾಲರ್ (1.1 ಕೋಟಿ ರೂಪಾಯಿ) ಮೌಲ್ಯದ ಮರ್ಸಿಡೀಸ್ ಬೆನ್ಜ್ ಎಸ್‌ ಕಾರನ್ನು ಕೂಡಾ ಹೊಂದಿದ್ದಾರೆ. ನಿಕ್ ಜೊನಾಸ್, ಚೋಪ್ರಾಗೆ ಪೋಲಾರ್ ಜೆನೆರಿಸ್ ಆಲ್ ಟೆರೈನ್ ವೆಹಿಕಲ್ ಅನ್ನು ಉಡುಗೊರೆಯಾಗಿ ನೀಡಿದ್ದು, ಇದರಲ್ಲಿ ಚೋಪ್ರಾ ಹೆಸರಿದೆ. ಈ ಎಟಿವಿ ಬೆಲೆ 26,771.98 ಯುಎಸ್‌ ಡಾಲರ್ (22 ಲಕ್ಷ ರೂಪಾಯಿ) ಆಗಿದೆ.

ಇನ್ನು 2,43,391.60 ಯುಎಸ್‌ ಡಾಲರ್ ಅಥವಾ 2 ಕೋಟಿ ರೂಪಾಯಿ ಮೌಲ್ಯದ ಆಡಿ Q7, ಬಿಎಂಡಬ್ಲ್ಯೂ 5 ಸಿರೀಸ್ ಪಾರ್ಸ್ಚೆ, ಮರ್ಸೆಡಿಸ್ ಬೆನ್ಜ್ ಇ ಕ್ಲಾಸ್, ಮರ್ಸೆಡಿಸ್ ಮೇಬ್ಯಾಕ್ S650 ಅನ್ನು ಹೊಂದಿದ್ದಾರೆ. ಪ್ರಿಯಾಂಕಾ ಚೋಪ್ರಾ ಯುಎಸ್‌ಎ, ಯುಕೆ, ಭಾರತದ ನಡುವೆ ಪ್ರಯಾಣಿಸಲು ಖಾಸಗಿ ಜೆಟ್ ಅನ್ನು ಸಹ ಹೊಂದಿದ್ದಾರೆ.

ಪ್ರಿಯಾಂಕಾ ಉದ್ಯಮಗಳು

ಪ್ರಿಯಾಂಕಾ ಚೋಪ್ರಾ ಕೇವಲ ನಟನಾ ಜಗತ್ತನ್ನು ಆಳುತ್ತಿಲ್ಲ, ಬದಲಾಗಿ ಹಲವಾರು ಉದ್ಯಮಗಳನ್ನು ಕೂಡಾ ಮುನ್ನಡೆಸುತ್ತಿದ್ದಾರೆ. ಹೇರ್‌ಕೇರ್ ಬ್ರ್ಯಾಂಡ್, ಪರ್ಫೆಕ್ಟ್ ಮೊಮೆಂಟ್ ಎಂಬ ಬಟ್ಟೆ ಬ್ರಾಂಡ್, ನ್ಯೂಯಾರ್ಕ್ ನಗರದಲ್ಲಿ ಸೋನಾ ಎಂಬ ರೆಸ್ಟೋರೆಂಟ್ ಮತ್ತು ಪರ್ಪಲ್ ಪೆಬಲ್ ಪಿಕ್ಚರ್ಸ್ ಎಂಬ ಪ್ರೊಡಕ್ಷನ್ ಹೌಸ್ ಅನ್ನು ಹೊಂದಿದ್ದಾರೆ. ಬಂಬಲ್‌ನಲ್ಲಿ ಹೂಡಿಕೆದಾರರಾಗಿದ್ದಾರೆ. ಸೋನಾ ಹೋಮ್ ಹೆಸರಿನ ಹೋಮ್‌ವೇರ್ ಬ್ರಾಂಡ್ ಅನ್ನು ಹೊಂದಿದ್ದಾರೆ.

ಇತರೆ ದುಬಾರಿ ವಸ್ತುಗಳು ಯಾವುದು?

50-ಕ್ಯಾರೆಟ್ ವಜ್ರವುಳ್ಳ ಒಂದು ಜೋಡಿ ಕಿವಿಯೋಲೆ ಹೊಂದಿದ್ದು 2016 ರ ಆಸ್ಕರ್ ಪ್ರಶಸ್ತಿ ಪಡೆಯುವಾಗ ಧರಿಸಿದ್ದಾರೆ. ಅವುಗಳ ಬೆಲೆ 26,46,644.40 ಯುಎಸ್‌ ಡಾಲರ್ ಅಥವಾ 21.75 ಕೋಟಿ ರೂಪಾಯಿ ಆಗಿದೆ. ಹೀಗೆ ಹಲವಾರು ದುಬಾರಿ ಆಭರಣಗಳನ್ನು ಹೊಂದಿದ್ದಾರೆ.