Expensive Painting: ಭಾರತದ ಅತೀ ದುಬಾರಿ ಚಿತ್ರಕಲೆಯ ಬೆಲೆ ಸಿಇಒಗಳ ವಾರ್ಷಿಕ ವೇತನಕ್ಕಿಂತ ಅಧಿಕ!

ಭಾರತದ ಚಿತ್ರ ಕಲಾವಿದರ ಪಾಲಿಗೆ 2023ರ ವರ್ಷವು ತಮ್ಮ ಕೈಯಲ್ಲಿ ಅರಳಿದ ಕಲಾಕೃತಿ ಅತ್ಯಂತ ಹೆಚ್ಚಿನ ಮೌಲ್ಯ ಹಾಗೂ ಮನ್ನಣೆಯನ್ನು ತಂದುಕೊಟ್ಟ ವರ್ಷವೆಂದರೆ ತಪ್ಪಾಗಲಾರದ್ದು. ಅಲ್ಲದೆ, ಈ ವರ್ಷದಲ್ಲಿ ಹಲವರು ಕಲಾಕೃತಿಗಳು ದಾಖಲೆಯ ಬೆಲೆಗೆ ಹರಾಜುಗೊಂಡಿರುವುದು ಕೂಡ ಗಮನಾರ್ಹವಾದದ್ದು.

ಈ ಟ್ಯಾಗ್‌ ಸ್ವಾತಂತ್ರ್ಯಪೂರ್ವದಲ್ಲಿ ಭಾರತದ ಅತ್ಯಂತ ಸಮೃದ್ಧ ಮಹಿಳಾ ಕಲಾವಿದೆಯೊಬ್ಬರು ಗ್ರಾಮೀಣ ಭಾರತದ ಮಹಿಳೆಯರ ಜೀವನವನ್ನು ಪ್ರತಿಬಿಂಬಿಸುವ ಕ್ಯಾನ್ವಾಸ್‌ಗೆ ಸೇರಿದೆ. ಉತ್ತರ ಪ್ರದೇಶದ ಹಳ್ಳಿಯೊಂದರಲ್ಲಿ ಕಾಲ ಕಳೆದ ಸಂದರ್ಭದಲ್ಲಿ ರಚಿಸಿದ ಕಲಾಕೃತಿಯಾಗಿದೆ.

ದಿ ಸ್ಟೋರಿ ಟೆಲ್ಲರ್‌

ದಿ ಸ್ಟೋರಿ ಟೆಲ್ಲರ್‌ ಹೆಸರಿನ ಈ ಪೈಂಟಿಂಗ್‌ ಅನ್ನು ಅಮೃತಾ ಶೇರ್‌ ಗಿಲ್‌ ಅವರು ರಚಿಸಿದ್ದು, ಆ ಮೂಲಕ ಕಳೆದ ಸೆಪ್ಟಂಬರ್‌ನಲ್ಲಿ ನಡೆದ ಹರಾಜಿನಲ್ಲಿ ಭಾರತೀಯ ಚಿತ್ರಕಲಾ ರಚನೆಯಲ್ಲೇ ದಾಖಲೆಯ ಬೆಲೆಗೆ ಮಾರಾಟವಾಗಿದೆ. ಈ ಪೈಟಿಂಗ್‌, ದಿಲ್ಲಿಯಲ್ಲಿ ನಡೆದ ಹರಾಜಿನಲ್ಲಿ ಮಾರಾಟವಾಗಿದ್ದು, ಅದರ ಬೆಲೆ ನೋಡಿ ಹಲವರಿಗೆ ಉಬ್ಬೇರಿಸುವಂತೆ ಮಾಡಿದೆ.

ಸಿಇಒಗಳ ವಾರ್ಷಿಕ ವೇತನಕ್ಕಿಂತ ದುಬಾರಿ!

ಏಕೆಂದರೆ, ಭಾರತದ ಟಾಪ್‌ ಸಿಇಒಗಳು ವಾರ್ಷಿಕ ಪಡೆಯುವ ವೇತನದಷ್ಟು ಮೊತ್ತಕ್ಕೆ ಮಾರಾಟಗೊಂಡಿದೆ. ಶೇರ್‌ ಗಿಲ್‌ ಅವರ 1937ರ ಆರ್ಟ್‌ವರ್ಕ್‌ 61.8 ಕೋಟಿ ರೂಪಾಯಿಗೆ ಮಾರಾಟವಾಗುವ ಮೂಲಕ ಭಾರತೀಯ ಚಿತ್ರಕಲಾ ಹರಾಜಿನಲ್ಲಿ ಹೊಸ ದಾಖಲೆಯನ್ನೇ ನಿರ್ಮಿಸಿದೆ. ಈ ಕಲಾಕೃತಿಯು ಅತ್ಯದ್ಭುತವಾಗಿದ್ದು, ಚಿತ್ರಕಲಾ ರಂಗದಲ್ಲಿ ದಂತಕತೆಯಾಗಿರುವ ತಮ್ಮದೇ ಕಥೆಯನ್ನು ಒಳಗೊಂಡಿದೆ.

ಅಮೃತಾ ಶೇರ್‌ ಗಿಲ್‌ ಅವರ ಕಥೆ ಹೇಳುವ ದಿ ಸ್ಟೋರಿ ಟೆಲ್ಲರ್‌

ಶೆರ್‌ ಗಿಲ್‌ ಅವರ ತಂದೆಯು ವಿದ್ವಾಂಸರಾಗಿದ್ದು, ಅವರು ಪಂಜಾಬ್‌ ಮೂಲಕ ಕಲಾವಿದರ ಕುಟುಂಬಕ್ಕೆ ಸೇರಿದವರು. ಅವರ ತಾಯಿ ಕೂಡ ಒಪೆರಾ ಸಿಂಗರ್‌. ತಂದೆ ಉಮ್ರಾವ್‌ ಸಿಂಗ್‌ ಶೇರ್‌ ಗಿಲ್‌ ಭಾರತೀಯರಾಗಿದ್ದು, ಅವರ ತಾಯಿ ಕಡೆಯಿಂದ ಹಂಗೇರಿಯನ್‌ ವಂಶಾವಳಿಗೆ ಸೇರಿದ್ದಾರೆ. ಶೇರ್‌ ಗಿಲ್‌ ಚಿಕ್ಕ ವಯಸ್ಸಿನಲ್ಲೇ ಕಲೆಯಲ್ಲಿ ಅಪಾರ ಆಸಕ್ತಿ ಹೊಂದಿದ್ದರು.

ಮುಂದೆ ಅವರು ಚಿತ್ರಕಲೆಯ ಬಗ್ಗೆ ಫ್ರಾನ್ಸ್‌ನ ಪ್ಯಾರೀಸ್‌ ಹಾಗೂ ಇಟಲಿಯ ಫ್ಲಾರೆನ್ಸ್‌ನಂಥಹ ದೊಡ್ಡ ಯುರೋಪಿಯನ್‌ ನಗರಗಳಲ್ಲಿ ತರಬೇತಿಯನ್ನು ಪಡೆದುಕೊಂಡಿದ್ದರು. ಅವರು 1921ರಲ್ಲಿ ಭಾರತಕ್ಕೆ ಬಂದಿದ್ದು, ಶಿಮ್ಲಾದ ಪರ್ವತ ನಗರವೊಂದರಲ್ಲಿ ವಾಸಿಸುತ್ತಿದ್ದರು. ಶೇರ್‌ ಗಿಲ್‌ ಅವರು ಕೇವಲ 28 ವರ್ಷವಿರುವಾಗಲೇ ಅಂದರೆ 1941ರಲ್ಲಿ ಮೃತಪಟ್ಟಿದ್ದರು.

ಶೇರ್‌ ಗಿಲ್‌ ಅವರು ಉತ್ತರ ಪ್ರದೇಶದಲ್ಲಿರುವ ತಮ್ಮ ಮಾವನ ಎಸ್ಟೇಟ್‌ನಲ್ಲಿ ನೆಲೆಸಿರುವಾಗ ಸ್ಟೋರಿ ಟೆಲ್ಲರ್‌ ಪೈಟಿಂಗ್‌ ಅನ್ನು ರಚಿಸಿದ್ದರು. ಅವರು ಭಾರತಕ್ಕೆ ವಾಪಾಸ್‌ ಬಂದಿದ್ದ ವೇಳೆ ರಚಿಸಿದ್ದರು. ಅವರು ಭಾರತೀಯ ಹಳ್ಳಿಗಳ ಮಹಿಳೆಯರ ಬದುಕನ್ನು ತಮ್ಮ ಅದ್ಭುತ ಪೈಂಟಿಂಗ್‌ ಕಲೆಯ ಮೂಲಕ ಕ್ಯಾನ್ವಾಸ್‌ನಲ್ಲಿ ಸೆರೆ ಹಿಡಿದಿದ್ದರು.

ಇದು ಖುದ್ದಿ ಅಮೃತಾ ಶೇರ್‌ ಗಿಲ್‌ ಅವರಿಗೂ ಬಹಳ ಖುಷಿ ಕೊಟ್ಟ ಹಾಗೂ ಅಚ್ಚುಮೆಚ್ಚಿನ ಪೈಂಟಿಂಗ್‌ ಆಗಿತ್ತು. ಹೀಗಾಗಿ, ಇದು ಶೇರ್‌ ಬದುಕಿನಲ್ಲಿ ಅತ್ಯಮೂಲ್ಯವಾದ ಕಲಾಕೃತಿಯಾಗಿ ಗುರುತಿಸಿಕೊಂಡಿತ್ತು. ಹೀಗಾಗಿ, ಹರಾಜು ಪ್ರಕ್ರಿಯೆಯಲ್ಲಿಯೂ ಅಪರೂಪವಾದ ಈ ಕಲಾಕೃತಿಯು ದಾಖಲೆಯ ಬೆಲೆಗೆ ಮಾರಾಟವಾಗಿದೆ.