Indian shooter: ಮಾಜಿ ಶೂಟರ್‌ ಆಗಿ ಅರಮನೆಯಲ್ಲಿ ವಾಸವಾಗಿರುವ ರಾಜಕುಮಾರಿಯಿವರು

ತನ್ನ 16ನೇ ವಯಸ್ಸಿನಲ್ಲಿಯೇ ಅರ್ಜುನ್‌ ಪ್ರಶಸ್ತಿ ಶೂಟರ್‌ ರಾಜ್ಯಶ್ರೀ ಕುಮಾರಿ ಅವರು ಈಗ ಸಿಇಒ ಆಗಿದ್ದು, ಹೆರಿಟೇಜ್‌ ಹೋಟೆಲ್‌ ಸೇರಿದಂತೆ ಭಾರತದ ಅತ್ಯಂತ ಐಷಾರಾಮಿ ಅರಮನೆಗೆ ಒಡತಿಯಾಗಿದ್ದಾರೆ. ಬಿಕಾನೇರ್‌ನ ಲಾಲ್‌ಗಢ್‌ ಅರಮನೆಯ ಮಾಲೀಕರಾಗಿರುವ ಅವರು ಬಿಕಾನೇರ್‌ನ ರಾಜಮನೆತನದ ಕುಡಿ.

ರಾಜಸ್ಥಾನಿ ರಾಜಕುಮಾರಿ ರಾಜ್ಯಶ್ರೀ ಅವರು ಮಹಾರಾಜ ಡಾ. ಕಾರ್ನಿ ಸಿಂಗ್‌ ಹಾಗೂ ಮಹಾರಾಣಿ ಸುಶೀಲಾ ಕುಮಾರಿ ಅವರ ಪುತ್ರಿ. ಕಾರ್ನಿ ಸಿಂಗ್‌ ಅವರು ಸುಧೀರ್ಘ ಅವಧಿಗೆ ಅಂದರೆ 1952ರಿಂದ 1977ರವರೆಗೆ ಲೋಕಸಭೆ ಸಂಸದರಾಗಿ ಕಾರ್ಯ ನಿರ್ವಹಿಸಿದ್ದರು.

ರಾಜ್ಯಶ್ರೀ ಅವರು 1953ರ ಜೂನ್ 4ರಂದು ಮುಂಬೈನಲ್ಲಿ ಜನಿಸಿದ್ದು, ಭಾರತೀಯ ರಾಜಮನೆತನದ ಪೈಕಿ ಅರಮನೆಯನ್ನು ಹೊಂದಿರುವ ಕೆಲವೇ ವ್ಯಕ್ತಿಗಳ ಪೈಕಿ ಒಬ್ಬರು. ಲಲ್‌ಗಢ ಅರಮನೆಯನ್ನು 1902 ಹಾಗೂ 1926ರ ನಡುವೆ ರಾಜ್ಯಶ್ರೀ ಅವರ ಮುತ್ತಜ್ಜ ಬಿಕನೇರ್‌ನ ಮಹಾರಾಜ ಗಂಗ ಸಿಂಗ್‌ ಅವರು ನಿರ್ಮಿಸಿದ್ದಾರೆ.

ನಗರದಿಂದ ಕೇವಲ 3 ಕಿಮೀ. ದೂರದಲ್ಲಿರುವ ಈ ಸುಂದರ ಭವ್ಯ ಅರಮನೆಯನ್ನು ಕೆಂಪು ಕಲ್ಲು, ಮಾರ್ಬಲ್‌ ಫ್ಲೋರ್‌ ಹಾಗೂ ವಿಶಾಲ ಡೈನಿಂಗ್‌ ಹಾಲ್‌ ಅನ್ನು ಒಳಗೊಂಡಿದೆ. ಜತೆಗೆ ಜಗತ್ತಿನ 4ನೇ ಅತಿದೊಡ್ಡ ಖಾಸಗಿ ಲೈಬ್ರರಿ ಮತ್ತು ಒಳಾಂಗಣ ಸ್ವಿಮ್ಮಿಂಗ್‌ ಪೂಲ್‌ ಅನ್ನು ಹೊಂದಿರುವ ಅರಮನೆ ಇದಾಗಿದ್ದು, ಬ್ರಿಟೀಷ್‌ ವಾಸ್ತುಶಿಲ್ಪಿಯೊಬ್ಬರು ಇದನ್ನು ವಿನ್ಯಾಸಗೊಳಿಸಿದ್ದರು.

ರಾಜ್ಯಶ್ರೀ ಅವರು ಈಗ ಇದನ್ನು ಪಾರಂಪರಿಕ ಜಾಗವು ಈಗ ಹೋಟೆಲ್‌ ಹಾಗೂ ಮ್ಯೂಸಿಯಂ ಆಗಿ ಅಭಿವೃದ್ಧಿಪಡಿಸಿದ್ದಾರೆ. ಸೋನಂ ಕಪೂರ್‌- ಫವಾದ್‌ ಖಾನ್‌ ಸೂಪರ್‌ ಹಿಟ್‌ ಚಿತ್ರ ಖೂಬ್‌ಸೂರತ್‌ ಚಿತ್ರದ ಚಿತ್ರೀಕರಣವನ್ನು ಇದೇ ಅರಮನೆಯಲ್ಲಿ ಮಾಡಲಾಗಿದೆ.

ಮಾಜಿ ಅಂತಾರಾಷ್ಟ್ರೀಯ ಶೂಟರ್‌ ಹಾಗೂ ರಾಣಿಯಾಗಿರುವ ರಾಜ್ಯಶ್ರೀಗೆ ರೋಲೆಕ್ಸ್‌ ವಾಚ್‌ಗಳು, ಹರ್ಮ್ಸ್‌, ಟಾಮ್‌ ಫೋರ್ಡ್‌ ಸುಗಂಧ ದ್ರವ್ಯಗಳನ್ನು ಇಷ್ಟಪಡುತ್ತಾರೆ. ಇವರು ಹಲವಾರು ಟ್ರಸ್ಟ್‌ಗಳನ್ನು ನಡೆಸುತ್ತಿದ್ದು, ಜತೆಗೆ ಪಾರಂಪರಿಕ ತಾಣಗಳ ಸಂರಕ್ಷಣೆ ಕಾರ್ಯದಲ್ಲಿಯೂ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ.

ರಾಜಕುಮಾರಿಯ ಜೀವನ ಕೂಡ ಯಾವುದೇ ವರ್ಕಿಂಗ್‌ ವುಮೆನ್‌ಗಿಂತ ಭಿನ್ನವಾಗಿರುವುದಿಲ್ಲ ಎಂದು ಸಂದರ್ಶನವೊಂದರಲ್ಲಿ ರಾಜ್ಯಶ್ರೀ ಹೇಳಿದ್ದರು. ಶೂಟರ್‌ ಕೂಡ ಆಗಿರುವ ರಾಜ್ಯಶ್ರೀ ಅವರು ಯು-12 ರಾಷ್ಟ್ರೀಯ ಮಟ್ಟದ ಸ್ಪರ್ಧೆಯಲ್ಲಿ ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದರು.

ಜತೆಗೆ ತಮ್ಮ 16ನೇ ವಯಸ್ಸಿನಲ್ಲಿಯೇ ಅರ್ಜುನ್‌ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದರು. ಅಲ್ಲದೆ ಅವರು ನ್ಯಾಷನಲ್‌ ಏರ್‌ ರೈಫಲ್‌ ಚಾಂಪಿಯನ್‌ಶಿಪ್‌, 16ನೇ ಶೂಟಿಂಗ್‌ ಚಾಂಪಿಯನ್‌ಶಿಪ್‌ ಹಾಗೂ ಕೊರಿಯಾದಲ್ಲಿ ನಡೆದ ಏಷ್ಯನ್‌ ಶೂಟಿಂಗ್‌ ಚಾಂಪಿಯನ್‌ಶಿಫ್‌ ಅನ್ನು ಗೆದ್ದುಕೊಂಡಿದ್ದರು.

ಅವರು ದಿಲ್ಲಿಯ ಜೀಸಸ್‌ ಅಂಡ್‌ ಮೇರಿ ಕಾನ್ವೆಂಟ್‌ನಲ್ಲಿ ಶಿಕ್ಷಣವನ್ನು ಪಡೆದಿದ್ದು ಬಳಿಕ ದಿಲ್ಲಿಯ ಶ್ರೀರಾಮ ಮಹಿಳಾ ಕಾಲೇಜಿನಲ್ಲಿ ಓದು ಮುಂದುವರಿಸಿದ್ದರು. ರಾಜ್ಯಶ್ರೀ ಅವರು ಲೇಖಕಿ ಕೂಡ ಆಗಿದ್ದಾರೆ. ಅವರಿಗೆ ಅನುಪಮಾ ಕುಮಾರಿ ಮತ್ತು ಸಜ್ಜನ್‌ ಸಿನ್‌ ಎಂಬ ಇಬ್ಬರು ಮಕ್ಕಳಿದ್ದಾರೆ.

ಈ ನಡುವೆ ರಾಜ್ಯಶ್ರೀ ಅವರು ತಮ್ಮ ಅಜ್ಜ ಮಹಾರಾಜ ಸಾದುಲ್‌ ಸಿಂಗ್‌ ಹಾಗೂ ಮತ್ತಜ್ಜ ಮಹಾರಾಜ ಗಂಗ ಸಿಂಗ್‌ ಅವರ ಕಾಲದ ಅಪರೂಪದ ಕಲಾಕೃತಿಗಳ ಸಂಗ್ರಹವನ್ನು ಹೊಂದಿದ್ದಾರೆ.