Alexandr Wang: ವಿಶ್ವದ ಅತೀ ಕಿರಿಯ ಬಿಲಿಯನೇರ್ ಆದಾಯ, ಇತರೆ ಮಾಹಿತಿ ತಿಳಿಯಿರಿ

ತಮ್ಮ ಸ್ವಂತ ಪ್ರಯತ್ನದಿಂದ ಮಿಲಿಯನೇರ್‌ಗಳು ಮತ್ತು ಬಿಲಿಯನೇರ್‌ಗಳ ಹಲವಾರು ಸ್ಪೂರ್ತಿದಾಯಕ ಯಶೋಗಾಥೆಗಳನ್ನು ನಾವು ಕೇಳುತ್ತಾ ಬಂದಿದ್ದೇವೆ. ಯಾವುದೇ ಆದಾಯವಿಲ್ಲದೆಯೇ ಒಂದು ಉದ್ಯಮವನ್ನು ಆರಂಭ ಮಾಡಿದವರು ಹಲವಾರು ಮಂದಿ ಇದ್ದಾರೆ. ಅಂತಹ ಸ್ಪೂರ್ತಿದಾಯಕ ವ್ಯಕ್ತಿಗಳಲ್ಲಿ ವಿಶ್ವದ ಅತೀ ಕಿರಿಯ ಸ್ವಯಂ-ನಿರ್ಮಿತ ಬಿಲಿಯನೇರ್ ಆದ ಅಲೆಕ್ಸಾಂಡರ್ ವಾಂಗ್ ಕೂಡಾ ಒಬ್ಬರಾಗಿದದಾರೆ.

ತಾಂತ್ರಿಕ ಮತ್ತು ವೈಜ್ಞಾನಿಕ ಜ್ಞಾನವನ್ನು ಹೊಂದಿರುವ ಈ ಯುವ ಬಿಲಿಯನೇರ್‌ನ ಕುಟುಂಬದ ಹಿನ್ನೆಲೆಯು ಕೂಡಾ ಅವರಂತೆಯೇ ಆಗಿದೆ. ವರದಿಯ ಪ್ರಕಾರ ಅಲೆಕ್ಸಾಂಡರ್ ವಾಂಗ್ ಪೋಷಕರು ಇಬ್ಬರೂ ಅಮೇರಿಕನ್ ಮಿಲಿಟರಿಯ ಯೋಜನೆಗಳಲ್ಲಿ ಕಾರ್ಯ ನಿರ್ವಹಣೆ ಮಾಡಿದ ಭೌತಶಾಸ್ತ್ರಜ್ಞರಾಗಿದ್ದರು. ವಿಶ್ವದ ಅತೀ ಕಿರಿಯ ಬಿಲಿಯನೇರ್ ಆದಾಯ, ಇತರೆ ಮಾಹಿತಿ ಇಲ್ಲಿದೆ ಮುಂದೆ ಓದಿ....

ಅತೀ ಕಿರಿಯ ವಯಸ್ಸಿನ ಬಿಲಿಯನೇರ್‌

ಅಲೆಕ್ಸಾಂಡರ್ ವಾಂಗ್ ತನ್ನ ವಿದ್ಯಾರ್ಥಿ ದಿನಗಳಲ್ಲಿ ತನ್ನ ವೃತ್ತಿಜೀವನವನ್ನು ಪ್ರಾರಂಭಿಸಿದ್ದಾರೆ. 17 ನೇ ವಯಸ್ಸಿನಲ್ಲಿ, ಅಲೆಕ್ಸಾಂಡರ್ ವಾಂಗ್ ಸಹಪಾಠಿಗಳು ತಮ್ಮ ಕಾಲೇಜು ಜೀವನ ಮತ್ತು ಅದರಾಚೆಗಿನ ಶಿಕ್ಷಣದ ತಯಾರಿ ನಡೆಸುತ್ತಿದ್ದಾಗ, ವಾಂಗ್ ಮಾತ್ರ ಅಡೆಪರ್‌ನಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದರು. ಅದೇ ವರ್ಷ, 2014 ರಲ್ಲಿ, ಅಲೆಕ್ಸಾಂಡರ್ ವಾಂಗ್ ಕ್ಯಾರದಲ್ಲಿ ಕಾರ್ಯನಿರ್ವಹಣೆ ಆರಂಭಿದರು. ಅಲ್ಲಿ ಅಲೆಕ್ಸಾಂಡರ್ ವಾಂಗ್ ಟೆಕ್ ಮತ್ತು ಸ್ಪೀಡ್ ಲೀಡ್/ ಡಿಆರ್‌ಐ ಆಗಿ ಕೆಲಸ ಮಾಡಿದರು.

ಕಾಲೇಜು ತೊರೆದ ಅಲೆಕ್ಸಾಂಡರ್ ವಾಂಗ್

ಅಲೆಕ್ಸಾಂಡರ್ ವಾಂಗ್ ಮ್ಯಾಸಚೂಸೆಟ್ಸ್ ಇನ್‌ಸ್ಟಿಟ್ಯೂಟ್ ಫಾರ್ ಟೆಕ್ನಾಲಜಿಯಲ್ಲಿ (ಎಂಐಟಿ) ಮ್ಯಾಥೆಮೆಟಿಕ್ಸ್ ಮತ್ತು ಕಂಪ್ಯೂಟರ್ ಸೈನ್ಸ್‌ನಲ್ಲಿ ತನ್ನ ಬಿಎಸ್ ಅಧ್ಯಯನವನ್ನು ಪ್ರಾರಂಭಿಸಿದರು. ಎಂಐಟಿಯಲ್ಲಿ ತನ್ನ ಮೊದಲ ವರ್ಷವನ್ನು ಪೂರ್ಣಗೊಳಿಸಿದ ಬಳಿಕ ಮತ್ತು ಹಡ್ಸನ್ ರಿವರ್ ಟ್ರೇಡಿಂಗ್‌ನಲ್ಲಿ ಮಾಡುತ್ತಿದ್ದ ಅಲ್ಗಾರಿದಮ್ ಡೆವಲಪರ್‌ನ ಕೆಲಸವನ್ನು ತೊರೆದ ನಂತರ ವಾಂಗ್, ಲೂಸಿ ಜಿಯೋ ಜೊತೆ ಸ್ಕೇಲ್‌ ಎಐ ಆಗಿ ಕಾರ್ಯನಿರ್ವಹಣೆ ಆರಂಭ ಮಾಡಿದ್ದಾರೆ.

ಕ್ವಾರದಲ್ಲಿ ಕೆಲಸ ಮಾಡುವಾಗ ಅಲೆಕ್ಸಾಂಡರ್ ವಾಂಗ್ ಮತ್ತು ಲೂಸಿ ಜಿಯೋ ಭೇಟಿಯಾದರು. ಯುಎಸ್‌ ಸ್ಟಾರ್ಟ್‌ಅಪ್‌ ವೈ ಕಾಂಬಿನೇಟರ್‌ನ ಹೂಡಿಕೆಯೊಂದಿಗೆ ಈ ಜೋಡಿಯು ಸ್ಕೇಲ್‌ ಎಐ ಅನ್ನು ಪ್ರಾರಂಭಿಸಿದೆ. "ಬರೀ ಬೇಸಿಗೆ ರಜೆಯ ಕಾರಣದಿಂದಾಗಿ ನಾವು ಈ ಕಾರ್ಯವನ್ನು ಮಾಡುತ್ತಿದ್ದೇನೆ ಎಂದು ನಾನು ನನ್ನ ಪೋಷಕರಿಗೆ ಹೇಳಿದೆ. ಆದರೆ ಅದಾದ ಬಳಿಕ ನಾವು ಎಂದಿಗೂ ಕೂಡಾ ಶಾಲೆಗೆ ಹೋಗಿಲ್ಲ," ಎಂದು ತಿಳಿಸಿದ್ದಾರೆ.

2021ರಲ್ಲಿ ಅಲೆಕ್ಸಾಂಡರ್ ವಾಂಗ್ ಕಂಪನಿಯು ಯುಎಸ್ 350 ಮಿಲಿಯನ್ ಡಾಲರ್‌ ಹೂಡಿಕೆ ಹಣವನ್ನು ಪಡೆದಿದೆ. ಈ ಹಣಕಾಸಿನ ಬೆಂಬಲದ ನಂತರ, ಕಂಪನಿಯು ಈಗಾಗಲೇ 100 ಮಿಲಿಯನ್ ಯುಎಸ್ ಡಾಲರ್ ಆದಾಯವನ್ನು ಪಡೆಯುತ್ತಿದೆ. ಸ್ಕೇಲ್ ಎಐನ ಮೌಲ್ಯವು 7.3 ಬಿಲಿಯನ್ ಡಾಲರ್ ಆಗಿದೆ. ಫೋರ್ಬ್ಸ್ ಪ್ರಕಾರ ಅಲೆಕ್ಸಾಂಡರ್ ವಾಂಗ್ ನಿವ್ವಳ ಮೌಲ್ಯವು 1 ಬಿಲಿಯನ್ ಡಾಲರ್ ಎಂದು ಅಂದಾಜು ಮಾಡಲಾಗಿದೆ.

ವಿಶ್ವದ ಅತೀ ಕಿರಿಯ ಸ್ವಯಂ-ನಿರ್ಮಿತ ಬಿಲಿಯನೇರ್ ಎಂಬ ಹೆಗ್ಗಳಿಕೆಯನ್ನು ಗಳಿಸುವ ಮೊದಲು ಅಲೆಕ್ಸಾಂಡರ್ ವಾಂಗ್ ಫೋರ್ಬ್ಸ್‌ನ 2018ರ 30 ಅಡಿಯಲ್ಲಿ 30 ಪಟ್ಟಿಯಲ್ಲಿಯೂ ಅಲೆಕ್ಸಾಂಡರ್ ಹೆಸರು ಕಾಣಿಸಿಕೊಂಡಿದೆ. ಅಲೆಕ್ಸಾಂಡರ್ ವಾಂಗ್ ಮತ್ತು ಅವರ ಸ್ಕೇಲ್ ಸಹ-ಸಂಸ್ಥಾಪಕ ಲೂಸಿ ಗುವೊ ಹೆಸರು ಎಂಟರ್‌ಪ್ರೈಸ್ ಟೆಕ್ನಾಲಜಿ ವಿಭಾಗದ ಪಟ್ಟಿಯಲ್ಲಿ ಕಾಣಿಸಿಕೊಂಡಿದೆ.

ಪೋರ್ಬ್ಸ್‌ 2023ರಲ್ಲಿ ವಿಶ್ವದ ಬಿಲಿಯನೇರ್‌ಗಳು ಎಷ್ಟಿದ್ದಾರೆ ಎಂಬ ಪಟ್ಟಿಯನ್ನು ಈಗಾಗಲೇ ಬಿಡುಗಡೆ ಮಾಡಿದೆ. ಪೋರ್ಬ್ಸ್‌ ತನ್ನ ಒಟ್ಟು ಬಿಲಿಯನೇರ್‌ಗಳ ಪಟ್ಟಿಯನ್ನು ಏಪ್ರಿಲ್ 4ರಂದು ಬಿಡುಗಡೆ ಮಾಡಿದೆ. ಈ ಪಟ್ಟಿಯ ಪ್ರಕಾರ ವಿಶ್ವದಲ್ಲಿ 2023ರಲ್ಲಿ ಒಟ್ಟಾಗಿ 2,640 ಬಿಲಿಯನೇರ್‌ಗಳು ಇದ್ದಾರೆ. ಈ ಭೂಮಿಯಲ್ಲಿ 2022ರಲ್ಲಿ ಒಟ್ಟಾಗಿ 2,668 ಬಿಲಿಯನೇರ್‌ಗಳು ಇದ್ದರೆ, ಆದರೆ ಈ ಸಂಖ್ಯೆಯು 2023ರ ವೇಳೆಗೆ ಸುಮಾರು 2,640ಕ್ಕೆ ಇಳಿಕೆಯಾಗಿದೆ.