ಜಾಗೃತ್ ಕೊಟೆಚಾ ಪೆಪ್ಸಿಕೋ ಇಂಡಿಯಾದ ನೂತನ ಸಿಇಒ, ಅವರ ನಿವ್ವಳ ಮೌಲ್ಯವೆಷ್ಟು?

ಆಹಾರ ಮತ್ತು ಪಾನೀಯ ಉದ್ಯಮಗಳಲ್ಲಿ ಪ್ರಮುಖ ಕಂಪನಿಯಾದ ಪೆಪ್ಸಿಕೋ ಇಂಡಿಯಾ, ಜಾಗೃತ್ ಕೊಟೆಚಾ ಅವರನ್ನು ಭಾರತದಲ್ಲಿ ತನ್ನ ಹೊಸ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ (ಸಿಇಒ) ನೇಮಿಸಿದೆ. ಇವರು ಏಳು ವರ್ಷಗಳ ಕಾಲ ಈ ಹುದ್ದೆಯಲ್ಲಿದ್ದ ಅಹ್ಮದ್ ಎಲ್ ಶೇಖ್ ಅವರ ಉತ್ತರಾಧಿಕಾರಿಯಾಗಿ, ಅವರಿಂದ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.

ಕಂಪನಿಯ ನಿರ್ಗಮನವಾಗುತ್ತಿರುವ ಸಿಇಒ ಅಹ್ಮದ್ ಎಲ್ ಶೇಖ್ ಅವರು ಪೆಪ್ಸಿಕೋ ಇಂಡಿಯಾ ವಿಭಾಗದಿಂದ ಮಿಡಲ್ ಈಸ್ಟ್ ಬಿಸಿನೆಸ್ ಯೂನಿಟ್‌ಗೆ ವರ್ಗವಾಗಿದ್ದು ಅಲ್ಲಿ ಸಿಇಒ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. ಕೊಟೆಚಾ ಅವರು ಪ್ರಸ್ತುತ ಆಫ್ರಿಕಾ, ಮಧ್ಯಪ್ರಾಚ್ಯ ಮತ್ತು ದಕ್ಷಿಣ ಏಷ್ಯಾ (AMESA) ನಲ್ಲಿ ಪೆಪ್ಸಿಕೋಗೆ ಮುಖ್ಯ ವಾಣಿಜ್ಯ ಅಧಿಕಾರಿಯಾಗಿ (ಸಿಸಿಒ) ಸೇವೆ ಸಲ್ಲಿಸುತ್ತಿದ್ದಾರೆ.

"ಪೆಪ್ಸಿಕೋ ಇಂಡಿಯಾ ತನ್ನ ಹೊಸ ಸಿಇಒ ಆಗಿ ಜಾಗೃತ್ ಕೊಟೆಚಾ ಅವರನ್ನು ಸ್ವಾಗತಿಸಲು ಉತ್ಸುಕರಾಗಿದ್ದೇವೆ. ಈ ನಾಯಕತ್ವ ಬದಲಾವಣೆಯು ಪೆಪ್ಸಿಕೋದ ಚಲನಶೀಲ ಮತ್ತು ಮುಂದಾಲೋಚನೆಯ ಜಾಗತಿಕ ವಿಧಾನವನ್ನು ಪ್ರತಿಬಿಂಬಿಸುತ್ತದೆ, ಇದು ನಾವೀನ್ಯತೆ ಮತ್ತು ದೂರದೃಷ್ಟಿಯ ನಾಯಕತ್ವದ ಹೊಸ ಯುಗವನ್ನು ಗುರುತಿಸುತ್ತದೆ," ಎಂದು ಪೆಪ್ಸಿಕೋ ಇಂಡಿಯಾ ಎಕ್ಸ್‌ನಲ್ಲಿ ನಾಯಕತ್ವ ಬದಲಾವಣೆಯ ಕುರಿತು ಬರೆದುಕೊಂಡಿದೆ.

ಮುಂಬೈ ವಿಶ್ವವಿದ್ಯಾಲಯದಿಂದ ಕೆಮಿಕಲ್ ಎಂಜಿನಿಯರಿಂಗ್‌ನಲ್ಲಿ ಬಿಇ ಪದವಿ ಪಡೆದಿರುವ ಕೊಟೆಚಾ ಅವರು ಮಾಸ್ಟರ್ ಆಫ್ ಬಿಸಿನೆಸ್ ಅಡ್ಮಿನಿಸ್ಟ್ರೇಷನ್ - ಎಂಬಿಎ, ಮಾರ್ಕೆಟಿಂಗ್ ಅನ್ನು ಎಸ್‌ವಿಕೆಎಂನ ನರ್ಸೀ ಮೊಂಜಿ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್ ಸ್ಟಡೀಸ್ (ಎನ್‌ಎಂಐಎಂಎಸ್‌) ಮಾಡಿದ್ದಾರೆ.

1992ರಿಂದ 1994 ರವರೆಗೆ ಅವರು ಕ್ಯಾಡ್ಬರಿ ಇಂಡಿಯಾದ ಮಾರಾಟ ವಿಭಾಗದಲ್ಲಿ ಕೆಲಸ ಮಾಡಿದ ಅವರು, 1994 ರಲ್ಲಿ ಪೆಪ್ಸಿಕೋ ಇಂಡಿಯಾದ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗಕ್ಕೆ ಸೇರ್ಪಡೆಗೊಂಡರು. ಅಲ್ಲಿ ಅವರು 1997 ರಲ್ಲಿ ಪ್ರಾದೇಶಿಕ ಮಾರಾಟ ವ್ಯವಸ್ಥಾಪಕರಾಗಿ ಮತ್ತು 1999 ರವರೆಗೆ ವೆಸ್ಟರ್ನ್ ಸ್ನ್ಯಾಕ್ಸ್‌ಗೆ ಮಾರ್ಕೆಟಿಂಗ್ ಮ್ಯಾನೇಜರ್ ಆಗಿ ಬಡ್ತಿ ಪಡೆಯುವ ಮೊದಲು ಮಾರಾಟ ಮತ್ತು ಮಾರುಕಟ್ಟೆಯಲ್ಲಿ ವಿವಿಧ ಹುದ್ದೆಗಳನ್ನು ನಿರ್ವಹಿಸಿದ್ದರು.

2011 ರಿಂದ 2016 ಸೆಪ್ಟೆಂಬರ್ ವರೆಗೆ ಜನರಲ್ ಮ್ಯಾನೇಜರ್-ಕಂಟ್ರಿ ಮ್ಯಾನೇಜರ್ ಥೈಲ್ಯಾಂಡ್ ಸೇರಿದಂತೆ PepsiCo ನಲ್ಲಿ ವಿವಿಧ ಹುದ್ದೆಗಳಲ್ಲಿ ಕೊಟೆಚಾ ಸೇವೆ ಸಲ್ಲಿಸಿದರು. ಅಕ್ಟೋಬರ್ 2016 ಯಿಂದ ಮೇ 2019 ರ ನಡುವೆ ಸ್ನ್ಯಾಕ್ಸ್ ವರ್ಗ ಭಾರತ ಪ್ರದೇಶದ ಉಪಾಧ್ಯಕ್ಷರಾಗಿದ್ದರು. ಜೂನ್ 2019 - ಡಿಸೆಂಬರ್ 2019 ರ ನಡುವಿನ ಆಹಾರಗಳ ಬಳಿಕ ಜಾಗತಿಕ ಕೈಗೆಟುಕುವ ವೇದಿಕೆಗಳ ಉಪಾಧ್ಯಕ್ಷರಾಗಿದ್ದರು.

ಇತ್ತೀಚಿಗೆ ಜನವರಿ 2020 ರಿಂದ AMESAದ ಹಿರಿಯ ಉಪಾಧ್ಯಕ್ಷ ಮುಖ್ಯ ವಾಣಿಜ್ಯ ಅಧಿಕಾರಿಯಾಗಿದ್ದರು. ಪೆಪ್ಸಿಕೋದ ಮಾರುಕಟ್ಟೆ ಬಂಡವಾಳವು ಪ್ರಸ್ತುತ ರೂ. 18 ಲಕ್ಷ ಕೋಟಿಯಷ್ಟಿದ್ದು, ಆದರೆ ಜಾಗೃತ್ ಕೊಟೆಚಾ ಅವರ ನಿವ್ವಳ ಮೌಲ್ಯದ ಬಗ್ಗೆ ಯಾವುದೇ ಖಚಿತವಾದ ಮಾಹಿತಿ ಲಭ್ಯವಿಲ್ಲ. ಆದರೆ ಅವರ ನಿವ್ವಳ ಮೌಲ್ಯ ಹಲವು ಕೋಟಿಗಳಲ್ಲಿದೆ ಎಂದು ವರದಿಯಾಗಿದೆ.